പന്തല്ലൂര്‍: വഖഫ് സ്വത്ത്തര്‍ക്ക വിവാദ വിഷയത്തില്‍ കുടിയിറക്ക് ഭീഷണി നേരിടുന്ന മുനമ്പം നിവാസികള്‍ക്ക് പിന്തുണ പ്രഖ്യാപിച്ച് പന്തല്ലൂര്‍ സെന്‍റ്മേരീസ് പള്ളിയങ്കണത്തില്‍ പ്രതിഷേധ റാലി നടത്തി. എകെസിസി പന്തല്ലൂര്‍ യൂണിറ്റ് നേതൃത്വം നല്‍കിയ പ്രതിഷേധ യോഗം ഇടവക വികാരി ഫാ. സുദീപ് കീഴക്കാരക്കാട്ട് ഉദ്ഘാടനം ചെയ്തു. എകെസിസി യൂണിറ്റ് പ്രസിഡന്‍റ് അഡ്വ. ജോസ് ഓലിക്കല്‍, വി.പി. രാജു, കെ.ഡി. തങ്കച്ചന്‍, ജോര്‍ജ് വല്ലയില്‍, ലിജോ കോട്ടയ്ക്കല്‍ തുടങ്ങിയവര്‍ നേതൃത്വം നല്‍കി. 200ലധികം പേര്‍ പങ്കെടുത്ത റാലിക്ക് എന്‍.സി പോള്‍ നേതൃത്വം നല്‍കി.
കോനൂര്‍ക്കണ്ടി: മുനമ്പം നിവാസികള്‍ക്ക് ഐക്യദാര്‍ഢ്യവുമായി കത്തോലിക്ക കോണ്‍ഗ്രസ് കോനൂര്‍ക്കണ്ടി യൂണിറ്റ് റാലി നടത്തി. വഖഫ് അവകാശത്തിന്‍റെ പേരില്‍ പ്രതിസന്ധിയിലായ മുനമ്പം നിവാസികളുടെ അവകാശങ്ങള്‍ സംരക്ഷിക്കാന്‍ സര്‍ക്കാര്‍ തയാറാകണമെന്ന് റാലി ഉദ്ഘാടനം ചെയ്ത് കോനൂര്‍ക്കണ്ടി പള്ളി വികാരി ഫാ. മനോജ് കൊച്ചുമുറി ആവശ്യപ്പെട്ടു. സണ്ണി ചേക്കാക്കുഴിയില്‍, കെ.കെ. ജോര്‍ജ് കൊച്ചുപ്പുരയ്ക്കല്‍, ജിനീഷ് നിരപ്പത്ത്, ടെസി സണ്ണി ചേക്കെക്കുഴിയില്‍ എന്നിവര്‍ പ്രസംഗിച്ചു.
വെട്ടത്തൂര്‍: വെട്ടത്തൂര്‍ യൂണിറ്റ് കത്തോലിക്ക കോണ്‍ഗ്രസ് മുനമ്പം ഐക്യദാര്‍ഢ്യദിനം ആചരിച്ചു.വികാരി ഫാ. എല്‍ജോ യോഗം ഉദ്ഘാടനം ചെയ്തു. വൈസ് പ്രസിഡന്‍റ് ടി.പി. ജോസഫ് മുഖ്യപ്രഭാഷണം നടത്തി. യൂണിറ്റ് പ്രസിഡന്‍റ് റോയ് മാത്യു സ്വാഗതവും ഫൊറോന ട്രഷറര്‍ ജെയിംസ് തെക്കേകുറ്റ് നന്ദിയും പറഞ്ഞു. യൂണിറ്റ് സെക്രട്ടറി ലൗജു ഓലിക്കര നേതൃത്വം നല്‍കി.
ചീരട്ടാമല: മുനമ്പം സമരത്തിന് ഐക്യദാര്‍ഢ്യം പ്രഖ്യാപിച്ച് താമരശേരി രൂപതയിലെ ചീരട്ടാമല
ക്രിസ്തുരാജ യൂണിറ്റിലെ കത്തോലിക്ക കോണ്‍ഗ്രസ് പ്രവര്‍ത്തകരും ഭാരവാഹികളും പ്രതിഷേധ ധര്‍ണ നടത്തി. ഇടവക വികാരി ഫാ. സിജോ പുളുമൂട്ടില്‍ ധര്‍ണ ഉദ്ഘാടനം ചെയ്തു. യൂണിറ്റ് വൈസ് പ്രസിഡന്‍റ് വിനോജ് പുതുപ്പമ്പില്‍, ട്രഷറര്‍ സാജു നെടുമ്പറമ്പില്‍ തുടങ്ങിയവര്‍ പ്രസംഗിച്ചു. യൂണിറ്റ് പ്രസിഡന്‍റ് സെബാസ്റ്റ്യന്‍ മുളവന സ്വാഗതവും രൂപത പ്രതിനിധി ഷാജി പുത്തന്‍പുരയ്ക്കല്‍ നന്ദിയും പറഞ്ഞു.
പൊന്ന്യാകുര്‍ശി: കത്തോലിക്ക കോണ്‍ഗ്രസ് പൊന്ന്യാകുര്‍ശി യൂണിറ്റ് മുനമ്പം ഐക്യദാര്‍ഢ്യദിനാചരണം നടത്തി. ഫാ. ഡേവിസ് തട്ടില്‍ ഉദ്ഘാടനം ചെയ്തു. എഡ്വിന്‍ ചിരിയങ്കണ്ടത്ത്, ലിജോ കിഴക്കേടത്ത്, ഷാജി ഇലവുങ്കല്‍, കൊച്ചുമോന്‍ കല്ലുകാലയില്‍, യൂണിറ്റ് ഭാരവാഹികള്‍, മതാധ്യാപകര്‍, കൈക്കാരന്‍മാര്‍, ഭക്തസംഘടനാ ഭാരവാഹികള്‍ എന്നിവര്‍ നേതൃത്വം നല്‍കി. യോഗത്തില്‍ ഇടവക അംഗങ്ങള്‍ പങ്കെടുത്തു.
താഴെക്കോട്: താഴെക്കോട് യൂണിറ്റ് കത്തോലിക്ക കോണ്‍ഗ്രസ് പ്രവര്‍ത്തകര്‍ മുനമ്പം ഐക്യദാര്‍ഢ്യദിനാചരണത്തില്‍ റാലിയും പൊതുയോഗവും നടത്തി. ഫാ.ടോമി പുതിയേടത്ത് യോഗം ഉദ്ഘാടനം ചെയ്തു. ജോപ്പന്‍ ചുവപ്പുങ്കല്‍, ജോഷി കടുത്താനം, സജി മരങ്ങാട്ട് എന്നിവര്‍ പ്രസംഗിച്ചു. യൂണിറ്റ് ഭാരവാഹികള്‍ നേതൃത്വം നല്‍കി.