തൊ​ടു​പു​ഴ: വാ​ഹ​ന​ങ്ങ​ളി​ലെ എ​യ​ർ ഹോ​ണു​ക​ൾ ക​ണ്ടെ​ത്താ​ൻ ജി​ല്ല​യി​ലും പ​രി​ശോ​ധ​ന ക​ർ​ശ​ന​മാ​ക്കി മോ​ട്ടോ​ർ വാ​ഹ​ന വ​കു​പ്പ്. സം​സ്ഥാ​ന​ത്താ​കെ ന​ട​ക്കു​ന്ന പ്ര​ത്യേ​ക പ​രി​ശോ​ധ​ന​യു​ടെ ഭാ​ഗ​മാ​യാ​ണ് ജി​ല്ല​യി​ലും തി​ങ്ക​ളാ​ഴ്ച മു​ത​ൽ പ​രി​ശോ​ധ​ന ആ​രം​ഭി​ച്ച​ത്. ആ​ദ്യ ദി​നം​ത​ന്നെ എ​യ​ർ ഹോ​ണ്‍ ഘ​ടി​പ്പി​ച്ച 17 വാ​ഹ​ന​ങ്ങ​ൾ പി​ടി​ച്ചെ​ടു​ത്തു. ഇ​വ​രി​ൽ​നി​ന്ന് 42,000 രൂ​പ പി​ഴ​യും ഈ​ടാ​ക്കി.

തി​ങ്ക​ളാ​ഴ്ച മു​ത​ൽ 19 വ​രെ​യാ​ണ് അ​മി​ത ശ​ബ്ദം മു​ഴ​ക്കു​ന്ന എ​യ​ർ ഹോ​ണു​ക​ൾ ക​ണ്ടെ​ത്താ​ൻ മോ​ട്ടോ​ർ​വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ർ പ​രി​ശോ​ധ​ന ന​ട​ത്തു​ന്ന​ത്. എ​യ​ർ​ഹോ​ണു​ക​ൾ കൂ​ടു​ത​ലാ​യി ഘ​ടി​പ്പി​ക്കു​ന്ന ബ​സു​ക​ൾ, ഗു​ഡ്സ് വാ​ഹ​ന​ങ്ങ​ൾ, ലോ​റി​ക​ൾ എ​ന്നി​വ​യാ​ണ് കൂ​ടു​ത​ലാ​യി പ​രി​ശോ​ധി​ക്കു​ന്ന​ത്. ആ​ർ​ടി​ഒ ഓ​ഫീ​സു​ക​ളു​ടെ​യും എ​ൻ​ഫോ​ഴ്സ്മെ​ന്‍റ് വി​ഭാ​ഗ​ത്തി​ന്‍റെ​യും നേ​തൃ​ത്വ​ത്തി​ലാ​ണ് പ​രി​ശോ​ധ​ന.

2000 മു​ത​ൽ പി​ഴ

ക​ഴി​ഞ്ഞ ദി​വ​സം കോ​ത​മം​ഗ​ല​ത്ത് മ​ന്ത്രി കെ.​ബി. ഗ​ണേ​ഷ്കു​മാ​ർ പ​ങ്കെ​ടു​ത്ത ഉ​ദ്ഘാ​ട​ന​ച്ച​ട​ങ്ങി​നി​ടെ അ​മി​ത വേ​ഗ​ത്തി​ലും ഹോ​ണ​ടി​ച്ചും പാ​ഞ്ഞ ബ​സു​ക​ൾ​ക്കെ​തി​രേ മ​ന്ത്രി ഉ​ട​ൻ ന​ട​പ​ടി എ​ടു​ത്തി​രു​ന്നു. ബ​സു​ക​ളു​ടെ പെ​ർ​മി​റ്റ് റ​ദ്ദാ​ക്കു​ക​യും ഡ്രൈ​വ​ർ​മാ​രു​ടെ ലൈ​സ​ൻ​സ് സ​സ്പെ​ൻ​ഡ് ചെ​യ്യു​ക​യും ചെ​യ്തു. ഇ​തി​നു പി​ന്നാ​ലെ​യാ​ണ് ന​ട​പ​ടി​യു​മാ​യി മോ​ട്ടോ​ർ വാ​ഹ​ന​വ​കു​പ്പ് രം​ഗ​ത്തെ​ത്തി​യ​ത്. പി​ടി​കൂ​ടു​ന്ന വാ​ഹ​ന​ങ്ങ​ൾ​ക്ക് ആ​ദ്യ​പ​ടി​യാ​യി 2000 രൂ​പ വീ​തം പി​ഴ​യീ​ടാ​ക്കും. നി​യ​മ​ലം​ഘ​നം ആ​വ​ർ​ത്തി​ച്ചാ​ൽ 10,000 രൂ​പ വീ​തം പി​ഴ​യീ​ടാ​ക്കാ​നാ​ണ് നി​ർ​ദേ​ശം.

ഹോ​ൺ ത​ക​ർ​ക്കും

അ​നു​മ​തി​യി​ല്ലാ​തെ വാ​ഹ​ന​ങ്ങ​ളി​ൽ ഘ​ടി​പ്പി​ക്കു​ന്ന എ​യ​ർ​ഹോ​ണു​ക​ൾ ക​ണ്ടെ​ത്തി​യാ​ൽ മാ​ത്രം പോ​രാ ഇ​വ നി​ര​ത്തി​ലി​ട്ട് റോ​ഡ് റോ​ള​ർ ക​യ​റ്റി ത​ക​ർ​ത്തു ക​ള​യ​ണ​മെ​ന്ന നി​ർ​ദേ​ശ​മു​ണ്ട്. ഇ​തി​ന്‍റെ ജി​ല്ലാ​ത​ല ക​ണ​ക്കു​ക​ളും നി​ത്യേ​ന കൈ​മാ​റ​ണം. വാ​ഹ​ന​ങ്ങ​ളി​ലെ എ​യ​ർ ഹോ​ണു​ക​ൾ ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നു നേ​ര​ത്തേ ഹൈ​ക്കോ​ട​തി​യും മോ​ട്ടോ​ർ വാ​ഹ​ന വ​കു​പ്പി​നു നി​ർ​ദേ​ശം ന​ൽ​കി​യി​രു​ന്നു. ജി​ല്ല​യി​ൽ 19 വ​രെ രാ​ത്രി​യും പ​ക​ലു​മാ​യി ക​ർ​ശ​ന പ​രി​ശോ​ധ​ന തു​ട​രാ​നാ​ണ് മോ​ട്ടോ​ർ വാ​ഹ​ന​വ​കു​പ്പി​ന്‍റെ തീ​രു​മാ​നം.