റെ​ജി ജോ​സ​ഫ്

കോ​ട്ട​യം: വാ​ഴൂ​രി​ലെ കാ​നം ഗ്രാ​മ​ത്തി​ല്‍നി​ന്നു കേ​വ​ലം പ​ത്തൊ​ന്‍പ​താം വ​യ​സി​ല്‍ സി​പി​ഐ യു​വ​ജ​ന​സം​ഘ​ട​ന​യാ​യ എ​ഐ​വൈ​എ​ഫി​ന്‍റെ സം​സ്ഥാ​ന സെ​ക്ര​ട്ട​റി​യാ​യ​പ്പോ​ള്‍ സി​പി​ഐ സം​സ്ഥാ​ന നേ​താ​ക്ക​ള്‍ രാ​ജേ​ന്ദ്ര​ന് സ​മ്മാ​നി​ച്ച വി​ലാ​സ​മാ​ണ് കാ​നം.

1969ല്‍ ​സി.​കെ. ച​ന്ദ്ര​പ്പ​ന്‍ എ​ഐ​വൈ​എ​ഫ് ദേ​ശീ​യ നേ​തൃ​പ​ദ​വി​യി​ലേ​ക്ക് മാ​റി​യ വേ​ള​യി​ലാ​ണ് അ​ന്ന് പ​ഞ്ചാ​യ​ത്ത് മെ​ംബ​റോ വോ​ട്ട​റോ ആ​കാ​നൊ​ന്നും പ്രാ​യ​മെ​ത്താ​ത്ത കാ​നം രാ​ജേ​ന്ദ്ര​ന്‍ ഈ ​പ​ദ​വി​യി​ലെ​ത്തി​യ​ത്. ഇ​രു​പ​താം വ​യ​സി​ല്‍ സി​പി​ഐ സം​സ്ഥാ​ന ക​മ്മി​റ്റി​യി​ല്‍ ത​ല​മു​തി​ര്‍ന്ന നേ​താ​ക്ക​ളു​ടെ ഇ​ട​യി​ല്‍ കാ​ന​ത്തി​നും ഇ​ടം​കി​ട്ടി.

കാ​നം കൊ​ച്ചു​കാ​വി​ല്‍പു​ര​യി​ടം വി.​കെ. പ​ര​മേ​ശ്വ​ര​ന്‍നാ​യ​രു​ടെ​യും ചെ​ല്ല​മ്മ​യു​ടെ​യും മ​ക​നാ​യ രാ​ജേ​ന്ദ്ര​ന്‍ പി​ല്‍ക്കാ​ല​ത്ത് സി​പി​ഐ സം​സ്ഥാ​ന സെ​ക്ര​ട്ട​റി​യും എ​ഐ​ടി​യു​സി ദേ​ശീ​യ കൗ​ണ്‍സി​ല്‍ അം​ഗ​വും ഇ​ട​തു​മു​ന്ന​ണി രാ​ഷ‌്ട്രീ​യ​ത്തി​ലെ താ​ര​വു​മാ​യി.

കൊ​ച്ചു​കാ​ഞ്ഞി​ര​പ്പാ​റ ഗ​വ.​ എ​ല്‍പി​എ​സ്, വാ​ഴൂ​ര്‍ എ​സ്ആ​ര്‍വി എ​ന്‍എ​സ്എ​സ് എ​ച്ച്എ​സി​ലും സ്‌​കൂ​ള്‍ പ​ഠ​ന​ശേ​ഷം കോ​ട്ട​യം ബ​സേ​ലി​യ​സ് കോ​ള​ജി​ല്‍ പ്രീ​ഡി​ഗ്രി​ക്കു​പ​രി വി​ദ്യാ​ഭ്യാ​സ​മി​ല്ലാ​ത്ത കാ​നം കേ​ര​ള രാ​ഷ്‌ട്രീ​യ​ത്തി​ലെ മു​ന്‍നി​ര നേ​താ​വും സി​പി​ഐ​യു​ടെ ആ​ചാ​ര്യ​സ്ഥാ​നീ​യ​നു​മാ​യി വ​ള​ര്‍ന്ന​തു ത​ന​ത് സി​ദ്ധി​ബു​ദ്ധി വൈ​ഭ​വ​ത്തി​ന്‍റെ പി​ന്‍ബ​ല​ത്തി​ലാ​ണ്.

പ​ഴ​യ വാ​ഴൂ​ര്‍ നി​യ​മ​സ​ഭാ മ​ണ്ഡ​ല​ത്തി​ല്‍ 1982ല്‍ 32-ാം ​വ​യ​സി​ല്‍ കേ​ര​ള കോ​ണ്‍ഗ്ര​സ്-​എ​മ്മി​ലെ എം.​കെ. ജോ​സ​ഫി​നെ 5419 വോ​ട്ടു​ക​ള്‍ക്ക് പ​രാ​ജ​യ​പ്പെ​ടു​ത്തി കാ​നം അ​പ്ര​തീ​ക്ഷി​ത​മാ​യ വി​ജ​യം നേ​ടി. 87ല്‍ ​മു​ന്‍ ആ​ഭ്യ​ന്ത​ര​മ​ന്ത്രി​യും വാ​ഴൂ​ര്‍ സ്വ​ദേ​ശി​യു​മാ​യി​രു​ന്ന പി.​ടി. ചാ​ക്കോ​യു​ടെ പു​ത്ര​ന്‍ പി.​സി. തോ​മ​സി​നെ കേ​ര​ള കോ​ണ്‍ഗ്ര​സ്-​എം കാ​ന​ത്തി​നെ​തി​രെ മ​ത്സ​രി​പ്പി​ച്ചു. ഇ​ഞ്ചോ​ടി​ഞ്ച് പോ​രാ​ട്ട​ത്തി​ല്‍ കാ​നം പി.​സി. തോ​മ​സി​നെ 2243 വോ​ട്ടു​ക​ള്‍ക്ക് തോ​ല്‍പി​ച്ചു. മൂ​ന്നാ​മൂ​ഴ​ത്തി​ല്‍ കാ​ന​ത്തെ പ്ര​ഫ. കെ. ​നാ​രാ​യ​ണ​ക്കു​റു​പ്പ് പ​രാ​ജ​യ​പ്പെ​ടു​ത്തി വാ​ഴൂ​ര്‍ മ​ണ്ഡ​ലം യു​ഡി​എ​ഫി​ലെ​ത്തി​ച്ചു.

വാ​ഴൂ​ര്‍ ഗ​വ.​ പ്ര​സ് ഉ​ള്‍പ്പെ​ടെ ഏ​റെ വി​ക​സ​ന​പ​ദ്ധ​തി​ക​ള്‍ മ​ണ്ഡ​ല​ത്തി​ല്‍ കാ​ന​ത്തി​ന്‍റെ കൈ​യൊ​പ്പാ​യു​ണ്ട്.


മൂ​ന്നാ​മൂ​ഴ​ത്തി​ലെ വാ​ഴൂ​ര്‍ തോ​ല്‍വി​യോ​ടെ കാ​നം കോ​ട്ട​യ​വും വാ​ഴൂ​രും വി​ട്ട് ത​ട്ട​കം തി​രു​വ​ന​ന്ത​പു​ര​ത്തേ​ക്കു മാ​റ്റി. പി​ന്നീ​ട് നാ​ട്ടി​ലും വീ​ട്ടി​ലും അ​തി​ഥി​യെ​പ്പോ​ലെ മാ​ത്ര​ം എ​ത്താ​നു​ള്ള സ​മ​യ​മേ ല​ഭി​ച്ചി​രു​ന്നു​ള്ളൂ. പി​ല്‍ക്കാ​ല​ത്ത് വാ​ഴൂ​രി​ലെ തെ​ര​ഞ്ഞെ​ടു​പ്പ് പ്ര​ച​ര​ണ​ങ്ങ​ളി​ല്‍പോ​ലും ഒ​ന്നോ ര​ണ്ടോ ത​വ​ണ​യി​ല്‍ ഒ​തു​ങ്ങി​യി​രു​ന്നു ഓ​ട്ട​പ്ര​ദ​ക്ഷി​ണം.

എ​ഐ​ടി​യു​സി സം​സ്ഥാ​ന സെ​ക്ര​ട്ടറി​യും സി​പി​ഐ സം​സ്ഥാ​ന സെ​ക്ര​ട്ടേറി​യ​റ്റ് അം​ഗ​വു​മൊ​ക്കെ​യാ​യി കാ​ല്‍നൂ​റ്റാ​ണ്ട് കാ​നം പ്ര​വ​ര്‍ത്തി​ച്ചു. 2015ല്‍ ​സി​പി​ഐ സം​സ്ഥാ​ന സെ​ക്ര​ട്ട​റി​യാ​യി. ഉ​രു​ള​യ്ക്കു​പ്പേ​രി മ​റു​പ​ടി​യും ഒ​രാ​ള്‍ക്കും പി​ടി​കൊ​ടു​ക്കാ​ത്ത രാ​ഷ്‌ട്രീ​യ കൗ​ശ​ല​വു​മാ​യി കാ​നം സി​പി​ഐ​യു​ടെ അ​വ​സാ​ന​വാ​ക്കാ​യി, ഇ​ട​തു​മു​ന്ന​ണി​യു​ടെ മു​ന്‍നി​ര നേ​താ​ക്ക​ളി​ലൊ​രാ​ളാ​യി.

സി​പി​എ​മ്മി​ന്‍റെ വ​ല്യേ​ട്ട​ന്‍ നി​ല​പാ​ടു​ക​ളെ പ​ല​പ്പോ​ഴും വി​മ​ര്‍ശി​ക്കു​ക​യും സി​പി​ഐ​ക്ക് ത​ന​താ​യ നി​ല​പാ​ടു​ണ്ടെ​ന്ന് ഇ​ട​തു​മു​ന്ന​ണി​യി​ല്‍ തു​റ​ന്ന​ടി​ക്കു​ക​യും ചെ​യ്തി​രു​ന്ന കാ​നം പാ​ര്‍ട്ടി​ക്കു​ള്ളി​ല്‍ വി​പ്ല​വ​ക​രം എ​ന്നു​ വി​ശേ​ഷി​പ്പി​ക്കാ​വു​ന്ന ന​യ​ങ്ങ​ള്‍ ആ​വി​ഷ്‌​ക​രി​ച്ചു.

ര​ണ്ടു ത​വ​ണ വി​ജ​യി​ച്ച എ​ല്‍എ​ല്‍എ​മാ​ര്‍ വീ​ണ്ടും മ​ത്സ​രി​ക്കേ​ണ്ടെ​ന്ന കാ​നംന​യം സി​പി​ഐ നേ​താ​ക്ക​ളി​ലും അ​ണി​ക​ളി​ലും ഞെ​ട്ട​ലു​ള​വാ​ക്കി. ഒ​ന്നാം പി​ണ​റാ​യി സ​ര്‍ക്കാ​രി​ല്‍ മി​ക​ച്ച പ്ര​ക​ട​നം ന​ട​ത്തി​യ മ​ന്ത്രി​മാ​രെ​യും ഏ​ഴ് സി​റ്റിം​ഗ് എം​എ​ല്‍എ​മാ​രെ​യും ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ ഒ​ഴി​വാ​ക്കി. പ​ല​രും മു​റു​മു​റു​ത്ത​പ്പോ​ള്‍ അ​ച്ച​ട​ക്ക​ത്തി​ന്‍റെ ചൂ​ര​ല്‍ ഉ​യ​ര്‍ത്തി പ​ല​രെ​യും അ​ട​ക്കി​യി​രു​ത്താ​നും ഭ​യ​മു​ണ്ടാ​യി​ല്ല.

പി​ന്നീ​ട് മൂ​ന്നാ​മൂ​ഴം വേ​ണ്ടെ​ന്ന കാ​നം പോ​ളി​സി​യോ​ട് സി​പി​എ​മ്മും കൂ​റു പ്ര​ഖ്യാ​പി​ച്ചു. കേ​ര​ള കോ​ണ്‍ഗ്ര​സ് എം ​എ​ല്‍ഡി​എ​ഫി​ല്‍ എ​ത്തി​യ​പ്പോ​ള്‍ ഇ​ട​തു​മു​ന്ന​ണി​യി​ലെ ര​ണ്ടാം സ്ഥാ​നം സി​പി​ഐ​ക്ക് മാ​ത്രം അ​വ​കാ​ശ​പ്പെ​ട്ട​താ​ണെ​ന്നും അ​വ​കാ​ശ​വ​ാദ​ങ്ങ​ളു​മാ​യി ആ​രും വ​രേ​ണ്ടെ​ന്നും അ​ദ്ദേ​ഹം നി​ല​പാ​ട് പ്ര​ഖ്യാ​പി​ച്ചു.