കയാക്കിംഗ്: സ്‌പോര്‍ട്‌സ് മാനേജ്‌മെന്‍റ് ഡിപ്പാര്ട്ട്മെന്റ് ജേതാക്കള്‍
1465590
Friday, November 1, 2024 5:23 AM IST
പാലാ: സെന്‍റ് തോമസ് കോളജില്‍ കായികവകുപ്പിന്‍റെ നേതൃത്വത്തില്‍ കോളജിലെ വിദ്യാര്‍ഥികള്‍ക്കായി നടത്തിയ ഇന്‍റര്‍ ഡിപ്പാര്ട്ട്മെന്റ് കയാക്കിംഗ് മത്സരപരമ്പരയില്‍ സ്‌പോര്‍ട്‌സ് മാനേജ്‌മെന്‍റ് ഡിപ്പാര്ട്ട്മെന്റ് ജേതാക്കളായി. പൊളിറ്റിക്‌സ് ഡിപ്പാര്ട്ട്മെന്റ് രണ്ടാം സ്ഥാനവും ഫിസിക്‌സ് ഡിപ്പാര്ട്ട്മെന്റ് മൂന്നാം സ്ഥാനവും കരസ്ഥമാക്കി.
കോളജ് പ്രിന്‍സിപ്പല്‍ ഡോ. സിബി ജയിംസ്, വൈസ് പ്രിന്‍സിപ്പല്‍ റവ. ഡോ. സാല്‍വിന്‍ കാപ്പിലിപ്പറമ്പില്‍ എന്നിവര്‍ സമ്മാനദാനം നിർവഹിച്ചു.
കോളജിലെ ഇന്‍റഗ്രേറ്റഡ് സ്‌പോര്‍ട്‌സ് കോംപ്ലക്‌സിലെ സ്വിമ്മിംഗ് പൂളിലാണ് മത്സരങ്ങള്‍ അരങ്ങേറിയത്. വരും വര്‍ഷങ്ങളില്‍ കൂടുതല്‍ വിദ്യാര്‍ഥികളുടെ പങ്കാളിത്തത്തോടെ മീനച്ചിലാറ്റില്‍ മത്സരങ്ങള്‍ നടത്തുമെന്ന് സംഘടകര്‍ അറിയിച്ചു.