ചങ്ങനാശേരി: മിശിഹാ തന് ശിഷ്യന്മാരുടെ പാദങ്ങളില് കഴുകി... യേശുവും ശിഷ്യന്മാരും സെഹിയോന് മാളികയില് പെസഹാ ആചരിച്ചതിന്റെ ധന്യമായ ഓര്മകള് പുതുക്കി ക്രൈസ്തവ വിശ്വാസികള് പെസഹാ ആചരിച്ചു. പള്ളികളില് വിശുദ്ധ കുര്ബാനമധ്യേ വൈദികര് പാദക്ഷാളനം നടത്തി ചുംബിച്ച് ക്രിസ്തു കാട്ടിയ മഹനീയമാതൃക അനുവര്ത്തിച്ചു.
ക്രിസ്തുവിന്റെ പീഡാസഹനത്തിന്റെയും കുരിശുമരണത്തിന്റെയും സ്മരണകള് ഹൃദയത്തിലേറ്റി ഇന്നു പീഡാനുഭവവെള്ളി ആചരിക്കും. പള്ളികളില് രാവിലെമുതല് ആരാധന നടക്കും. ഉച്ചകഴിഞ്ഞ് പീഡാനുഭവ ചരിത്രവായനയും നഗരികാണിക്കലും തിരുസ്വരൂപ ചുംബനവും ഉണ്ടായിരിക്കും.
ചങ്ങനാശേരി: സെന്റ് മേരീസ് മെത്രാപ്പോലീത്തന്പള്ളിയില് വിശുദ്ധകുര്ബാനയ്ക്കും കാല്കഴുകല്ശുശ്രൂഷയ്ക്കും ആര്ച്ച്ബിഷപ് മാര് ജോസഫ് പെരന്തോട്ടം മുഖ്യകാര്മികത്വം വഹിച്ചു. അതിരൂപതയിലെ നവവൈദികരുടെ പാദങ്ങള് കഴുകി ചുംബിച്ചാണ് ആര്ച്ച്ബിഷപ് കാല്കഴുകല് ശുശ്രൂഷാകര്മം നിര്വഹിച്ചത്. മിശിഹായുടെ പീഡാസഹനത്തിന്റെ മായാത്ത മുദ്രകള് ഹൃദയങ്ങളില് ആഴപ്പെടണമെന്നും മനസിനും ജീവിതത്തിനും പരിവര്ത്തനം സൃഷ്ടിക്കപ്പെടണമെന്നും മാര് പെരുന്തോട്ടം സന്ദേശത്തില് പറഞ്ഞു.
ഇന്ന് പുലര്ച്ചെ ആറുമുതല് വിശുദ്ധകുര്ബാനയുടെ ആരാധന. ഉച്ചകഴിഞ്ഞ് 2.30ന് പീഡാനുഭവ തിരുക്കര്മങ്ങള്ക്ക് വികാരി ഫാ. ജോസ് കൊച്ചുപറമ്പില് കാര്മികത്വം വഹിക്കും. തുടര്ന്ന് നഗരികാണിക്കല്, സ്ലീവാ വന്ദനം, തിരുസ്വരൂപ ചുംബനം.
ചെത്തിപ്പുഴ: തിരുഹൃദയ പള്ളിയില് വിശുദ്ധകുര്ബാനയ്ക്കും കാലുകഴുകല് ശുശ്രൂഷയ്ക്കും വികാരി ഫാ.തോമസ് കല്ലുകളം കാര്മികനായിരുന്നു. തുടര്ന്ന് ആരാധന.
ഇന്നുരാവിലെ 6.30ന് വിവിധ ഭാഗങ്ങളില്നിന്നു കുരിശിന്റെ വഴി ആരംഭിച്ച് പള്ളിയില് എത്തും. ഉച്ചകഴിഞ്ഞ് 2.30ന് കുരിശിന്റെവഴി, 3.30ന് പീഡാനുഭവ വായന.
ചങ്ങനാശേരി: പാറേല് പള്ളിയില് കാലുകഴുകല് ശുശ്രൂഷയ്ക്കും വിശുദ്ധകുര്ബാനയ്ക്കും വികാരി ജനറാള് മോണ്. ജോസഫ് വാണിയപ്പുരയ്ക്കല്, കാര്മികത്വം വഹിച്ചു.
ഇന്ന് രണ്ടിന് സ്ലീവാപ്പാത ഇടവകയുടെ നാലു ഭാഗങ്ങളില്നിന്ന് ആരംഭിച്ച് പള്ളിയിലെത്തുന്നു. തുടര്ന്ന് പീഡാനുഭവ തിരുക്കര്മങ്ങള് നഗരികാണിക്കല്, നോമ്പു കഞ്ഞി- കാര്മികന് വികാരി ഫാ. ജേക്കബ് വാരിക്കാട്ട്, സന്ദേശം ഫാ. ടെജി പുതുവീട്ടില്കളം.
തൃക്കൊടിത്താനം: സെന്റ് സേവ്യേഴ്സ് ഫൊറോനാ പള്ളിയില് പെസഹാ തിരുക്കര്മങ്ങള്ക്കും കാല്കഴുകല് ശുശ്രൂഷയ്ക്കും വികാരി ഫാ.ആന്റണി എത്തയ്ക്കാട്ട് കാര്മികത്വം വഹിച്ചു. ഇന്നു രാവിലെ ഏഴിന് വിവിധ വാര്ഡുകളില്നിന്നു പള്ളിലേക്ക് കുരിശിന്റെ വഴി എത്തിച്ചേരും. തുടര്ന്ന് ആരാധന. നേര്ച്ചക്കഞ്ഞി. 2.30ന് പീഡാനുഭവ തിരുക്കര്മങ്ങള്, നഗരികാണിക്കല്, ശ്ലീവാ ചുംബനം.
തുരുത്തി: മര്ത്ത്മറിയം ഫൊറോനാ പള്ളിയില് കാല്കഴുകല് ശുശ്രൂഷയ്ക്കും വിശുദ്ധകുര്ബാനയ്ക്കും വികാരി ഫാ. ജോസ് വരിക്കപ്പള്ളി കാര്മികനായിരുന്നു. ഇന്നു രാവിലെ ഏഴിന് കുരിശിന്റെവഴി. തുടര്ന്ന് ആരാധന. മൂന്നിന് പള്ളിയില് കുരിശിന്റെ വഴി. പീഡാനുഭവ തിരുക്കര്മങ്ങള്, നഗരികാണിക്കല്, സ്ലീവാ ചുംബനം.
വെരൂര്: സെന്റ് ജോസഫ് പള്ളിയില് കാല്കഴുകല് ശുശ്രൂഷയ്ക്കും വിശുദ്ധ കുര്ബാനയ്ക്കും വികാരി ഫാ. ജയിംസ് മാലേയ്ക്കല് കാര്മികത്വം വഹിച്ചു. ഇന്നുരാവിലെ ഏഴിന് കുരിശിന്റെ വഴി. തുടര്ന്ന് ഉച്ചയ്ക്ക് ഒന്നുവരെ ആരാധന, മൂന്നിന് പീഡാനുഭവ തിരുക്കര്മങ്ങള്, നഗരികാണിക്കല്, ഫാ. ജോബിന് വന്യംപറമ്പില് സന്ദേശം നല്കും.
കുറുമ്പനാടം: സെന്റ് ആന്റണീസ് ഫൊറോനാ പള്ളിയില് പെസഹാ ശുശ്രൂഷകള്ക്കും കാല്കഴുകല് ശുശ്രൂഷയ്ക്കും വികാരി ഫാ. ചെറിയാന് കറുകപ്പറമ്പില് കാര്മികനായിരുന്നു. ഇന്ന് രാവിലെ വിവിധ വാര്ഡുകളില് നിന്നും കുരിശിന്റെ വഴി എത്തിച്ചേരും. തുടര്ന്ന് ആരാധന. ഉച്ചകഴിഞ്ഞ് മൂന്നിന് പീഡാനുഭവ തിരുക്കര്മങ്ങള്, നഗരികാണിക്കല്, സ്ലീവാ ചുംബനം.
മാടപ്പള്ളി: ലിറ്റില്ഫ്ലവര് പള്ളിയില് ഇന്നു രാവിലെ ഏഴുമുതല് 12വരെ ആരാധന, തുടര്ന്ന് നേര്ച്ചക്കഞ്ഞി. 2.30ന് ഏലംകുന്ന് കുരിശടിയില്നിന്നു പള്ളിയിലേക്ക് കുരിശിന്റെവഴി. 3.30ന് പീഡാനുഭവ വായന, വികാരി ഫാ.മാത്യു ചെത്തിപ്പുഴ കാര്മികനായിരിക്കും. സന്ദേശം ഫാ.സോബിച്ചന് ചേപ്പിലപുത്തന്പറമ്പില്.
പായിപ്പാട്: ലൂര്ദ്മാതാ പള്ളിയില് ഉച്ചകഴിഞ്ഞ് മൂന്നിന് പീഡാനുഭവ തിരുക്കര്മങ്ങള്. കുരിശിന്റെ വഴി, നഗരികാണിക്കല്, തിരുസ്വരൂപ ചുംബനം. വികാരി ഫാ. ജോര്ജ് നൂഴായിത്തടം കാര്മികത്വം വഹിക്കും.