ഹരിപ്പാ​ട്: തോ​ടി​നു കു​റു​കെ നാ​ട്ടു​കാ​ർ നി​ർ​മി​ച്ച താ​ത്കാ​ലി​ക ചെ​റു​ചെ​ങ്ങാ​ടം ഉ​ദ്ഘാ​ട​നം ചെ​യ്യാ​ൻ എ​ത്തി​യ പ​ഞ്ചാ​യ​ത്ത് പ്ര​സി​ഡ​ന്‍റും വൈ​സ് പ്ര​സി​​ഡ​ന്‍റും ഉ​ദ്ഘാ​ട​ന യാ​ത്ര​യി​ൽ വെ​ള്ള​ത്തി​ൽ വീ​ണു.

ക​രു​വാ​റ്റ പ​ഞ്ചാ​യ​ത്തി​ലെ 13, 14 വാ​ർ​ഡു​ക​ളെ ബ​ന്ധി​പ്പി​ക്കു​ന്ന ക​ന്നു​കാ​ലി പാ​ലം ചെ​മ്പു​തോ​ടി​ന് കു​റു​കെ നാ​ട്ടു​കാ​ർ നി​ർ​മി​ച്ച ചെ​റു ച​ങ്ങാ​ടം ക​ഴി​ഞ്ഞ ദി​വ​സം പ​ഞ്ചാ​യ​ത്ത് പ്ര​സി​ഡ​ന്‍റ് എ​സ്. സു​രേ​ഷ് ഉ​ദ്ഘാ​ട​നം ചെ​യ്ത​തി​ന് ശേ​ഷം മ​റു​ക​ര​യി​ലെ​ത്തി അ​വി​ടെ​യു​ണ്ടാ​യി​രു​ന്ന പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ടി. ​പൊ​ന്ന​മ്മ​യും കോ​ൺ​ഗ്ര​സ് നേ​താ​ക്ക​ളാ​യ പി. ​മു​കു​ന്ദ​ൻ, ചാ​ങ്ങ​ല​ത്ത് ജ​യ​ദേ​വ​ൻ എ​ന്നി​വ​ര​ട​ക്ക​മു​ള്ള ആ​ളു​ക​ൾ ക​യ​റി തി​രി​കെ വ​രു​മ്പോ​ഴാ​യി​രു​ന്നു മ​റി​ഞ്ഞ​ത്. അ​പ​ക​ട​ത്തി​ൽ ആ​ർ​ക്കും പ​രി​ക്കി​ല്ല.

നാ​ല് വീ​പ്പ​ക​ള്‍ ചേ​ര്‍​ത്തു​വെ​ച്ച് അ​തി​നു മു​ക​ളി​ല്‍ പ്ലാ​റ്റ്‌ഫോം കെ​ട്ടി​യാ​ണ് ഇ​രു​ക​ര​ക​ളി​ലെ​യും താ​മ​സ​ക്കാ​ർ ച​ങ്ങാ​ടം നി​ര്‍​മി​ച്ച​ത്. മ​റു​ക​ര​യി​ൽനിന്ന്‌ തി​രി​കെ വ​രു​ന്ന​തി​നാ​യി ശ്ര​മി​ക്കു​മ്പോ​ൾ ക​ല്ലി​ൽ ത​ട്ടി തെ​ന്നി കീ​ഴ്മേ​ല്‍ മ​റി​യു​ക​യാ​യി​രു​ന്നു. 20 മീ​റ്റ​ർ മാ​ത്രം വീ​തി​യു​ള്ള ആ​ഴം കു​റ​ഞ്ഞ തോ​ടി​ന് കു​റു​കെ ക​ട​ക്കാ​ൻ നാ​ട്ടു​കാ​ർ മു​ൻ​കൈ​യെ​ടു​ത്ത് നി​ർ​മി​ച്ച താ​ൽ​ക്കാ​ലി​ക സം​വി​ധാ​ന​മാ​യി​രു​ന്നു.

പ​ഞ്ചാ​യ​ത്ത് പ​ണം മു​ട​ക്കി നി​ർ​മി​ച്ച ച​ങ്ങാ​ട​മാ​ണെ​ന്നും നി​ർ​മാ​ണ​ത്തി​ലെ അ​ഴി​മ​തി​യാ​ണ് അ​പ​ക​ട​ത്തി​ന് കാ​ര​ണ​മെ​ന്നും തെ​റ്റി​ദ്ധാ​ര​ണ പ​ര​ത്തു​ന്ന​തും അ​വാ​സ്തവവുമാ​യ വാ​ർ​ത്ത​ക​ൾ പ്ര​ച​രി​പ്പി​ക്കു​ന്നതും അ​പ​ല​പ​നീ​യ​മാ​ണ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് എ​സ്. സു​രേ​ഷ് കു​മാ​ർ പ്ര​സ്താ​വ​ന​യി​ൽ അ​റി​യി​ച്ചു.