സമസ്തയ്ക്കെന്നും ശക്തി പകര്‍ന്നത് പാണക്കാട് കുടുംബം: എസ്‌വൈഎസ് : Deepika.com Nattu Visesham

MALAPPURAM

സമസ്തയ്ക്കെന്നും ശക്തി പകര്‍ന്നത് പാണക്കാട് കുടുംബം: എസ്‌വൈഎസ്

Sunday, November 10, 2024 6:34 AM IST

മലപ്പുറം: സമസ്ത കേരള ജംഇയ്യത്തുല്‍ ഉലമാക്ക് ശക്തി പകര്‍ന്ന കുടുംബങ്ങളുടെ കണക്കെടുത്താല്‍ ഒന്നാം സ്ഥാനം പാണക്കാട് സയ്യിദ് കുടുംബത്തിന് തന്നെയായിരിക്കുമെന്നും സയ്യിദുമാരുടെ സാന്നിധ്യവും പിന്തുണയും സമസ്തയുടെ പ്രവര്‍ത്തനങ്ങളെ ജനകീയമാക്കിയിട്ടുണ്ടെന്നും എസ്‌വൈഎസ് ഈസ്റ്റ് ജില്ലാ സീനിയര്‍ വൈസ് പ്രസിഡന്‍റ് അബ്ദുസമദ് പൂക്കോട്ടൂര്‍, ജനറല്‍ സെക്രട്ടറി സലീം എടക്കര, ട്രഷര്‍ അബ്ദുള്‍ ഖാദിര്‍ ഫൈസി കുന്നുംപുറം എന്നിവര്‍ സംയുക്ത പ്രവസ്താവനയില്‍ പറഞ്ഞു.

വലിയ പണ്ഡിതരും സയ്യിദുമാരും സമസ്തയെ ശക്തിപ്പെടുത്തുന്നതില്‍ മുന്നില്‍ നിന്നിട്ടു്ടെങ്കിലും ഒരു കുടുംബം ഒന്നിച്ച് സമസ്ത കേരള ജംഇയ്യത്തുല്‍ ഉലമായെ ശക്തിപ്പെടുത്താന്‍ ഇറങ്ങിത്തിരിച്ചത് കേരളത്തിന്‍റെ നവോത്ഥാന ചരിത്രത്തില്‍ അത്ഭുതകരമാണെന്നും വിസ്മയകരമായ ഈ സംവിധാനത്തെ നിലനിര്‍ത്തുന്നതിന് ശക്തിപകരുന്ന പ്രസ്താവനയാണ് സമസ്ത പ്രസിഡന്‍റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളുടെ പാണക്കാട് ഖാസി ഫൗണ്ടേഷന്‍ സംബന്ധിച്ചുണ്ടായതെന്നും നേതാക്കള്‍ പറഞ്ഞു.

പാണക്കാട് സയ്യിദ് കുടുംബം നേതൃത്വം നല്‍കുന്ന പ്രവര്‍ത്തനത്തിന് സമസ്ത പിന്തുണ നല്‍കുന്നതും സമസ്തയുടെ പ്രവര്‍ത്തനങ്ങള്‍ക്ക് പാണക്കാട് സയ്യിദുമാര്‍ പിന്തുണ നല്‍കുന്നതും കൂടുതല്‍ ആവേശത്തോടെ ഇനിയും തുടരുമെന്നും നേതാക്കള്‍ പറഞ്ഞു.