തി​രു​വ​ന​ന്ത​പു​രം: ക​ഴ​ക്കൂ​ട്ടം സൈ​നി​ക സ്കൂ​ളി​ലെ ക്ലാ​സ് മു​റി​യി​ൽ അ​വ​ർ നാ​ലു പേ​ർ ഒ​രു​മി​ച്ചാ​യി​രു​ന്നു. അ​ടു​ത്ത കൂ​ട്ടു​കാ​ർ. പ​ഠ​നം പൂ​ർ​ത്തി​യാ​ക്കി​യ അ​വ​ർ സാ​ധാ​ര​ണ അ​വി​ട​ത്തെ മി​ക്ക വി​ദ്യാ​ർ​ഥി​ക​ളെ​യും പോ​ലെ സൈ​നി​ക സേ​വ​ന​ത്തി​നു ചേ​ർ​ന്നു. ഇ​ന്ന​വ​ർ രാ​ജ്യ​ത്തി​ന്‍റെ സൈ​നി​ക​ത​ന്ത്ര​ങ്ങ​ൾ മെ​ന​യു​ക​യും അ​വ ന​ട​പ്പാ​ക്കു​ക​യും ചെ​യ്യു​ന്ന നി​ർ​ണാ​യ​ക പ​ദ​വി​ക​ളി​ലാ​ണ്.

ലെ​ഫ്.​ ജ​ന​റ​ൽ വി​ജ​യ് ബി. ​നാ​യ​ർ, മേ​ജ​ർ ജ​ന​റ​ൽ വി​നോ​ദ് ടി.​ മാ​ത്യു, മേ​ജ​ർ ജ​ന​റ​ൽ ഹ​രി ബി. ​പി​ള്ള, എ​യ​ർ വൈ​സ് മാ​ർ​ഷ​ൽ കെ.​വി. സു​രേ​ന്ദ്ര​ൻ നാ​യ​ർ എ​ന്നി​വ​രാ​ണ് ആ ​കൂ​ട്ടു​കാ​ർ. ഇ​വ​ർ ശ​നി​യാ​ഴ്ച ക​ഴ​ക്കൂ​ട്ടം സൈ​നി​ക സ്കൂ​ളി​ലെ​ത്തും. പൂ​ർ​വ​വി​ദ്യാ​ർ​ഥി സം​ഗ​മ​ത്തി​ന്‍റെ ഭാ​ഗ​മാ​യാ​ണ് ഈ ​നാ​ലു മു​തി​ർ​ന്ന സൈ​നി​കോ​ദ്യോ​ഗ​സ്ഥ​ർ ഒ​രി​ട​ത്ത് ഒ​ത്തു​കൂ​ടു​ന്ന​ത്.

പാ​ല​ക്കാ​ട് സ്വ​ദേ​ശി​യാ​ണ് വി​ജ​യ് നാ​യ​ർ. വി​നോ​ദ് മാ​ത്യു തൊ​ടു​പു​ഴ​ക്കാ​ര​നും ഹ​രി പി​ള്ള പു​ന​ലൂ​ർ സ്വ​ദേ​ശി​യും സു​രേ​ന്ദ്ര​ൻ നാ​യ​ർ തൃ​ശൂ​രു​കാ​ര​നു​മാ​ണ്. ക​ഴ​ക്കൂ​ട്ടം സൈ​നി​ക സ്കൂ​ളി​ൽ 1978 ജൂ​ണി​ൽ ആ​റാം ക്ലാ​സ് വി​ദ്യാ​ർ​ഥി​ക​ളാ​യി ഒ​ത്തു​ചേ​ർ​ന്ന ഇ​വ​ർ 1985ൽ ​പ​ഠ​നം പൂ​ർ​ത്തി​യാ​ക്കി പു​റ​ത്തി​റ​ങ്ങി. സ്കൂ​ളി​ൽ നി​ന്ന് ഇ​വ​ർ നേ​രെ പോ​യ​ത് നാ​ഷ​ണ​ൽ ഡി​ഫ​ൻ​സ് അ​ക്കാ​ദ​മി​യി​ലേ​ക്ക്, അ​വി​ടെ നി​ന്ന് സേ​ന​ക​ളി​ലേ​ക്കും.

ഓ​പ്പ​റേ​ഷ​ൻ സി​ന്ദൂ​റി​ല​ട​ക്കം നി​ർ​ണാ​യ​ക പ​ങ്കു വ​ഹി​ച്ച ക​ര​സേ​ന​യു​ടെ ഉ​ത്ത​ര ക​മാ​ൻ​ഡ് മേ​ധാ​വി​യാ​ണ് ഇ​പ്പോ​ൾ ലെ​ഫ്റ്റ​ന​ന്‍റ് ജ​ന​റ​ൽ വി​ജ​യ് നാ​യ​ർ. ക​ശ്മീ​രി​ലും നി​യ​ന്ത്ര​ണ​രേ​ഖ​യി​ലും ഭീ​ക​ര​വി​രു​ദ്ധ പോ​രാ​ട്ട​ങ്ങ​ൾ​ക്ക് ഏ​റെ​ക്കാ​ലം നേ​തൃ​ത്വം ന​ല്കി​യ ആ​ളാ​ണ്.

ക​ര​സേ​ന​യി​ൽ ക​ർ​ണാ​ട​ക കേ​ര​ള സ​ബ് ഏ​രി​യ​യു​ടെ ജ​ന​റ​ൽ ഓ​ഫീ​സ​ർ ക​മാ​ൻ​ഡിം​ഗ് ആ​യി പ്ര​വ​ർ​ത്തി​ക്കു​ക​യാ​ണ് മേ​ജ​ർ ജ​ന​റ​ൽ വി​നോ​ദ് മാ​ത്യു. വ​യ​നാ​ട്ടി​ൽ ചൂ​ര​ൽ​മ​ല മു​ണ്ട​ക്കൈ ഉ​രു​ൾ​പൊ​ട്ട​ൽ ദു​ര​ന്ത​മു​ണ്ടാ​യ​പ്പോ​ൾ സൈ​ന്യം ന​ട​ത്തി​യ ര​ക്ഷാ​പ്ര​വ​ർ​ത്ത​ന​ത്തി​നു നേ​തൃ​ത്വം വ​ഹി​ച്ച​ത് ഈ ​ഉ​ദ്യോ​ഗ​സ്ഥ​നാ​ണ്.

സൈ​ന്യ​ത്തി​ലേ​ക്ക് ആ​ളെ​യെ​ടു​ക്കു​ന്ന ബം​ഗ​ളൂ​രു മേ​ഖ​ലാ റി​ക്രൂ​ട്ടിം​ഗ് സോ​ണ്‍ അ​ഡീ​ഷ​ണ​ൽ ഡ​യ​റ​ക്ട​ർ ജ​ന​റ​ലാ​യി പ്ര​വ​ർ​ത്തി​ക്കു​ക​യാ​ണ് മേ​ജ​ർ ജ​ന​റ​ൽ ഹ​രി പി​ള്ള. രാ​ജ്യ​ത്തെ മി​ക​ച്ച ഫൈ​റ്റ​ർ പൈ​ല​റ്റു​ക​ളി​ലൊ​രാ​ളാ​ണ് എ​യ​ർ വൈ​സ് മാ​ർ​ഷ​ൽ സു​രേ​ന്ദ്ര​ൻ നാ​യ​ർ.

ശ​നി​യാ​ഴ്ച രാ​വി​ലെ എ​ട്ടി​നു സൈ​നി​ക സ്കൂ​ളി​ൽ ത​ന്നെ​യാ​ണ് പൂ​ർ​വ​വി​ദ്യാ​ർ​ഥി സം​ഗ​മം ന​ട​ക്കു​ക. യു​എ​ൻ ഏ​ജ​ൻ​സി​ക​ളി​ൽ പ്ര​വ​ർ​ത്തി​ക്കു​ന്ന​വ​ർ, ക​മേ​ഴ്സ്യ​ൽ പൈ​ല​റ്റു​ക​ൾ, ഡോ​ക്ട​ർ​മാ​ർ, എ​ൻ​ജി​നീ​യ​ർ​മാ​ർ, ബാ​ങ്ക​ർ​മാ​ർ, ചാ​ർ​ട്ടേ​ഡ് അ​ക്കൗ​ണ്ട​ന്‍റു​ക​ൾ, കേ​ന്ദ്ര സ​ർ​ക്കാ​രി​ലെ​യും കേ​ര​ള സ​ർ​ക്കാ​രി​ലെ​യും ഉ​ന്ന​ത ഉ​ദ്യോ​ഗ​സ്ഥ​ർ തു​ട​ങ്ങി സ​മൂ​ഹ​ത്തി​ന്‍റെ വി​വി​ധ ത​ല​ങ്ങ​ളി​ൽ പ്ര​വ​ർ​ത്തി​ക്കു​ന്ന​വ​ർ അ​ട​ക്ക​മു​ള്ള പൂ​ർ​വ​വി​ദ്യാ​ർ​ഥി​ക​ളും ഈ ​സം​ഗ​മ​ത്തി​ന് എ​ത്തു​ന്നു​ണ്ട്.