ബെ​ർ​ലി​ൻ: ജ​ർ​മ​നി​യി​ൽ കു​ള​മ്പു​രോ​ഗം സ്ഥി​രീ​ക​രി​ച്ചു. ബ​ർ​ലി​നി​ന​ടു​ത്തു​ള്ള ഒ​രു ഫാ​മി​ലാ​ണ് രോ​ഗ​ബാ​ധ ക​ണ്ടെ​ത്തി​യ​ത്. ക​ഴി​ഞ്ഞ 35 വ​ർ​ഷ​ത്തി​നി​ടെ ജ​ർ​മ​നി​യി​ൽ റി​പ്പോ​ർ​ട്ട് ചെ​യ്യ​പ്പെ​ടു​ന്ന ആ​ദ്യ കേ​സാ​ണി​ത്.

പ​ക​ർ​ച്ച​വ്യാ​ധി​യാ​യ കു​ള​മ്പു​രോ​ഗം പൊ​ട്ടി​പ്പു​റ​പ്പെ​ട്ട​തി​നെ തു​ട​ർ​ന്ന് ജ​ർ​മ​ൻ അ​ധി​കൃ​ത​ർ നി​യ​ന്ത്ര​ണ ന​ട​പ​ടി​ക​ൾ ശ​ക്ത​മാ​ക്കി. ബെ​ർ​ലി​ൻ ന​ഗ​ര​പ​രി​ധി​ക്ക് പു​റ​ത്തു​ള്ള ബ്രാ​ൻ​ഡ​ൻ​ബ​ർ​ഗി​ലെ ഹോ​നൗ​വി​ലെ ഒ​രു നീ​ർ​പ്പോ​ത്തി​ന്‍റെ കൂ​ട്ട​ത്തി​ലാ​ണ് ആ​ദ്യ​മാ​യി കു​ള​മ്പു​രോ​ഗം റി​പ്പോ​ർ​ട്ട് ചെ​യ്ത​ത്.

രോ​ഗം ക​ണ്ടെ​ത്തി​യ ഫാ​മി​ന് ചു​റ്റും മൂ​ന്ന് കി​ലോ​മീ​റ്റ​ർ നി​യ​ന്ത്ര​ണ മേ​ഖ​ല​യാ​യി പ്ര​ഖ്യാ​പി​ച്ചു. മൃ​ഗ​ങ്ങ​ളെ സം​ര​ക്ഷി​ക്കു​ന്ന​തി​നും രോ​ഗം പ​ട​രു​ന്ന​ത് ത​ട​യു​ന്ന​തി​നു​മാ​യി ബെ​ർ​ലി​നി​ലെ മൃ​ഗ​ശാ​ല​ക​ൾ അ​ട​ച്ചു.

ബ്രാ​ൻ​ഡ​ൻ​ബ​ർ​ഗ് സം​സ്ഥാ​നം മൂ​ന്ന് ദി​വ​സ​ത്തേ​ക്ക് മൃ​ഗ​ങ്ങ​ളെ​യും വ​ഹി​ച്ചു​ള്ള ഗ​താ​ഗ​തം നി​രോ​ധി​ച്ചു.​മു​ൻ​ക​രു​ത​ൽ ന​ട​പ​ടി​യാ​യി രോ​ഗ​ബാ​ധ ക​ണ്ടെ​ത്തി​യ​തി​ന് സ​മീ​പ​ത്തെ ഫാ​മി​ലെ 200 ഓ​ളം പ​ന്നി​ക​ളെ ക​ശാ​പ്പ് ചെ​യ്തു.


രോ​ഗം ബാ​ധി​ച്ച് ഹോ​നോ​വി​ൽ മൂ​ന്ന് നീ​ർ​പ്പോ​ത്തു​ക​ൾ ച​ത്ത​താ​യി ബ്രാ​ൻ​ഡ​ൻ​ബ​ർ​ഗി​ലെ കൃ​ഷി മ​ന്ത്രി ഹ​ങ്ക മി​റ്റ​ൽ​സ്റാ​ഡ് പ​റ​ഞ്ഞു. അ​തേ കൂ​ട്ട​ത്തി​ലെ ശേ​ഷി​ക്കു​ന്ന 11 എ​രു​മ​ക​ളെ​യും കൂ​ടു​ത​ൽ പ​ട​രാ​നു​ള്ള സാ​ധ്യ​ത കു​റ​യ്ക്കു​ന്ന​തി​ന് ക​ശാ​പ്പ് ചെ​യ്തു.

വൈ​റ​സ് പൊ​ട്ടി​പ്പു​റ​പ്പെ​ടു​ന്ന​ത് രാ​ജ്യ​ത്തി​ന്‍റെ കാ​ർ​ഷി​ക ക​യ​റ്റു​മ​തി​യെ ബാ​ധി​ക്കു​മെ​ന്ന ഭീ​ഷ​ണി ഉ​യ​ർ​ന്ന​തി​നാ​ൽ ജ​ർ​മ​നി കു​ള​മ്പു​രോ​ഗ​ത്തി​ന്‍റെ വ്യാ​പ​നം പ​രി​മി​ത​പ്പെ​ടു​ത്താ​നു​ള്ള ന​ട​പ​ടി​ക​ൾ സ്വീ​ക​രി​ച്ചു.

കേ​സു​ക​ൾ അ​ട​ങ്ങു​ന്ന​തു​വ​രെ ജ​ർ​മ​നി​യി​ൽ നി​ന്നു​ള്ള പ​ന്നി​യി​റ​ച്ചി ഇ​റ​ക്കു​മ​തി നി​ർ​ത്തു​മെ​ന്ന് ദ​ക്ഷി​ണ കൊ​റി​യ​യും മെ​ക്സി​ക്കോ​യും അ​റി​യി​ച്ച​താ​യി ജ​ർ​മ​നി​യു​ടെ കാ​ർ​ഷി​ക മ​ന്ത്രാ​ല​യ വ​ക്താ​വ് പ​റ​ഞ്ഞു. ഈ ​രോ​ഗം ക​ന്നു​കാ​ലി ഉ​ട​മ​ക​ൾ​ക്ക് ഗ​ണ്യ​മാ​യ ന​ഷ്ട​ത്തി​നും കാ​ര​ണ​മാ​യി.