ADVERTISEMENT

ADVERTISEMENT

മാനസികരോഗ്യം : ശില്പശാല സംഘടിപ്പിച്ചു

പെരിന്തൽമണ്ണ : മാനസികാരോഗ്യ കാന്പയിന്‍റെ ഭാഗമായി നാഷണൽ സർവീസ് സൊസൈറ്റി സർവീസ് പ്രോവൈഡിംഗ് സെന്‍റർ, എൻഎസ്എസ് കമ്മ്യൂണിറ്റി കോളജ്, സിസിജിസി പ്രൊജക്ട് എന്നിവയുടെ ആഭിമുഖ്യത്തിൽ പെരിന്തൽമണ്ണ വ്യാപാരി ഭവൻ ഓഡിറ്റോറിയത്തിൽ ശില്പശാല നടത്തി.

ഫാ. ജെ. വിക്ടർ ഉദ്ഘാടനം ചെയ്തു. മണ്ണാർക്കാട് എംഇഎസ് കോളജ് റിട്ടയേർഡ് പ്രിൻസിപ്പൽ ടി.ടി. സൈതലവി അധ്യക്ഷത വഹിച്ചു. റെയിൽവേ ഹോസ്പിറ്റൽ നഴ്സിംഗ് സൂപ്രണ്ട് സ്വപ്ന ശശിധരൻ, എൻഎസ്എസ് സ്റ്റേറ്റ് പ്രൊജക്ട്സ് സെൽ ചെയർമാൻ കെ.എം. ഫിറോസ് ഖാൻ, ഐസിഡിഎസ് കോഴിക്കോട് നോഡൽ ഓഫീസർ പി.എ. രാജേഷ്,

ഡോ. പി. അനിത, കണ്‍സൾട്ടന്‍റ് സൈക്കോളജിസ്റ്റ് ശുഭശ്രീ രാമൻ, ക്ലിനിക്കൽ സൈക്കോളജിസ്റ്റ് മുനവിറ നസ് റിൻ എന്നിവർ വിഷയമവതരിപ്പിച്ചു. ശില്പശാലയിൽ മികച്ച അവതരണം നടത്തിയവരെ ആദരിച്ചു.

ADVERTISEMENT

ക്രസന്‍റ് സ്കൂൾ ചാന്പ്യൻമാർ

വണ്ടൂർ: വണ്ടൂർ ഉപജില്ലാ ശാസ്ത്രോത്സവത്തിൽ 1022 പോയിന്േ‍റാടെ കാളികാവ് അടക്കാക്കുണ്ട് ക്രസന്‍റ് ഹയർ സെക്കൻഡറി സ്കൂൾ ചാന്പ്യൻമാരായി. 661 പോയിന്‍റുമായി വണ്ടൂർ വിഎംസി ആണ് രണ്ടാം സ്ഥാനത്ത്. 616 പോയിന്േ‍റാടെ എഎച്ച്എസ് പാറൽ മന്പാട്ടുമൂല മൂന്നാംസ്ഥാനം കരസ്ഥമാക്കി. സമാപന ചടങ്ങ് ജില്ലാ പഞ്ചായത്ത് അംഗം കെ.ടി. അജ്മൽ ഉദ്ഘാടനം ചെയ്തു. പോരൂർ ഗവണ്‍മെന്‍റ് ഹയർ സെക്കൻഡറി സ്കൂളിലും ചെറുകോട് കഐംഎംഎ, എയുപിഎസിലും റോസ് ഹിൽ ഓഡിറ്റോറിയത്തിലുമായി മൂന്ന് ദിവസങ്ങളിലാണ് മേള നടന്നത്. ചടങ്ങിൽ ഗ്രാമപഞ്ചായത്ത് പ്രസിഡന്‍റ് എൻ. മുഹമ്മദ് ബഷീർ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്‍റ് ടി.പി. സക്കീന, ബ്ലോക്ക് അംഗം വി.ശിവശങ്കരൻ, പഞ്ചായത്ത് അംഗങ്ങളായ ഗിരീഷ് കാലടി, പി.കെ. ഭാഗ്യലക്ഷ്മി, പി. അൻവർ, പി. ശങ്കരനാരായണൻ, പി. സുലൈഖ, ഡിഇഒ വി. അനിത, എഇഒ കെ. പ്രമാനന്ദ്, ബിപിസി ഷൈജി ടി.മാത്യു, എച്ച്എം ഫോറം കണ്‍വീനർ സി.കെ. ജയരാജ് തുടങ്ങിയവർ പങ്കെടുത്തു.

കളഞ്ഞുകിട്ടിയ പണം ഉടമസ്ഥന് നൽകി യുവാക്കൾ മാതൃകയായി

രാമപുരം: കുറുവ കൂട്ടിലങ്ങാടി സ്വദേശിയായ ബൈക്ക് യാത്രികനിൽ നിന്ന് റോഡിൽ വീണ പണവും പഴ്സും ഉടമസ്ഥനെ കണ്ടെത്തി തിരിച്ചു നൽകി യുവാക്കൾ മാതൃകയായി. ദേശീയപാത രാമപുരം നാറാണത്ത് വച്ചാണ് കഴിഞ്ഞ ദിവസം വൈകിട്ട് പണവും പഴ്സും വിലപ്പെട്ട രേഖകളും റോഡിൽ കിടക്കുന്ന നിലയിൽ യുവാക്കൾക്ക് ലഭിച്ചത്. തുടർന്ന് വിലാസം അന്വേഷിച്ച് ഉടമസ്ഥനെ കണ്ടെത്തി തിരികെ നൽകി രാമപുരം സ്വദേശികളായ കിഴക്കേതിൽ അബ്ദുൾ സലീമും കളത്തുംപടിയൻ അബ്ദുൾകരീമും മാതൃകയായി. പെരിന്തൽമണ്ണയിൽ നിന്ന് തിരിച്ചുവരുന്പോഴാണ് ബൈക്കുക്കാരന്‍റെ പഴ്സ് റോഡിൽ വീണ് അതിലുണ്ടായിരുന്ന പണം റോഡിൽ ചിന്നിചിതറിയ നിലയിൽ സലീമിന്‍റെ ശ്രദ്ധയിൽപ്പെട്ടത്. മേൽവിലാസം അന്വേഷിച്ചപ്പോൾ പണം നഷ്ടപ്പെട്ട ആൾ കുറുവ കൂട്ടിലങ്ങാടി സ്വദേശിയാണെന്ന് അറിഞ്ഞപ്പോൾ ഉടൻ സുഹൃത്തിനു വിളിച്ചറിയിച്ചു. പിന്നീട് ഉടമസ്ഥനെ കണ്ടെത്തി അവ കൈമാറി.

എച്ച്എംസി രൂപീകരിക്കാൻ നഗരസഭയ്ക്ക് ആരോഗ്യവകുപ്പ് ഡയറക്ടറുടെ കത്ത്

മഞ്ചേരി : മഞ്ചേരി ജനറൽ ആശുപത്രിയിൽ എച്ച്എംസി രൂപീകരിക്കാൻ നഗരസഭക്ക് ആരോഗ്യ വകുപ്പ് ഡയറക്ടറുടെ കത്ത്. 2016ൽ ആശുപത്രിയുടെ നടത്തിപ്പ് ചുമതല നഗരസഭക്ക് വിട്ടു നൽകി സർക്കാർ ഉത്തരവുണ്ട്. ഇതനുസരിച്ച് ആശുപത്രിയിൽ എച്ച്എംസി രൂപീകരിക്കാവുന്നതാണ്. ഇനി മറ്റൊരു ഉത്തരവിന്‍റെ ആവശ്യം ഇല്ലെന്നും വ്യക്തമാക്കിയാണ് ആരോഗ്യവകുപ്പ് ഉത്തരവിറക്കിയത്. കത്തിന്‍റെ പകർപ്പ് മുൻസിപ്പൽ സെക്രട്ടറിക്കും കൈമാറി. എച്ച്എംസി രൂപീകരിക്കുന്നതിന് അനുമതി ഇല്ലാതിരുന്നതാണ് ആശുപത്രി ഏറ്റെടുക്കാതിരുന്നതെന്ന് ചൂണ്ടിക്കാട്ടി യുഡിഎഫ് നേതാക്കൾ സൂപ്രണ്ടിനെ ഉപരോധിച്ചിരുന്നു. ഇതേതുടർന്നാണ് ആരോഗ്യ വകുപ്പിന്‍റെ നടപടി. ഓഗസ്റ്റിൽ വിവിധ പദ്ധതികളുടെ ഉദ്ഘാടനം കഴിഞ്ഞിറങ്ങിയ മന്ത്രി വീണാജോർജ് 2016-ലെ സർക്കാർ ഉത്തരവ് എടുത്തുയർത്തി വായിച്ചു. ഉത്തരവ് പ്രകാരം സംസ്ഥാനത്തെ 15 ജനറൽ ആശുപത്രികളും അതത് തദ്ദേശ സ്ഥാപനങ്ങൾക്ക് കൈമാറി. അതിൽ പതിനൊന്നാമതായി മഞ്ചേരിയിലെ പാണക്കാട് മുഹമ്മദലി ശിഹാബ് തങ്ങൾ സ്മാരക ജനറൽ ആശുപത്രിയാണെന്നും മന്ത്രി വ്യക്തമാക്കിയിരുന്നു. ആ ഉത്തരവിൽപ്പെട്ട മറ്റ് 14 ജനറൽ ആശുപത്രികളും അതത് തദ്ദേശ സ്ഥാപനങ്ങൾ ഏറ്റെടുത്ത് പ്രവർത്തനം ആരംഭിച്ചു. എന്നാൽ മഞ്ചേരി നഗരസഭയും എംഎൽഎയും കഴിഞ്ഞ എട്ട് വർഷമായി തുടർനടപടി സ്വീകരിച്ചിരുന്നില്ല. എച്ച്എംസി രൂപീകരിക്കാൻ സർക്കാർ അനുമതി ലഭിച്ചില്ലെന്നായിരുന്നു നഗരസഭയുടെ വാദം. ഇതിനിടെയാണ് ആരോഗ്യ വകുപ്പ് വീണ്ടും ഉത്തരവിറക്കിയത്.

കാർ തെങ്ങിലിടിച്ച് അപകടം

നിലന്പൂർ:നിയന്ത്രണം വിട്ട കാർ തെങ്ങിൽ ഇടിച്ചു. യാത്രക്കാർ രക്ഷപ്പെട്ടു. നിലന്പൂർ - നായാടംപൊയിൽ മലയോര പാതയിൽ ഇടിവണ്ണ കരിന്പായിതണ്ടിൽ ചൊവ്വാഴ്ച രാത്രി പത്തുമണിയോടെയാണ് കാർ അപകടത്തിൽപ്പെട്ടത്. നിലന്പൂർ ഭാഗത്ത് നിന്ന് കക്കാടംപൊയിൽ ഭാഗത്തേക്ക് പോവുകയായിരുന്നു കാർ. റോഡിന് വളവുള്ള ഭാഗമാണിവിടെ. വളവിൽ നിയന്ത്രണം വിട്ട കാർ റോഡരികിലെ വൈദ്യുത തൂണിൽ ഇടിച്ച ശേഷം കുത്തനെയുള്ള ഭാഗത്തേക്ക് നീങ്ങുകയായിരുന്നു. തുടർന്ന് സമീപത്തെ കമുക് ഇടിച്ച് വീഴ്ത്തി തൊട്ടടുത്ത തെങ്ങിൽ ഇടിച്ചു നിൽക്കുകയായിരുന്നു. തെങ്ങാണ് രക്ഷയായി മാറിയത്. അല്ലെങ്കിൽ സമീപത്തെ കുറുവൻപുഴയുടെ പാറക്കെട്ടിലേക്ക് കാർ മറിയുമായിരുന്നു. വണ്ടൂർ സ്വദേശികളായ മൂന്ന് പേരാണ് കാറിലണ്ടായിരുന്നത്. ഇവിടെയുള്ള റോഡിൽ മുൻപരിചയമില്ലാത്തതിനാലാണ് അപകടം ഉണ്ടായതെന്നാണ് കരുതുന്നത്. കാറിൽ എയർബാഗ് ഉള്ളതിനാൽ യാത്രക്കാർ പരിക്കേൽക്കാതെ രക്ഷപ്പെട്ടു.

കിണറ്റിൽ വീണ പോത്തിനെ രക്ഷപ്പെടുത്തി

കരുവാരകുണ്ട്: വിരണ്ടോടി കിണറ്റിൽ വീണ പോത്തിനെ അഗ്നിരക്ഷാ സേന രക്ഷപ്പെടുത്തി. തുവൂർ വാരിയത്ത് ’ഉന്നതി’യിലെ രാമന്‍റെ പോത്താണ് കെട്ടിയിട്ട കയർ പൊട്ടിച്ച് വിരണ്ടോടി ഒരു കിലോമീറ്റർ അപ്പുറത്തുള്ള കൂരിക്കുന്നിലെ കിണറ്റിൽ വീണത്. വിവരമറിഞ്ഞെത്തിയ മഞ്ചേരി അഗ്നിരക്ഷാ സേനയാണ് പോത്തിനെ രക്ഷപ്പെടുത്തിയത്. രാമൻ മഞ്ചേരി കാലിച്ചന്തയിൽ നിന്ന് വാങ്ങിയ പോത്തിനെ ഉച്ചയ്ക്ക് 12 ഓടെയാണ് വീട്ടുമുറ്റത്ത് കെട്ടിയിട്ടത്. വാഹനത്തിൽ നിന്നിറങ്ങിയ പോത്ത് പരാക്രമം കാണിച്ചിരുന്നു. തുടർന്ന് കെട്ടിയ കയർ പൊട്ടിച്ച് വിരണ്ടോടി ഒരു കിലോമീറ്റർ അകലെയുള്ള കൂരിക്കുന്നിലെ നാരായണന്‍റെ കിണറ്റിൽ വീഴുകയായിരുന്നു. ആൾമറയില്ലാത്ത കിണറിന് പത്ത് മീറ്ററിലേറെ താഴ്ചയുണ്ടായിരുന്നു. പോത്തിനെ പുറത്തെത്തിക്കാൻ നാട്ടുകാർ ശ്രമിച്ചെങ്കിലും കഴിഞ്ഞില്ല. തുടർന്ന് മഞ്ചേരി അഗ്നിരക്ഷാ സേനയെത്തി ഒരു മണിക്കൂർ നേരത്തെ ശ്രമത്തിനൊടുവിലാണ് പോത്തിനെ പുറത്തെടുത്തത്. ചെറിയ മുറിവുകളൊഴിച്ചാൽ കാര്യമായ പരിക്കുകളൊന്നുമില്ല. അസിസ്റ്റന്‍റ് സ്റ്റേഷൻ ഓഫീസർ കെ.വി.ജയകുമാർ, ഉദ്യോഗസ്ഥരായ സലീം കണ്ണൂക്കാരൻ, വിപിൻ, അനൂപ് മുണ്ടക്കൻ, സുരേഷ് പുതുക്കുടി, ഗണേഷ്, മെഹബൂബ് റഹ്മാൻ എന്നിവർ രക്ഷാപ്രവർത്തനത്തിന് നേതൃത്വം നൽകി.

പെരിന്തൽമണ്ണ ഗേൾസ് സ്കൂളിൽ എആർ ലാബ് ഒരുക്കി നഗരസഭ

പെരിന്തൽമണ്ണ: പെരിന്തൽമണ്ണ നഗരസഭ ഗേൾസ് സ്കൂളിൽ സജ്ജമാക്കിയ ജില്ലയിലെ ആദ്യത്തെ ഓഗ്മെന്‍റഡ് റിയാലിറ്റി ലാബ് (എആർ) ചെയർമാൻ പി.ഷാജി ഉദ്ഘാടനം ചെയ്തു. വൈസ് ചെയർപേഴ്സണ്‍ എ. നസീറ അധ്യക്ഷത വഹിച്ചു. പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സണ്‍ കെ. ഉണ്ണികൃഷ്ണൻ, സെക്രട്ടറി ജെ.ആർ.ലാൽകുമാർ, പ്രിൻസിപ്പൽ സി.എം. ലത, സ്റ്റാഫ് സെക്രട്ടറി കെ.ടി. ഷാജിമോൻ എന്നിവർ പ്രസംഗിച്ചു. സ്റ്റാൻഡിംഗ് കമ്മിറ്റി ചെയർപേഴ്സണ്‍മാരായ അന്പിളി മനോജ്, മുണ്ടുമ്മൽ മുഹമ്മദ് ഹനീഫ, അഡ്വ. ഷാൻസി, മൻസൂർ നെച്ചിയിൽ, കൗണ്‍സിലർമാരായ സക്കീന സൈദ്, പി. സീനത്ത്, ഷാഹുൽ ഹമീദ്, സി.പി. ഷെർളിജ, പിടിഎ പ്രസിഡന്‍റ് മനോജ് മുല്ലശേരി, പിടിഎ മുൻ പ്രസിഡന്‍റ് കിനാതിയിൽ സ്വാലിഹ്, എംപിടിഎ പ്രസിഡന്‍റ് സക്കീന സത്താർ തുടങ്ങിയവർ പങ്കെടുത്തു. നൂതന എആറിന്‍റെ സാങ്കേതികവിദ്യകൾ ഉപയോഗിച്ച് പ്രായോഗിക പഠനം നടത്തുവാനുള്ള സൗകര്യമാണ് ഓഗ്മെന്‍റഡ് റിയാലിറ്റി ലാബ്. വിദ്യാഭ്യാസം, വിനോദം തുടങ്ങിയ വിവിധ മേഖലകൾക്കായുള്ള സംവേദനാത്മക സിമുലേഷനുകളും ആപ്ലിക്കേഷനുകളും സൃഷ്ടിക്കുന്നതിനും പരീക്ഷിക്കുന്നതിനുമായി ഉയർന്ന പ്രകടനമുള്ള കന്പ്യൂട്ടറുകൾ, എആർ, വിആർ ഹെഡ്സെറ്റുകൾ, വികസന പ്ലാറ്റ്ഫോമുകൾ എന്നിവ ലാബിലുണ്ട്. കൂടാതെ ത്രീഡി മോഡലിംഗ്, ഗെയിം വികസനം എന്നിവയിൽ കുട്ടികളുടെ കഴിവുകൾ വികസിപ്പിക്കുന്നതിനുള്ള ശ്രമം കൂടിയാണ് എആർ ലാബ് സജ്ജമാക്കിയതോടെ നഗരസഭ മുന്നിൽകാണുന്നത്.

കരുത്ത് തെളിയിച്ച് വനിതാ മാർച്ച്

മലപ്പുറം : ഇന്ത്യൻ ഭരണഘടന വിഭാവനം ചെയ്ത സ്ത്രീ സ്വാതന്ത്ര്യവും തുല്യതയും സ്ത്രീയുടെ സുരക്ഷയും ഉറപ്പുവരുത്തണമെന്ന് അഡ്വ. സുജാതവർമ അഭിപ്രായപ്പെട്ടു. ബിംബവത്കരിക്കേണ്ടതോ ദേവദാസി സങ്കല്പം നൽകി ആരാധിക്കേണ്ടതോ അല്ല സ്ത്രീകളെന്നും സമൂഹത്തിന്‍റെ ഭാഗമായി ചുമതലകൾ ഏറ്റെടുത്ത് പ്രവർത്തിക്കേണ്ടവരാണ് സ്ത്രീകളെന്നും ജോയിന്‍റ് കൗണ്‍സിൽ ജില്ലാ വനിതാ കമ്മിറ്റി മലപ്പുറത്ത് നടത്തിയ ’കരുത്ത് വനിതാ മാർച്ച്’ ഉദ്ഘാടനം ചെയ്ത് അവർ അഭിപ്രായപ്പെട്ടു. ജോയിന്‍റ് കൗണ്‍സിൽ സംസ്ഥാന വനിതാ കമ്മിറ്റി അംഗം കവിതസദൻ അധ്യക്ഷത വഹിച്ചു. സർവീസ് രംഗത്തെ വനിതകൾ ഉത്തരവാദിത്വങ്ങൾ ഏറ്റെടുത്ത് സ്വയം ശാക്തീകരിക്കപ്പെടണമെന്ന് മുഖ്യപ്രഭാഷണം നടത്തിയ ജോയിന്‍റ് കൗണ്‍സിൽ സംസ്ഥാന വനിതാ കമ്മിറ്റി പ്രസിഡന്‍റ് കെ. അജിന പറഞ്ഞു. ജോയിന്‍റ് കൗണ്‍സിൽ സംസ്ഥാന സെക്രട്ടറിയറ്റ് അംഗം എ. ഗ്രേഷ്യസ്, സംസ്ഥാന കമ്മിറ്റിയംഗം എം. ഗിരിജ, ജില്ലാ സെക്രട്ടറി എസ്. മോഹനൻ, സംസ്ഥാന കമ്മിറ്റി അംഗം കെ.സി. സുരേഷ് ബാബു, ജില്ലാ പ്രസിഡന്‍റ് എ.പി. കുഞ്ഞാലിക്കുട്ടി, ജില്ലാ വനിതാ കമ്മിറ്റി പ്രസിഡന്‍റ് പുഷ്പ കുമാരി, സെക്രട്ടറി അഷിതഎന്നിവർ പ്രസംഗിച്ചു.

സംവരണ വാർഡുകളുടെ നറുക്കെടുപ്പ്

മലപ്പുറം: തദ്ദേശ തെരഞ്ഞെടുപ്പുമായി ബന്ധപ്പെട്ട് ജില്ലയിലെ വിവിധ ബ്ലോക്ക് പഞ്ചായത്തുകളുടെ കീഴിലുള്ള ഗ്രാമപഞ്ചായത്തുകളിലെ സംവരണ വാർഡുകളുടെ നറുക്കെടുപ്പ് ഇന്നലെ നടത്തി. അരീക്കോട്, കാളികാവ്(കരുളായി പഞ്ചായത്ത് ഒഴികെ), പെരിന്തൽമണ്ണ ബ്ലോക്കുകൾക്ക് കീഴിലെ വിവിധ ഗ്രാമപഞ്ചായത്തുകളിലെ സംവരണ വാർഡുകളുടെ നറുക്കെടുപ്പാണ് നടത്തിയത്. പെരിന്തൽമണ്ണ ബ്ലോക്കിന് കീഴിലെ പഞ്ചായത്തുകളും സംവരണ വാർഡുകളും: ആലിപറന്പ് പഞ്ചായത്ത്: പട്ടികജാതി സംവരണം (09 വട്ടപറന്പ് ) പട്ടികജാതി സ്ത്രീ സംവരണം (10 കോരംകോട്, 19 കൂത്തുപറന്പ് ), സ്ത്രീ സംവരണം (01 ചെത്തനാംകുറുശി, 04 ഒടമല, 05 എടത്തറ, 07 വാഴേങ്കട, 08 ബിടാത്തി, 13 കാന്പ്രം, 14 കൊടക്കാപറന്പ്, 17 തൂത നോർത്ത്, 18 തൂത സൗത്ത്, 21 ഈസ്റ്റ് മണലായ). ഏലംകുളം പഞ്ചായത്ത്: പട്ടികജാതി സംവരണം (01 ചെറുകര) പട്ടികജാതി സ്ത്രീ സംവരണം (05 ചങ്ങണംപറ്റ) സ്ത്രീ സംവരണം (02 ആലുംകൂട്ടം, 04 പാറക്കൽമുക്ക്, 06 ഈത്തേപറന്പ്, 07 ചേനാംപറന്പ്, 10 മലയങ്ങാട്, 12 കോരകുത്ത്, 13 തെക്കുംപുറം, 18 പുളിങ്കാവ്). മേലാറ്റൂർ പഞ്ചായത്ത്: പട്ടികജാതി സംവരണം (14 ചെമ്മാണിയോട് വെസ്റ്റ്) പട്ടികജാതി സ്ത്രീ സംവരണം (15 ചെമ്മാണിയോട് ) സ്ത്രീ സംവരണം (01 എടയാറ്റൂർ, 03 ഒലിപ്പുഴ, 07 വലിയപറന്പ് സൗത്ത്, 08 വെള്ളിയാർ, 09 ഉച്ചാരക്കടവ്, 12 വളയപ്പുറം, 16 മേലറ്റൂർ ടൗണ്‍, 18 കാട്ടുചിറ). കീഴാറ്റൂർ പഞ്ചായത്ത്: പട്ടികജാതി സംവരണം (04 കൊണ്ടിപറന്പ്) പട്ടികജാതി സ്ത്രീ സംവരണം (13 പട്ടിക്കാട് ഈസ്റ്റ് )സ്ത്രീ സംവരണം (05 ആക്കപ്പറന്പ്, 06 ചെമ്മന്തട്ട, 07 പൂന്താവനം, 08 19-ാം മൈൽ, 11 കണ്ണ്യാല, 14 പട്ടിക്കാട് വെസ്റ്റ്, 16 മുള്ള്യാകുർശി നോർത്ത്, 18 നെൻമേനി വെസ്റ്റ്, 19 നെൻമേനി ഈസ്റ്റ്, 21 തച്ചിങ്ങനാടം). താഴേക്കോട് പഞ്ചായത്ത്: പട്ടികജാതി സംവരണം (11 കാഞ്ഞിരത്തടം) പട്ടികജാതി സ്ത്രീ സംവരണം (13 മടാന്പാറ, 22 മരുതല) സ്ത്രീ സംവരണം (01 പാണന്പി, 02 കൊടികുത്തി, 09 കൊന്പാക്കൽകുന്ന്, 10 കുന്നത്ത് വട്ട, 14 മാന്തോണികുന്ന്, 15 മാട്ടറക്കൽ, 16 നെല്ലിപറന്പ്, 18 കാപ്പുപറന്പ്, 20 താഴേക്കോട്, 21 മുതിരമണ്ണ) വെട്ടത്തൂർ പഞ്ചായത്ത്: പട്ടികജാതി സംവരണം (16 ഈസ്റ്റ് മണ്ണാർമല) പട്ടികജാതി സ്ത്രീ സംവരണം (09 ഏഴുതല, 17 പീടികപ്പിടി) സ്ത്രീ സംവരണം (02 ആലുങ്ങൽ, 04 പച്ചീരി, 06 കാപ്പ്, 08 ഹൈസ്കൂൾകുന്ന്, 12 തെക്കൻമല, 13 കരുവാത്തകുന്ന്, 15 ചെരങ്ങരക്കുന്ന്, 18 മണ്ണാർമല ) പുലാമന്തോൾ പഞ്ചായത്ത്:പട്ടികജാതി സംവരണം (11 പാലൂർ ചേലാർക്കുന്ന്) പട്ടികജാതി സ്ത്രീ സംവരണം (19 കുന്നത്ത് പള്ള്യാലിൽകുളന്പ് ) സ്ത്രീ സംവരണം (01 മാലാപറന്പ്, 04 കട്ടുപാറ, 06 തിരുനാരായണപുരം, 07 പുലാമന്തോൾ യുപി, 08 പുലാമന്തോൾ, 09 ചോലപറന്പ്, 12 വടക്കൻപാലൂർ, 14 രണ്ടാം മൈൽ, 18 വളപുരം വെസ്റ്റ്, 21 കുണ്ടറക്കൽപടി, 23 പൂശാരികുളന്പ്). അങ്ങാടിപ്പുറം പഞ്ചായത്ത്: പട്ടികജാതി സംവരണം (02 മേലെ അരിപ്ര) പട്ടികജാതി സ്ത്രീ സംവരണം (10 ഓരാടംപാലം) സ്ത്രീ സംവരണം (07 പൂപ്പലം, 08 ചാത്തനല്ലൂർ, 09 ഏറാന്തോട്, 12 കോട്ടപ്പറന്പ്, 14 അങ്ങാടിപ്പുറം സൗത്ത്, 15 കായക്കുണ്ട് , 17 പരിയാപുരം, 19 ചോലയിൽകുളന്പ്, 20 പുത്തനങ്ങാടി പള്ളിപ്പടി, 22 ചെരക്കാപറന്പ്, 24 താഴെഅരിപ്ര).

പി.സി. അബ്ദുറഹ്മാൻ മികച്ച പഞ്ചായത്ത് പ്രസിഡന്‍റ്

മഞ്ചേരി: ജില്ലയിലെ മികച്ച പഞ്ചായത്ത് പ്രസിഡന്‍റിനുള്ള മൂന്നാമത് കടന്പോട്ട് ബാപ്പു ഹാജി സ്മാരക അവാർഡിന് പുൽപ്പറ്റ പഞ്ചായത്ത് പ്രസിഡന്‍റ് പി.സി. അബ്ദുറഹ്മാൻ അർഹനായി. പഞ്ചായത്തിൽ അഞ്ച് വർഷത്തിനുള്ളിൽ നടന്ന വ്യത്യസ്തങ്ങളായ പ്രവർത്തനങ്ങൾ വിലയിരുത്തിയാണ് അവാർഡിനായി തെരഞ്ഞെടുത്തത്. സി.പി. സൈതലവി, അഡ്വ. ഹനീഫ പുതുപറന്പ്, സി.കെ.എ. റസാഖ് എന്നിവരാണ് ജൂറി അംഗങ്ങൾ. കൗമാരക്കാരായ കുട്ടികൾക്കായി നടപ്പാക്കിയ ചങ്ങാത്തം പുൽപ്പറ്റ, ലോകത്തിലെ ആദ്യത്തെ എംജിയു3എ പഞ്ചായത്ത് എന്ന പദവി, പഠന പ്രയാസം അനുഭവിക്കുന്ന കുട്ടികൾക്കായി നടപ്പാക്കിയ ഒപ്പം ഒപ്പത്തിനൊപ്പം, ഭിന്നശേഷിക്കാരുടെ വിനോദയാത്ര, വിപുലമായ ബഡ്സ് സ്കൂൾ ആൻഡ് റിഹാബിലിറ്റേഷൻ സെന്‍റർ എന്നിവയെല്ലാം അഞ്ച് വർഷത്തിനുള്ളിൽ പ്രസിഡന്‍റിന്‍റെ നേതൃത്വത്തിൽ പുൽപ്പറ്റ പഞ്ചായത്തിൽ നടന്ന നൂതന പ്രവർത്തനങ്ങളാണ്. 2013 ൽ സംസ്ഥാനത്തെ മികച്ച പഞ്ചായത്ത് പ്രസിഡന്‍റിനുള്ള ഗ്രാമസ്വരാജ് അവാർഡും പി.സി. അബ്ദുറഹ്മാന് ലഭിച്ചിട്ടുണ്ട്. ഒക്ടോബർ അവസാന വാരം ഒതുക്കുങ്ങലിൽ അവാർഡ് വിതരണം ചെയ്യുമെന്ന് കടന്പോട്ട് ബാപ്പു ഹാജി ഫൗണ്ടേഷൻ അംഗങ്ങളായ പാലേരി മുഹമ്മദ്, സി.ടി. അഹമ്മദ് കുട്ടി, കെ.പി. മുഹമ്മദ്കുട്ടി, കടന്പോട്ട് മൂസഹാജി, ടി.ടി. ബാവ, കെ.സി. നാസർ, ടി. ഫസലുറഹ്മാൻ എന്നിവർ അറിയിച്ചു.

കിണർ ഇടിഞ്ഞ് താഴ്ന്നു: വീട് ഭീഷണിയിൽ

കാളികാവ് : കഴിഞ്ഞദിവസം വൈകുന്നേരമുണ്ടായ കനത്ത മഴയിൽ ഉദരംപൊയിലിൽ കിണർ ഇടിഞ്ഞ് താഴ്ന്നു. ബാലവാടിപ്പടിയിലെ വള്ളിയിൽ ഹംസയുടെ വീടിനോട് ചേർന്നുള്ള കിണറാണ് താഴ്ന്നത്. ഇതോടെ വീട് ഭീഷണിയിലായി. ഇരുപത്തി രണ്ട് റിംഗുകളുള്ള കിണർ മോട്ടോർ പന്പും അടക്കമാണ് ഇടിഞ്ഞ് താഴ്ന്നത്. വീടിന്‍റെ ചുമർ ഇടിഞ്ഞുവീണ് വലിയ അപകടം ഉണ്ടാകുമോ എന്ന ആശങ്കയിലാണ് കുടുംബം.

കാത്തിരിപ്പിന് വിരാമം; ചന്തക്കുന്ന് ബസ് സ്റ്റാൻഡ് നിർമാണോദ്ഘാടനം 21ന്

നിലന്പൂർ: ഏഴ് വർഷത്തെ കാത്തിരിപ്പിനൊടുവിൽ നിലന്പൂർ ചന്തക്കുന്ന് ബസ് സ്റ്റാൻഡ് നിർമാണോദ്ഘാടനം നടത്താൻ തീരുമാനം. 21ന് നോർക്ക ചെയർമാനും മുൻ സ്പീക്കറുമായ പി. ശ്രീരാമകൃഷ്ണൻ ഉദ്ഘാടനം ചെയ്യുമെന്ന് നഗരസഭാ ചെയർമാൻ മാട്ടുമ്മൽ സലീം വാർത്താ സമ്മേളനത്തിൽ അറിയിച്ചു. കേരള അർബൻ ആൻഡ് റൂറൽ ഡവലപ്മെന്‍റ് കേർപ്പറേഷന്‍റെ (കെയുആർഡിഎഫ്സി) സഹകരണത്തോടെ അഞ്ച് കോടി രൂപ ചെലവിലാണ് ബസ് സ്റ്റാൻഡ് ആദ്യഘട്ട നിർമാണം നടത്തുന്നത്. സർക്കാർ ഏജൻസിയായ സിൽക്കിനാണ് നിർമാണ ചുമതല. ബസ് ബേ പാർക്കിംഗ്, മയ്യന്താനി ഭാഗത്തേക്കുള്ള റോഡ് എന്നിവയാണ് ആദ്യഘട്ടത്തിൽ നിർമിക്കുക. തുടർന്ന് അഞ്ച് കോടി രൂപ കൂടി ഫണ്ട് വകയിരുത്തി ഷോപ്പിംഗ് കോംപ്ലക്സും നിർമിക്കും. മൾട്ടി തിയേറ്റർ, കോണ്‍ഫറൻസ് ഹാൾ, വയോജന, ഭിന്നശേഷി സൗഹൃദഹാൾ, തൊഴിൽ അന്വേഷണ-പരിശീലന കേന്ദ്രം തുടങ്ങിയവയും ഷോപ്പിംഗ് കോംപ്ലക്സിൽ നിർമിക്കുമെന്ന് ചെയർമാൻ പറഞ്ഞു. ചന്തക്കുന്ന് പഴയ ബസ് സ്റ്റാൻഡ് മുന്നൊരുക്കങ്ങളില്ലാതെ യുഡിഎഫ് മുൻ ഭരണ സമിതി പൊളിച്ചിടുകയായിരുന്നുവെന്നും തുടർന്ന് വന്ന എൽഡിഎഫ് ഭരണസമിതി പിപിപി, ബിഒടി അടിസ്ഥാനത്തിൽ സ്റ്റാൻഡ് നിർമിക്കാൻ ശ്രമം നടത്തിയപ്പോൾ യുഡിഎഫ് തുരങ്കം വച്ചുവെന്നും അവസാന ശ്രമം എന്ന നിലയിലാണ് കെയുആർഡിഎഫ്സിയിൽ നിന്ന് വായ്പയെടുത്ത് പദ്ധതി യാഥാർഥ്യമാക്കാൻ നഗരസഭ തീരുമാനിച്ചതെന്നും മാട്ടുമ്മൽ സലീം പറഞ്ഞു. സ്റ്റാൻഡിംഗ് കമ്മറ്റി ചെയർപേഴ്സണ്‍മാരായ കക്കാടൻ റഹീം, സ്കറിയ കിനാംതോപ്പിൽ എന്നിവരും വാർത്താസമ്മേളനത്തിൽ പങ്കെടുത്തു. അതേ സമയം 2020ൽ എൽഡിഎഫ് ഭരണസമിതി അധികാരത്തിൽ വന്നാൽ ചന്തക്കുന്ന് ബസ് സ്റ്റാൻഡ് മൂന്ന് മാസത്തിനുള്ളിൽ തുടങ്ങുമെന്ന പ്രഖ്യാപനമാണ് ഇപ്പോൾ തെരഞ്ഞെടുപ്പ് പ്രഖ്യാപനത്തിന് ദിവസങ്ങൾ മാത്രം ബാക്കി നിൽക്കെ ഭരണ സമിതി തുടക്കം കുറിക്കുന്നത്. യുഡിഎഫ് ഭരണ സമിതിയുടെ കാലത്ത് ചന്തക്കുന്ന് ബസ് സ്റ്റാൻഡ് പൊളിച്ചതിനാൽ കഴിഞ്ഞ ഏഴ് വർഷമായി യാത്രക്കാർ ദുരിതം അനുഭവിക്കുകയാണ്.

കൗണ്‍സിലറുടെ ഇടപെടൽ ഫലം കണ്ടു : ഇതര സംസ്ഥാന തൊഴിലാളികളുടെ കുട്ടികൾക്ക് തുള്ളിമരുന്ന് നൽകി

നിലന്പൂർ: ഇതര സംസ്ഥാന തൊഴിലാളി കുടുംബത്തിലെ കുരുന്നുകൾക്ക് നഗരസഭ കൗണ്‍സിലറുടെ ഇടപെടലിൽ പോളിയോ തുള്ളിമരുന്ന് നൽകി. മരന്നു നൽകാനുള്ള പേടി മൂലം രക്ഷിതാക്കൾ വീട് അകത്ത് നിന്ന് താഴിട്ടു പൂട്ടിയിരിക്കുകയായിരുന്നു. നിലന്പൂർ ചക്കാലക്കുത്താണ് സംഭവം. വാടക ക്വാർട്ടേഴ്സിൽ താമസിക്കുന്ന ബംഗാൾ സ്വദേശികളായ കുടുംബത്തിലെ അഞ്ച് വയസുള്ള ഇരട്ടക്കുട്ടികൾക്കാണ് രക്ഷിതാക്കൾ തുള്ളിമരുന്ന് നൽകാതിരുന്നത്. അങ്കണവാടിയിൽ 12 ന് ഒരുക്കിയ പൾസ് പോളിയോ ബൂത്തിൽ കുട്ടികളെ കൊണ്ടുവന്നില്ല. തുടർന്ന് ആശാവർക്കർ സി.കെ. അജിതയും സന്നദ്ധ പ്രവർത്തകരും രണ്ട് തവണ ഇവർ താമസിക്കുന്ന ക്വാർട്ടേഴ്സിലെത്തി. കുട്ടികൾ ഇവിടെ ഇല്ലെന്നായിരുന്നു മാതാവിന്‍റെ മറുപടി. തുടർന്ന് ആശാപ്രവർത്തക, കൗണ്‍സിലർ ഡെയ്സി ചാക്കോയെ വിവരം അറിയിച്ചു. ഹിന്ദി വശമുള്ള വിമുക്ത ഭടൻ കെ. അയ്യപ്പൻകുട്ടിയെയും കൂട്ടി കൗണ്‍സിലർ ക്വാർട്ടേഴ്സിലെത്തി. ആശാപ്രവർത്തക ഒപ്പമുണ്ടയിരുന്നു. വാതിൽ തട്ടിവിളിച്ചിട്ടും മാതാവ് പുറത്തുവരാൻ ആദ്യം തയാറായില്ല. ഏറെ നേരത്തിന് ശേഷം വരാന്തയിൽ വന്നു. അതിനിടെ കുട്ടികൾ അകത്ത് നിന്ന് തല നീട്ടി നോക്കി. കൗണ്‍സിലർ കൈയിൽ കരുതിയ മിഠായികൾ നീട്ടിയതും കുട്ടികൾ ഓടി വന്നു വാതിലിന്‍റെ വിടവിലൂടെ മിഠായി വാങ്ങി. ഈസമയം അയ്യപ്പൻകുട്ടി ഹിന്ദിയിൽ മാതാവിനോട് കാര്യങ്ങൾ വിശദീകരിച്ചു. ഒടുവിൽ എല്ലാവരുടെയും സ്നേഹനിർബന്ധത്തിന് വഴങ്ങി മാതാവ് വാതിൽ തുറന്നു. ആശാവർക്കർ നൽകിയ മരുന്ന് കുട്ടികൾ ഒരു മടിയുമില്ലാതെ സ്വീകരിച്ചു.

പെരിന്പലം സ്കൂൾ പുകയില രഹിതം

മഞ്ചേരി: പെരിന്പലം ക്രസന്‍റ് എയുപി സ്കൂളിനെ പുകയില രഹിത വിദ്യാഭ്യാസ സ്ഥാപനമായി പ്രഖ്യാപിച്ചു. പുകയില വിരുദ്ധ പോസ്റ്റർ ഹെഡ്മാസ്റ്റർ കെ.പി. മുഹമ്മദ് ബഷീറിന് നൽകി ഗ്രാമപഞ്ചായത്ത് മെന്പർ ടി. ബുഷ്റ ഹംസ ഉദ്ഘാടനം ചെയ്തു. പിടിഎ പ്രസിഡന്‍റ് എൻ. സത്താർ അധ്യക്ഷത വഹിച്ചു. കണ്‍വീനർ കൃഷ്ണപ്രിയ പ്രസംഗിച്ചു.

അമരന്പലം പഞ്ചായത്ത് വികസന സദസ് സമാപിച്ചു

പൂക്കോട്ടുംപാടം: അമരന്പലം ഗ്രാമപഞ്ചായത്തിലെ വികസന സദസ് സമാപിച്ചു. പൂക്കോട്ടുംപാടം പിവിഎം ഓഡിറ്റോറിയത്തിൽ നടത്തിയ പരിപാടി അമരന്പലം ഗ്രാമപഞ്ചായത്ത് പ്രസിഡന്‍റ് ഇല്ലിക്കൽ ഹുസൈൻ ഉദ്ഘാടനം ചെയ്തു. സംസ്ഥാന സർക്കാരിന്‍റെ ലൈഫ് ഭവന പദ്ധതിയിലൂടെ നിരവധി പേർക്കാണ് വീട് നിർമിച്ച് നൽകിയത്. ഗ്രാമപഞ്ചായത്തിലെ സബ്സെന്‍ററുകളുടെ നിലവാരം മെച്ചപ്പെടുത്തി. 500 പാലിയേറ്റീവ് രോഗികളുള്ള പഞ്ചായത്തിൽ വീട്ടിലെത്തി പരിചരണം നൽകിവരുന്നു. സർക്കാരിന്‍റെ വിദ്യാകിരണം പദ്ധതിയിൽ ഉൾപ്പെടുത്തി പുതിയ സ്കൂൾ കെട്ടിടം നിർമിച്ചു. നിരവധി മേഖലയിൽ വികസന പ്രവർത്തനങ്ങൾ നടത്താൻ പഞ്ചായത്തിന് സാധിച്ചെന്നും അദ്ദേഹം പറഞ്ഞു. വൈസ് പ്രസിഡന്‍റ് അനിതരാജു അധ്യക്ഷത വഹിച്ചു. ആസൂത്രണ സമിതി ഉപാധ്യക്ഷൻ വി.കെ. അനന്തകൃഷ്ണൻ, സ്ഥിരം സമിതി ചെയർമാൻമാരായ അനീഷ്, ഹമീദ്, ബ്ലോക്ക് പഞ്ചായത്ത് അംഗങ്ങളായ പി.എം. ബിജു, രാജൻ, വാർഡ് അംഗങ്ങൾ എന്നിവർ പങ്കെടുത്തു. അസിസ്റ്റന്‍റ് സെക്രട്ടറി ശിവദാസൻ പഞ്ചായത്ത് വികസന രേഖ അവതരിപ്പിച്ചു.

വനിതാ ഹോക്കി സംസ്ഥാന ടീമിൽ ഇടം നേടി മഹജിബിനും ഫാത്തിമ മുർഷിദയും

മങ്കട: ഉത്തരാഖണ്ഡിലെ റാഞ്ചിയിൽ നടക്കുന്ന അണ്ടർ 17 വനിതാ ഹോക്കിയിൽ കേരളാ ടീമിൽ ഇടം നേടി മലപ്പുറം ജില്ലയിലെ പാങ്ങ് ഗവണ്‍മെന്‍റ് ഹയർ സെക്കൻഡറി വിദ്യാലയത്തിലെ രണ്ടു വിദ്യാർഥിനികൾ. പി.ടി. മഹജിബിൻ, ടി. ഫാത്തിമ മുർഷിദ എന്നിവരാണ് ഈ മിടുക്കികൾ. ഈ വർഷം ജവഹർലാൽ നെഹ്റു വനിതാ ഹോക്കി ടൂർണമെന്‍റിൽ ഇവർ അംഗങ്ങളായ പാങ്ങ് ജിഎച്ച്എസ്എസിന് മൂന്നാം സ്ഥാനം ലഭിച്ചിരുന്നു. വനിതാ ഹോക്കിയിൽ വർഷങ്ങളായി മികച്ച പ്രകടനവുമായി മുന്നേറുകയാണ്പാങ്ങ് ഗവണ്‍മെന്‍റ് ഹയർ സെക്കൻഡറി സ്കൂൾ. മഹജിബിന്‍റെ പിതാവ് മെഹബൂബ് ക്വാറി തൊഴിലാളിയും മുർഷിദയുടെ പിതാവ് താജുദ്ദീൻ തെങ്ങുകയറ്റ തൊഴിലാളിയുമാണ്. വനിതാ ഹോക്കിയിൽ കഴിഞ്ഞ വർഷം പാങ്ങ് ജിഎച്ച്എസ്എസിൽ നിന്ന് കെ. ഫാത്തിമ സിയ, എം. ഷഹാന തസ്നി എന്നിവർ സംസ്ഥാന ടീമിൽ അംഗങ്ങളായിരുന്നു. മലപ്പുറം സ്വദേശിയായ പി. ഷാരൂണ്‍ ആണ് പരിശീലകൻ.

വിദ്യാർഥികൾക്ക് മർദനം: ഒന്പതുപേർ അറസ്റ്റിൽ

മഞ്ചേരി: വിദ്യാർഥികളെ സംഘം ചേർന്ന് മർദിച്ച ഒന്പതു പേരെ മഞ്ചേരി പോലീസ് ഇൻസ്പെക്ടർ വി. പ്രതാപ് കുമാർ അറസ്റ്റ് ചെയ്തു. ഇക്കഴിഞ്ഞ 13ന് വൈകുന്നേരം 4.30നാണ് കേസിനാസ്പദമായ സംഭവം. വള്ളുവന്പ്രം അത്താണിക്കൽ എംഐസി കോളജിലെ വിദ്യാർഥികളായ റോഷൻ, മുഹമ്മദ് യാസീൻ, ഹനീൻ എന്നിവരെയും സുഹൃത്തുക്കളെയുമാണ് പ്രദേശവാസികളായ പ്രതികൾ സംഘം ചേർന്ന് അക്രമിച്ചത്. വിറകുകൊള്ളി കൊണ്ട് തലയ്ക്കടിച്ചു പരിക്കേൽപ്പിച്ചുവെന്നാണ് കേസ്. കോടതിയിൽ ഹാജരാക്കിയ വള്ളുവന്പ്രം സ്വദേശികളായ സൽമാൻ, യാസിർ എന്നിവരുൾപ്പെടെ ഒന്പതുപ്രതികളെ 14 ദിവസത്തേക്ക് റിമാൻഡ് ചെയ്തു.

‘ശബരിമലയിൽ നടന്നത് ആസൂത്രിത കൊള്ള’

നിലന്പൂർ: സർക്കാർ അനുമതിയോടെ ദേവസ്വം ബോർഡ് അറിഞ്ഞ് നടത്തിയ ആസൂത്രിത സ്വർണ കൊള്ളയാണ് ശബരിമലയിൽ നടന്നതെന്ന് ആര്യാടൻ ഷൗക്കത്ത് എംഎൽഎ. വിഷയം നിയമസഭയിൽ ഉന്നയിച്ചപ്പോൾ കൊള്ളക്കെതിരേ പ്രതികരിക്കുന്നതിന് പകരം പ്രതിപക്ഷാംഗങ്ങൾക്കെതിരേ മോശം പരാമർശം നടത്താനാണ് മുഖ്യമന്ത്രി എഴുന്നേറ്റത്. കോണ്‍ഗ്രസ് പ്രവർത്തകസമിതി അംഗം കൂടിയായ ഷാഫി പറന്പിൽ എംപിയെ മർദിച്ചത് പോലീസിനെ അഴിച്ചുവിട്ട് സമരങ്ങളെ അടിച്ചമർത്തുന്ന പിണറായിസത്തിന്‍റെ ഭാഗമാണെന്ന് നിലന്പൂരിൽ നിയോജകമണ്ഡലം കോണ്‍ഗ്രസ് പ്രവർത്തക കണ്‍വൻഷൻ ഉദ്ഘാടനം ചെയ്ത് ഷൗക്കത്ത് എംഎൽഎ പറഞ്ഞു. തോപ്പിൽ ബാബു അധ്യക്ഷത വഹിച്ചു. പാലോളി മെഹബൂബ്, എ.ഗോപിനാഥ്, വി.എ. കരീം, അസീസ് പുളിയഞ്ചാലി, ബാബു മോഹനക്കുറുപ്പ്, പി.പുഷ്പവല്ലി, ഷീബ പൂഴിക്കുത്ത്, ഒ.ടി. ജെയിംസ്, പി. ഉസ്മാൻ, പാണായി ജേക്കബ് എന്നിവർ പ്രസംഗിച്ചു.

സിബിഎസ്ഇ ജില്ലാ ശാസ്ത്ര മേള: ലോഗോ പ്രകാശനം ചെയ്തു

മലപ്പുറം: മലപ്പുറം സെൻട്രൽ സഹോദയയുടെ സയൻസ് എക്സിബിഷൻ ഊരകം സെന്‍റ് അൽഫോൻസ പബ്ലിക് സ്കൂളിൽ നവംബർ ഒന്നിന് നടക്കും. സയൻസ് എക്സിബിഷന്‍റെ ഭാഗമായി മലപ്പുറം സെൻട്രൽ സഹോദയയുടെ വിവിധ സ്കൂളുകളിൽ നിന്നുള്ള പ്രിൻസിപ്പൽമാരും സയൻസ് അധ്യാപകരും പങ്കുചേർന്ന അക്കാഡമിക് വിസിറ്റ് ഒറ്റപ്പാലം നെഹ്റു ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് സ്ഥാപനങ്ങളിലേക്ക് നടത്തി. മലപ്പുറം ജില്ലാതല ശാസ്ത്രമേളയുടെ ലോഗോ നെഹ്റു ഗ്രൂപ്പ് ഓഫ് ഇൻസ്റ്റിറ്റ്യൂഷൻ ചെയർമാൻ ഡോ. അഡ്വ. പി. കൃഷ്ണദാസ് പ്രകാശനം ചെയ്തു. മലപ്പുറം സെൻട്രൽ സഹോദയ പ്രസിഡന്‍റ് നൗഫൽ പുത്തൻപീടിക്കൽ അധ്യക്ഷത വഹിച്ചു. സയൻസ് എക്സിബിഷൻ കോ ഓർഡിനേറ്റർ ഡോ. എൻ.പി. ദിവ്യ, ഷുഹൈബ് ആലുങ്ങൽ, അബ്ദുൾ സമദ്, സിസ്റ്റർ ഡോ. സിജി, സി. ജുബൈരിയ, ടി.മുഹമ്മദാലി, യു.എ. ലത്തീഫ്, ഷാഹുൽ ഹമീദ്, ഫാ. ജീവൻ ജോസഫ്, ശഹല ബീഗം, ചിത്രകല, സിസ്റ്റർ ഷേർലി ജോസഫ്, സെക്രട്ടറി സി.സി. അനീഷ് കുമാർ, പ്രോഗ്രാം കണ്‍വീനർ ഫാ. തോമസ് ജോസഫ് പ്രസംഗിച്ചു.

മെഗാ മെഡിക്കൽ ക്യാന്പ് നടത്തി

ചെമ്മലശേരി: സിപിഎം ചെമ്മലശേരിയും പെരിന്തൽമണ്ണ എംഇഎസ് മെഡിക്കൽ കോളജും സംയുക്തമായി മെഗാ മെഡിക്കൽ ക്യാന്പ് സംഘടിപ്പിച്ചു. ഇർഷാദ് സ്വിബിയാൻ മദ്രസയിൽ നടത്തിയ ക്യാന്പിൽ ജനറൽ, നേത്രരോഗം, ഇഎൻടി വിഭാഗങ്ങളിലായി ചികിത്സ ഒരുക്കിയിരുന്നു. വിവിധ രോഗനിർണയവും ലഭ്യമാക്കി. സ്ത്രീകളും കുട്ടികളും ഉൾപ്പെടെ ഇരുനൂറിലധികം പേർ ക്യാന്പിൽ പങ്കെടുത്തു. സിപിഎം ഏരിയ സെക്രട്ടറി ഇ. രാജേഷ്, ഏരിയ കമ്മിറ്റിയംഗം വി.പി. മുഹമ്മദ് ഹനീഫ, ഗ്രാമപഞ്ചായത്ത് മെന്പർമാരായ മുസ്തഫ, എൻ.പി. റാബിയ തുടങ്ങിയവർ ക്യാന്പ് സന്ദർശിച്ചു.

‘നിലന്പൂർ നഗരസഭ ഭരണമാറ്റം എൽഡിഎഫിൽ ഒരു വിഭാഗം ആഗ്രഹിക്കുന്നു’

നിലന്പൂർ: നിലന്പൂർ നഗരസഭയിലെ ഭരണമാറ്റം എൽഡിഎഫ് അണികൾ തന്നെ ആഗ്രഹിക്കുന്നുവെന്ന് ആര്യാടൻ ഷൗക്കത്ത് എംഎൽഎ. കെപിസിസി മുൻ പ്രസിഡന്‍റ് കെ. മുരളീധരൻ നയിക്കുന്ന വിശ്വാസ സംരക്ഷണയാത്രക്ക് 16ന് നിലന്പൂരിൽ നൽകുന്ന സ്വീകരണ യോഗത്തിന്‍റെ ഭാഗമായി സംഘടിപ്പിച്ച കോണ്‍ഗ്രസ് മുനിസിപ്പൽ കണ്‍വൻഷൻ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. യുഡിഎഫുകാർ മാത്രമല്ല ഒരു വിഭാഗം കമ്മ്യൂണിസ്റ്റുകാരും നഗരസഭയിലെ ഭരണമാറ്റത്തിന് കാത്തിരിക്കുകയാണെന്നും അദ്ദേഹം പറഞ്ഞു. മുനിസിപ്പൽ കോണ്‍ഗ്രസ് കമ്മിറ്റി പ്രസിഡന്‍റ് അഡ്വ. ഷെറി ജോർജ് അധ്യക്ഷത വഹിച്ചു. കെപിസിസി അംഗം വി.എ.കരീം, ബ്ലോക്ക് കോണ്‍ഗ്രസ് പ്രസിഡന്‍റ് പാലോളി മൊബൂബ്, എം.കെ.ബാലകൃഷ്ണൻ, അജ്മൽ ഏനാന്തി, ഷാനവാസ് പട്ടിക്കാടൻ, ഷീബു പാടിക്കുന്ന്, ഗീരിഷ് മോളൂർ മഠത്തിൽ എന്നിവർ പ്രസംഗിച്ചു.

പെരിന്തൽമണ്ണയിൽ പാലിയേറ്റീവ് സ്റ്റോർ തുറന്നു

പെരിന്തൽമണ്ണ: പെരിന്തൽമണ്ണ നഗരസഭ ഓഫീസ് കെട്ടിടത്തിൽ ആരംഭിച്ച പാലിയേറ്റീവ് സ്റ്റോർ ചെയർമാൻ പി. ഷാജി ഉദ്ഘാടനം ചെയ്തു. നഗരസഭാ നിവാസികൾക്ക് താത്കാലികാവശ്യങ്ങൾക്ക് ഉപയോഗിക്കാൻ വീൽചെയർ, വാക്കർ, വാക്കിംഗ് സ്റ്റിക്, സിറ്റിംഗ് കമോഡ്, കട്ടിൽ, എയർബെഡ്, വാട്ടർ ബെഡ്, ഓക്സിജൻ സിലിണ്ടർ തുടങ്ങിയവ സൗജന്യമായി ലഭിക്കുന്നതിനുള്ള സംവിധാനമാണ് പാലിയേറ്റീവ് സ്റ്റോർ. വൈസ് ചെർപേഴ്സണ്‍ എ.നസീറ അധ്യക്ഷത വഹിച്ചു. കുന്നപ്പള്ളി സ്വദേശി പള്ളിയാൽതൊടി അബ്ദുറഹ്മാൻ പാലിയേറ്റീവ് സ്റ്റോറിലേക്ക് നൽകിയ ബെഡ്, വീൽചെയർ, കട്ടിൽ തുടങ്ങിയവ ചെയർമാൻ ഏറ്റുവാങ്ങി. ചടങ്ങിൽ സ്റ്റാൻഡിംഗ് കമ്മിറ്റി ചെയർപേഴ്സണ്‍മാർ, കൗണ്‍സിലർമാർ, നഗരസഭ സെക്രട്ടറി ജെ.ആർ. ലാൽകുമാർ, ഹെൽത്ത് ഇൻസ്പെക്ടർ റഫീഖ്, പിഎച്ച്ഐ ടി. രാജീവൻ, പാലിയേറ്റീവ് സിസ്റ്റർ വസന്ത, പിഎംസി അംഗം എം.കെ. ശ്രീധരൻ, കുടുംബശ്രീ പ്രവർത്തകർ തുടങ്ങിയവർ പങ്കെടുത്തു.

കഞ്ചാവുമായി യുവാവ് അറസ്റ്റിൽ

എടക്കര: 200 ഗ്രാം കഞ്ചാവുമായി യുവാവ് പിടിയിൽ. മൂത്തേടം വള്ളിക്കാട് പുത്തൻപുരക്കൽ അമീറിനെയാണ് (33) എടക്കര പോലീസും ഡാൻസാഫ് ടീമും ചേർന്ന് പിടികൂടിയത്. സ്കൂട്ടറിൽ കഞ്ചാവ് വിൽപ്പന നടത്തുന്നുവെന്ന വിവരത്തെ തുടർന്ന് എസ്ഐ പി. ജയകൃഷ്ണന്‍റെ നേതൃത്വത്തിൽ നടത്തിയ പരിശോധനയിൽ കലാസാഗറിൽ വച്ചാണ് ഇയാൾ പിടിയിലായത്. സീനിയർ സിപിഒ എം. ബിജിത, സിപിഒ എം.സി. സർജാസ്, ഡാൻസാഫ് അംഗങ്ങളായ സുനിൽ മന്പാട്, അഭിലാഷ് കൈപ്പിനി, ആഷിഫ് അലി, ടി. നിബിൻദാസ് എന്നിവർ അന്വേഷണ സംഘത്തിലുണ്ടായിരുന്നു.

വലന്പൂരിൽ സ്റ്റേഡിയം വികസനത്തിന് 47 ലക്ഷം

മങ്കട: അങ്ങാടിപ്പുറം പഞ്ചായത്ത് അഞ്ചാം വാർഡിലെ വലന്പൂർ സുന്ദരൻ മാസ്റ്റർ സ്മാരക മിനി സ്റ്റേഡിയത്തിന്‍റെ വികസനത്തിന് കായിക യുവജനകാര്യ വകുപ്പ് ഡെപ്യൂട്ടി ഡയറക്ടർ 47 ലക്ഷം രൂപയുടെ വികസനകാര്യ എസ്റ്റിമേറ്റിന് അംഗീകാരം നൽകി. വലന്പൂർ വികസന സമിതി കഴിഞ്ഞ ഫെബ്രുവരിയിൽ കായിക മന്ത്രി വി. അബ്ദുറഹ്മാന് നൽകിയ നിവേദനത്തെ തുടർന്നാണ് തുക അനുവദിച്ചത്. കായിക യുവജനകാര്യ വകുപ്പ് ഡെപ്യൂട്ടി ഡയറക്ടർ, എൻജിനിയർ എന്നിവർ സ്റ്റേഡിയം സന്ദർശിച്ചാണ് 50 മീറ്റർ ഗാലറി, ഫ്ളഡ്‌ലിറ്റ് എന്നിവയ്ക്കായി എസ്റ്റിമേറ്റ് തയാറാക്കിയത്. തദ്ദേശ സ്ഥാപനങ്ങൾ, എംഎൽഎ, എംപി, യുവജന ക്ഷേമ വകുപ്പ് എന്നിവയിൽ നിന്ന് ശേഷിക്കുന്ന ഫണ്ട് കൂടി ലഭ്യമായാൽ വികസന പ്രവർത്തനങ്ങൾ പൂർത്തിയാക്കാൻ കഴിയുമെന്ന് വലന്പൂർ വികസന സമിതി കണ്‍വീനർ സുന്ദരൻ മുണ്ടക്കൽ, ചെയർമാൻ കുഞ്ഞുകൃഷ്ണൻ എന്നിവർ പറഞ്ഞു.

താഴെക്കോട്ടെ കാൽനട യാത്രക്കാർക്ക് "ശുഭയാത്ര'യുമായി പോലീസ്

പെരിന്തൽമണ്ണ: കാൽനട യാത്രക്കാർ വാഹനാപകടങ്ങളിൽപെടുന്ന സംഭവങ്ങൾ തടയാൻ പെരിന്തൽമണ്ണ ട്രാഫിക് പോലീസിന്‍റെ നേതൃത്വത്തിൽ ബോധവത്കരണം നടത്തി. 3500 ലധികം വിദ്യാർഥികൾ പഠിക്കുന്ന താഴെക്കോട് പിടിഎം ഹയർ സെക്കൻഡറി സ്കൂളിന് മുൻവശത്ത് വച്ച് വിദ്യാർഥികൾക്കും ഡ്രൈവർമാർക്കും സീബ്രാലൈനിന്‍റെ പ്രാധാന്യത്തെക്കുറിച്ചും ഫുട്ട്പാത്തിലെ അനധികൃത വാഹന പാർക്കിംഗ്, കാൽനട യാത്രക്കാരുടെ വഴി തടസപ്പെടുത്തിക്കൊണ്ടുള്ള പരസ്യ ബോർഡുകൾ നീക്കം ചെയ്യേണ്ടതിന്‍റെ പ്രാധാന്യം എന്നിവ പോലീസ് ബോധ്യപ്പെടുത്തി. റോഡ് മുറിച്ച് കടക്കുന്നത് ഏങ്ങനെയെന്ന് വിദ്യാർഥികളെ ധരിപ്പിച്ചു. അധ്യാപകർ, വിദ്യാർഥികൾ, പൊതുജനങ്ങൾ എന്നിവർ പരിപാടിയ്ക്ക് പിന്തുണ നൽകി. സ്കൗട്ട് ആൻഡ് ഗൈഡ്സ് സ്കൂൾ, ഹയർ സെക്കൻഡറി വിഭാഗം, പദ്ധതിയുമായി ബന്ധപ്പെട്ട അധ്യാപകർ, ട്രാഫിക് വാർഡൻമാർ പങ്കെടുത്തു. ജില്ലാ പോലീസ് മേധാവി ആർ. വിശ്വനാഥിന്‍റെ നിർദേശ പ്രകാരം പെരിന്തൽമണ്ണ ഡിവൈഎസ്പി എ. പ്രേംജിത്തിന്‍റെ കീഴിലാണ് ബോധവത്കരണം സംഘടിപ്പിച്ചത്. ട്രാഫിക് സബ് ഇൻസ്പെക്ടർമാരായ കബീർ, മനോജ് മംഗലശേരി, എഎസ്ഐ നാസർ, പോലീസ് ഡ്രൈവർ സബിത് എന്നിവർ നേതൃത്വം നൽകി. വരും ദിവസങ്ങളിൽ ഓട്ടോറിക്ഷ സ്റ്റാൻഡുകൾ കേന്ദ്രീകരിച്ച് ഡ്രൈവർമാർക്ക് ഇത്തരം ക്ലാസുകൾ സംഘടിപ്പിക്കുമെന്ന് പോലീസ് അറിയിച്ചു.

ശാസ്ത്രമേളയുടെ ലോഗോ പ്രകാശനം ചെയ്തു

എടക്കര: നിലന്പൂർ ഉപജില്ല ശാസ്ത്രമേളയുടെ ലോഗോ പ്രകാശനം ജില്ലാ പഞ്ചായത്ത് അംഗം ഷെറോണ റോയ് നിർവഹിച്ചു. ഈ മാസം 24, 25 തിയതികളിൽ പോത്തുകൽ സിഎച്ച്എസ്എസ്, ഞെട്ടിക്കുളം എയുപി സ്കൂൾ എന്നിവിടങ്ങളിലാണ് നിലന്പൂർ ഉപജില്ല ശാസ്ത്രമേള നടക്കുന്നത്. മൊടപൊയ്ക എഎൽപി സ്കൂളിലെ സി.എസ്. രഞ്ജിത ആണ് ലോഗോ തയാറാക്കിയത്. പോത്തുകൽ ഗ്രാമപഞ്ചായത്ത് പ്രസിഡന്‍റ് വിദ്യാരാജൻ അധ്യക്ഷത വഹിച്ചു. പ്രോഗ്രാം കണ്‍വീനർ ബിനോ വി. ഇഞ്ചപ്പാറ, ഗ്രാമപഞ്ചായത്തഗം മിനി വെട്ടിക്കുഴ, പി. രജനി, കെ. അജീഷ്, വി.വി. രാജേഷ്, സന്തോഷ്, ക്ലബ് കണ്‍വീനർമാരായ വി.എം. നിഖിൽ, ബി. ബിജു, പി. പ്രശാന്ത്, ഫർസാന, എ. ജംഷീർ, ജനറൽ കണ്‍വീനർ വി.ജെ. ഏബ്രഹാം, ടി. ഹരിലാൽ എന്നിവർ പ്രസംഗിച്ചു.

തദ്ദേശ സ്ഥാപനങ്ങളിലെ സംവരണ വാർഡ് നറുക്കെടുപ്പ്

മലപ്പുറം: തദ്ദേശ തെരഞ്ഞെടുപ്പിന്‍റെ ഭാഗമായി വിവിധ തദ്ദേശ സ്ഥാപനങ്ങളിലെ സംവരണ വാർഡുകളെ ജില്ലാ തെരഞ്ഞെടുപ്പ് ഓഫീസർ കൂടിയായ കളക്ടറുടെ നേതൃത്വത്തിൽ നറുക്കെടുപ്പിലൂടെ തെരഞ്ഞെടുത്തു. മങ്കട, കൊണ്ടോട്ടി, തിരൂരങ്ങാടി, കുറ്റിപ്പുറം ബ്ലോക്കുകളുടെ പരിധിയിൽ ഉൾപ്പെട്ട സംവരണ വാർഡുകളാണ് ഇന്നലെ നറുക്കെടുത്തത്. നറുക്കെടുപ്പ് ഇന്നും തുടരും. മങ്കട ബ്ലോക്ക് പരിധിയിലെ പഞ്ചായത്തുകളിലെ സംവരണ വാർഡുകൾ കുറുവ ഗ്രാമപഞ്ചായത്ത്: പട്ടികജാതി സംവരണം-15- ചേണ്ടി. സ്ത്രീ സംവരണ വാർഡുകൾ: 1-മുല്ലപ്പള്ളി 2- കുറുവ, 3-സമൂസപ്പടി, 6-കരിഞ്ചാപാടിവെസ്റ്റ്, 8-പടപ്പറന്പ്, 9- ചന്തപ്പറന്പ്, 11-തോറ, 12- വാഴേങ്ങൽ, 14- അന്പലപ്പറന്പ്, 17- ചന്ദനപ്പറന്പ്. 21- മേക്കുളന്പ്, 22- തെക്കുംകുളന്പ്. പുഴക്കാട്ടിരി പഞ്ചായത്ത്: പട്ടികജാതി സംവരണം: 1-രാമപുരം നോർത്ത്. സ്ത്രീ സംവരണം: 3- പനങ്ങാങ്ങര, 38, 5- രാമപുരം ഉടുന്പനാശേരി, 6- കട്ടിലശേരി, 8- പാതിരമണ്ണ ഈസ്റ്റ്, 9- പുഴക്കാട്ടിരി ഈസ്റ്റ്, 11- കോട്ട് വാട് വെസ്റ്റ്, 13- പള്ള്യാൽ കടുങ്ങപുരം ഈസ്റ്റ്, 15- പൊട്ടിപ്പാറ, 16- പരവക്കൽ, 18- കട്ടിലശേരി നോർത്ത്. കൂട്ടിലങ്ങാടി പഞ്ചായത്ത്: പട്ടികജാതി സംവരണം: 17- പാറടി. സ്ത്രീ സംവരണ വാർഡുകൾ: 1- പടിഞ്ഞാറ്റും മുറി, 2 പടിഞ്ഞാറ്റുംമുറി ടൗണ്‍, 7 കാഞ്ഞമണ്ണ, 8 വള്ളിക്കാപറ്റ, 10 വെണ്ണക്കോട്, 11 കൊഴിഞ്ഞിൽ, 12- കുളപറന്പ്, 14- ചെലൂർ, 15- കടുപ്പുറം, 20- മെരുവിൽകുന്ന്, 22- പടിഞ്ഞാറ്റുംമുറി വെസ്റ്റ്. മൂർക്കനാട് പഞ്ചായത്ത്: പട്ടികജാതി സ്ത്രീ സംവരണം: 22- കൊളത്തൂർ പടിഞ്ഞാറെകുളന്പ്. പട്ടികജാതി ജനറൽ സംവരണം: 20- വേങ്ങാട് ഇല്ലിക്കോട്. സ്ത്രീ സംവരണം: 4- കൊളത്തൂർ കറുപ്പത്താൽ, 6- കൊളത്തൂർ സ്റ്റേഷൻ പടി, 7- കൊളത്തൂർ ഓണപ്പുട, 8- കൊളത്തൂർ അന്പലപ്പടി, 9- കൊളത്തൂർ ആലിൻ കൂട്ടം, 10- വേങ്ങാട് കിഴക്കേക്കര, 11- പുന്നക്കാട്, 13- മൂർക്കനാട് ഇയ്യക്കാട്, 15- മൂർക്കനാട് പടിഞ്ഞാറ്റുംപുറം, 19- വെങ്ങാട് പള്ളിപ്പടി. മക്കരപ്പറന്പ് പഞ്ചായത്ത്: പട്ടികജാതി സംവരണം: 9- തടത്തിൽകുണ്ട്. സ്ത്രീ സംവരണം: 1- കാച്ചിനിക്കാട്, 2-പേട്ടപ്പടി, 3- വെള്ളാട്ടു പറന്പ്, 4- ചെട്ടാരങ്ങാടി, 7- വടക്കേ കുളന്പ്, 8-വടക്കാങ്ങര, 13- മക്കരപ്പറന്പ് അന്പലപ്പടി,14- കുഴിയേങ്ങൽ. മങ്കടപഞ്ചായത്ത്: പട്ടികജാതി സ്ത്രീ സംവരണം: 18- മഞ്ചേരിതോട്. പട്ടികജാതി സംവരണം: 7- ചേരിയം വെസ്റ്റ്. സ്ത്രീ സംവരണം: 2- വെള്ളില നിരവ്, 3- കോഴിക്കോട്ട് പറന്പ്, 4- കടന്നമണ്ണ, 5- വേരും പുലാക്കൽ, 8- ചേരിയം ഈസ്റ്റ്, 10- കൂട്ടിൽ, 14- മങ്കട ടൗണ്‍, 15- മങ്കട, 16- കർക്കിടകം, 20- പുളിശേരിക്കുന്ന്. തേഞ്ഞിപ്പലം പഞ്ചായത്ത്: പട്ടികജാതി സംവരണം: 12- പാണന്പ്ര. പട്ടിക ജാതി സ്ത്രീ സംവരണം: 3- ഇല്ലത്ത്. സ്ത്രീ സംവരണ വാർഡുകൾ: 5- യൂണിവേഴ്സിറ്റി, 7-ദേവതിയാൽ , 8-കൊയപ്പ, 10- പുഞ്ചപ്പാടം, 11- ചുള്ളോട്ട് പറന്പ്, 15- ആലുങ്ങൽ, 17- കൊളത്തോട്, 19- ചെനക്കലങ്ങാടി, 20- പാടാട്ടാൽ. വള്ളിക്കുന്ന് പഞ്ചായത്ത്: പട്ടികജാതി സംവരണം: 22- റെയിൽവേ സ്റ്റേഷൻ. പട്ടിക ജാതി സ്ത്രീ സംവരണം: 15- മണ്ണട്ടാംപ്പാറ. സ്ത്രീ സംവരണ വാർഡുകൾ: 1- കടലുണ്ടി നഗരം, 3-കീഴയിൽ, 5-ആനയറ ങ്ങാടി , 8-മുണ്ടിയംകാവ് പറന്പ്, 9- മഠത്തിൽ പുറായി, 10-അത്താണിക്കൽ, 11- കച്ചേരിക്കുന്ന്, 13- കരുമരക്കാട്, 16- കൊടക്കാട്, 17- ആലിൻചുവട് , 24- ആനങ്ങാടി. പെരുവള്ളൂർ പഞ്ചായത്ത്: പട്ടികജാതി സംവരണം: 14- പറച്ചിനപ്പുറായ. പട്ടിക ജാതി സ്ത്രീ സംവരണം: 19-വലിയപ്പറന്പ്. സ്ത്രീ സംവരണ വാർഡുകൾ: 2-ചാത്രത്തൊടി , 3- കാക്കത്തടം, 4- കാടപ്പടി , 5-കരുവാൻകല്ല്, 6-നടുക്കര, 10-പൊറ്റമ്മൽ മാട്, 15-ചെനക്കൽ, 16-പൂവത്തൻമാട്, 17- കൂമണ്ണ, 18- സൂപ്പർ ബസാർ.

‘സൗരോർജ വേലി പ്രവൃത്തി തടസപ്പെടുത്തുന്നവർക്കെതിരേ നടപടി’

വന്യജീവി ആക്രമണം തടയാൻ യോഗം ചേർന്നു മലപ്പുറം: വന്യമൃഗശല്യം ലഘൂകരികരിക്കുന്നതിന്‍റെ ഭാഗമായി സൗരോർജ വേലികൾ സ്ഥാപിക്കുന്നത് ആരെങ്കിലും തടസപ്പെടുത്തിയാൽ കർശനമായ നിയമനടപടികൾ സ്വീകരിക്കുമെന്ന് ജില്ലാ കളക്ടർ വി.ആർ. വിനോദ്. വന്യജീവി ശല്യം കുറയ്ക്കുന്നതിന്‍റെ ഭാഗമായി വനംവകുപ്പിന്‍റെ നേതൃത്വത്തിൽ നടക്കുന്ന 45 ദിവസത്തെ തീവ്രയജ്ഞ പരിപാടിയുടെ ഭാഗമായി കളക്ടറുടെ അധ്യക്ഷതയിൽ ചേർന്ന നിലന്പൂർ നോർത്ത് ഡിവിഷൻ ഫോറസ്റ്റ് ഉദ്യോഗസ്ഥരുടെയും വിവിധ വകുപ്പ് ഉദ്യോഗസ്ഥരുടെയും സംയുക്ത യോഗത്തിലാണ് കളക്ടറുടെ നിർദേശം. നിലന്പൂർ നോർത്ത് ഡിഎഫ്ഒ പി. ധനേഷ്കുമാർ ആദ്യഘട്ടത്തിൽ ലഭിച്ച പരാതികളിൽ ജില്ലാതലത്തിൽ പരിഹാര നടപടികൾ ആവശ്യമായ വിഷയങ്ങൾ യോഗത്തിൽ അവതരിപ്പിച്ചു. ഫെൻസിംഗ് പരിപാലനം ഉറപ്പാക്കുന്നതിന് പഞ്ചായത്തുകൾ ഇന്നോവേറ്റീവ് പ്രോജക്ടിൽ ഉൾപ്പെടുത്തി വാച്ചർമാരെ നിയമിക്കണമെന്നും തെരഞ്ഞെടുത്ത വാച്ചർമാർക്ക് വനംവകുപ്പ് പരിശീലനം നൽകണമെന്നും കളക്ടർ നിർദേശിച്ചു. മുണ്ടേരി സീഡ് ഫാമിലെ തൊഴിലാളികളെ റൊട്ടേഷൻ അടിസ്ഥാനത്തിൽ ഫെൻസിംഗ് പരിപാലന പ്രവർത്തനങ്ങൾക്ക് വിനിയോഗിക്കാനും അവർക്ക് ആവശ്യമായ പരിശീലനം നൽകാനും തീരുമാനമായി. ദുരന്ത നിവാരണ വിഭാഗം ഡെപ്യൂട്ടി കളക്ടർ സ്വാതി ചന്ദ്രമോഹൻ, മിഷൻ ഫെൻസിംഗ് സ്റ്റേറ്റ് ലെവൽ നോഡൽ ഓഫീസർ എം.കെ. സമീർ, വിവിധ വകുപ്പ് പ്രതിനിധികൾ എന്നിവർ യോഗത്തിൽ പങ്കെടുത്തു. പ്രധാന തീരുമാനങ്ങൾ സ്വകാര്യ തോട്ടങ്ങളിലെ കാട് വെട്ടണം വനമേഖലയോട് ചേർന്നുള്ള സ്വകാര്യതോട്ടങ്ങളിൽ കാട് വെട്ടാതെ കിടക്കുന്നത് വന്യമൃഗ ശല്യത്തിന് കാരണമാകുന്നതായി യോഗം വിലയിരുത്തി. ഇത്തരം സ്ഥലങ്ങളുടെ ഉടമകൾക്ക് കാട് വെട്ടാനുള്ള നോട്ടീസ് നൽകാനും നിർദേശങ്ങൾ അവഗണിച്ചാൽ പഞ്ചായത്തിന്‍റെ ചെലവിൽ കാട് വെട്ടി തുക ഉടമയിൽ നിന്ന് ഈടാക്കുമെന്നും കളക്ടർ പറഞ്ഞു. വർഷങ്ങളായി ഉടമകളില്ലാതെ കാട് മൂടി കിടക്കുന്ന സ്ഥലങ്ങൾ കൃഷിക്ക് ഉപയോഗപ്പെടുത്താനുള്ള സാധ്യതകൾ പരിശോധിക്കുമെന്നും കളക്ടർ അറിയിച്ചു. ദുരന്തങ്ങൾ അറിയിക്കാൻ സൗകര്യമൊരുക്കും വനംവകുപ്പിന്‍റെ വിവിധ സംഘർഷ ലഘൂകരണ പ്രവർത്തനങ്ങൾക്ക് സിഎസ്ആർ ഫണ്ട് ലഭ്യമാക്കുന്നതിന് അത്തരം സ്ഥാപനങ്ങൾക്ക് ജില്ലാ കളക്ടർ കത്ത് നൽകും. വനംവകുപ്പിന്‍റെ ജില്ലാ എമർജൻസി ഓപറേഷൻ സെന്‍റർ ജില്ലാ ഭരണകൂടത്തിന്‍റെ സെന്‍ററുമായി ബന്ധിപ്പിച്ച് പൊതുജനങ്ങൾക്ക് വന്യമൃഗ ആക്രമണം ഉൾപ്പെടെ ദുരന്തങ്ങൾ അറിയിക്കാൻ ഒരൊറ്റ നന്പറിൽ വിളിക്കാനുള്ള സൗകര്യം ഒരുക്കാനും തീരുമാനിച്ചു. നാടുകാണി ചുരത്തിൽ മാലിന്യം നിക്ഷേപിക്കുന്നത് തടയാൻ സ്ക്വാഡ് നാടുകാണി ചുരത്തിൽ മാലിന്യം നിക്ഷേപിക്കുന്നത് തടയാൻ വനംവകുപ്പും പഞ്ചായത്തും ചേർന്ന് പ്രത്യേക സ്ക്വാഡ് രൂപീകരിക്കാനും നിയമലംഘകരിൽ നിന്ന് കനത്ത പിഴ ഈടാക്കാനും യോഗം തീരുമാനിച്ചു. വനമേഖലയിലെ വിനോദസഞ്ചാരികൾ പ്ലാസ്റ്റിക് പാത്രങ്ങൾ ഉപയോഗിക്കുന്നത് തടയാൻ ചെക്ക് പോസ്റ്റുകളിൽ പരിശോധന ശക്തമാക്കുകയും പിടിച്ചെടുക്കുന്ന പാത്രങ്ങൾ ഹരിത കർമസേന മുഖേന സ്റ്റീൽ പ്ലേറ്റുകളാൽ പകരം വയ്ക്കുകയും ചെയ്യും. കൂടാതെ, ഊട്ടി മാതൃകയിൽ വിനോദ സഞ്ചാരികളിൽ നിന്ന് ഗ്രീൻ ടാക്സ് ഈടാക്കി ലഭ്യമാകുന്ന തുക മനുഷ്യ-വന്യജീവി സംഘർഷ ലഘൂകരണ പ്രവർത്തനങ്ങൾക്ക് ഉപയോഗിക്കുന്നതിനുള്ള അനുമതിക്കായി സർക്കാരിനോട് ശിപാർശ ചെയ്യുവാൻ യോഗം തീരുമാനിച്ചു. കാട്ടുപന്നികളെ വെടിവയ്ക്കുന്നതിന് പ്രതിഫലം വർധിപ്പിക്കാൻ ശിപാർശ ചെയ്യും കാടിനകത്ത് കുളം, ചെക്ക് ഡാം, വൈദേശിക സസ്യനിർമാർജനം തുടങ്ങിയ പ്രവർത്തനങ്ങൾ എൻആർഇജിഎസ് പദ്ധതിയിൽ ഉൾപ്പെടുത്താൻ പഞ്ചായത്തുകൾക്ക് കളക്ടർ നിർദേശം നൽകി. കാട്ടുപന്നികളുടെ നിയന്ത്രണവുമായി ബന്ധപ്പെട്ട് ഷൂട്ടർമാരുടെ പ്രതിഫലം വർധിപ്പിക്കുന്ന കാര്യം പരിഗണിക്കുന്നതിനായി അടിയന്തര യോഗം വിളിക്കാനും സാമൂഹ്യസേവനത്തിന്‍റെ ഭാഗമായും ഈ പ്രവർത്തനം കാണണമെന്ന് കളക്ടർ ആവശ്യപ്പെട്ടു. കാട്ടുപന്നികളെ വെടിവയ്ക്കുന്നതിനും സംസ്കരിക്കുന്നതിനും അനുവദിക്കുന്ന ഫണ്ട് വർധിപ്പിക്കാൻ സർക്കാരിനോട് ശിപാർശ ചെയ്യുമെന്നും അറിയിച്ചു.

ആസ്തി രജിസ്റ്ററിൽ നിന്ന് കിണർ അപ്രത്യക്ഷമായി; ആദിവാസി കുടുംബങ്ങൾ പഞ്ചായത്ത് സെക്രട്ടറിയെ ഉപരോധിച്ചു

കാളികാവ്: ചോക്കാട് നെല്ലിയാംപാടം ആദിവാസി നഗറിലെ കുടിവെള്ള പദ്ധതിയുടെ ദശാബ്ദങ്ങളായി ഉപയോഗത്തിലിരുന്ന കിണർ ആസ്തി രജിസ്റ്ററിൽ നിന്ന് അപ്രത്യക്ഷമായി. ഇതേത്തുടർന്ന് കുടിവെള്ള പദ്ധതിയുടെ അറ്റകുറ്റപ്പണിക്കായി അനുവദിച്ച ഫണ്ട് പാഴായി പോകുമെന്ന് ആശങ്കയിലായ നെല്ലിയാംപാടം ആദിവാസി നഗറിലെ കുടുംബങ്ങൾ ഗ്രാമപഞ്ചായത്തിലെത്തി സെക്രട്ടറിയെ ഏറെ നേരം ബന്ദിയാക്കി. പതിറ്റാണ്ടുകളോളം പ്രദേശത്തുകാർ ഉപയോഗിച്ച പൊതുകിണർ പഞ്ചായത്തിന്‍റെ ആസ്തി രജിസ്റ്ററിൽ കാണാനില്ലാത്തതാണ് പ്രശ്നമായത്. ജില്ലാ പഞ്ചായത്തും ഗ്രാമപഞ്ചായത്തും കുടിവെള്ള പദ്ധതി പ്രകാരം ഒന്നിലധികം തവണ ഫണ്ട് ചെലവഴിച്ച് നിർമിച്ചതും മറ്റു പ്രവൃത്തികൾ നടത്തുകയും ചെയ്ത കിണറാണ് ഇപ്പോൾ പഞ്ചായത്തിന്‍റെ ആസ്തി രജിസ്റ്ററിൽ നിന്ന് അപ്രത്യക്ഷമായത്. ഇതോടെ ജില്ലാ പഞ്ചായത്ത് നിർമിച്ച നിലവിലെ കുടിവെള്ള വിതരണ പദ്ധതി പാടെ തകരാറിലായിട്ടുണ്ട്. പദ്ധതിയുടെ റിപ്പയറിംഗിനു വേണ്ടി ഗ്രാമപഞ്ചായത്ത് ഫണ്ട് വകയിരുത്തിയ ഘട്ടത്തിലാണ് ആസ്തി രജിസ്റ്ററിൽ നിന്ന് കിണർ അപ്രത്യക്ഷമായ വിവരം ബന്ധപ്പെട്ടവർ അറിയുന്നത്. കുടിവെള്ളത്തിനായി മറ്റു മാർഗങ്ങളില്ലാതെ പ്രയാസപ്പെടുന്ന നെല്ലിയാന്പാടത്തുകാർ പഞ്ചായത്തിന്‍റെ അനാസ്ഥക്കെതിരേ രംഗത്ത് വരികയായിരുന്നു. വാർഡ് മെന്പർ കെ.ടി. സലീന, സിപിഎം ലോക്കൽ സെക്രട്ടറി കെ.ടി. മുജീബ്, മെന്പർമാരായ കെ. ഷാഹിനാബാനു, എം. അൻവർ എന്നിവരുടെ നേതൃത്വത്തിലാണ് പഞ്ചായത്ത് സെക്രട്ടറിയെ ബന്ദിയാക്കി ഉപരോധിച്ചത്. ഒടുവിൽ വിഷയം പരിശോധിച്ച് രണ്ടു ദിവസത്തിനകം പരിഹരിക്കാമെന്ന വ്യവസ്ഥയിൽ ഉപരോധം അവസാനിപ്പിക്കുകയായിരുന്നു. കാളികാവ് എസ്ഐ ഇല്ലിക്കൽ അൻവർ സാദത്തിന്‍റെ നേതൃത്വത്തിൽ പോലീസ് സ്ഥലത്തെത്തിയിരുന്നു.

പെരുവന്പാടത്തെ റോഡുകൾ ഉദ്ഘാടനം ചെയ്തു

നിലന്പൂർ: പെരുവന്പാടത്ത് വിവിധ റോഡുകളുടെ ഉദ്ഘാടനവും പ്രവൃത്തി ഉദ്ഘാടനവും നടത്തി. എംഎൽഎ ഫണ്ടിൽനിന്ന് 10 ലക്ഷം രൂപ വീതം ചെലവഴിച്ച് നിർമിച്ച മേലെ പെരുവന്പാടം വനം റോഡ്, വണ്ടനാനിക്കൽ റോഡ്, ബ്ലോക്ക് പഞ്ചായത്ത് ഫണ്ടിൽനിന്ന് 10 ലക്ഷം രൂപ ചെലവിൽ നിർമിച്ച പെരുന്പാടം നഗർ റോഡ് എന്നിവയുടെ ഉദ്ഘാടനവും ഗ്രാമപഞ്ചായത്ത് 10 ലക്ഷം രൂപ ചെലവഴിച്ച് നിർമിക്കുന്ന പെരുന്പാടം പുഴക്കടവ്-തൊണ്ടിയൽ നടപ്പാത, എംഎൽഎ ഫണ്ടിൽനിന്ന് 10 ലക്ഷം രൂപ ചെലവഴിച്ചുള്ള ഇടിവണ്ണ - പെരുവന്പാടം റോഡ് എന്നിവയുടെ പ്രവൃത്തി ഉദ്ഘാടനവുമാണ് പി.കെ. ബഷീർ എംഎൽഎ നിർവഹിച്ചത്. മേലെ പെരുവന്പാടം വനം റോഡ് ഉദ്ഘാടനത്തിൽ നിലന്പൂർ നോർത്ത് ഡിഎഫ്ഒ പി. ധനേഷ് കുമാറും പങ്കെടുത്തു. പെരുവന്പാടം വാർഡിൽ ഉൾപ്പെടെ ചാലിയാർ പഞ്ചായത്തിന്‍റെ വിവിധ ഭാഗങ്ങളിൽ എംഎൽഎ ഫണ്ട് ഉപയോഗിച്ച് നിരവധി റോഡുകളുടെ പ്രവൃത്തി പൂർത്തീരിക്കാൻ സാധിച്ചതായി എംഎൽഎ പറഞ്ഞു. 112 കോടിയിലേറെ രൂപ ചെലവഴിച്ച് നിർമാണം ആരംഭിച്ചിട്ടുള്ള നിലന്പൂർ - നായാടംപൊയിൽ മലയോര ഹൈവേ മലയോര മേഖലക്ക് ഏറെ നേട്ടമാകുമെന്നും എംഎൽഎ പറഞ്ഞു. ഒരു പ്രതിപക്ഷ എംഎൽഎ എന്ന നിലയിൽ ജനങ്ങളുടെ പ്രതീക്ഷക്കനുസരിച്ച് വികസന പ്രവർത്തനങ്ങൾ നടത്താൻ കഴിഞ്ഞതായും പി.കെ. ബഷീർ പറഞ്ഞു. നിലന്പൂർ ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി അധ്യക്ഷത വഹിച്ചു. ചാലിയാർ ഗ്രാമപഞ്ചായത്ത് പ്രസിഡന്‍റ് പി. മനോഹരൻ മുഖ്യപ്രഭാഷണം നടത്തി. അഡ്വ. ഐ.കെ. യൂനസ് സലിം, കല്ലട കുഞ്ഞുമുഹമ്മദ്, നാലകത്ത് ഹൈദരാലി, ബെന്നി കൈതോലിൽ, തോണിക്കടവൻ ഷൗക്കത്ത്, ഹാരീസ് ആട്ടിരി എന്നിവർ പ്രസംഗിച്ചു. കഴിഞ്ഞ അഞ്ചുവർഷംകൊണ്ട് എംഎൽഎ, ജില്ലാ പഞ്ചായത്ത്, ബ്ലോക്ക് പഞ്ചായത്ത്, ഗ്രാമപഞ്ചായത്ത് ഫണ്ടുകൾ ഉപയോഗിച്ച് വാർഡിൽ രണ്ട് കോടി രൂപയുടെ വികസന പദ്ധതികൾ നടപ്പാക്കാൻ കഴിഞ്ഞതായി വാർഡ് അംഗം സിബി അന്പാട്ട് പറഞ്ഞു.

നോർവെയിലേക്ക് ക്ഷണം; റുഷ്ദ ഹിബയെ അനുമോദിച്ചു

ചാത്തനല്ലൂർ: നോർവെ സർവകലാശാലയിൽ രസതന്ത്രത്തിൽ സ്കോളർഷിപ്പോടു കൂടി ഗവേഷണം നടത്താൻ ഇന്ത്യയിൽ നിന്ന് തെരഞ്ഞെടുക്കപ്പെട്ട അങ്ങാടിപ്പുറം പഞ്ചായത്തിലെ ചാത്തനല്ലൂർ സ്വദേശിനി റുഷ്ദ ഹിബയെ ചാത്തനല്ലൂർ റസിഡന്‍റ്സ് അസോസിയേഷൻ അനുമോദിച്ചു. 17 നാണ് നോർവെയിലേക്ക് യാത്ര തിരിക്കുന്നത്. നൂറുൽ ഹുദാ മദ്രസ അങ്കണത്തിൽ നടന്ന ചടങ്ങ് വാർഡ് മെന്പർ പി.പി. ഷിഹാബ് ഉദ്ഘാടനം ചെയ്തു. പെരിന്തൽമണ്ണ പോലീസ് ഇൻസ്പെക്ടർ സുമേഷ് സുധാകരൻ മെമന്‍റോ നൽകി. റസിഡന്‍റ്സ് അസോസിയേഷൻ പ്രസിഡന്‍റ് യു. അബ്ദുൾ കരീം അധ്യക്ഷത വഹിച്ചു. ചടങ്ങിൽ എൽഎസ്എസ് സ്കോളർഷിപ്പ് നേടിയ സി. ഹയ ഫാത്തിമ, സി. റൈഫ ഫാത്തിമ, എൻ. അബ്ദുള്ള, ടി.കെ. ദൻവ, എൻ.കെ. അലി സാഹി എന്നിവർക്കുള്ള ഉപഹാരം സി. അബ്ദുൾ റസാക്ക്, പി.പി. ഹംസ, കെ.ടി. സക്കീർ, വി.കെ. അബ്ബാസ് എന്നിവർ നൽകി. ഷബീർ ചാത്തോലിൽ പ്രസംഗിച്ചു. ചത്തോലിക്കുണ്ട് സ്വദേശി പരേതനായ തെക്കൻ ബക്കറിന്‍റെയും സുലൈഖയുടെയും മകളാണ് റുഷ്ദ ഹിബ. സഹോദരൻ: സൽമാൻ റുഷ്ദി. സഹോദരി: ഹിദ.

മഞ്ചേരി ബസ് ബേ കം ഷോപ്പിംഗ് കോംപ്ലക്സ് നാടിന് സമർപ്പിച്ചു

മഞ്ചേരി: കേരളത്തിലെ തദ്ദേശ സ്ഥാപനങ്ങളുടെ സ്ഥിതി ജാതകത്തിലെ രാജയോഗം പ്രയോഗം പോലെയാണെന്ന് പ്രതിപക്ഷ നേതാവ് വി.ഡി. സതീശൻ. രാജയോഗമാണെന്നും രാജാവിനെ പോലെ ജീവിക്കുമെന്നും ജാതകത്തിന്‍റെ ആദ്യപേജിലുണ്ടാകും. മൂന്ന്, നാല് പേജുകൾ മറിക്കുന്പോൾ അത് അനുഭവിക്കാൻ ഭാഗ്യം ഉണ്ടാകില്ലെന്നും എഴുതിയിട്ടുണ്ടാകും. ഇതേ രീതിയിലാണ് സംസ്ഥാന സർക്കാർ തദ്ദേശ സ്ഥാപനങ്ങളോട് പെരുമാറുന്നത്. പണം അനുവദിച്ചോ എന്ന് ചോദിച്ചാൽ ഉണ്ടെന്ന് പറയും. എന്നാൽ നൽകുന്ന പണം പേപ്പറിലാണ്, അനുഭവിക്കാൻ പറ്റില്ല. ട്രഷറി അടച്ചിടുന്നതിന്‍റെ മണിക്കൂറുകൾക്ക് മുന്പാണ് സർക്കാർ ഫണ്ട് നൽകുക. അക്കൗണ്ടിലുള്ള തുക എടുക്കാനാകാതെ തദ്ദേശ സ്ഥാപനങ്ങളെ ദുരിതത്തിലാക്കാനാണ് ഇങ്ങനെ ചെയ്യുന്നത്. ഖജനാവ് കാലിയായ സർക്കാരിന് ഇത്രയൊക്കെ പറ്റൂവെന്നും സതീശൻ പരിഹസിച്ചു. സർക്കാർ പ്രയാസപ്പെടുത്തിയിട്ടും മനോഹരമായ ബസ് ബേ സമുച്ചയം ഒരുക്കിയ നഗരസഭയെ അഭിനന്ദിക്കുകയാണെന്നും അദ്ദേഹം പറഞ്ഞു. മഞ്ചേരി നഗരസഭ അഹമ്മദ് കുരിക്കൾ സ്മാരക ബസ് ബേ കം ഷോപ്പിംഗ് കോംപ്ലക്സ് ഉദ്ഘാടനം ചെയ്തു സംസാരിക്കുകയായിരുന്നു വി.ഡി. സതീശൻ. അഡ്വ. യു.എ. ലത്തീഫ് എംഎൽഎ അധ്യക്ഷത വഹിച്ചു. 9.5 കോടി രൂപ ചെലവഴിച്ച് 38,167 ചതുരശ്ര വിസ്തൃതിയിലാണ് പുതിയ കെട്ടിടം ഒരുക്കിയത്. ഗ്രൗണ്ട് ഫ്ളോർ അടക്കം മൂന്ന് നിലകളിലായാണ് ഷോപ്പിംഗ് കോംപ്ലക്സ്. അപകടാവസ്ഥയിലായിരുന്ന പഴയ ബസ് സ്റ്റാൻഡ് കെട്ടിടം പൊളിച്ചു അതിവേഗം നിർമാണം പൂർത്തിയാക്കി. താഴത്തെ നിലയിൽ 34 റൂമുകളും ഒന്നാം നിലയിലും രണ്ടാം നിലയിലുമായി 30 വീതം റൂമുകളുമുണ്ട്. 29 ശുചിമുറികളും സജ്ജമാക്കി. നിലവിലുണ്ടായിരുന്ന കെട്ടിടത്തിലെ പഴയ കച്ചവടക്കാരെ പുതിയ കെട്ടിടത്തിലേക്ക് പുനരധിവസിപ്പിച്ചു. പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി, ഇ.ടി. മുഹമ്മദ് ബഷീർ എംപി എന്നിവർ ഓണ്‍ലൈനായി പ്രസംഗിച്ചു. എംഎൽഎമാരായ എ.പി. അനിൽകുമാർ, പി.കെ. ബഷീർ, പി. ഉബൈദുള്ള, ടി.വി. ഇബ്രാഹിം, ആര്യാടൻ ഷൗക്കത്ത്, ചെയർപേഴ്സണ്‍ വി.എം. സുബൈദ, വൈസ് ചെയർമാൻ വി.പി. ഫിറോസ്, സ്ഥിരംസമിതി അധ്യക്ഷരായ എൻ.കെ. ഖൈറുന്നീസ, എൻ.എം. എൽസി, റഹീം പുതുക്കൊള്ളി, യാഷിക് മേച്ചേരി, സി. സക്കീന, കൗണ്‍സിലർ കണ്ണിയൻ അബൂബക്കർ, നഗരസഭ മുൻ ചെയർമാൻമാരായ ഇസ്ഹാഖ് കുരിക്കൾ, വല്ലാഞ്ചിറ മുഹമ്മദലി, വ്യാപാരി വ്യവസായി ഏകോപന സമിതി പ്രസിഡന്‍റ് നിവിൽ ഇബ്രാഹീം, രാഷ്ട്രീയ പാർട്ടി പ്രതിനിധികൾ തുടങ്ങിയവർ പ്രസംഗിച്ചു. അതേസമയം ഇടത് കൗണ്‍സിലർമാരും നേതാക്കളും ചടങ്ങിൽ പങ്കെടുത്തില്ല.

കോണ്‍ഗ്രസ് പ്രതിഷേധിച്ചു

നിലന്പൂർ: കോണ്‍ഗ്രസ് നേതാവും എംപിയുമായ ഷാഫി പറന്പിലിനെ പോലീസ് മർദിച്ചതിൽ പ്രതിഷേധിച്ച് നിലന്പൂരിലും പ്രതിഷേധ പ്രകടനം നടന്നു. നിലന്പൂർ നിയോജക മണ്ഡലംതല പ്രതിഷേധ പ്രകടനത്തിൽ വിവിധ ബ്ലോക്കുകളിൽ നിന്നുള്ള കോണ്‍ഗ്രസ് നേതാക്കളും പ്രവർത്തകരും പങ്കെടുത്തു. പോലീസ് വൻ സുരക്ഷാ സജ്ജീകരണങ്ങളാണ് ഏർപ്പെടുത്തിയിരുന്നത്. കോണ്‍ഗ്രസ് ഓഫീസ് പരിസരത്ത് നിന്ന് തുടങ്ങിയ പ്രതിഷേധ പ്രകടനം നിലന്പൂർ ടൗണ്‍ ചുറ്റി നെഹ്റു സ്ക്വയറിൽ സമാപിച്ചു. പ്രകടനത്തിന് ആര്യാടൻ ഷൗക്കത്ത് എംഎൽഎ, കെപിസിസി മുൻ സെക്രട്ടറി വി.എ. കരീം, കോണ്‍ഗ്രസ് ബ്ലോക്ക് പ്രസിഡന്‍റുമാരായ പാലോളി മെഹബൂബ്, തോപ്പിൽ ബാബു, വിവിധ പോഷക സംഘടനാ നേതാക്കൾ, ജനപ്രതിനിധികൾ തുടങ്ങിയവർ പങ്കെടുത്തു.

പാലം പ്രവൃത്തി ഉദ്ഘാടനം ചെയ്തു

അങ്ങാടിപ്പുറം: പീച്ചാണിപ്പറന്പ് പാലത്തിന്‍റെ പ്രവൃത്തി ഉദ്ഘാടനം മഞ്ഞളാംകുഴി അലി എംഎൽഎ നിർവഹിച്ചു. എംഎൽഎയുടെ ആസ്തി വികസന ഫണ്ടിൽ നിന്ന് 10 ലക്ഷം രൂപ വകയിരുത്തിയാണ് പാലം നിർമിക്കുന്നത്. അങ്ങാടിപ്പുറം പഞ്ചായത്ത് പ്രസിഡന്‍റ് സഈദ അധ്യക്ഷത വഹിച്ചു.സലീം പുലാക്കൽ, ഷമീർബാബു മൂന്നാക്കൽ, ഹുസൈൻ പള്ളിയാൽതൊടി, അസൈനാർ പള്ളിയാൽതൊടി, എ. ഉനൈസ്, എ. അനസ്, മുഹമ്മദ് ഷാഫി പള്ളിയാൽതൊടി, സി.കെ. നാസർ, സി.കെ. നസീഫ്, പി.ടി. മുസ്തഫ തുടങ്ങിയവർ പങ്കെടുത്തു.

ചാലിയാർ കുടുംബശ്രീ വാർഷികം പങ്കാളിത്തംകൊണ്ട് ശ്രദ്ധേയമായി

നിലന്പൂർ: സംഘാടനം കൊണ്ടും സ്ത്രീ പങ്കാളിത്തംകൊണ്ടും ശ്രദ്ധേയമായി ചാലിയാർ കുടുംബശ്രീ വാർഷികാഘോഷം. ചാലിയാർ കുടുംബശ്രീ സിഡിഎസിന്‍റെ 27 -ാമത് വാർഷികാഘോഷമാണ് ഏറെ ശ്രദ്ധേയമായത്. 1500 ലേറെ പേരാണ് പങ്കെടുത്തത്. അകന്പാടത്ത് നടന്ന വാർഷികാഘോഷവും സിഡിഎസ് പ്രവർത്തന റിപ്പേർട്ട് പ്രകാശനവും പി.കെ. ബഷീർ എംഎൽഎ ഉദ്ഘാടനം ചെയ്തു. ചാലിയാർ ഗ്രാമപഞ്ചായത്ത് പ്രസിഡന്‍റ് പി. മനോഹരൻ അധ്യക്ഷത വഹിച്ചു. ചാലിയാർ സിഡിഎസിലെ സംഘകൃഷി ഗ്രൂപ്പുകൾക്കുള്ള ഇൻസന്‍റീവ് വിതരണോദ്ഘാടനം നിലന്പൂർ ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി നിർവഹിച്ചു. കുടുംബശ്രീ ജില്ലാ മിഷൻ കോ ഓർഡിനേറ്റർ ബി. സുരേഷ് കുമാർ മുഖ്യഥിതിയായിരുന്നു. പ്രവർത്തന റിപ്പോർട്ട് മെന്പർ സെക്രട്ടറി ബി. ഹരികൃഷ്ണൻ നായർ അവതരിപ്പിച്ചു. ചാലിയാർ സിഡിഎസിലെ മികച്ച പ്രവർത്തനങ്ങൾ നടത്തിയ എഡിഎസ്, അയൽക്കൂട്ടം, ജെഎൽജി, എസ്ടി അയൽക്കൂട്ടം, സൂക്ഷ്മ സംരംഭം, മൃഗസംരക്ഷണ സംരംഭം എന്നീ മേഖലയിലുള്ളവരെ ചടങ്ങിൽ ആദരിച്ചു. ചാലിയാർ ഗ്രാമപഞ്ചായത്ത് വൈസ് പ്രസിഡന്‍റ് ഗീത ദേവദാസ്, സ്റ്റാൻഡിംഗ് കമ്മിറ്റി ചെയർപേഴ്സൻമാരായ ബീനാ ജോസഫ്, തോണിയിൽ സുരേഷ്, സുമയ്യ പൊന്നാൻകടവൻ, നിലന്പൂർ ബ്ലോക്ക് പഞ്ചായത്തംഗം സഹിൽ അകന്പാടം, ഗ്രാമപഞ്ചായത്ത് അംഗങ്ങൾ, നിലന്പൂർ ട്രൈബൽ സ്പെഷൽ പ്രോജക്ട് കോ ഓർഡിനേറ്റർ കെ.കെ. മുഹമ്മദ് സാനു തുടങ്ങിയവർ പ്രസംഗിച്ചു.സിഡിഎസ് ഓഫീസിന്‍റെ സ്ഥലപരിമിതിയും സൗകര്യക്കുറവും സിഡിഎസ് ചെയർപേഴ്സണ്‍ എംഎൽയ്എക്ക് മുന്നിൽ അവതരിപ്പിച്ചു.

തദ്ദേശ തെരഞ്ഞെടുപ്പ്: സംവരണ വാർഡുകളുടെ നറുക്കെടുപ്പ് തുടങ്ങി

മലപ്പുറം: തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട് സംവരണ വാർഡുകളുടെ നറുക്കെടുപ്പ് തുടങ്ങി. നിലന്പൂർ, വണ്ടൂർ, മലപ്പുറം ബ്ലോക്ക് പഞ്ചായത്തുകൾക്ക് കീഴിലെ ഗ്രാമപഞ്ചായത്ത് വാർഡുകളുടെ നറുക്കെടുപ്പ് പൂർത്തിയായി. നിലന്പൂർ ബ്ലോക്കിന് കീഴിലെ പഞ്ചായത്തുകളും സംവരണ വാർഡുകളും: വഴിക്കടവ് പഞ്ചായത്ത്: പട്ടികജാതി സ്ത്രീ ( വാർഡ് 14 ആലപൊയിൽ ). പട്ടികജാതി ( 11, വഴിക്കടവ് ). സ്ത്രീ സംവരണം-02 മദ്ദളപ്പാറ, 04 മരുത വേങ്ങാപ്പാടം , 05 മാമാങ്കര, 07 വള്ളിക്കാട്, 08 മണൽപാടം, 10 വെള്ളക്കട്ട, 15 മണിമൂളി, 17 മുണ്ട, 19 ശങ്കുണ്ണിപൊട്ടി, 22 നാരേക്കാവ്, 23 മേക്കോരവ. എടക്കര പഞ്ചായത്ത്: പട്ടികജാതി സംവരണം (19 ചാത്തമുണ്ട). പട്ടികവർഗ സംവരണം (17 പാതിരിപ്പാടം ). സ്ത്രീ സംവരണം- 01 മലച്ചി, 02 കരുനെച്ചി, 04 പാലേമാട് , 06 ശങ്കരംകുളം, 07പായിന്പാടം, 08 പാർലി, 09 വെള്ളാരംകുന്ന്, 14 തന്പുരാൻകുന്ന്, 16 തെയ്യത്തുംപാടം, 18 ഉദിരകുളം. പോത്തുകല്ല് പഞ്ചായത്ത്: പട്ടികജാതി സംവരണം ( 10 കോടാലിപൊയിൽ), പട്ടികവർഗ സംവരണം ( 09, മുതുകുളം ). സ്ത്രീ സംവരണം-04 മുറം തൂക്കി, 05 മുക്കം, 06 വെളുന്പിയംപാടം, 07 അന്പിട്ടാൻപൊട്ടി, 12 നെട്ടിക്കുളം , 13 ഉപ്പട, 14 വെള്ളിമുറ്റം, 17 പനങ്കയം, 18 തുടിമുട്ടി, 19 ഭൂദാനം. മൂത്തേടം ഗ്രാമപഞ്ചായത്ത്: പട്ടികജാതി സ്ത്രീ സംവരണം (09 വെള്ളാരമുണ്ട). പട്ടികജാതി സംവരണം ( 11 വട്ടപ്പാടം ). പട്ടികവർഗ സംവരണം ( 05 ബാലംകുളം). സ്ത്രീ സംവരണം- 02 നെല്ലിക്കുത്ത്, 04 കൽക്കുളം, 06 കാരപ്പുറം, 07പായംപാടം, 12 കുറ്റിക്കാട്, 14 മൂത്തേടം, 15 ചാമപറന്പ്, 18 ചമ്മന്തിട്ട. ചുങ്കത്തറ പഞ്ചായത്ത്: പട്ടികജാതി സ്ത്രീ ( 07, കാട്ടിച്ചിറ ), പട്ടികജാതി (10 കാട്ടിലപ്പാടം ), പട്ടികവർഗം (12 പനമണ്ണ ), സ്ത്രീസംവരണം-01 എരുമമുണ്ട, 04 നല്ലംതണ്ണി, 05 തലഞ്ഞി, 06 പുലിമുണ്ട, 08 കോട്ടേപ്പാടം, 11 പള്ളിക്കുത്ത്, 13 മുട്ടിക്കടവ്, 16 ചുങ്കത്തറ ടൗണ്‍, 17 വെള്ളാരംകുന്ന്, 20 കൈപ്പിനി. ചാലിയാർ പഞ്ചായത്ത്: പട്ടികവർഗ സ്ത്രീ സംവരണം (14 അകന്പാടം). പട്ടികജാതി സംവരണം (12 മൊടവണ്ണ). പട്ടികവർഗ സംവരണം( 06 നന്പൂരിപ്പൊട്ടി). സ്ത്രീ സംവരണം- 04 മുട്ടിയേൽ ,07 ആനപ്പാറ, 08 കോരംകോട്, 11 മണ്ണുപ്പാടം, 13 കളക്കുന്ന്, 15 ആറംകോട്, 16 പെരുന്പാടം. വണ്ടൂർ ബ്ലോക്ക് പഞ്ചായത്തിന് കീഴിലെ സ്ഥാപനങ്ങളുടെ നറുക്കെടുപ്പ്: തിരുവാലി ഗ്രാമപഞ്ചായത്ത്: പട്ടികജാതി സ്ത്രീ സംവരണം (17 ചടങ്ങാംകുളം, 14 തിരുവാലി ). പട്ടികജാതി സംവരണം ( 01 ഇല്ലാത്തുക്കുന്ന്, 11 പൂളക്കൽ). സ്ത്രീസംവരണം-02 കാർങ്ങല്ലൂർ, 05 നടുവത്ത്, 06 എകെജി നഗർ, 03 കണ്ടമംഗലം, 09 ഏറിയാട്, 15 തോടായം, 16 വട്ടപ്പറന്പ്, 18 പത്തിരിയാൽ. വണ്ടൂർ പഞ്ചായത്ത്: പട്ടികജാതി സ്ത്രീ സംവരണം ( 03 കാരാട്, 06ശാന്തി നഗർ ). പട്ടികജാതി സംവരണം(16 പള്ളിക്കുന്ന്). സ്ത്രീ സംവരണം-08 വരന്പർ കല്ല് , 09 കൂരാട്, 10 മുടപ്പിലാശേരി, 11 മാടശേരി , 12 വാണിയന്പലം, 14 ചെട്ടിയാറമ്മ , 19 അന്പലപ്പടി, 21 പഴയ വാണിയന്പലം, 22 പൊട്ടിപ്പാറ, 23 വെള്ളാന്പുറം ). മന്പാട് പഞ്ചായത്ത്: പട്ടികജാതി സ്ത്രീ സംവരണം (11 കാട്ടുമുണ്ട), പട്ടികജാതി സംവരണം ( 03 വടപുറം ), പട്ടികവർഗ സംവരണം ( 05 പാലപറന്പ്), സ്ത്രീ സംവരണം- 04 വള്ളിക്കെട്ട്, 09 കന്പനിപ്പടി, 14 മേപ്പാടം, 15 പൊങ്ങല്ലൂർ, 16 ഇളന്പുഴ, 17 മന്പാട് സൗത്ത്, 18 ഇപ്പുട്ടിങ്ങൽ, 19 മന്പാട് നോർത്ത്, 21 കാരച്ചാൽ, 22 ഓടായിക്കൽ. പോരൂർ പഞ്ചായത്ത്: പട്ടികജാതി സ്ത്രീ സംവരണം ( 04 മേലണ്ണം , 16പട്ടണം കുണ്ട് ) , പട്ടികജാതി സംവരണം ( 03 രവിമംഗലം).സ്ത്രീ സംവരണം- 02 ആലിക്കോട്, 07പോരൂർ, 09 പള്ളിക്കുന്ന്, 11താളിയംകുണ്ട്, 12 ചെറുകോട്, 15 ചെറുകോട് സൗത്ത്, 17 എരഞ്ഞിക്കുന്ന്, 18 നിരന്നപറന്പ്. പാണ്ടിക്കാട് പഞ്ചായത്ത്: പട്ടികജാതി സ്ത്രീ സംവരണം ( 03 കാവുങ്ങൽപറന്പ്, 15 പുലിക്കൽപറന്പ്).പട്ടികജാതി സംവരണം ( 11 വിലങ്ങംപൊയിൽ ), സ്ത്രീ സംവരണം- 01 വെട്ടിക്കാട്ടിരി, 04 കാരായ, 05 കൊടശേരി, 06 മരാട്ടപ്പടി, 07 അന്പലക്കള്ളി, 16 കുഴിക്കാട്ട്പറന്പ്, 17 പയ്യപറന്പ്, 18 പാണ്ടിക്കാട് ടൗണ്‍, 19 പാണ്ടിക്കാട് സൗത്ത്, 24 തറിപ്പടി. തൃക്കലങ്ങോട് പഞ്ചായത്ത്: പട്ടികജാതി സ്ത്രീ സംവരണം ( 07 പഴേടം, 09 എടക്കാട് ). പട്ടികജാതി സംവരണം (12 ചാരങ്കാവ് ). സ്ത്രീ സംവരണം-08 പുലത്ത്, 10 പാതിരിക്കോട്, 11 പേലേപ്പുറം, 13 ചെറുകുളം, 15 മൈലൂത്ത്, 16 ചെറാംകുത്ത്, 17 മഞ്ഞപ്പറ്റ, 18 കൂമംകുളം, 21 തൃക്കലങ്ങോട്, 24 നെല്ലിക്കുന്ന്. മലപ്പുറം ബ്ലോക്കിന് കീഴിലെ പഞ്ചായത്തുകളും സംവരണ വാർഡുകളും: ആനക്കയം ഗ്രാമപഞ്ചായത്ത്: പട്ടികജാതി സംവരണം ( 12 അന്പലവട്ടം), സ്ത്രീ സംവരണം- 01 പള്ളിയാളിപ്പടി, 03 കൂളയോടൻമുക്ക് , 05 ചിറ്റത്തുപാറ, 06 പന്തല്ലൂർ, 07 മുടക്കോട്, 08 നരിയാട്ടുപാറ, 11 തെക്കുന്പാട്,14 ചേപ്പൂർ, 15 ആനക്കയം, 17 പെരിന്പലം, 19 ഇരുന്പുഴി, 20 വളാപറന്പ്. മൊറയൂർ ഗ്രാമപഞ്ചായത്ത്: പട്ടികജാതി സംവരണം ( 10 പാലത്തിങ്ങൽ ), സ്ത്രീ സംവരണം- 01 ഒഴുകൂർ, 06 മോങ്ങം, 08 ഹിൽടോപ്പ്, 09 അരിന്പ്ര, 11 പുതനപ്പറന്പ്, 12 ബിരിയപ്പുറം, 13 അരിന്പ്ര നോർത്ത്, 14 കാരത്തടം, 16 തിരുവാലിപ്പറന്പ്, 19 എടപ്പറന്പ്, 21 കുന്നക്കാട്. പൊന്മള ഗ്രാമപഞ്ചായത്ത്: പട്ടികജാതി സംവരണം ( 09 ആക്കപ്പറന്പ്). സ്ത്രീ സംവരണം- 02 പൊന്മള, 03 കാഞ്ഞിരമുക്ക്, 05 ചാപ്പനങ്ങാടി, 06 വട്ടപറന്പ്, 08 ചെങ്ങോട്ടൂർ, 10 കോൽകളം, 11 കുന്നംകുറ്റി, 12 ചൂനൂർ, 13 തലകാപ്പ്, 16 പറങ്കിമുച്ചിക്കൽ, 19 പള്ളിയാലിൽ. പൂക്കോട്ടൂർ ഗ്രാമപഞ്ചായത്ത്: പട്ടികജാതി സംവരണം ( 15 ചെറുവള്ളൂർ ).സ്ത്രീ സംവരണം- 02 ഹാഫ് വള്ളുവന്പ്രം, 03 ഹാഫ് വള്ളുവന്പ്രം ഈസ്റ്റ്, 04 മൂച്ചിക്കൽ , 06 പുല്ലാര, 10 മേലേമുക്ക്, 12 പൂക്കോട്ടൂർ, 14 അറവങ്കര, 16 ന്യൂ ബസാർ, 17 ചീനിക്കൽ, 18 അത്താണിക്കൽ, 21 മുസ്ല്യാർ പീടിക, 22 മൂലക്കോട്. ഒതുക്കുങ്ങൽ ഗ്രാമപഞ്ചായത്ത്: പട്ടികജാതി സംവരണം ( 05 മൂലപ്പറന്പ്). സ്ത്രീ സംവരണം- 04 മറ്റത്തൂരങ്ങാടി, 08 പാറക്കളം, 10 നൊട്ടനാലക്കൽ, 11 ഒതുക്കുങ്ങൽ ടൗണ്‍, 12 ചെറുക്കുന്ന്, 13 മേലേക്കുളന്പ്, 14 നെടുങ്ങോട്ടകളം, 15 വലിയപറന്പ്, 16 ഉദിരാണി, 17 പുത്തൂർ, 19 പള്ളിപ്പുറം, 21 കൊടവണ്ടൂർ. കോഡൂർ ഗ്രാമപഞ്ചായത്ത്: പട്ടികജാതി സംവരണം ( 22 വെസ്റ്റ്കോഡൂർ ). സ്ത്രീ സംവരണം- 01 മങ്ങാട്ടുപുലം, 02 വടക്കേമണ്ണ, 03 ചെമ്മങ്കടവ്, 04 ചോലക്കൽ, 05 ഉമ്മത്തൂർ, 06 പെരങ്ങോട്ടുപുലം, 07 മുണ്ടക്കോട്, 09 കുട്ടശേരികുളന്പ്, 10 ഈസ്റ്റ്കോഡൂർ, 12 ചെളൂർ, 19 കാച്ചടിപറന്പ്, 21 എൻകെ പടി.

കർഷകർ ലോംഗ് മാർച്ച് നടത്തി

മഞ്ചേരി: പുൽപ്പറ്റ പഞ്ചായത്ത് ഭരണകൂടം നടത്തുന്ന കർഷക ദ്രോഹ നടപടികളിൽ പ്രതിഷേധിച്ച് കർഷക സംഘം പുൽപ്പറ്റ പഞ്ചായത്ത് കമ്മിറ്റിയുടെ ആഭിമുഖ്യത്തിൽ ലോംഗ് മാർച്ച് സംഘടിപ്പിച്ചു. പുറമണ്ണ മുതൽ കൂട്ടാവ് വരെ നടന്ന മാർച്ച് ജില്ലാ സെക്രട്ടറി വി.എം. ഷൗക്കത്ത് ഉദ്ഘാടനം ചെയ്തു. കുര്യാക്കോസ്, സുരേഷ് കൈരളി, ജാഥാ ക്യാപ്റ്റൻ റസാഖ് വളമംഗലം, മുഹമ്മദ്, മൻസൂർ, ബാബു, സലീം എന്നിവർ പ്രസംഗിച്ചു.

അങ്ങാടിപ്പുറത്ത് തൊഴിൽമേള

അങ്ങാടിപ്പുറം: അങ്ങാടിപ്പുറം ഗ്രാമപഞ്ചായത്ത് വിജ്ഞാനകേരളം പ്രാദേശിക തൊഴിൽമേള എം.പി. നാരായണ മേനോൻ മെമ്മോറിയൽ ഹാളിൽ സംഘടിപ്പിച്ചു. പ്രസിഡന്‍റ് സഈദ മേള ഉദ്ഘാടനം ചെയ്തു. വിജ്ഞാന കേരളം അങ്ങാടിപ്പുറം ഗ്രാമപഞ്ചായത്ത് ഡിആർപി നയീം പദ്ധതി വിശദീകരിച്ചു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഫൗസിയ തവളേങ്ങൽ അധ്യക്ഷത വഹിച്ചു. മെന്പർമാരായ കെ.ടി. നാരായണൻ, രത്നകുമാരി, അനിൽ, ജീന, അങ്ങാടിപ്പുറം ഗ്രാമപഞ്ചായത്ത് സിഡിഎസ് നൂറ യാസ്മിൻ, അസിസ്റ്റന്‍റ് സെക്രട്ടറി സ്മിത എന്നിവർ പ്രസംഗിച്ചു. വ്യവസായ വാണിജ്യ വകുപ്പ് ബിഡിഎസ്പി മൃദുൽ രവി, ബ്ലോക്ക് ജോബ് സ്റ്റേഷൻ കോ ഓർഡിനേറ്റർമാരായ സുഭാഷിണി, ഹഫ്സത്ത്, ഫവാസ് തുടങ്ങിയവർ നേതൃത്വം നൽകി. 16 കന്പനികൾ പങ്കെടുത്ത മേളയിൽ 150 തൊഴിലന്വേഷകർ പങ്കെടുക്കുകയും 85 പേർ ഷോർട്ട്‌ലിസ്റ്റ് ചെയ്യപ്പെടുകയും ചെയ്തു.

നിലന്പൂരിൽ വികസന സദസ് നടത്തി

നിലന്പൂർ: നിലന്പൂർ നഗരസഭയുടെ അഞ്ച് വർഷത്തെ വികസന പ്രവർത്തനങ്ങൾ അവതരിപ്പിച്ച് വികസന സദസ് ശ്രദ്ധേയമായി. നഗരസഭാധ്യക്ഷൻ മാട്ടുമ്മൽ സലീം സദസ് ഉദ്ഘാടനം ചെയ്തു. നഗരസഭാ ഉപാധ്യക്ഷ അരുമ ജയകൃഷ്ണൻ അധ്യക്ഷത വഹിച്ചു. കോവിഡ് കാലത്ത് നഗരസഭ അതിജീവിച്ചത് സർക്കാരിന്‍റെയും ജനങ്ങളുടെയും പിന്തുണകൊണ്ടാണ്. നഗരസഭയെ വയോജന സൗഹൃദമാക്കാൻ പകൽ വീടുകൾ നിർമിക്കാൻ സാധിച്ചു. ഭിന്നശേഷിക്കാർക്കായി പ്രിവിലേജ് കാർഡ് നൽകുകയും പുതിയ മൂന്ന് ആശുപത്രികൾ നിർമിക്കാനും ഈ ഭരണസമിതിക്ക് കഴിഞ്ഞുവെന്ന് അദ്ദേഹം പറഞ്ഞു. ഇന്നും വികസന സദസ് നടക്കും. അഞ്ഞൂറോളം ആളുകൾ പങ്കെടുത്ത പരിപാടിയിൽ പിഎച്ച്ഐകെപി സലീം നഗരസഭ വികസന രേഖ അവതരിപ്പിച്ചു. പറവൂർ നഗരസഭ സ്ഥിരംസമിതി അധ്യക്ഷ ഷൈനി, കേരള മുസ്‌ലിം ജമാത്ത് ജില്ലാ പ്രസിഡന്‍റ് കൂറ്റന്പാറ അബ്ദുറഹ്മാൻ ദാരിമി, ബഷീർ ഫൈസി എന്നിവർ മുഖ്യാതിഥികളായിരുന്നു. സ്ഥിരംസമിതി ചെയർമാൻമാരായ പി.എം. ബഷീർ, കാക്കാടൻ റഹീം, യു.കെ. ബിന്ദു, വി.ആർ. സൈജിമോൾ, സ്കറിയ കിനാംതോപ്പിൽ, വാർഡ് കൗണ്‍സിലർമാർ എന്നിവർ പങ്കെടുത്തു.

മഞ്ചേരി മെഡിക്കൽ കോളജിൽ ബേണ്‍ ഐസിയു ആരംഭിച്ചു

മഞ്ചേരി: മഞ്ചേരി ഗവണ്‍മെന്‍റ് മെഡിക്കൽ കോളജ് ആശുപത്രിയിൽ തീപ്പൊള്ളലേറ്റ് ഗുരുതരാവസ്ഥയിലെത്തുന്ന രോഗികൾക്കായി ബേണ്‍ ഐസിയു ആരംഭിച്ചു. ജൂണിയർ ചേംബർ ഇന്‍റർനാഷണലാണ് ആശുപത്രിയിൽ യൂണിറ്റ് സ്ഥാപിച്ചത്. ജെസിഐ മേഖല പ്രസിഡന്‍റ് ഇ.വി. അരുണ്‍ ഉദ്ഘാടനം ചെയ്തു. മഞ്ചേരി ജെസിഐ പ്രസിഡന്‍റ് ഡോ. നിയാസ് കുരിക്കൾ അധ്യക്ഷത വഹിച്ചു. ആശുപത്രി സൂപ്രണ്ട് ഡോ. ആർ. പ്രഭുദാസ്, സോണ്‍ വൈസ് പ്രസിഡന്‍റ് ഡോ. സദക്കത്തുള്ള താഹിർ, ഉദയകുമാർ, ശശിധരൻ, ടി.എം. ഷബീർ എന്നിവർ പങ്കെടുത്തു.

മുസ്‌ലിം ലീഗ് ഗ്രാമയാത്ര സമാപിച്ചു

കരുവാരകുണ്ട്: ജനവിരുദ്ധ ഭരണത്തിന്‍റെ ജനകീയ വിചാരണ എന്ന പ്രമേയത്തിൽ മുസ്‌ലിം ലീഗ് നടത്തിയ ത്രിദിന ഗ്രാമയാത്രക്ക് ഉജ്വല സമാപ്തി. പുത്തനഴി താഴെ പുളിയക്കോട് നിന്ന് ആരംഭിച്ച യാത്ര ഞായറാഴ്ച രാത്രി എട്ടിന് തരിശിൽ സമാപിച്ചു. സമാപന ദിവസത്തെ യാത്ര വണ്ടൂർ നിയോജക മണ്ഡലം ലീഗ് പ്രസിഡന്‍റ് ഖാലിദ് പതാക കൈമാറി ഉദ്ഘാടനം ചെയ്തു. കരുവാരകുണ്ട് പഞ്ചായത്ത് ഭരണ സമിതിയുടെ കെടുകാര്യസ്ഥത തുറന്ന് കാട്ടുന്നതായിരുന്നു ഗ്രാമയാത്ര. ഭരണസമിതിയുടെ ഫണ്ട് ദുരുപയോഗം, പദ്ധതികൾ നടപ്പാക്കുന്നതിലെ വീഴ്ച, സുതാര്യതയുടെ അഭാവം, വികസന പ്രവർത്തനങ്ങളിലെ അനാസ്ഥ എന്നിവ ആരോപിച്ചാണ് ഗ്രാമങ്ങൾ തോറും സ്വീകരണയോഗങ്ങൾ നടത്തിയത്. എൻ.ഉണ്ണീൻകുട്ടിയായിരുന്നു ജാഥാക്യാപ്റ്റൻ. സമാപന സമ്മേളനം ജില്ലാ പഞ്ചായത്ത് വൈസ് പ്രസിഡന്‍റ് ഇസ്മായിൽ മൂത്തേടം തരിശിൽ ഉദ്ഘാടനം ചെയ്തു. യൂത്ത് ലീഗ് ജില്ലാ വൈസ് പ്രസിഡന്‍റ് എൻ.കെ.അഫ്സലുറഹ്മാൻ മുഖ്യപ്രഭാഷണം നടത്തി. വൈസ് ക്യാപ്റ്റൻ എം.കെ. മുഹമ്മദാലി, ഡയറക്ടർ പി.കെ. നാസർ, ചീഫ് കോ ഓർഡിനേറ്റർ എം.ഫിയാസ്, പഞ്ചായത്ത് ലീഗ് ഭാരവാഹികളായ എ.കെ. ഹംസക്കുട്ടി, കെ.ടി. ഷിഹാബ്, ഹംസഹാജി, സുബ്ഹാൻ, സലാം ഫൈസി തുടങ്ങിയവർ നേതൃത്വം നൽകി.

സഹകരണ ബാങ്ക് സെക്രട്ടറീസ് കോണ്‍ക്ലേവ് 23 ന്

മങ്കട: സഹകരണ ബാങ്ക് സെക്രട്ടറീസ് സെന്‍റർ ജില്ലാ കമ്മിറ്റി സംഘടിപ്പിക്കുന്ന സെക്രട്ടറീസ് കോണ്‍ക്ലേവ് 23 ന് മലപ്പുറത്ത് നടക്കും. പൂക്കോട്ടൂർ ഡെലീഷ്യ ഹാളിൽ നടക്കുന്ന കോണ്‍ക്ലേവിൽ ജില്ലയിലെ പിഎസിഎസുകളുടെ സെക്രട്ടറിമാരാണ് പങ്കെടുക്കുന്നത്. സഹകരണ മേഖലയിലുണ്ടായ ഒറ്റപ്പെട്ട ക്രമക്കേടുകളുടെയും സഹകരണ നിയമത്തിലുണ്ടായ ഭേദഗതിയുടെയും പശ്ചാത്തലത്തിൽ സഹകരണ ബാങ്കുകളിൽ സമഗ്രമാറ്റത്തിന് ലക്ഷ്യം വച്ചാണ് സെക്രട്ടറീസ് സെന്‍റർ കോണ്‍ക്ലേവ് സംഘടിപ്പിച്ചിട്ടുള്ളത്. സഹകരണ വകുപ്പിന്‍റെ ജില്ലാതല മേധാവികളും അന്താരാഷ്ട്ര പരിശീലകരും കോണ്‍ക്ലേവിൽ പങ്കെടുക്കും. ഇതുസംബന്ധിച്ച യോഗം സംസ്ഥാന പ്രസിഡന്‍റ് അഡ്വ.ഹനീഫ പെരിഞ്ചീരി ഉദ്ഘാടനം ചെയ്തു. അബ്ദുൾ അസീസ് വെട്ടിക്കാട്ടിരി അധ്യക്ഷത വഹിച്ചു. സെക്രട്ടറി എൻ. ഭാഗ്യനാഥ്, സൈഫുള്ള കറുമുക്കിൽ, നാസർ എളങ്കൂർ, ആയിഷക്കുട്ടി, അൻവർ ഊർങ്ങാട്ടിരി, അഷ്റഫ് അരക്കുപറന്പ്, ജുമൈലത്ത് കാവനൂർ, റഷീദ് പുൽപ്പറ്റ, ആസിഫ് പരപ്പനങ്ങാടി, മൻസൂർ വാഴക്കാട്, അജിത എടവണ്ണ, ഷൈജ, ബീന എന്നിവർ പ്രസംഗിച്ചു.

നിലന്പൂരിൽ വികസനയാത്രയെ പരിഹസിച്ച് തൃണമൂൽ കോണ്‍ഗ്രസ്

നിലന്പൂർ:എൽഡിഎഫ് വികസന യാത്രക്കെതിരെ തൃണമൂൽ കോണ്‍ഗ്രസ് രംഗത്ത്. അഞ്ച് വർഷം നിലന്പൂർ നഗരസഭയുടെ ഭരണത്തിന് നേതൃത്വം നൽകിയ ചെയർമാനെ മാറ്റി നിർത്തിയുള്ള വികസനയാത്ര ജനങ്ങളെ ഭയന്നാണെന്ന് തൃണമൂൽ കോണ്‍ഗ്രസ് സംസ്ഥാന സമിതി അംഗവും നഗരസഭാ കൗണ്‍സിലറുമായ ഇസ്മായിൽ എരഞ്ഞിക്കൽ നിലന്പൂരിൽ വാർത്താ സമ്മേളനത്തിൽ പറഞ്ഞു. പ്രധാനമന്ത്രിയായിരുന്ന നരസിംഹറാവുന്‍റെ ഫോട്ടോ വയ്ക്കാതെ കോണ്‍ഗ്രസ് തെരഞ്ഞെടുപ്പിനെ നേരിട്ട പോലെയാണ് ജനങ്ങളെ ഭയന്ന് നഗരസഭ ചെയർമാനെ ഒഴിവാക്കി എൽഡിഎഫ് വികസനയാത്ര നടത്തുന്നത്. നിലന്പൂർ നഗരസഭയുടെ വികസനയാത്ര നയിക്കുന്നത് ചേക്കാട് സ്വദേശിയായ സിപിഎം ജില്ലാ കമ്മിറ്റി അംഗം ഇ.പത്മാക്ഷനാണ്. എൽഡിഎഫ് വികസനയാത്രയാണെങ്കിൽ ചെയർമാൻ മാട്ടുമ്മൽ സലീം എൽഡിഎഫിൽ അല്ലേയെന്നും ഇസ്മായിൽ ചോദിച്ചു. 2020 ലെ എൽഡിഎഫ് പ്രകടന പത്രികയിൽ പറഞ്ഞ പ്രധാന വാഗ്ദാനങ്ങൾ ഒന്നും നടപ്പാക്കിയില്ല. അധികാരത്തിൽ വന്നാൽ മൂന്ന് മാസം കൊണ്ട് ചന്തക്കുന്ന് ബസ് സ്റ്റാൻഡ് നിർമാണം തുടങ്ങുമെന്ന് പ്രഖ്യാപിച്ചിരുന്നു. അഞ്ച് വർഷമായിട്ടും തുടങ്ങിയില്ല. ഡിപിആറിന്‍റെ 26 ലക്ഷം രൂപ ബില്ല് മാറ്റിയെടുത്തിട്ടുണ്ട്. എന്നാൽ നിർമാണം ആരംഭിച്ചിട്ടില്ല. സ്വന്തം പോക്കറ്റ് വികസിച്ചതല്ലാതെ പ്രകടനപത്രികയിൽ പറഞ്ഞ പ്രധാന കാര്യങ്ങളൊന്നും നടപ്പാക്കിയില്ലെന്നും അദ്ദേഹം ആരോപിച്ചു. കുറ്റികുരുമുളക്, ചൂരക്കുളം തുടങ്ങി എല്ലാ പദ്ധതികളിലും അഴിമതിയാണ് നടന്നത്. അഞ്ച് വർഷം ഭരണം നയിച്ച ചെയർമാനെ മുന്നിൽ നിർത്തി വികസനയാത്ര നയിക്കാൻ കഴിയാത്ത ഗതികേടിലായ എൽഡിഎഫിന്‍റെ വികസനയാത്ര പുച്ഛത്തോടെയാണ് ജനങ്ങൾ നോക്കി കാണുന്നതെന്നും അദ്ദേഹം പറഞ്ഞു. സ്ഥലമില്ലാത്തവർക്ക് മുതുകാടുള്ള നഗരസഭയുടെ സ്ഥലത്ത് ഫ്ളാറ്റ് സമുച്ചയം നിർമിക്കുമെന്ന് പറഞ്ഞിരുന്നു. ഓട്ടിസം പാർക്ക്, മാലിന്യ സംസ്കരണ കേന്ദ്രം എന്നിവ എന്തുകൊണ്ട് യാഥാർഥ്യമാക്ക യില്ലെന്നും ഇസ്മായിൽ എരഞ്ഞിക്കൽ ചോദിച്ചു. നഗരസഭ തെരഞ്ഞെടുപ്പിൽ 36 ഡിവിഷനിലും തൃണമൂൽ കോണ്‍ഗ്രസ് മത്സരിക്കും. ഇരുമുന്നണികളിലെയും അസംതൃപ്തരായ ആളുകളെ ഒരു കുടക്കീഴിൽ അണിനിരത്തുമെന്നും ഇസ്മായിൽ എരഞ്ഞിക്കൽ പറഞ്ഞു. എൽഡിഎഫ് വികസനയാത്രയുടെ പൊള്ളത്തരങ്ങൾ തുറന്നു കാട്ടി തൃണമൂൽ കോണ്‍ഗ്രസ് നഗരസഭയിൽ വാഹന പ്രചാരണ ജാഥ സംഘടിപ്പിക്കുമെന്നും അദ്ദേഹം പറഞ്ഞു. വാർത്താ സമ്മേളനത്തിൽ തൃണമൂൽ കോണ്‍ഗ്രസ് മുനിസിപ്പൽ കോ ഓർഡിനേറ്റർ ഷാജഹാൻ പാത്തിപ്പാറ, യുവജന വിഭാഗം കോ ഓർഡിനേറ്റർ ഇ.ടി. അനൂപ് എന്നിവർ പങ്കെടുത്തു.

അഹമ്മദ് കുരിക്കൾ സ്മാരക ബസ് ബേ കം ഷോപ്പിംഗ് കോംപ്ലക്സ് ഉദ്ഘാടനം ഇന്ന്

മഞ്ചേരി: സെൻട്രൽ ജംഗ്ഷനിൽ മഞ്ചേരി നഗരസഭ പുനർനിർമിച്ച എം.പി.എ. അഹമ്മദ് കുരിക്കൾ സ്മാരക ബസ് ബേ കം ഷോപ്പിംഗ് കോംപ്ലക്സ് ഇന്ന് നാടിന് സമർപ്പിക്കും. വൈകീട്ട് മൂന്നിന് പ്രതിപക്ഷ നേതാവ് വി.ഡി. സതീശൻ ഉദ്ഘാടനം ചെയ്യും. അഡ്വ. യു.എ. ലത്തീഫ് എംഎൽഎ അധ്യക്ഷത വഹിക്കും. ഉദ്ഘാടനത്തോടനുബന്ധിച്ച് നഗരസഭ ഓഫീസ് പരിസരത്ത് നിന്ന് നഗരത്തിലൂടെ വിളംബര ഘോഷയാത്രയും നടക്കുമെന്ന് ചെയർപേഴ്സണ്‍ വി.എം. സുബൈദ, വൈസ് ചെയർമാൻ വി.പി. ഫിറോസ് എന്നിവർ വാർത്താ സമ്മേളനത്തിൽ അറിയിച്ചു. ബാൻഡ് വാദ്യമേളങ്ങളും കരിമരുന്ന് പ്രയോഗങ്ങളും കലാപ്രകടനങ്ങളും അകന്പടിയേകും. ഒന്പതര കോടി രൂപ ചെലവഴിച്ച് 38,167 ചതുരശ്ര അടിയിലാണ് കെട്ടിടം സജ്ജമാക്കിയത്. ഗ്രൗണ്ട് ഫ്ളോർ അടക്കം മൂന്ന് നിലകളിലായാണ് ഷോപ്പിംഗ് കോംപ്ലക്സ്. അപകടാവസ്ഥയിലായിരുന്ന പഴയബസ് സ്റ്റാൻഡ് കെട്ടിടം പൊളിച്ചു അതിവേഗം നിർമാണം പൂർത്തിയാക്കി. താഴത്തെ നിലയിൽ 34 മുറികളും ഒന്നാം നിലയിലും രണ്ടാം നിലയിലുമായി 30 വീതം മുറികളുണ്ട്. 29 ശുചിമുറികളും ഒരുക്കി. പഴയ കെട്ടിടത്തിലെ കച്ചവടക്കാരെ പുതിയ കെട്ടിടത്തിലേക്ക് പുനരധിവസിപ്പിച്ചു. ഒരു കോടി രൂപ വയറിംഗിനും 20 ലക്ഷം രൂപ ഫയർ ആൻഡ് സേഫ്റ്റി സംവിധാനം ഒരുക്കുന്നതിനും ലിഫ്റ്റ് സ്ഥാപിക്കുന്നതിനും അനുവദിച്ചു. കെട്ടിടത്തിന്‍റെ മുൻഭാഗത്തും ബസുകൾ കയറി ഇറങ്ങുന്ന വഴിയിലും ഇന്‍റർലോക്ക് വിരിക്കും. കെട്ടിടത്തിന്‍റെ മുൻഭാഗത്തെ സ്ഥലം നഗരസഭ റോഡ് വീതികൂട്ടുന്നതിനായി പൊതുമരാമത്ത വകുപ്പിന് കൈമാറി. വകുപ്പിന്‍റെ നേതൃത്വത്തിൽ ഡ്രൈനേജ് മാറ്റി സ്ഥാപിക്കുന്നതോടെ മലപ്പുറം, പാണ്ടിക്കാട് റോഡിന്‍റെ വീതിയും കൂടും. ചടങ്ങിൽ എംഎൽഎമാരായ എ.പി. അനിൽകുമാർ, പി. അബ്ദുൾ ഹമീദ്, പി.കെ. ബഷീർ, പി. ഉബൈദുള്ള, ടി.വി. ഇബ്രാഹിം, ആര്യാടൻ ഷൗക്കത്ത്, നജീബ് കാന്തപുരം, നഗരസഭ സ്ഥിരംസമിതി അധ്യക്ഷർ, കൗണ്‍സിലർമാർ, വ്യാപാര സംഘടനാ പ്രതിനിധികൾ, മറ്റു രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖരും പങ്കെടുക്കും. നഗരസഭയിലെ പഴയകാല നൂറിലധികം വരുന്ന ജനപ്രതിനിധികളെ ആദരിക്കും. തുടർന്ന് സംഗീത വിരുന്നും അരങ്ങേറും. വാർത്താ സമ്മേളനത്തിൽ സ്ഥിരംസമിതി അധ്യക്ഷരായ യാഷിക് മേച്ചേരി, കൗണ്‍സിലർമാരായ ഹുസൈൻ മേച്ചേരി, സി. ഫാത്തിമ സുഹ്റ എന്നിവരും പങ്കെടുത്തു.

ടിപ്പർ ലോറികളും ജെസിബിയും പിടികൂടി

പുളിക്കൽപറന്പ: മങ്കട വില്ലേജിലെ പുളിക്കപ്പറന്പിൽ അനധികൃത ചെങ്കൽ ഖനനത്തിലേർപ്പെട്ട 10 ടിപ്പർ ലോറികളും ഒരു ജെസിബിയും പെരിന്തൽമണ്ണ താലൂക്ക് ഡെപ്യൂട്ടി തഹസിൽദാർ ഷൈജുവിന്‍റെ നേതൃത്വത്തിലുള്ള സംഘം പിടികൂടി. സ്ക്വാഡിൽ താലൂക്കിലെ ക്ലാർക്കുമാരായ അജീഷ്, ഡ്രൈവർ സുനിൽകുമാർ എന്നിവരും ഉണ്ടായിരുന്നു.

അരങ്ങിൽ നിറഞ്ഞ് ദേവനന്ദ

പുത്തനങ്ങാടി: പുത്തനങ്ങാടി സെന്‍റ് ജോസഫ് സ്കൂളിൽ നടന്ന സിബിഎസ്ഇ ജില്ലാ കലോത്സവത്തിൽ കാറ്റഗറി-3 വിഭാഗത്തിൽ മോഹിനിയാട്ടം, കുച്ചിപ്പുഡി, ഭരതനാട്യം മത്സരങ്ങളിൽ ഒന്നാം സ്ഥാനം കരസ്ഥമാക്കി ദേവനന്ദ. വണ്ടൂർ നടുവത്ത് സൈനിക് പബ്ലിക് സ്കൂളിലെ ഒന്പതാം ക്ലാസ് വിദ്യാർഥിനിയായ ഈ മിടുക്കി പഠന രംഗത്തും സമർഥയാണ്. കരുളായി കെഎംഎച്ച്എസ്എസ് മലയാളം അധ്യാപകൻ പി.വിനോദിന്‍റെ മകളാണ്. അമ്മ വണ്ടൂർ വിഎംസി ഹയർ സെക്കൻഡറി സ്കൂൾ അധ്യാപിക. പ്രശസ്ത നൃത്താധ്യാപകൻ ഗിരീഷ് നടുവത്തിന്‍റെ ശിഷ്യയാണ്. കഴിഞ്ഞ വർഷം കേന്ദ്ര പ്രതിരോധ മന്ത്രാലയത്തിന്‍റെ വീർഗാഥ 4.0 - കേരളത്തിൽ നിന്ന് തെരഞ്ഞെടുക്കപ്പെട്ട രണ്ടു കുട്ടികളിൽ ഒരാളായ, സൈനിക് സ്കൂൾ ഒന്പതാം ക്ലാസ് വിദ്യാർഥി ദേവദത്തൻ സഹോദരനാണ്.

വിശ്വാസ സംരക്ഷണ യാത്രക്ക് നിലന്പൂരിൽ 16ന് സ്വീകരണം

നിലന്പൂർ: കെപിസിസി മുൻ പ്രസിഡന്‍റ് കെ. മുരളീധരൻ നയിക്കുന്ന വിശ്വാസ സംരക്ഷണ ജാഥക്ക് 16 ന് നിലന്പൂരിൽ സ്വീകരണം നൽകും. ശബരിമലയിൽ ദ്വാരപാലക ശില്പത്തിലെ സ്വർണപാളികൾ കവർന്ന സംഭവത്തിൽ ദേവസ്വം ബോർഡ് ഭാരവാഹികളും ദേവസ്വം വകുപ്പ് മന്ത്രിയും രാജിവയ്ക്കണമെന്നാവശ്യപ്പെട്ടാണ് വിശ്വാസ സംരക്ഷണ ജാഥ നടത്തുന്നത്. സിപിഎമ്മും മുഖ്യമന്ത്രിയും അറിയാതെ ശബരിമലയിൽ ഒന്നും നടക്കില്ലെന്ന് ജനങ്ങളോട് തുറന്നുപറഞ്ഞ് കോണ്‍ഗ്രസ്, വിശ്വാസികൾക്കൊപ്പം എന്ന സന്ദേശം ഉയർത്തിയാണ് ജാഥ സംഘടിപ്പിക്കുന്നത്. 16ന് രാവിലെ പത്തിന് നിലന്പൂരിൽ ജാഥയ്ക്ക് സ്വീകരണം നൽകും. ജാഥയുടെ വിജയത്തിനായി സ്വാഗതസംഘം രൂപീകരിച്ചു. യോഗം കെപിസിസി വർക്കിംഗ് പ്രസിഡന്‍റ് എ.പി. അനിൽകുമാർ എംഎൽഎ ഉദ്ഘാനം ചെയ്തു. ആര്യാടൻ ഷൗക്കത്ത് എംഎൽഎ അധ്യക്ഷത വഹിച്ചു. ഡിസിസി പ്രസിഡന്‍റ് വി.എസ്. ജോയ് മുഖ്യപ്രഭാഷണം നടത്തി. കെപിസിസി അംഗം വി.എ. കരീം, ഡിസിസി സെക്രട്ടറി അജീഷ് എടാലത്ത്, ഡിസിസി അംഗം എ. ഗോപിനാഥ്, ബ്ലോക്ക് കോണ്‍ഗ്രസ് പ്രസിഡന്‍റുമാരായ പാലോളി മെഹബൂബ്, ബാബു തോപ്പിൽ, ഗോപാലകൃഷ്ണൻ, ഇ.എ. കരീം, ജോജി കെ. അലക്സ് എന്നിവർ പ്രസംഗിച്ചു. ആര്യാടൻ ഷൗക്കത്ത് എംഎൽഎ ചെയർമാനായി രൂപീകരിച്ച സ്വാഗതസംഘം ഇന്നും നാളെയും മണ്ഡലം കണ്‍വൻഷനുകൾ പൂർത്തിയാക്കും. 16 ന് രാവിലെ പോലീസ് സ്റ്റേഷൻ പരിസരത്ത് നിന്ന് നിലന്പൂർ അങ്ങാടിയിലേക്ക് ജാഥയെ സ്വീകരിച്ച് ആനയിക്കും.

ഊട്ടി യാത്ര ആസ്വദിച്ച് തൊഴിലുറപ്പ് തൊഴിലാളികൾ

കൊളത്തൂർ: മൂർക്കനാട് പഞ്ചായത്ത് അഞ്ചാം വാർഡിലെ തൊഴിലുറപ്പ് തൊഴിലാളികൾക്കായി ഉൗട്ടിയിലേക്ക് വിനോദയാത്ര സംഘടിപ്പിച്ചു. വാർഡ് അംഗം കലന്പൻ ബാപ്പുവിന്‍റെ നേതൃത്വത്തിലാണ് 25 തൊഴിലാളികൾ ഉൗട്ടി സന്ദർശിച്ചത്. ഓണപ്പുടയിൽ നിന്ന് പുലർച്ചെ നാലിന് പുറപ്പെട്ട സംഘം ഉൗട്ടിയിലെ പ്രധാന വിനോദ കേന്ദ്രങ്ങളെല്ലാം സന്ദർശിച്ചു. ജീവിതത്തിൽ ഏറ്റവും ആനന്ദകരമായ നിമിഷമായിരുന്നുവെന്ന് പങ്കെടുത്ത തൊഴിലാളികൾ അഭിപ്രായപ്പെട്ടു. മിക്കവരും ആദ്യമായാണ് ഉൗട്ടി യാത്ര നടത്തുന്നത്. 72 വയസുകാരി കോച്ചിയായിരുന്നു പ്രായം കൂടിയ വ്യക്തി. പ്രിയ പറന്പുകാട്ടിൽ, പറന്പുകാട്ടിൽ ലീല, പറന്പുകാട്ടിൽ സുമ എന്നിവരുടെ ഏറെ കാലത്തെ ആഗ്രഹം കൂടിയാണ് വാർഡ് അംഗം കലന്പൻ ബാപ്പുവിന്‍റെ നേതൃത്വത്തിൽ നിറവേറ്റിയത്. രാത്രി ഒരു മണിയോടെ സംഘം തിരിച്ചെത്തി. കോ ഓർഡിനേറ്റർമാരായി ഷമീർ കൊളത്തൂർ, നൗഫൽ കുന്നത്തൊടി, അലി കാരയിൽ എന്നിവരും പങ്കെടുത്തു.

അമൃത എസ്. നായർ കലാതിലകം

പുത്തനങ്ങാടി: ജില്ലാ സിബിഎസ്ഇ സഹോദയ സ്കൂൾ കോംപ്ലക്സ് ജില്ലാ കലോത്സവത്തിൽഅരങ്ങ് കീഴക്കി പുത്തനങ്ങാടി സെന്‍റ് ജോസഫ്സ് സ്കൂളിലെ അമൃത എസ്. നായർ മേളയുടെ താരമായി കലാതിലകപട്ടം അണിഞ്ഞു. കാറ്റഗറി നാലിൽ ഭരതനാട്യം, കുച്ചിപ്പുഡി, മോഹിനിയാട്ടം എന്നിവയിൽ ഒന്നാം സ്ഥാനവും മലയാളകഥാ രചനയിൽ ഒന്നാം സ്ഥാനവും മലയാളം എക്സ്റ്റന്പറിൽ മൂന്നാം സ്ഥാനവും സംസ്കൃത പദ്യപാരായണത്തിൽ എ ഗ്രഡും കരസ്ഥമാക്കി മേളയിൽ 51 പോയിന്‍റുകൾ സ്വന്തമാക്കിയാണ്ഈ കലാകാരി കലോത്സവത്തിലെ സീനിയർ സെക്കൻഡറി വിഭാഗത്തിലെ കലാതിലകപട്ടം കരസ്ഥമാക്കിയത്. 2023 ൽ ശിവതാണ്ഡവം എന്ന നൃത്തശിൽപ്പവും ഈ വർഷം ശ്രീകൃഷ്ണലീല എന്ന നൃത്ത ശിൽപവും 50 ലധികം കലാകാരികളെ ചിട്ടപ്പെടുത്തി വേദിയിൽ അവതരിപ്പിച്ചിട്ടുണ്ട്. 2023 ൽ സിബിഎസ്ഇ മികച്ച വിദ്യാർഥിയായി തെരെത്തെടുക്കപ്പെട്ട അമൃത എസ്. നായർ നൃത്ത അധ്യാപികയായ അങ്ങാടിപ്പുറം ശ്രീഭദ്ര കലാമന്ദിരത്തിലെ പ്രിൻസിപ്പൽ കലാമണ്ഡലം രാധിക സായ് റാമിന്‍റെയും എക്സൈസ് വകുപ്പ് ജീവനക്കാരനായ സായിറാമിന്‍റെയും മകളാണ്. അമൃതയെ സഹോദയ പ്രസിഡന്‍റ് എം. അബ്ദുൾ നാസർ, പ്രിൻസിപ്പൽ ഫാ. നന്നം പ്രേംകുമാർ എന്നിവർ അഭിനന്ദിച്ചു.

സിബിഎസ്ഇ സഹോദയ ജില്ലാ കലോത്സവം : കോട്ടക്കൽ സേക്രഡ് ഹാർട്ട് സ്കൂൾ ഓവറോൾ ചാന്പ്യൻമാർ

പുത്തനങ്ങാടി:സിബിഎസ്ഇ സഹോദയ സ്കൂൾ കോംപ്ലക്സ് മലപ്പുറം റീജൻ പുത്തനങ്ങാടി സെന്‍റ് ജോസഫ്സ് സ്കൂളിൽ രണ്ടുദിനങ്ങളിലായി സംഘടിപ്പിച്ച ജില്ലാ കലോത്സവത്തിന് തിരശീല വീണു. മത്സരത്തിൽ 962 പോയിന്‍റുമായി കോട്ടയ്ക്കൽ സേക്രഡ് ഹാർട്ട് സീനിയർ സെക്കൻഡറി സ്കൂൾ ഓവറോൾ ചാന്പ്യൻമാരായി. 905 പോയിന്‍റുമായി കുറ്റിപ്പുറം എംഇഎസ് കാന്പസ് സ്കൂളാണ് രണ്ടാംസ്ഥാനത്ത്. തൊട്ടടുത്ത സ്ഥാനങ്ങളിൽ ഡോ. എൻ.കെ. മുഹമ്മദ് മെമ്മോറിയൽ എംഇഎസ് സെൻട്രൽ സ്കൂൾ വളാഞ്ചേരി 780 പോയിന്‍റ്, പുത്തനങ്ങാടി സെന്‍റ് ജോസഫ്സ് സ്കൂൾ 720 പോയിന്‍റ് എന്നി സ്കൂളുകളാണ്. സമാപന സമ്മേളനത്തിൽ സഹോദയ കോണ്‍ഫെഡറേഷൻ സംസ്ഥാന പ്രസിഡന്‍റ് ജോജി പോൾ വിജയികൾക്ക് ഓവറോൾ ട്രോഫി സമ്മാനിച്ചു. സഹോദയ മേഖല പ്രസിഡന്‍റ് എം. അബ്ദുൾ നാസർ അധ്യക്ഷത വഹിച്ചു. ജനറൽ കണ്‍വീനർ ഫാ. നന്നം പ്രേംകുമാർ കാറ്റഗറിതല സമ്മാനങ്ങൾ വിതരണം ചെയ്തു. ഭാരവാഹികളായ എം. ജൗഹർ, ജോബിൻ സെബാസ്റ്റ്യൻ, പി. ഹരിദാസ്, ഹഫ്സ കാരാടൻ, ജാസ്മീർ ഫൈസൽ, ഫാ. അജോ ആന്‍റണി, സുനിത എസ്. നായർ, പി. നിസാർഖാൻ, ആര്യ പി. നായർ സിൽവർമൗണ്ട് എന്നിവർ പ്രസംഗിച്ചു. കാറ്റഗറി ചാന്പ്യൻമാർ എൽപി വിഭാഗം: 1.എംഇഎസ് കാന്പസ് കുറ്റിപ്പുറം 108, 2.സേക്രഡ് ഹാർട്ട് കോട്ടക്കൽ 107, 3. ജെംഫോർഡ് തിരുവാലി 93. യുപി വിഭാഗം: 1. സേക്രഡ് ഹാർട്ട് കോട്ടക്കൽ 172, 2.ഗുഡ് വിൽ ഇംഗ്ലീഷ് സ്കൂൾ പൂക്കോട്ടുംപാടം 165, 3. എംഇഎസ് വളാഞ്ചേരി 144. ഹൈസ്കൂൾ വിഭാഗം: 1. സേക്രഡ് ഹാർട്ട് കോട്ടക്കൽ 241, 2. എംഇഎസ് കാന്പസ് കുറ്റിപ്പുറം 225, 3. എംഇഎസ് വളാഞ്ചേരി 211. സീനിയർ സെക്കന്‍ററി വിഭാഗം: 1. എംഇഎസ് കാന്പസ് സ്കൂൾ കുറ്റിപ്പുറം 270, 2. സേക്രഡ് ഹാർട്ട് കോട്ടക്കൽ 242, 3. സെന്‍റ് ജോസഫ് പുത്തനങ്ങാടി 212. പൊതുവിഭാഗം: 1.സേക്രഡ് ഹാർട്ട് കോട്ടക്കൽ 200, 2.എംഇഎസ് കാന്പസ് കുറ്റിപ്പുറം 164, 3.എംഇഎസ് വളാഞ്ചേരി 138.

കേസെടുക്കണം: സിപിഎം

മലപ്പുറം: കലിക്കട്ട് സർവകലാശാലാ ഡിഎസ് യു തെരഞ്ഞെടുപ്പിനിടെ എംഎസ്എഫ് -കെഎസ് യു ആക്രമണത്തിൽ പോലീസുകാരന്‍റെ കണ്ണിന് ഗുരുതര പരിക്കേറ്റ സംഭവത്തിൽ കൊലപാതക ശ്രമത്തിന് കേസെടുക്കണമെന്ന് സിപിഎം ജില്ലാ സെക്രട്ടറിയറ്റ് ആവശ്യപ്പെട്ടു. യുഡിഎസ്എഫ് പ്രവർത്തകരുടെ ആക്രമണത്തിൽ പാണ്ടിക്കാട് ഇന്ത്യൻ റിസർവ് ബറ്റാലിയനിലെ വിനോദ് ചന്ദ്രന് കാഴ്ച തകരാർ സംഭവിച്ചിരിക്കുകയാണ്. കാന്പസിന്‍റെ പുറത്തുനിന്നെത്തിയ യൂത്ത് ലീഗിന്‍റെയും യൂത്ത് കോണ്‍ഗ്രസിന്‍റെയും ക്രിമിനൽ സംഘമാണ് അക്രമത്തിന് നേതൃത്വം നൽകിയതെന്ന് സിപിഎം ആരോപിച്ചു. എസ്എഫ്ഐയുടെ കൗണ്ടിംഗ് ഏജന്‍റായ ഷിഫാനയ്ക്കും ഡിഎസ്യു പ്രസിഡന്‍റ് ഡോ. വി.എ. ഷഹാനയ്ക്കും നിരവധി വിദ്യാർഥികൾക്കും 15 പോലീസുകാർക്കും പരിക്കേറ്റു. പുറത്തുനിന്നെത്തിയ യൂത്ത് ലീഗുകാരുടെ കല്ലേറിലാണ് കൂടുതൽ പേർക്കും പരിക്കേറ്റതെന്ന് സിപിഎം ചൂണ്ടിക്കാട്ടി. സർവകലാശാലയെ കലാപഭൂമിയാക്കാനുള്ള ശ്രമങ്ങളെ തിരിച്ചറിയണമെന്ന് സിപിഎം ജില്ലാ സെക്രട്ടറിയറ്റ് പ്രസ്താവനയിൽ പറഞ്ഞു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]