ജെ​വി​ന്‍ കോ​ട്ടൂ​ര്‍

കോ​ട്ട​യം: അ​വ​കാ​ശി​ക​ളെ ക​ണ്ടെ​ത്താ​നാ​വാ​തെ ഓ​ഫീ​സു​ക​ളിൽ‍ സൂ​ക്ഷി​ക്കു​ന്ന സാ​ധ​ന​ങ്ങ​ള്‍ ത​പാ​ല്‍ വ​കു​പ്പ് ലേ​ലം ചെ​യ്യു​ന്നു. ഉ​ട​മ​സ്ഥ​രെ ക​ണ്ടെ​ത്താ​ന്‍ സാ​ധി​ക്കാ​ത്ത​തും തി​രി​ച്ചെ​ത്തി​യ​തു​മാ​യ​വ​മാ​ണ് ഇ​വ​യൊ​ക്കെ. വി​ദേ​ശ രാ​ജ്യ​ങ്ങ​ളി​ല്‍​നി​ന്നു തി​രി​ച്ചു വ​ന്ന​വ​യാ​ണ് കൂ​ടു​ത​ല്‍ സാ​ധ​ന​ങ്ങ​ളും. ഒ​രു വ​ര്‍​ഷം ക​ഴി​ഞ്ഞി​ട്ടും കൈ​മാ​റ്റം ന​ട​ക്കാ​തെ വ​രു​ന്ന​വ ലേ​ലം ചെ​യ്യ​ണ​മെ​ന്നാ​ണ് ച​ട്ടം. അ​വ​സാ​ന​മാ​യി ലേ​ലം ന​ട​ത്തി​യ​ത് 2005ലാ​ണ്. പി​ന്നീ​ട് വി​വി​ധ​ കാ​ര​ണ​ങ്ങ​ളാ​ല്‍ ന​ട​പ​ടി മു​ട​ങ്ങി.

പു​സ്ത​ക​ങ്ങ​ള്‍, മൊ​ബൈ​ല്‍ ഫോ​ണു​ക​ള്‍, ബ്ലൂ​ടു​ത്ത് ഹെ​ഡ് സെ​റ്റു​ക​ള്‍, പെ​ന്‍ ഡ്രൈ​വു​ക​ള്‍, സ്പീ​ക്ക​റു​ക​ള്‍, ബ്ലൂ​ടൂ​ത്ത് സ്പീ​ക്ക​റു​ക​ള്‍, പ​വ​ര്‍ ബാ​ങ്കു​ക​ള്‍, ഹാ​ര്‍​ഡ് ഡി​സ്‌​ക്, വാ​ച്ചു​ക​ള്‍, ഇ​ല​ക്‌​ട്രി​ക് സാ​ധ​ന​ങ്ങ​ള്‍, ബാ​ഗ്, പ​ഴ്‌​സ്, തു​ണി​ക​ള്‍, ഫാ​ന്‍​സി സാ​ധ​ന​ങ്ങ​ള്‍, ചെ​രി​പ്പു​ക​ള്‍, പാ​ത്ര​ങ്ങ​ള്‍, ബോ​ഡി മ​സാ​ജ​ര്‍, ഷൂ​സ്, ദോ​ശ​ക്ക​ല്ല്, ഉ​രു​ളി, ഫ്‌​ളാ​സ്‌​ക് തു​ട​ങ്ങി വി​വി​ധ​യി​നം സാ​ധ​ന​ങ്ങ​ളാ​ണ് ലേ​ലം കാ​ത്തു​കി​ട​ക്കു​ന്ന​ത്.


2024 ജ​നു​വ​രി ര​ണ്ടി​ന് രാ​വി​ലെ 10ന് ​തി​രു​വ​ന​ന്ത​പു​രം ചീ​ഫ് പോ​സ്റ്റ് മാ​സ്റ്റ​ര്‍ ജ​ന​റ​ലി​ന്‍റെ ഓ​ഫീ​സി​ലാ​ണ് ലേ​ലം. പ​ങ്കെ​ടു​ക്കാ​ന്‍ ആ​ഗ്ര​ഹി​ക്കു​ന്ന​വ​ര്‍ 500 രൂ​പ അ​ട​ച്ചു മു​ന്‍​കൂ​ര്‍ ടോ​ക്ക​ണ്‍ എ​ടു​ക്ക​ണം. ഡി​സം​ബ​ര്‍ 26 മു​ത​ല്‍ ജ​നു​വ​രി ര​ണ്ടി​ന് രാ​വി​ലെ 9.30 വ​രെ ചീ​ഫ് പോ​സ്റ്റ്മാ​സ്റ്റ​റു​ടെ ഓ​ഫീ​സി​ല്‍​നി​ന്നു ടോ​ക്ക​ണ്‍ വാ​ങ്ങാം.

ലേ​ല​ത്തി​ല്‍ സ്വ​ന്ത​മാ​ക്കു​ന്ന സാ​ധ​ന​ങ്ങ​ളു​ടെ വി​ല​യു​ടെ 50 ശ​ത​മാ​നം അ​പ്പോ​ള്‍ ത​ന്നെ അ​ട​യ്ക്ക​ണം. ലേ​ലം നേ​ടി എ​ന്ന് അ​റി​യി​പ്പു ല​ഭി​ച്ച് 24 മ​ണി​ക്കു​റി​നു​ള്ളി​ല്‍ ലേ​ല​വ​സ്തു കൈ​പ്പ​റ്റി​യി​ല്ലെ​ങ്കി​ല്‍ ടോ​ക്ക​ൺ തു​ക​യും അ​ട​ച്ച തു​ക​യും ന​ഷ്ട​മാ​കും.