ചങ്ങനാശേരി: സര്ക്കാര് പ്രഖ്യാപിത അവധി ദിവസങ്ങളായ പെസഹാ വ്യാഴവും ദുഃഖവെള്ളിയും ഈസ്റ്ററുമെല്ലാം വിവിധ കാരണങ്ങള് പറഞ്ഞ് പ്രവ ൃ ത്തി ദിനമാക്കുന്ന സര്ക്കാര് നടപടിയില് പ്രതിഷേധിച്ച് കത്തോലിക്കാ കോണ്ഗ്രസിന്റെ നേതൃത്വത്തില് ചങ്ങനാശേരി നഗരസഭാ കവാടത്തില് പ്രതിഷേധ ധര്ണ നടത്തി. അതിരൂപത പ്രസിഡന്റ് അഡ്വ. പി.പി. ജോസഫ് പ്രതിഷേധ ധര്ണ ഉദ്ഘാടനം ചെയ്തു.
ഫൊറോന പ്രസിഡന്റ് സൈബി അക്കര അധ്യക്ഷത വഹിച്ചു. ഫാ. ലിബിന് തുണ്ടുകളം, തോമസുകുട്ടി മണക്കുന്നേല്, കെ.എസ്. ആന്റണി, ജോസി കല്ലുകളം, ജോയിച്ചന് പാണ്ടിശേരി, നൈനാന് തോമസ്, തങ്കച്ചന് പോളക്കല്, ബിജു പാണ്ടിശേരി, റോഷന് ചെന്നിക്കര, ജെ. ജോസഫ് ആലഞ്ചേരി, മേരിക്കുട്ടി പാറക്കടവില്, ഷേര്ളി ജോസഫ്, ജോണ്സണ് കൊച്ചിത്തറ, ഔസേപ്പച്ചന് ചെറുകാട്, കുഞ്ഞുമോന് തൂമ്പുങ്കല്, വി.എസ്. ജോര്ജ്, പി.സി. കുഞ്ഞപ്പന്, തുടങ്ങിയവര് പ്രസംഗിച്ചു.