ഏ​റ്റു​മാ​നൂ​ര്‍: അ​ടി​ച്ചി​റ​യി​ല്‍ ഗൃ​ഹ​നാ​ഥ​നും ഭാ​ര്യ​യും മാ​ത്രമുണ്ടാ യിരു​ന്ന വീ​ട്ടി​ല്‍ മോ​ഷ​ണം, നാ​ലു പ​വ​ന്‍ സ്വ​ര്‍ണാ​ഭ​ര​ണ​ങ്ങ​ള്‍ ക​വ​ര്‍ന്നു. പു​ല്ല​ത്തി​ല്‍ രാ​ജു പി. ​ജോ​ര്‍ജി​ന്‍റെ വീ​ട്ടി​ലാ​ണ് ഇ​ന്ന​ലെ പു​ല​ര്‍ച്ചെ മോ​ഷ​ണം ന​ട​ന്ന​ത്. വീ​ട്ടി​ലെ അ​ല​മാ​ര​യി​ല്‍ സൂ​ക്ഷി​ച്ചി​രു​ന്ന ആ​ഭ​ര​ണ​ങ്ങ​ളാ​ണ് ക​വ​ര്‍ച്ച ചെ​യ്ത​ത്. തി​ങ്ക​ളാ​ഴ്ച രാ​ത്രി 11.30നു ​ശേ​ഷ​മാ​ണു രാ​ജു​വും ഭാ​ര്യ ഷേ​ര്‍ളി​യും ഉ​റ​ങ്ങാ​ന്‍കി​ട​ന്ന​ത്. ഇ​ന്ന​ലെ രാ​വി​ലെ ആ​റോ​ടെ ഷേ​ര്‍ളി ഉ​ണ​ര്‍ന്ന​പ്പോ​ള്‍ മു​റി​യി​ല്‍ തു​ണി​ക​ള്‍ അ​ല​ങ്കോ​ല​മാ​യി കി​ട​ക്കു​ന്ന​തു ക​ണ്ടു ന​ട​ത്തി​യ പ​രി​ശോ​ധ​ന​യി​ലാ​ണു മോ​ഷ​ണ​വി​വ​രം അ​റി​യു​ന്ന​ത്.

മു​റി​യി​ലു​ണ്ടാ​യി​രു​ന്ന ര​ണ്ട് അ​ല​മാ​ര​യും കു​ത്തി​ത്തു​റ​ന്നു വ​സ്ത്ര​ങ്ങ​ള്‍ വാ​രി​വ​ലി​ച്ചി​ട്ട നി​ല​യി​ലാ​യി​രു​ന്നു. മ​റ്റു മു​റി​ക​ളി​ലെ അ​ല​മാ​ര​യും മേ​ശ​യും തു​റ​ന്ന അ​വ​സ്ഥ​യി​ലാ​യി​രു​ന്നു. ആ​ഭ​ര​ണ​ങ്ങ​ള്‍ സൂ​ക്ഷി​ച്ചി​രു​ന്ന പാ​ത്ര​ങ്ങ​ള്‍ അ​ടു​ക്ക​ള​യി​ല്‍ തു​റ​ന്നു​കി​ട​ന്നി​രു​ന്നു. പ്ര​ധാ​ന​മു​റി​യി​ലെ ഈ​ശോ​യു​ടെ രൂ​പ​ത്തി​നു മു​ന്നി​ലു​ണ്ടാ​യി​രു​ന്ന ബ​ള്‍ബ് ഊ​രി​മാ​റ്റി അ​ടു​ക്ക​ള​യി​ല്‍ ഉ​പേ​ക്ഷി​ച്ച നി​ല​യി​ല്‍ ക​ണ്ടെ​ത്തി.

വീ​ട്ടു​കാ​ര്‍ വി​വ​ര​മ​റി​യി​ച്ച​തു​ന​സ​രി​ച്ചു ഗാ​ന്ധി​ന​ഗ​ര്‍ പോ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം ആ​രം​ഭി​ച്ചു. വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്‌​ക്വാ​ഡും സ്ഥ​ല​ത്തെ​ത്തി​യി​രു​ന്നു. പ​രി​ശോ​ധ​ന​യ്ക്കെ​ത്തി​യ പോ​ലീ​സ് നാ​യ വീ​ട്ടി​ല്‍നി​ന്നു പി​ന്‍വാ​തി​ല്‍ വ​ഴി ഇ​റ​ങ്ങി ഓ​ടി എം​സി റോ​ഡി​നു സ​മീ​പം വ​ന്നു​നി​ന്നു. അ​ന്വേ​ഷ​ണം ഊ​ര്‍ജി​ത​മാ​ക്കി​യ​താ​യി ഗാ​ന്ധി​ന​ഗ​ര്‍ പോ​ലീ​സ് അ​റി​യി​ച്ചു. തി​ങ്ക​ളാ​ഴ്ച രാ​ത്രി​ത​ന്നെ സം​ക്രാ​ന്തി ഭാ​ഗ​ത്ത് ര​ണ്ടു വീ​ടു​ക​ളി​ൽ മോ​ഷ​ണ​ശ്ര​മ​വും ന​ട​ന്നി​രു​ന്നു.

ഏ​റ്റു​മാ​നൂ​ര്‍, ഗാ​ന്ധി​ന​ഗ​ര്‍, അ​ടി​ച്ചി​റ പ്ര​ദേ​ശ​ങ്ങ​ളി​ല്‍ മോ​ഷ്‌​ടാ​ക്ക​ളു​ടെ ശ​ല്യം വ​ര്‍ധി​ച്ചി​രി​ക്കു​ക​യാ​ണെ​ന്നു നാ​ട്ടു​കാ​ര്‍ക്കു പ​രാ​തി​യു​ണ്ട്. അ​പ​രി​ചി​ത​രാ​യ നി​ര​വ​ധി​പേ​രു​ടെ സാ​ന്നി​ധ്യം രാ​പ​ക​ല്‍ ഭേ​ദ​മെ​ന്യേ പ്ര​ദേ​ശ​ത്തു​ണ്ടെ​ന്നും നാ​ട്ടു​കാ​ര്‍ പ​റ​യു​ന്നു. പോ​ലീ​സ് രാ​ത്രി​കാ​ല പ​ട്രോ​ളിം​ഗ് ശ​ക്ത​മാ​ക്ക​ണ​മെ​ന്നും നാ​ട്ടു​കാ​ര്‍ ആ​വ​ശ്യ​പ്പെ​ട്ടു.