മു​ട്ടം: സ്വ​കാ​ര്യ ഹോ​ട്ട​ൽ ഉ​ദ്ഘാ​ട​ന​ത്തി​നെ​ത്തി​യ കു​ട​യ​ത്തൂ​ർ അ​ന്ധ​വി​ദ്യാ​ല​യ​ത്തി​ലെ വി​ദ്യാ​ർ​ഥി​നി ആ​തി​രയ്​ക്ക് സ്വ​ന്ത​മാ​യി വീ​ടെ​ന്ന സ്വ​പ്ന​ത്തി​ലേ​ക്കു​ള്ള ചു​വ​ടു​വ​യ്പ​യാ​യി ആ​ച​ട​ങ്ങ് മാ​റു​മെ​ന്ന് സ്വ​പ്ന​ത്തി​ൽ പോ​ലും ക​രു​തി​യി​ല്ല. മു​ട്ടം ശ​ങ്ക​ര​പ്പി​ള്ളി​യി​ൽ ഒ​രു വ​ർ​ഷം മു​ന്പ് ആ​രം​ഭി​ച്ച ഇ​ടു​ക്കി ഗോ​ൾ​ഡ് ഹോ​ട്ട​ലി​ന്‍റെ ഉ​ദ്ഘാ​ട​നം നി​ർ​വ​ഹി​ച്ച​ത് അ​ന്ധ​വി​ദ്യാ​ർ​ഥി​നി​യാ​യ ആ​തി​ര​യാ​യി​രു​ന്നു.

ഹോ​ട്ട​ൽ ഉ​ട​മ​യാ​യ കു​ഴി​പ്പി​ള്ളി​ൽ ഇ​ന്ന​സെ​ന്‍റി​ന്‍റെ പ്ര​ത്യേ​ക താ​ത്പ​ര്യ പ്ര​കാ​ര​മാ​ണ് ആ​തി​ര ച​ട​ങ്ങി​നെ​ത്തി​യ​ത്. ആ​തി​ര​യു​ടെ പ​ശ്ചാ​ത്ത​ലം മ​ന​സി​ലാ​ക്കി​യ ഇ​ന്ന​സെ​ന്‍റ് അ​ന്നൊ​രു തീ​രു​മാ​ന​മെ​ടു​ത്തു.

ഒ​രു വ​ർ​ഷ​ത്തി​നു​ള്ളി​ൽ ആ​തി​ര​യ്ക്ക് വീ​ട് വാ​ങ്ങി ന​ൽ​കു​മെ​ന്ന്. ആ ​തീ​രു​മാ​ന​മാ​ണ് കൃ​ത്യം ഒ​രു വ​ർ​ഷ​ത്തി​നു​ള്ളി​ൽ അ​ദ്ദേ​ഹം ന​ട​പ്പാ​ക്കി​യ​ത്. മു​ട്ടം തോ​ട്ടും​ക​ര​യ്ക്കു സ​മീ​പ​മാ​ണ് ഹോ​ട്ട​ലി​ന്‍റെ ഒ​ന്നാം വാ​ർ​ഷി​ക​ത്തോ​ട​നു​ബ​ന്ധി​ച്ച് ആ​തി​ര​യ്ക്ക് വീ​ടു വാ​ങ്ങി ന​ൽ​കി​യ​ത്.

മു​ട്ടം മ​ർ​ച്ച​ന്‍റ്സ് അ​സോ​സി​യേ​ഷ​ൻ പ്ര​സി​ഡ​ന്‍റ് പി.​എ​സ്.​രാ​ധാ​കൃ​ഷ്ണ​ൻ വീ​ടി​ന്‍റെ താ​ക്കോ​ൽ​ദാ​നം നി​ർ​വ​ഹി​ച്ചു. സെ​ക്ര​ട്ട​റി റെ​ന്നി ആ​ലു​ങ്ക​ൽ, അ​ന്ധ​വി​ദ്യാ​ല​യം പ്രി​ൻ​സി​പ്പ​ൽ ശ​ശി​കു​മാ​ർ എ​ന്നി​വ​ർ പ്ര​സം​ഗി​ച്ചു.

കു​ട​യ​ത്തൂ​ർ അ​ന്ധ​വി​ദ്യാ​ല​യ​ത്തി​ലെ ആ​റാം ക്ലാ​സ് വി​ദ്യാ​ർ​ഥി​നി​യാ​ണ് ആ​തി​ര. മൂ​വാ​റ്റു​പു​ഴ പു​തു​പ്പാ​ടി​യി​ൽ വാ​ട​ക​യ്ക്ക് താ​മ​സി​ക്കു​ന്ന ഗ​ണേ​ശ​ൻ-​ര​ജ​നി ദ​ന്പ​തി​ക​ളു​ടെ മ​ക​ളാ​ണ് ആ​തി​ര.​കു​ട​യ​ത്തൂ​ർ അ​ന്ധ​വി​ദ്യാ​ല​യ​ത്തി​ലെ വി​ദ്യാ​ർ​ഥി​ക​ളും ച​ട​ങ്ങി​ന് എ​ത്തി​യി​രു​ന്നു.