National News
നീറ്റ്-യുജി: കൂടുതൽ കേസുകൾ സിബിഐ രജിസ്റ്റർ ചെയ്തു
നീറ്റ്-യുജി: കൂടുതൽ കേസുകൾ സിബിഐ രജിസ്റ്റർ ചെയ്തു
Wednesday, June 26, 2024 1:43 AM IST
സെ​ബി​ൻ ജോ​സ​ഫ്

ന്യൂ​ഡ​ൽ​ഹി: നീ​റ്റ്-യു​ജി പ​രീ​ക്ഷാ ക്ര​മ​ക്കേ​ടു​മാ​യി ബ​ന്ധ​പ്പെ​ട്ട് സി​ബി​ഐ കൂ​ടു​ത​ൽ കേ​സു​ക​ൾ ര​ജി​സ്റ്റ​ർ ചെ​യ്തു.

ബി​ഹാ​റി​ലെ​യും ജാ​ർ​ഖ​ണ്ഡി​ലെ​യും പ​രീ​ക്ഷാ​കേ​ന്ദ്ര​ങ്ങ​ളി​ലും ബി​ഹാ​ർ, ഗു​ജ​റാ​ത്ത് സം​സ്ഥാ​ന​ങ്ങ​ളി​ലെ കോ​ച്ചിം​ഗ് സെ​ന്‍റ​റു​ക​ളി​ലും സം​ഘം പ​രി​ശോ​ധ​ന ന​ട​ത്തി. മു​ൻവ​ർ​ഷ​ത്തെ പ​രീ​ക്ഷ​യെ അ​പേ​ക്ഷി​ച്ച് ഈ​വ​ർ​ഷം അ​സാ​ധാ​ര​ണ​മാ​യി അ​ധി​ക​മാ​ർ​ക്ക് ല​ഭി​ച്ച​വ​രെ സം​ബ​ന്ധി​ച്ചും അ​ന്വേ​ഷ​ണം ന​ട​ത്തും.

ഇ​തി​നി​ടെ, കു​റ്റ​മ​റ്റ​ രീ​തി​യി​ൽ പ​രീ​ക്ഷ ന​ട​ത്തു​ന്ന​തു സം​ബ​ന്ധി​ച്ച് കു​ട്ടി​ക​ളി​ൽ​നി​ന്നും ര​ക്ഷി​താ​ക്ക​ളി​ൽ​നി​ന്നും നി​ർ​ദേ​ശം തേ​ടു​മെ​ന്ന് കേ​ന്ദ്രം നി​യോ​ഗി​ച്ച ഉ​ന്ന​ത​ത​ല സ​മി​തി അ​ധ്യ​ക്ഷ​ൻ ഡോ. ​രാ​ധാ​കൃ​ഷ്ണ​ൻ പ​റ​ഞ്ഞു. മാ​റ്റി​വ​ച്ച നീ​റ്റ്-​പി​ജി പ​രീ​ക്ഷ വൈ​കാ​തെ ന​ട​ത്തു​ന്ന​തു സം​ബ​ന്ധി​ച്ചും കേ​ന്ദ്ര​സ​ർ​ക്കാ​ർ ആ​ലോ​ച​ന ന​ട​ത്തു​ന്നു​ണ്ട്.

നീ​റ്റ്-​യു​ജി ചോ​ദ്യ​പേ​പ്പ​ർ ചോ​ർ​ച്ച​യു​ടെ മു​ഖിയ ​സൂ​ത്ര​ധാ​ര​ൻ സ​ഞ്ജീ​വ് മു​ഖിയ ഇ​പ്പോ​ഴും ഒ​ളി​വി​ൽ തു​ട​രു​ക​യാ​ണ്. ബി​ഹാ​ർ പോ​ലീ​സി​ന്‍റെ സാ​ന്പ​ത്തി​ക കു​റ്റ​വി​ഭാ​ഗം സി​ബി​ഐ​ക്കു കേ​സ് കൈ​മാ​റി​യ​പ്പോ​ൾ മു​ഖ്യ​യെ​ക്കു​റി​ച്ചു​ള്ള വി​വ​ര​ങ്ങ​ൾ ന​ൽ​കി​യി​രു​ന്നു. "സോ​ൾ​വ​ർ ഗ്യാം​ഗ്'എ​ന്ന​റി​യ​പ്പെ​ടു​ന്ന അ​ന്ത​ർ​സം​സ്ഥാ​ന സം​ഘ​മാ​ണു ചോ​ദ്യ​പേ​പ്പ​ർ ചോ​ർ​ച്ച​യ്ക്കു പി​ന്നി​ലെ​ന്ന് അ​ന്വേ​ഷ​ണ​സം​ഘം ക​ണ്ടെ​ത്തി​യി​ട്ടു​ണ്ട്.

ബി​ഹാ​ർ അ​ധ്യാ​പ​ക റി​ക്രൂ​ട്ട്മെ​ന്‍റ് പ​രീ​ക്ഷ ഉ​ൾ​പ്പെ​ടെ അ​ഞ്ചു പ്ര​ധാ​ന പ​രീ​ക്ഷ​ക​ളു​ടെ ചോ​ദ്യ​പേ​പ്പ​ർ ചോ​ർ​ത്തി​യ കേ​സി​ൽ പ്ര​തി​യാ​ണ് മു​ഖിയ. വി​വി​ധ സം​സ്ഥാ​ന​ങ്ങ​ളി​ൽ ഇ​ദ്ദേ​ഹ​ത്തി​ന്‍റെ കൂ​ട്ടാ​ളി​ക​ൾ പ്ര​വ​ർ​ത്തി​ക്കു​ന്നു​ണ്ട്. ഇ​യാ​ളു​ടെ മ​ക​ൻ ഡോ. ​ശി​വ (ബി​ട്ടു)​യും ചോ​ദ്യ​പേ​പ്പ​ർ ചോ​ർ​ത്തി​യ കേ​സി​ൽ അ​റ​സ്റ്റി​ലാ​യി​ട്ടു​ണ്ട്.


ന​ള​ന്ദ സ്വ​ദേ​ശി​യാ​യ മു​ഖിയ 20 വ​ർ​ഷ​മാ​യി ചോ​ദ്യ​പേ​പ്പ​ർ ചോ​ർ​ത്തു​ന്ന സം​ഘ​ത്തി​ലു​ണ്ട്. 1990ക​ളി​ൽ മ​ത്സ​ര​പ​രീ​ക്ഷാ ചോ​ദ്യ​പേ​പ്പ​റു​ക​ൾ ചോ​ർ​ത്തി​യി​രു​ന്ന ര​ഞ്ജി​ത് ഡോ​ണു​മാ​യി ചേ​ർ​ന്ന് ഇ​യാ​ൾ പ്ര​വ​ർ​ത്തി​ച്ചി​രു​ന്നു.

നി​ല​വി​ൽ ന​ള​ന്ദ നൂ​ർ​സ​രാ​യി ഉ​ദ്യാ​ൻ വി​ദ്യാ​ല​യ​ത്തി​ൽ ടെ​ക്നി​ക്ക​ൽ അ​സി​സ്റ്റ​ന്‍റാ​യി ജോ​ലി ചെ​യ്യു​ക​യാ​ണ്. ബി​ഹാ​ർ ബ്ലോ​ക്ക് ലെ​വ​ൽ പ​രീ​ക്ഷ, ഉ​ത്ത​രാ​ഖ​ണ്ഡ് പോ​ലീ​സ് കോ​ണ്‍സ്റ്റ​ബി​ൾ പ​രീ​ക്ഷ എ​ന്നി​വ​യു​ടെ ചോ​ദ്യ​പേ​പ്പ​റു​ക​ൾ ചോ​ർ​ത്തി​യ കേ​സി​ൽ മു​ഖിയ അ​റ​സ്റ്റി​ലാ​യി​ട്ടു​ണ്ട്.

മേ​യ് അ​ഞ്ചി​നു രാ​വി​ലെ നീ​റ്റ്-​യു​ജി പ​രീ​ക്ഷ​യ്ക്കു​മു​ന്പ് ചി​ല വി​ദ്യാ​ർ​ഥി​ക​ൾ​ക്ക് ചോ​ദ്യ​വും ഉ​ത്ത​ര​വും ല​ഭി​ച്ച​താ​യി അ​ന്വേ​ഷ​ണ​സം​ഘ​ത്തി​ന് വി​വ​രം ല​ഭി​ച്ചി​ട്ടു​ണ്ട്. ഇ​തു​മാ​യി ബ​ന്ധ​പ്പെ​ട്ട് ജാ​ർ​ഖ​ണ്ഡി​ൽ​നി​ന്ന് സോ​ൾ​വ​ർ ഗ്യാം​ഗി​ലെ അ​ഞ്ചു​പേ​ർ അ​റ​സ്റ്റി​ലാ​യി.

ന​ള​ന്ദ ഭു​ത​ഹ​ഖാ​ർ പ​ഞ്ചാ​യ​ത്ത് അ​ധ്യ​ക്ഷ മ​മ​ത ദേ​വി​യാ​ണ് മു​ഖ്യ​യു​ടെ ഭാ​ര്യ. 2020 ബി​ഹാ​ർ നി​യ​മ​സ​ഭാ തെ​ര​ഞ്ഞെ​ടു​പ്പി​നു തൊ​ട്ടു​മു​ന്പ് ജെ​ഡി-​യു വി​ട്ട് എ​ൽ​ജെ​പി​യി​ൽ ചേ​ർ​ന്ന് ഹ​ർ​നൗ​ട്ടി​ൽ​നി​ന്നു നി​യ​മ​സ​ഭ​യി​ലേ​ക്ക് മ​ത്സ​രി​ച്ചി​രു​ന്നു. ഇ​താ​ണ് ജെ​ഡി-​യു, എ​ൽ​ജെ​പി പാ​ർ​ട്ടി​ക​ൾ​ക്ക് ചോ​ദ്യ​പേ​പ്പ​ർ ചോ​ർ​ച്ച​യു​മാ​യി ബ​ന്ധ​മു​ണ്ടെ​ന്ന് ആ​രോ​പ​ണ​മു​യ​രാ​ൻ കാ​ര​ണം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.