ജ​യ്പു​ർ: ഐ​പി​എ​ൽ ട്വ​ന്‍റി-20 ക്രി​ക്ക​റ്റി​ൽ റ​യാ​ൻ പ​രാ​ഗി​ന്‍റെ പ​ട​പ​ടേ ബാ​റ്റിം​ഗി​ലൂ​ടെ രാ​ജ​സ്ഥാ​ൻ റോ​യ​ൽ​സി​ന് ജ​യം. 12 റ​ൺ​സി​ന് ഡ​ൽ​ഹി ക്യാ​പ്പി​റ്റ​ൽ​സി​നെ​യാ​ണ് രാ​ജ​സ്ഥാ​ൻ റോ​യ​ൽ​സ് കീ​ഴ​ട​ക്കി​യ​ത്. രാ​ജ​സ്ഥാ​ന്‍റെ തു​ട​ർ​ച്ച​യാ​യ ര​ണ്ടാം ജ​യ​മാ​ണ്. ഡ​ൽ​ഹി​യു​ടെ ര​ണ്ടാം തോ​ൽ​വി​യും.

സ്കോ​ർ: രാ​ജ​സ്ഥാ​ൻ റോ​യ​ൽ​സ് 185/5 (20). ഡ​ൽ​ഹി ക്യാ​പ്പി​റ്റ​ൽ​സ് 173/5 (20). ഡേ​വി​ഡ് വാ​ർ​ണ​ർ (49), സ്റ്റ​ബ്സ് (44 നോ​ട്ടൗ​ട്ട് ) എ​ന്നി​വ​രാ​ണ് ഡ​ൽ​ഹി​യു​ടെ ടോ​പ് സ്കോ​റ​ർ​മാ​ർ.

45 പ​ന്തി​ൽ 84 റ​ൺ​സു​മാ​യി പു​റ​ത്താ​കാ​തെ നി​ന്ന റ​യാ​ൻ പ​രാ​ഗാ​ണ് രാ​ജ​സ്ഥാ​നെ പൊ​രു​താ​നു​ള്ള സ്കോ​റി​ൽ എ​ത്തി​ച്ച​ത്. ആ​റ് സി​ക്സും ഏ​ഴ് ഫോ​റും പ​രാ​ഗി​ന്‍റെ ബാ​റ്റി​ൽ നി​ന്ന് പി​റ​ന്നു. ടോ​സ് നേ​ടി​യ ഡ​ൽ​ഹി ക്യാ​പ്പി​റ്റ​ൽ​സ് ബൗ​ളിം​ഗ് തെ​ര​ഞ്ഞെ​ടു​ക്കു​ക​യാ​യി​രു​ന്നു.


ക്യാ​പ്റ്റ​ൻ ഋ​ഷ​ദ് പ​ന്ത് പ്ര​തീ​ക്ഷി​ച്ച​തു​പോ​ലെ വെ​ടി​ക്കെ​ട്ട് ഓ​പ്പ​ണ​ർ​മാ​രാ​യ യ​ശ​സ്വി ജ​യ് സ്വാ​ൾ (ഏ​ഴ് പ​ന്തി​ൽ അ​ഞ്ച്), ജോ​സ് ബ​ട് ല​ർ (16 പ​ന്തി​ൽ 11), ക്യാ​പ്റ്റ​ൻ സ​ഞ്ജു സാം​സ​ൺ (14 പ​ന്തി​ൽ 15) എ​ന്നി​വ​ർ അ​തി​വേ​ഗം പു​റ​ത്ത്. അ​തോ​ടെ 7.2 ഓ​വ​റി​ൽ 36 റ​ൺ​സി​ന് മൂ​ന്ന് വി​ക്ക​റ്റ് എ​ന്ന അ​വ​സ്ഥ​യി​ലാ​യി രാ​ജ​സ്ഥാ​ൻ. അ​ഞ്ചാം ന​മ്പ​റാ​യി സ്ഥാ​ന​ക്ക​യ​റ്റം ല​ഭി​ച്ചെ​ത്തി​യ ആ​ർ. അ​ശ്വി​ൻ 19 പ​ന്തി​ൽ 29 റ​ൺ​സ് നേ​ടി.