ഷി​ല്ലോം​ഗ്: സുനിൽ ഛേത്രി ​ഗോ​ളു​മാ​യി തി​രി​ച്ചെ​ത്തി, ഒ​പ്പം ഇ​ന്ത്യ വി​ജ​യ വ​ഴി​യി​ലും. നാ​ൽ​പ്പ​തു​കാ​ര​നാ​യ സു​നി​ൽ ഛേത്രി ​വി​ര​മി​ക്ക​ൽ പി​ൻ​വ​ലി​ച്ച് ക​ള​ത്തി​ലി​റ​ങ്ങി​യ ആ​ദ്യ മ​ത്സ​ര​ത്തി​ൽ ഇ​ന്ത്യ​ക്കു ജ​യം. രാ​ജ്യാ​ന്ത​ര സൗ​ഹൃ​ദ ഫു​ട്ബോ​ളി​ൽ ഇ​ന്ത്യ 3-0നു ​മാ​ല​ദ്വീ​പി​നെ കീ​ഴ​ട​ക്കി. 76-ാം മി​നി​റ്റി​ൽ സു​നി​ൽ ഛേത്രി​യു​ടെ വ​ക​യാ​യി​രു​ന്നു ടീ​മി​ന്‍റെ മൂ​ന്നാം ഗോ​ൾ.

രാ​ഹു​ൽ ബെ​ക്കെ (34’), ലി​സ്റ്റ​ണ്‍ കൊ​ളാ​ക്കോ (66’) എ​ന്നി​വ​രാ​ണു മ​റ്റു ഗോ​ൾ നേ​ട്ട​ക്കാ​ർ. ക്യാ​പ്റ്റ​ൻ ആം​ബാ​ൻ​ഡ് അ​ണി​ഞ്ഞ് സ്റ്റാ​ർ​ട്ടിം​ഗ് ഇ​ല​വ​നി​ൽ​ത്ത​ന്നെ ഛേത്രി ​ക​ള​ത്തി​ലെ​ത്തി. മു​ഖ്യ​പ​രി​ശീ​ല​ക​ൻ മാ​നോ​ലൊ മാ​ർ​ക്വെ​സി​ന്‍റെ ശി​ക്ഷ​ണ​ത്തി​നു കീ​ഴി​ൽ ഇ​ന്ത്യ​യു​ടെ ആ​ദ്യ ജ​യ​മാ​ണ്.

ഛേത്രി @ 95

2024 ​ജൂ​ണ്‍ ആ​റി​ന് കു​വൈ​റ്റി​ന് എ​തി​രാ​യ മ​ത്സ​ര​ത്തോ​ടെ​യാ​ണ് സു​നി​ൽ ഛേത്രി ​രാ​ജ്യാ​ന്ത​ര ഫു​ട്ബോ​ളി​ൽ​നി​ന്നു വി​ര​മി​ക്ക​ൽ പ്ര​ഖ്യാ​പി​ച്ച​ത്. ഒ​ന്പ​തു മാ​സ​ത്തി​നു​ശേ​ഷം ക​ള​ത്തി​ൽ തി​രി​ച്ചെ​ത്തി​യ ഛേത്രി, ​ഗോ​ൾ നേ​ട്ട​ത്തോ​ടെ ആ​ഘോ​ഷി​ച്ചു. രാ​ജ്യാ​ന്ത​ര ഫു​ട്ബോ​ളി​ൽ ഛേത്രി​യു​ടെ ഗോ​ൾ സ​ന്പാ​ദ്യം 95 ആ​യി.

എ​എ​ഫ്സി ഏ​ഷ്യ​ൻ ക​പ്പ് യോ​ഗ്യ​താ റൗ​ണ്ടി​ൽ 25നു ​ബം​ഗ്ലാ​ദേ​ശി​നെ​തി​രേ​യാ​ണ് ഇ​ന്ത്യ​യു​ടെ അ​ടു​ത്ത മ​ത്സ​രം.