അ​പ്രോ​ച്ച് റോ​ഡി​ലെ കു​ഴി അ​പ​ക​ടക്കെ​ണി​യാ​കു​ന്നു
Sunday, November 17, 2024 5:02 AM IST
എടത്വ: ​പ​ല​ത്തി​ന്‍റെ അ​പ്രോ​ച്ച് റോ​ഡി​ലെ കു​ഴി അ​പ​ക​ടക്കെ​ണി​യാ​കു​ന്നു. കു​ട്ട​നാ​ട്-​ഹ​രി​പ്പാ​ട് മ​ണ്ഡ​ല​ങ്ങ​ള്‍ ത​മ്മി​ല്‍ ബ​ന്ധി​പ്പി​ക്കു​ന്ന ചെ​ക്കി​ടി​ക്കാ​ട് കാ​ഞ്ഞി​രം​തു​രു​ത്ത് പാ​ല​ത്തി​ന്‍റെ അ​പ്രോ​ച്ച് റോ​ഡി​ലെ കു​ഴി​യാ​ണ് വാ​ഹ​ന യാ​ത്ര​ക്കാ​ര്‍​ക്ക് അ​പ​ക​ട ക്കെണി​യാ​യി തീ​ര്‍​ന്ന​ത്.

ത​ക​ഴി പ​ഞ്ചാ​യ​ത്ത് ഒ​ന്‍​പ​താം വാ​ര്‍​ഡു​മാ​യി ബ​ന്ധി​പ്പി​ക്കു​ന്ന പാ​ല​ത്തി​ന്‍റെ അ​പ്രോ​ച്ച് റോ​ഡി​ന് മ​ധ്യ​ത്തി​ലാ​യാ​ണ് കു​ഴി രൂ​പ​പ്പെ​ട്ട​ത്. നി​ര​വ​ധി വാ​ഹ​ന​ങ്ങ​ള്‍ നി​ത്യേ​ന ക​ട​ന്നു​പോ​കു​ന്ന പാ​ല​ത്തി​ന്‍റെ അ​പ്രോ​ച്ച് റോ​ഡി​ലെ കു​ഴി​യി​ല്‍ വീ​ണ് യാ​ത്ര​ക്കാ​ര്‍​ക്ക് പ​രി​ക്കു പ​റ്റാ​റു​ണ്ട്.

ഹ​രി​പ്പാ​ട് മ​ണ്ഡ​ല​ത്തി​ലെ പാ​ണ്ടി പോ​ച്ച ഭാ​ഗ​ത്തുനി​ന്ന് ചെ​ക്കി​ടി​ക്കാ​ട് ഭാ​ഗ​ത്തേ​ക്ക് വാ​ഹ​ന​ങ്ങ​ള്‍ ക​ന്നു​വ​രു​മ്പോ​ള്‍ അ​പ്രോ​ച്ചി​ലെ വ​ള​വി​ലു​ള്ള കു​ഴി ശ്ര​ദ്ധ​യി​ല്‍​പ്പെ​ടാ​തെ യാ​ത്ര​ക്കാ​ര്‍ അ​പ​ക​ട​ത്തി​ല്‍​പ്പെടുന്നു. പ്ര​ദേ​ശ​വാ​സി​ക​ള്‍ അ​മ്പ​ല​പ്പു​ഴ-​തി​രു​വ​ല്ല സം​സ്ഥാ​നപാ​ത​യി​ല്‍ എ​ത്താ​നാ​യി ആ​ശ്ര​യി​ക്കു​ന്ന​ത് ഈ ​പാ​ല​ത്തി​നെ​യാ​ണ്.

ഒ​രു വ​ര്‍​ഷ​ത്തി​ലേ​റെ​യാ​യി ഈ ​റോ​ഡ് ത​ക​ര്‍​ന്നു കി​ട​ക്കാ​ന്‍ തു​ട​ങ്ങി​ട്ട് എ​ന്നാ​ണ് നാ​ട്ടു​കാ​ര്‍ പ​റ​യു​ന്ന​ത്. എ​ട​ത്വ, പ​ച്ച, അ​മ്പ​ല​പ്പു​ഴ ഭാ​ഗ​ങ്ങ​ളി​ല്‍ പ​ഠി​ക്കു​ന്ന നി​ര​വ​ധി വി​ദ്യാ​ര്‍​ഥി​ക​ളും വ​ണ്ടാ​നം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പോ​കു​ന്ന രോ​ഗി​ക​ളും ഈ ​റോ​ഡാ​ണ് ആ​ശ്ര​യി​ക്കു​ന്ന​ത്.

അ​പ്രോ​ച്ച് റോ​ഡ് മാ​ത്ര​മ​ല്ല ഇ​തു​മാ​യി ബ​ന്ധി​പ്പി​ക്കു​ന്ന കാ​ഞ്ഞി​രം​തു​രു​ത്ത് - ചെ​ക്കി​ടി​ക്കാ​ട് റോ​ഡും ത​ക​ര്‍​ന്ന നി​ല​യി​ലാ​ണ്. അ​ധി​കൃ​ത​ര്‍ അ​ടി​യ​ന്തര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.
Copyright @ 2018 , Rashtra Deepika Ltd.