നെ​ടു​ങ്ക​ണ്ടം: ഇ​ടു​ക്കി സ​ഹോ​ദ​യ സ്‌​പോ​ര്‍​ട്‌​സ് മീ​റ്റി​ന് നെ​ടു​ങ്ക​ണ്ടം പ​ഞ്ചാ​യ​ത്ത് സി​ന്ത​റ്റി​ക് ട്രാ​ക് സ്റ്റേ​ഡി​യ​ത്തി​ല്‍ തു​ട​ക്ക​മാ​യി. ജി​ല്ല​യി​ലെ 30 സി​ബി​എ​സ്ഇ സ്‌​കൂ​ളു​ക​ളി​ല്‍​നി​ന്നാ​യി ആ​യി​ര​ത്തോ​ളം കാ​യി​ക​താ​ര​ങ്ങ​ളാ​ണ് ര​ണ്ടു ദി​വ​സ​ങ്ങ​ളി​ലാ​യി ന​ട​ക്കു​ന്ന സ്‌​പോ​ര്‍​ട്‌​സ് മീ​റ്റി​ല്‍ പ​ങ്കെ​ടു​ക്കു​ന്ന​ത്. ഒ​ന്നാം ദി​വ​സ​ത്തെ മ​ത്സ​ര​ങ്ങ​ള്‍ പൂ​ര്‍​ത്തി​യാ​യ​പ്പോ​ള്‍ 78 പോ​യി​ന്‍റോ​ടെ തൂ​ക്കു​പാ​ലം വി​ജ​യ​മാ​താ പ​ബ്ലി​ക് സ്‌​കൂ​ള്‍ ഒ​ന്നാം സ്ഥാ​ന​ത്താ​ണ്. 76 പോ​യി​ന്‍റ് നേ​ടി​യ അ​ടി​മാ​ലി വി​ശ്വ​ദീ​പ്തി പ​ബ്ലി​ക് സ്‌​കൂ​ള്‍ ര​ണ്ടാം സ്ഥാ​ന​ത്തും 67 പോ​യി​ന്‍റ് നേ​ടി​യ രാ​ജ​കു​മാ​രി സെ​ന്‍റ് മേ​രീ​സ് സെ​ന്‍​ട്ര​ല്‍ സ്‌​കൂ​ള്‍ മൂ​ന്നാം സ്ഥാ​ന​ത്തു​മു​ണ്ട്.

തൂ​ക്കു​പാ​ലം വി​ജ​യ​മാ​താ പ​ബ്ലി​ക് സ്‌​കൂ​ളാ​ണ് മീ​റ്റി​ന് ആ​തി​ഥേ​യ​ത്വം വ​ഹി​ക്കു​ന്ന​ത്. ഗി​ന്ന​സ് ജേ​താ​വാ​യ അ​ബീ​ഷ് പി. ​ഡൊ​മി​നി​ക് ജ്യോ​തി തെ​ളി​​ച്ച് മീ​റ്റ് ഉ​ദ്ഘാ​ട​നം ചെ​യ്തു. സ​ഹോ​ദ​യാ പ്ര​സി​ഡ​ന്‍റ് റ​വ. ഫാ. ​സി​ജി​ന്‍ ഊ​ന്നു​ക​ല്ലേ​ല്‍ അ​ധ്യ​ക്ഷ​ത വ​ഹി​ച്ചു. വി​ജ​യ​മാ​താ സ്‌​കൂ​ള്‍ പ്രി​ന്‍​സി​പ്പ​ല്‍ ഡോ. ​സി​സ്റ്റ​ര്‍ ബീ​ന, പി​ടി​എ പ്ര​സി​ഡ​ന്‍റ് ഷി​ഹാ​ബ് ഈ​ട്ടി​ക്ക​ല്‍, ഇ​ടു​ക്കി സ​ഹോ​ദ​യ സെ​ക്ര​ട്ട​റി സി​സ്റ്റ​ര്‍ ഷെ​റി​ന്‍, വി​വി​ധ സ്‌​കൂ​ളു​ക​ളി​ലെ പ്രി​ന്‍​സി​പ്പ​ല്‍​മാ​ര്‍ തു​ട​ങ്ങി​യ​വ​ര്‍ പ്ര​സം​ഗി​ച്ചു. സ്‌​പോ​ര്‍​ട്‌​സ് ക്യാ​പ്റ്റ​ന്‍ പി.​ആ​ര്‍. അ​ഭി​ന​വ് കാ​യി​ക പ്ര​തി​ജ്ഞ ചൊ​ല്ലി​ക്കൊ​ടു​ത്തു.

അ​ണ്ട​ര്‍ 19 ആ​ണ്‍​കു​ട്ടി​ക​ളു​ടെ 3000 മീ​റ്റ​ര്‍ ഓ​ട്ട​ത്തോ​ടെ​യാ​ണ് മ​ത്സ​ര​ങ്ങ​ള്‍ തു​ട​ങ്ങി​യ​ത്. തു​ട​ര്‍​ന്ന് 50 മീ​റ്റ​ര്‍, 100 മീ​റ്റ​ര്‍, 200 മീ​റ്റ​ര്‍, 400 മീ​റ്റ​ര്‍ ഓ​ട്ടം, റി​ലേ മ​ത്സ​ര​ങ്ങ​ള്‍, ലോം​ഗ് ജം​പ്, ട്രി​പ്പി​ള്‍ ജം​പ്, ബ്രോ​ഡ് ജം​പ്, ഡി​സ്‌​ക​സ് ത്രോ, ​ഷോ​ട് പു​ട്ട് തു​ട​ങ്ങി​യ മ​ത്സ​ര​ങ്ങ​ള്‍ ന​ട​ന്നു. മീ​റ്റ് ഇ​ന്നു സ​മാ​പി​ക്കും.

വൈ​കു​ന്നേ​രം ന​ട​ക്കു​ന്ന സ​മാ​പ​ന സ​മ്മേ​ള​ന​ത്തി​ല്‍ എ​ന്‍​സി​സി അ​ഡ്മി​നി​സ്‌​ട്രേ​റ്റീ​വ് ഓ​ഫീ​സ​ര്‍ ലെ​ഫ്. കേ​ണ​ല്‍ പി.​എം. ബി​നു വി​ജ​യി​ക​ള്‍​ക്കു സ​മ്മാ​ന​ങ്ങ​ള്‍ വി​ത​ര​ണം ചെ​യ്യും.