നായ്പിഡോ: നാ​ലു വ​ർ​ഷ​മാ​യി തു​ട​രു​ന്ന ആ​ഭ്യ​ന്ത​ര​യു​ദ്ധം, ഏ​ഴു മാ​സം മു​ന്പ​ത്തെ പ്ര​ള​യം, സാ​ന്പ​ത്തി​കത​ക​ർ​ച്ച, ഭ​ക്ഷ്യ ​പ്ര​തി​സ​ന്ധി എ​ന്നി​വ നേ​രി​ടു​ന്ന മ്യാ​ൻ​മ​റി​ൽ ഭൂ​ക​ന്പം സൃ​ഷ്ടി​ച്ച നാ​ശം വി​ല​യി​രു​ത്താ​വു​ന്ന​തി​ലും അ​പ്പു​റ​മാ​ണ്.

ഭൂ​ക​ന്പ​ത്തി​ന്‍റെ പ്ര​ഭ​വകേ​ന്ദ്ര​മാ​യ സാ​ഗൈം​ഗ്, ര​ണ്ടാ​മ​ത്തെ വ​ലി​യ ന​ഗ​ര​മാ​യ മാ​ണ്ഡ​ലേ, ത​ല​സ്ഥാ​ന​മാ​യ നാ​യ്പി​ഡോ എ​ന്നി​വി​ട​ങ്ങ​ളി​ൽ വ​ലി​യ നാ​ശ​ന​ഷ്ട​ങ്ങ​ളു​ണ്ടാ​യെ​ന്നാ​ണു റി​പ്പോ​ർ​ട്ട്.

നാ​ശ​ന​ഷ്ട​ങ്ങ​ളു​ടെ വ്യാ​പ്തി പു​റ​ത്തു​വ​രു​ന്ന​തേ​യു​ള്ളൂ. മൊ​ബൈ​ൽ ട​വ​റു​ക​ൾ ത​ക​ർ​ന്ന​തി​നാ​ൽ കൃ​ത്യ​മാ​യ വി​വ​ര​ങ്ങ​ൾ ല​ഭ്യ​മ​ല്ല. പ​ട്ടാ​ളം ഭ​രി​ക്കു​ന്ന രാ​ജ്യ​ത്ത് മാ​ധ്യ​മസ്വാ​ത​ന്ത്ര്യം നി​ഷേ​ധി​ക്ക​പ്പെ​ട്ടി​രി​ക്കു​ന്ന​തും കൃ​ത്യ​മാ​യ റി​പ്പോ​ർ​ട്ടു​ക​ൾ ല​ഭി​ക്കാ​ൻ ത​ട​സ​മാ​കു​ന്നു.

വ​​​ള​​​രെ​​​ക്കു​​​റ​​​ച്ചു​​​കാ​​​ലം മാ​​​ത്രം ജ​​​നാ​​​ധി​​​പ​​​ത്യം നി​​​ല​​​നി​​​ന്നി​​​ട്ടു​​​ള്ള മ്യാ​​​ൻ​​​മ​​​ർ നി​​​ല​​​വി​​​ൽ ആ​​​ഭ്യ​​​ന്ത​​​ര​​​യു​​​ദ്ധ​​​ത്തി​​​ന്‍റെ പി​​​ടി​​​യി​​​ലാ​​​ണ്. 2021ൽ ​​​പ​​​ട്ടാ​​​ളം ജ​​​നാ​​​ധി​​​പ​​​ത്യ​​​നേ​​​താ​​​വ് ഓം​​​ഗ് സാ​​​ൻ സൂ​​​ചി അ​​​ട​​​ക്ക​​​മു​​​ള്ള​​​വ​​​രെ ത​​​ട​​​വി​​​ലാ​​​ക്കി അ​​​ധി​​​കാ​​​രം പി​​​ടി​​​ക്കു​​​ക​​​യാ​​​യി​​​രു​​​ന്നു.

എ​​​ന്നാ​​​ൽ, ജ​​​ന​​​റ​​ൽ മിൻ ഓം​​​ഗ് ലെ​​​യി​​​ംഗിന്‍റെ പ​​​ട്ടാ​​​ള ​​​ഭ​​​ര​​​ണ​​​കൂ​​​ട​​​ത്തി​​​നോ​​​ട് ജ​​​ന​​​ങ്ങ​​​ൾ​​​ക്കു മ​​​മ​​​ത​​​യി​​​ല്ലാ​​​യി​​​രു​​​ന്നു. അ​​​ട്ടി​​​മ​​​റി​​​യെ​​​ത്തു​​​ട​​​ർ​​​ന്ന് വ​​​ൻ​​​തോ​​​തി​​​ലു​​​ള്ള ജ​​​ന​​​കീ​​​യ പ്ര​​​തി​​​ഷേ​​​ധ​​​ങ്ങ​​​ളു​​​ണ്ടാ​​​യി. പ​​​ട്ടാ​​​ളം ഉ​​​രു​​​ക്കു​​​മു​​​ഷ്ടി പ്ര​​​യോ​​​ഗി​​​ച്ചു നേ​​​രി​​​ട്ട​​​പ്പോ​​​ൾ നൂ​​​റു​​​ക​​​ണ​​​ക്കി​​​നു പേ​​​ർ കൊ​​​ല്ല​​​പ്പെ​​​ടു​​​ക​​​യും ആ​​​യി​​​ര​​​ങ്ങ​​​ൾ ത​​​ട​​​വി​​​ലാ​​​വു​​​ക​​​യും ചെ​​​യ്തു.

പ​​​ട്ടാ​​​ള​​​ത്തി​​​നോ​​​ടു​​​ള്ള ജ​​​ന​​​ങ്ങ​​​ളു​​​ടെ നി​​​സഹ​​​ക​​​ര​​​ണം രാ​​​ജ്യം മു​​​ഴു​​​വ​​​ൻ പ​​​ട​​​ർ​​​ന്ന ക​​​ലാ​​​പ​​​വും പി​​​ന്നീ​​​ട് ആ​​​ഭ്യ​​​ന്ത​​​ര​​​യു​​​ദ്ധ​​​വു​​​മാ​​​യി പ​​​രി​​​ണ​​​മി​​​ക്കു​​​ക​​​യാ​​​യി​​​രു​​​ന്നു. വം​​​ശീ​​​യ വി​​​ഭാ​​​ഗ​​​ങ്ങ​​​ളു​​​ടെ വി​​​മ​​​തസേ​​​ന​​​ക​​​ളും പ​​​ട്ടാ​​​ള​​​വും ത​​​മ്മി​​​ൽ മ്യ​​​ാൻ​​​മ​​​റി​​​ന്‍റെ നി​​​യ​​​ന്ത്ര​​​ണ​​​ത്തി​​​നാ​​​യി പോ​​​ര​​​ടി​​​ക്കു​​​ന്ന​​​താ​​​ണ് ഇ​​​പ്പോ​​​ഴ​​​ത്തെ അ​​​വ​​​സ്ഥ. ആ​​​ഭ്യ​​​ന്ത​​​ര​​​യു​​​ദ്ധ​​​ത്തി​​​ൽ രാ​​​ജ്യ​​​ത്തി​​​ന്‍റെ പ്ര​​​ധാ​​​ന ഭാ​​​ഗ​​​ങ്ങ​​​ളി​​​ൽ പ​​​ട്ടാ​​​ള​​​ത്തി​​​നു നി​​​യ​​​ന്ത്ര​​​ണം ന​​​ഷ്ട​​​മാ​​​യി.

ഇ​​​തി​​​നി​​​ടെ​​​യാ​​​ണ് സെ​​​പ്റ്റം​​​ബ​​​റി​​​ൽ യാ​​​ഗി എ​​​ന്ന ചു​​​ഴ​​​ലി​​​ക്കൊ​​​ടു​​​ങ്കാ​​​റ്റ് മ്യാ​​​ൻ​​​മ​​​റി​​​ൽ നാ​​​ശം വി​​​ത​​​ച്ച​​​ത്. ഇ​​​രു​​​നൂ​​​റി​​​ല​​​ധി​​​കം പേ​​​രാ​​​ണ് കൊ​​​ടു​​​ങ്കാ​​​റ്റ് ദു​​​ര​​​ന്ത​​​ത്തി​​​ൽ മ​​​രി​​​ച്ച​​​ത്. ല​​​ക്ഷ​​​ക്ക​​​ണ​​​ക്കി​​​ന് ഏ​​​ക്ക​​​ർ കൃ​​​ഷി​​​ഭൂ​​​മി​​​യും ന​​​ശി​​​ച്ചു.

യു​​​ദ്ധ​​​വും കൊ​​​ടു​​​ങ്കാ​​​റ്റ് ദു​​​ര​​​ന്ത​​​വും മൂ​​​ലം ഭ​​​ക്ഷ​​​ണ​​​വും വൈ​​​ദ്യ​​​സ​​​ഹാ​​​യ​​​വു​​​മി​​​ല്ലാ​​​തെ ന​​​ര​​​കി​​​ക്കു​​​ന്ന മ്യാ​​​ൻ​​​മ​​​ർ ജ​​​ന​​​ത​​​യു​​​ടെ ദു​​​രി​​​തം ഭൂ​​​ക​​​ന്പ​​​ത്തി​​​ൽ വ​​​ർ​​​ധി​​​ക്കു​​​മെ​​​ന്നു വി​​​ല​​​യി​​​രു​​​ത്ത​​​പ്പെ​​​ടു​​​ന്നു. ഭൂ​​​ക​​​ന്പ​​​മു​​​ണ്ടാ​​​യ സാ​​​ഗൈം​​​ഗ് ന​​​ഗ​​​രം വി​​​മ​​​ത പോ​​​രാ​​​ളി​​​ക​​​ളു​​​ടെ ശ​​​ക്തി​​​കേ​​​ന്ദ്ര​​​മാ​​​ണ്. ഏ​​​താ​​​നും മാ​​​സം മു​​​മ്പ് ഇ​​​വി​​​ടെ വി​​​മ​​​ത​​​രും സൈ​​​ന്യ​​​വും ത​​​മ്മി​​​ല്‍ ക​​​ന​​​ത്ത പോ​​​രാ​​​ട്ടം ന​​​ട​​​ന്നി​​​രു​​​ന്നു. ഭൂ​​​ക​​​ന്പം ബാ​​​ധി​​​ച്ച മാ​​​ണ്ഡ​​​ലേ ന​​​ഗ​​​ര​​​വും പോ​​​രാ​​​ട്ട​​​വേ​​​ദി​​​യാ​​​യി​​​രു​​​ന്നു.


ത​​​ക​​​ർ​​​ന്ന റോ​​​ഡു​​​ക​​​ളു​​​ടെ​​​യും നി​​​ലം​​​പ​​​റ്റി​​​യ ബ​​​ഹു​​​നി​​​ലക്കെട്ടി​​​ട​​​ങ്ങ​​​ളു​​​ടെ​​​യും ചി​​​ത്ര​​​ങ്ങ​​​ൾ മ്യാ​​​ൻ​​​മ​​​റി​​​ൽ​​​നി​​​ന്നു പു​​​റ​​​ത്തു​​​ വ​​​രു​​​ന്നു​​​ണ്ട്. പ​​​ട്ടാ​​​ള​​​ ഭ​​​ര​​​ണ​​​കൂ​​​ടം ഒ​​​ട്ടേ​​​റെ പ്ര​​​ദേ​​​ശ​​​ങ്ങ​​​ളി​​​ൽ അ​​​ടി​​​യന്ത​​രാ​​​വ​​​സ്ഥ പ്ര​​​ഖ്യാ​​​പി​​​ച്ചു​​​ക​​​ഴി​​​ഞ്ഞു. പ​​​രി​​​ക്കേ​​​റ്റ​​​വ​​​രെ ചി​​​കി​​​ക്കാ​​​ൻ വേ​​​ണ്ട​​​ത്ര ആ​​​ശു​​​പ​​​ത്രി സം​​​വി​​​ധാ​​​ന​​​ങ്ങ​​​ൾ മ്യാ​​​ൻ​​​മ​​​റി​​​ലി​​​ല്ലെ​​​ന്നാ​​​ണ് റി​​​പ്പോ​​​ർ​​​ട്ടു​​​ക​​​ൾ. ഭൂ​​​ക​​​ന്പ​​​ത്തി​​​ൽ നാ​​​യ്പി​​​ഡോ​​​യി​​​ലെ ഒ​​​രാ​​​ശു​​​പ​​​ത്രി​​​യി​​​ൽ വ​​​ൻ നാ​​​ശ​​​മു​​​ണ്ടാ​​​യ​​​താ​​​യും റി​​​പ്പോ​​​ർ​​​ട്ടു​​​ണ്ട്.


തായ്‌ലൻഡും വിറച്ചു

മ്യാ​​​ൻ​​​മ​​​റി​​​ന്‍റെ മ​​​ധ്യ​​​ഭാ​​​ഗ​​​ത്തു​​​ള്ള സാ​​​ഗൈം​​​ഗ് ന​​​ഗ​​​ര​​​ത്തി​​​ന​​​ടു​​​ത്ത് ഇ​​​ന്ന​​​ലെ ഉ​​​ച്ച​​​യ്ക്കാ​​​ണ് 7.7 തീ​​​വ്ര​​​​​​ത രേ​​​ഖ​​​പ്പെ​​​ടു​​​ത്തി​​​യ ഭൂ​​​ക​​​ന്പ​​​മു​​​ണ്ടാ​​​യ​​​ത്. സാ​​​ഗൈം​​​ഗ് ന​​​ഗ​​​ര​​​ത്തി​​​ന് 16 കി​​​ലോ​​​മീ​​​റ്റ​​​ര്‍ വ​​​ട​​​ക്കു​​​പ​​​ടി​​​ഞ്ഞാ​​​റ് 10 കി​​​ലോ​​​മീ​​​റ്റ​​​ര്‍ താ​​​ഴ്ച​​​യി​​​ലാ​​​ണ് പ്ര​​​ഭ​​​വ​​​കേ​​​ന്ദ്രം. 12 മി​​​നി​​​ട്ടു​​​ക​​​ൾ​​​ക്കു​​​ശേ​​​ഷം 6.4 തീ​​​വ്ര​​​ത​​​യു​​​ള്ള തു​​​ട​​​ർ​​​ച​​​ല​​​ന​​​മു​​​ണ്ടാ​​​യി. അ​​​യ​​​ൽരാ​​​ജ്യ​​​ങ്ങ​​​ളാ​​​യ താ​​​യ്‌​​​ല​​​ൻ​​​ഡ്, ചൈ​​​ന എ​​​ന്നി​​​വി​​​ട​​​ങ്ങ​​​ളി​​​ലും ശ​​​ക്ത​​​മാ​​​യ കു​​​ലു​​​ക്കം അ​​​നു​​​ഭ​​​വ​​​പ്പെ​​​ട്ടു.

മ്യാ​​​ൻ​​​മ​​​ർ ത​​​ല​​​സ്ഥാ​​​ന​​​മാ​​​യ നാ​​​യ്പി​​​ഡോ​​​യി​​​ൽ റോ​​​ഡു​​​ക​​​ൾ വ്യാ​​​പ​​​ക​​​മാ​​​യി ത​​​ക​​​ർ​​​ന്നു. രാ​​​ജ്യ​​​ത്തു​​​ട​​​നീ​​​ളം കെ​​​ട്ടി​​​ട​​​ങ്ങ​​​ൾ​​​ക്കു കേ​​​ടു​​​പാ​​​ടു​​​ണ്ടാ​​​യി. താ​​​യ്‌​​​ല​​​ൻ​​​ഡ് ത​​​ല​​​സ്ഥാ​​​ന​​​മാ​​​യ ബാ​​​ങ്കോ​​​ക്കി​​​ല്‍ നി​​​ർ​​​മാ​​​ണ​​​ത്തി​​​ലി​​​രു​​​ന്ന 30 നി​​​ല കെ​​​ട്ടി​​​ടം ത​​​ക​​​ര്‍ന്ന​​​തി​​​നെ​​ത്തു​​​ട​​​ര്‍ന്ന് ഒ​​​ട്ടേ​​​റെ തൊ​​​ഴി​​​ലാ​​​ളി​​​ക​​​ളെ കാ​​​ണാ​​​താ​​​യി.

വി​​​വ​​​ര​​​ങ്ങ​​​ൾ പു​​​റ​​​ത്തു​​​ വ​​​രു​​​ന്നി​​​ല്ല

മ്യാ​​​ൻ​​​മ​​​റി​​​ലെ റേ​​​ഡി​​​യോ, ടെ​​​ലി​​​വി​​​ഷ​​​ന്‍, അ​​​ച്ച​​ടി, ഓ​​​ണ്‍ലൈ​​​ന്‍ മാ​​​ധ്യ​​​മ​​​ങ്ങ​​​ളെല്ലാം പ​​​ട്ടാ​​​ള​​​ത്തി​​​ന്‍റെ നി​​​യ​​​ന്ത്ര​​​ണ​​​ത്തി​​​ലാ​​​ണ്. ഇ​​​ന്‍റ​​​ർ​​​നെ​​​റ്റി​​​നും നി​​​യ​​​ന്ത്ര​​​ണ​​​ങ്ങ​​​ളു​​​ണ്ട്. വി​​​ദേ​​​ശ മാ​​​ധ്യ​​​മ​​​പ്ര​​​വ​​​ർ​​​ത്ത​​​ക​​​രെ മ്യാ​​​ൻ​​​മ​​​റി​​​ൽ പ്ര​​​വേ​​​ശി​​​പ്പി​​​ക്കു​​​ന്ന​​​ത് വിരളവുമാണ്. ഭൂ​​​ക​​​മ്പ​​​ബാ​​​ധി​​​ത പ്ര​​​ദേ​​​ശ​​​ങ്ങ​​​ളി​​​ലെ മൊ​​​ബൈ​​​ല്‍ ലൈ​​​നു​​​ക​​​ള്‍ വി​​​ച്ഛേ​​​ദി​​​ക്ക​​​പ്പെ​​​ട്ടി​​​രി​​​ക്കു​​​ക​​​യാ​​​ണ്. ഇ​​​തെ​​​ല്ലാം കാ​​​ര​​​ണം ഭൂ​​​ക​​​ന്പം മൂ​​​ല​​​മു​​​ണ്ടാ​​​യ നാ​​​ശ​​​ന​​​ഷ്ട​​​ങ്ങ​​​ളു​​​ടെ കൃ​​​ത്യ​​​മാ​​​യ ക​​​ണ​​​ക്ക് ല​​​ഭ്യ​​​മ​​​ല്ല.