കെആര്‍എല്‍സിസി ‘ജനജാഗരം’ സമ്മേളനങ്ങൾ സംഘടിപ്പിക്കും: ബിഷപ് ഡോ. വര്‍ഗീസ് ചക്കാലക്കല്‍ : Deepika.com Kerala News |

Click here for detailed news of all items

കെആര്‍എല്‍സിസി ‘ജനജാഗരം’ സമ്മേളനങ്ങൾ സംഘടിപ്പിക്കും: ബിഷപ് ഡോ. വര്‍ഗീസ് ചക്കാലക്കല്‍

Saturday, September 21, 2024 3:22 AM IST

കൊച്ചി: നീതിക്കും അവകാശ സംരക്ഷണത്തിനും ലത്തീന്‍ കത്തോലിക്കരെ ജാഗരൂകരാക്കുന്നതിന് കേരളത്തിലെ ലത്തീന്‍ രൂപതകളിലെ ഇടവകകളില്‍ ‘ജനജാഗരം’ നേതൃസമ്മേളനങ്ങള്‍ സംഘടിപ്പിക്കുമെന്ന് കെആര്‍എല്‍സിസി അധ്യക്ഷന്‍ ബിഷപ് ഡോ. വര്‍ഗീസ് ചക്കാലക്കല്‍.

ഒക്ടോബര്‍, നവംബര്‍, ഡിസംബര്‍ മാസങ്ങളില്‍ സംഘടിപ്പിക്കുന്ന സമ്മേളനങ്ങളുടെ തയാറെടുപ്പിനായി സംഘടിപ്പിച്ച നേതൃയോഗം അദ്ദേഹം ഉദ്ഘാടനം ചെയ്തു.

ജനജാഗര സമ്മേളനങ്ങളുടെ ലോഗോ വരാപ്പുഴ അതിരൂപത സഹായമെത്രാന്‍ ഡോ. ആന്‍റണി വാലുങ്കലിനു നല്‍കി ബിഷപ് ഡോ. ചക്കാലക്കല്‍ പ്രകാശനം ചെയ്തു. കെആര്‍എല്‍സിസി ജനറല്‍ സെക്രട്ടറി ഫാ. തോമസ് തറയില്‍, വൈസ് പ്രസിഡന്‍റ് ജോസഫ് ജൂഡ്, അതിരൂപത ചാന്‍സലര്‍ ഫാ. എബിജിന്‍ അറക്കല്‍, ജനറല്‍ മിനിസ്ടി കോ-ഓർഡിനേറ്റര്‍ ഫാ. യേശുദാസ് പഴമ്പിള്ളി, കെഎല്‍സിഎ മീഡിയ ഫോറം കണ്‍വീനര്‍ വിന്‍സ് പെരിഞ്ചേരി എന്നിവര്‍ പ്രസംഗിച്ചു.

ജനജാഗരത്തിന്‍റെ ഭാഗമായി നടത്തുന്ന പരിശീലന കാമ്പ് ഇന്നും നാളെയുമായി ഇടക്കൊച്ചി ആല്‍ഫാ പാസ്റ്ററല്‍ സെന്‍ററില്‍ നടക്കും. ആലപ്പുഴ ബിഷപ് ഡോ. ജെയിംസ് ആനാപറമ്പില്‍ ഉദ്ഘാടനം ചെയ്യും. കൊച്ചി രൂപത അഡ്മിനിസ്‌ട്രേറ്റര്‍ മോണ്‍. ഷൈജു പര്യാത്തുശേരി അധ്യക്ഷത വഹിക്കും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.