പുന്നത്തുറ സെന്‍റ് തോമസ് ക്‌നാനായ പള്ളിയിൽ ചതുര്‍ ശതാബ്ദി ആഘോഷങ്ങളുടെ ഉദ്ഘാടനം : Deepika.com Nattu Visesham

KOTTAYAM

പുന്നത്തുറ സെന്‍റ് തോമസ് ക്‌നാനായ പള്ളിയിൽ ചതുര്‍ ശതാബ്ദി ആഘോഷങ്ങളുടെ ഉദ്ഘാടനം

Saturday, June 29, 2024 6:49 AM IST

പുന്നത്തറ: പുന്നത്തുറ സെന്‍റ് തോമസ് ക്‌നാനായ കത്തോലിക്ക പഴയ പള്ളിയുടെ ഒരു വര്‍ഷം നീണ്ടുനില്‍ക്കുന്ന ചതുര്‍ ശതാബ്ദി ആഘോഷങ്ങളുടെ ഉദ്ഘാടനം നാളെ നടക്കും. വൈകുന്നേരം നാലിന് ആരംഭിക്കുന്ന സമ്മേളനം കോട്ടയം ആർച്ച്ബിഷപ് മാര്‍ മാത്യു മൂലക്കാട്ട് ഉദ്ഘാടനം ചെയ്യും. വികാരി ഫാ. ജയിംസ് ചെരുവില്‍ അധ്യക്ഷത വഹിക്കും.

മന്ത്രി റോഷി അഗസ്റ്റിന്‍, മോന്‍സ് ജോസഫ് എംഎല്‍എ, കിടങ്ങൂര്‍ ഫൊറോന വികാരി ഫാ. ജോസ് നെടുങ്ങാട്ട്, ഫാ. ജേക്കബ് കാട്ടടി, ബിനോയി കടവില്‍, ബിബീഷ് ഓലിക്കമുറി തുടങ്ങിയവര്‍ പ്രസംഗിക്കും.

ആഘോഷങ്ങൾക്കു മുന്നോടിയായി ഇന്നു രാവിലെ ഒന്പതിന് ക്‌നാനായ പ്രേഷിത കുടിയേറ്റ ഭൂമിയായ കൊടുങ്ങല്ലൂരിൽനിന്ന് ആരംഭിക്കുന്ന ദീപശിഖാ പ്രയാണത്തിന് കോട്ടയം അതിരൂപത വികാരി ജനറാൾ ഫാ. മൈക്കിൾ വെട്ടിക്കാട്ട് തിരിതെളിക്കും. ഉദയംപേരൂർ, കടുത്തുരുത്തി, ഏറ്റുമാനൂർ, കിടങ്ങൂർ എന്നിവിടങ്ങളിലൂടെ സഞ്ചരിച്ച് ദീപശിഖാ പ്രയാണം വൈകുന്നേരം ആറിന് പുന്നത്തുറ പഴയപള്ളിയിൽ എത്തിച്ചേരും.

ഇടവകപ്രദേശത്തുവരുന്ന നാനാജാതി മതസ്ഥർക്ക് പ്രയോജനപ്രദമാകുന്ന രീതിയിലുള്ള ഒരു വർഷം നീണ്ടുനിൽക്കുന്ന വിവിധ കർമപരിപാടികളാണ് ജൂബിലിയോടനുബന്ധിച്ച് ഇടവകജനത്തിന്‍റെ സഹകരണത്തോടെ നടപ്പിലാക്കുന്നതെന്ന് വികാരി ഫാ. ജയിംസ് ചെരുവിൽ ജനറൽ കൺവീൻ ബിനോയ് കടവിൽ, പ്രോഗ്രാം കമ്മിറ്റി കൺവീനർ ബിബീഷ് ഓലിക്കമുറിയിൽ എന്നിവർ അറിയിച്ചു.