സെ​നി​ക്ക: 2024 യൂ​റോ ക​പ്പ് യോ​ഗ്യ​താ മ​ത്സ​ര​ത്തി​ൽ പോ​ർ​ച്ചു​ഗ​ലി​ന് ത​ക​ർ​പ്പ​ൻ ജ​യം. ക്രി​സ്റ്റ്യാ​നോ റൊ​ണാ​ൾ​ഡോ​യു​ടെ ഇ​ര​ട്ട​ഗോ​ൾ മി​ക​വി​ൽ ബോ​സ്നി​യ ആ​ൻ​ഡ് ഹെ​ർ​സ​ഗോ​വ്ന​യെ എ​തി​രി​ല്ലാ​ത്ത അ​ഞ്ചു ഗോ​ളി​ന് പ​രാ​ജ​യ​പ്പെ​ടു​ത്തി.

പോ​ർ​ച്ചു​ഗ​ൽ നേ​ര​ത്തെ​ത​ന്നെ യോ​ഗ്യ​ത ഉ​റ​പ്പി​ച്ചി​രു​ന്നു. ബ്രൂ​ണോ ഫെ​ർ​ണാ​ണ്ട​സ് (25’), ഹാ​വോ കാ​ൻ​സ​ലോ (32’), ജാ​വോ ഫീ​ലി​ക്സ് (41’) എ​ന്നി​വ​രാ​ണു മ​റ്റു ഗോ​ൾ നേ​ട്ട​ക്കാ​ർ.

ഗ്രൂ​പ്പി​ൽ തു​ട​ർ​ച്ച​യാ​യ എ​ട്ടാം ജ​യം നേ​ടി​യ പോ​ർ​ച്ചു​ഗ​ൽ 24 പോ​യി​ന്‍റു​മാ​യി ഒ​ന്നാം സ്ഥാ​ന​ത്താ​ണ്. അ​ന്താ​രാ​ഷ്ട്ര മ​ത്സ​ര​ത്തി​ൽ റൊ​ണാ​ൾ​ഡോ​യു​ടെ ഗോ​ളെ​ണ്ണം 127 ആ​യി. സ്ലൊ​വാ​ക്യ​ക്കെ​തി​രേ ക​ഴി​ഞ്ഞ മ​ത്സ​ര​ത്തി​ലും പോ​ർ​ച്ചു​ഗീ​സ് നാ​യ​ക​ൻ ഇ​ര​ട്ട​ഗോ​ൾ നേ​ടി​യി​രു​ന്നു.


ഗ്രൂ​പ്പി​ലെ ര​ണ്ടാം സ്ഥാ​ന​ക്കാ​രാ​യ സ്ലൊ​വാ​ക്യ 1-0ന് ​ല​ക്സം​ബ​ർ​ഗി​നെ തോ​ൽ​പ്പി​ച്ചു. ഗ്രൂ​പ്പ് എ​ഫി​ൽ ര​ണ്ടാം സ്ഥാ​ന​ക്കാ​രാ​യ ഓ​സ്ട്രി​യ 1-0ന് ​അ​സ​ർ​ബൈ​ജാ​നെ പ​രാ​ജ​യ​പ്പെ​ടു​ത്തി യൂ​റോ യോ​ഗ്യ​ത നേ​ടി.

വി​ർ​ജി​ൽ വാ​ൻ ഡി​ക് 90+3ാം മി​നി​റ്റി​ൽ വ​ല​യി​ലെ​ത്തി​ച്ച പെ​ന​ൽ​റ്റി​യി​ലൂ​ടെ നെ​ത​ർ​ല​ൻ​ഡ്സ് 1-0ന് ​ഗ്രീ​സി​നെ തോ​ൽ​പ്പി​ച്ച് ഗ്രൂ​പ്പ് ബി​യി​ൽ യോ​ഗ്യ​താ പ്ര​തീ​ക്ഷ നി​ല​നി​ർ​ത്തി. ജ​യ​ത്തോ​ടെ നെ​ത​ർ​ല​ൻ​ഡ്സ് 12 പോ​യി​ന്‍റു​മാ​യി ര​ണ്ടാ​മ​താ​ണ്. ഇ​ത്ര​ത​ന്നെ പോ​യി​ന്‍റു​ള്ള ഗ്രീ​സാ​ണ് മൂ​ന്നാ​മ​ത്. ഗ്രൂ​പ്പി​ൽ ഒ​ന്നാം സ്ഥാ​ന​ക്കാ​രാ​യ ഫ്രാ​ൻ​സ് നേ​ര​ത്തെ ത​ന്നെ യോ​ഗ്യ​ത നേ​ടി​യി​രു​ന്നു.