സെപ്റ്റംബർ അവസാനത്തോടെ എല്ലാ സ്കൂളുകളിലും ഇന്റർനെറ്റ് എത്തിക്കുമെന്ന് കെ-ഫോൺ അധികൃതർ നല്കിയ ഉറപ്പാണ് പാഴായിരിക്കുന്നത്. അടിസ്ഥാന സൗകര്യങ്ങൾ ഒരുക്കുന്നതിനുള്ള കാലതാമസമാണ് കണക്ഷൻ എത്തിക്കാൻ കാലതാമസമുണ്ടാകുന്നതെന്നാണ് അധികൃതർ നല്കുന്ന വിശദീകരണം.
എൽപി, യുപി സ്കൂളുകളുടെ സ്ഥിതി മറിച്ചല്ല. ഉയർന്ന ക്ലാസുകളുടെ അത്രയും ഉപയോഗം ഇല്ലാത്തത് അധ്യാപകർക്ക് അല്പം ആശ്വാസം നല്കുന്നു. നേരത്തേ കൈറ്റും ബിഎസ്എൻഎലും ചേർന്ന് 11,800 രൂപയുടെ വാർഷിക നിരക്കും എൽപി, യുപികൾക്ക് 5000 രൂപയുടെ പാക്കേജുമായിരുന്നു നല്കിയിരുന്നത്.100 എംബിപിഎസ് വേഗതയായിരുന്നു ഉണ്ടായിരുന്നത്. കെഫോൺ ആകട്ടെ ഇത് ആദ്യം 10 എംബിപിഎസും പിന്നീട് പരാതികളെ തുടർന്ന് 100എംബിപിഎസുമാക്കുകയായിരുന്നു.
ഇന്റർനെറ്റ് ലഭ്യമാക്കുന്നതിന് പിടിഎ ഫണ്ട് ഉപയോഗപ്പെടുത്തി ബിഎസ്എൻഎല്ലിനെ ആശ്രയിക്കുകയോ സ്വന്തം മൊബൈൽ ഫോണിലെ ഡേറ്റ ഉപയോഗപ്പെടുത്തി പഠനം തുടരുകയോ ആണ് അധ്യാപകരുടെ പണി.