National News
രാജ്യത്ത് അപ്രഖ്യാപിത അടിയന്തരാവസ്ഥയെന്ന് ഖാർഗെ
രാജ്യത്ത് അപ്രഖ്യാപിത അടിയന്തരാവസ്ഥയെന്ന് ഖാർഗെ
Wednesday, June 26, 2024 1:43 AM IST
ന്യൂ​ഡ​ൽ​ഹി: രാ​ജ്യ​ത്ത് അ​പ്ര​ഖ്യാ​പി​ത അ​ടി​യ​ന്ത​രാ​വ​സ്ഥ​യാ​ണെ​ന്നു കോ​ണ്‍ഗ്ര​സ് പ്ര​സി​ഡ​ന്‍റ് മ​ല്ലി​കാ​ർ​ജു​ൻ ഖാ​ർ​ഗെ. സ്വ​ന്തം പ​രാ​ജ​യ​ങ്ങ​ൾ മ​റ​ച്ചു​വ​യ്ക്കാ​നാ​ണ് പ്ര​ധാ​ന​മ​ന്ത്രി ഭൂ​ത​കാ​ല​ത്തി​ന്‍റെ ചു​രു​ള​ഴി​ക്കു​ന്ന​ത്. സ​മ​വാ​യ​ത്തെ​ക്കു​റി​ച്ചും സ​ഹ​ക​ര​ണ​ത്തെ​ക്കു​റി​ച്ചും സം​സാ​രി​ക്കു​ന്ന പ്ര​ധാ​ന​മ​ന്ത്രി മോ​ദി നേ​ർ​വി​പ​രീ​ത​മായാ​ണു ചെ​യ്യു​ന്ന​തെ​ന്നും ഖാ​ർ​ഗെ ആ​രോ​പി​ച്ചു. ബി​ജെ​പി​യു​ടെ മോ​ഹ​ങ്ങ​ൾ വെ​ട്ടി​ച്ചു​രു​ക്കാ​നാ​ണ് ജ​ന​ങ്ങ​ൾ വോ​ട്ട് ചെ​യ്ത​തെ​ന്ന് അ​ദ്ദേ​ഹം ഓ​ർ​മ​പ്പെ​ടു​ത്തി.

പാ​ർ​ട്ടി​ക​ളെ ത​ക​ർ​ക്കു​ക, തെ​ര​ഞ്ഞെ​ടു​ക്ക​പ്പെ​ട്ട സ​ർ​ക്കാ​രു​ക​ളെ പി​ൻ​വാ​തി​ലി​ലൂ​ടെ വീ​ഴ്ത്തു​ക, പ്ര​തി​പ​ക്ഷ നേ​താ​ക്ക​ൾ​ക്കെ​തി​രേ ഇ​ഡി, സി​ബി​ഐ, ഐ​ടി തു​ട​ങ്ങി​യ ഏ​ജ​ൻ​സി​ക​ളു​ടെ ദു​രു​പ​യോ​ഗം, മു​ഖ്യ​മ​ന്ത്രി​മാ​രെ ജ​യി​ലി​ൽ അ​ട​യ്ക്കു​ക, തെ​ര​ഞ്ഞെ​ടു​പ്പി​നു​മു​ന്പ് ഔ​ദ്യോ​ഗി​ക സം​വി​ധാ​ന​ങ്ങ​ൾ ഉ​പ​യോ​ഗി​ക്കു​ക തു​ട​ങ്ങി​യ മോ​ദി​സ​ർ​ക്കാ​രി​ന്‍റെ ന​ട​പ​ടി​ക​ള​ല്ലേ അ​പ്ര​ഖ്യാ​പി​ത അ​ടി​യ​ന്ത​രാ​വ​സ്ഥ​യെ​ന്ന് ഖാ​ർ​ഗെ ചോ​ദി​ച്ചു.

“ന​രേ​ന്ദ്ര​മോ​ദീ, രാ​ജ്യം ഭാ​വി​യി​ലേ​ക്ക് ഉ​റ്റു​നോ​ക്കു​ന്നു, പ​ക്ഷേ നി​ങ്ങ​ളു​ടെ പ​രാ​ജ​യ​ങ്ങ​ൾ മ​റ​യ്ക്കാ​ൻ നി​ങ്ങ​ൾ ഭൂ​ത​കാ​ല​ത്തി​ൽ മാ​ന്തി കു​ഴി​യു​ണ്ടാ​ക്കു​ന്നു. ക​ഴി​ഞ്ഞ പ​ത്തു വ​ർ​ഷ​ത്തി​നി​ട​യി​ൽ 140 കോ​ടി ഇ​ന്ത്യ​ക്കാ​രെ നി​ങ്ങ​ൾ അ​പ്ര​ഖ്യാ​പി​ത അ​ടി​യ​ന്ത​രാ​വ​സ്ഥ എ​ന്താ​ണെ​ന്ന് മ​ന​സി​ലാ​ക്കി​ച്ചു. ജ​നാ​ധി​പ​ത്യ​ത്തി​നും ഭ​ര​ണ​ഘ​ട​ന​യ്ക്കും ഇ​തെ​ല്ലാം ആ​ഴ​ത്തി​ലു​ള്ള ആ​ഘാ​തം സൃ​ഷ്‌​ടി​ച്ചു.’’-​ഖാ​ർ​ഗെ പ​റ​ഞ്ഞു. അ​ടി​യ​ന്ത​രാ​വ​സ്ഥ ഏ​ർ​പ്പെ​ടു​ത്തി​യ​വ​ർ​ക്ക് ഭ​ര​ണ​ഘ​ട​ന​യെ സ്നേ​ഹി​ക്കാ​ൻ അ​വ​കാ​ശ​മി​ല്ലെ​ന്ന പ്ര​ധാ​ന​മ​ന്ത്രി മോ​ദി​യു​ടെ വി​മ​ർ​ശ​ന​ത്തോ​ടു പ്ര​തി​ക​രി​ക്ക​വെ​യാ​യി​രു​ന്നു ഖാ​ർ​ഗെ​യു​ടെ കു​റി​പ്പ്.


146 പ്ര​തി​പ​ക്ഷ എം​പി​മാ​രെ പാ​ർ​ല​മെ​ന്‍റി​ൽ​നി​ന്നു സ​സ്പെ​ൻ​ഡ് ചെ​യ്യു​ക​യും ക്രി​മി​ന​ൽ ന​ട​പ​ടി​ക്ര​മം, ഇ​ന്ത്യ​ൻ ശി​ക്ഷാ​നി​യ​മം, ഇ​ന്ത്യ​ൻ തെ​ളി​വ് നി​യ​മം എ​ന്നി​വ മാ​റ്റാ​ൻ മൂ​ന്ന് പു​തി​യ നി​യ​മ​ങ്ങ​ൾ കൊ​ണ്ടു​വ​രു​ക​യും ചെ​യ്ത​പ്പോ​ൾ മോ​ദി പ​റ​ഞ്ഞ സ​മ​വാ​യം എ​വി​ടെ​യാ​യി​രു​ന്നു​വെ​ന്ന് കോ​ണ്‍ഗ്ര​സ് അ​ധ്യ​ക്ഷ​ൻ ചോ​ദി​ച്ചു.

മ​ഹാ​ത്മാ​ഗാ​ന്ധി, അം​ബേ​ദ്ക​ർ, ഛത്ര​പ​തി ശി​വ​ജി തു​ട​ങ്ങി​യ മ​ഹാ​ര​ഥ​ന്മാ​രു​ടെ പ്ര​തി​മ​ക​ൾ പാ​ർ​ല​മെ​ന്‍റ് സ​മു​ച്ച​യ​ത്തി​നു​ള്ളി​ൽ പ്ര​തി​പ​ക്ഷ​ത്തോ​ടു​പോ​ലും ചോ​ദി​ക്കാ​തെ മാ​റ്റി സ്ഥാ​പി​ച്ച​പ്പോ​ൾ എ​വി​ടെ​യാ​ണു സ​മ​വാ​യ​മു​ണ്ടാ​യ​ത്.

15 കോ​ടി ക​ർ​ഷ​ക ​കു​ടും​ബ​ങ്ങ​ളു​ടെ​മേ​ൽ മൂ​ന്ന് പു​തി​യ കാ​ർ​ഷി​ക​നി​യ​മ​ങ്ങ​ൾ അ​ടി​ച്ചേ​ൽ​പ്പി​ക്കു​ക​യും മാ​സ​ങ്ങ​ളോ​ളം റോ​ഡി​ലി​രു​ന്നു പ്ര​തി​ഷേ​ധി​ച്ച ക​ർ​ഷ​ക​ർ​ക്കെ​തി​രേ അ​തി​ക്ര​മ​ങ്ങ​ൾ ന​ട​ത്തു​ക​യും ചെ​യ്ത​പ്പോ​ൾ സ​മ​വാ​യം എ​വി​ടെ​യാ​യി​രു​ന്നു? നോ​ട്ട് നി​രോ​ധ​നം, ലോ​ക്ഡൗ​ണ്‍, ഇ​ല​ക്‌​ട​റ​ൽ ബോ​ണ്ട് നി​യ​മം എ​ന്നി​വ​യ​ട​ക്കം സ​ർ​ക്കാ​ർ സ​മ​വാ​യം ഉ​പ​യോ​ഗി​ക്കാ​ത്ത​തി​ന് മ​റ്റു നി​ര​വ​ധി ഉ​ദാ​ഹ​ര​ണ​ങ്ങ​ളു​ണ്ടെ​ന്നും ഖാ​ർ​ഗെ പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.