ളാ​ലം തോ​ട്ടി​ല്‍ മാ​ലി​ന്യം ത​ള്ളു​ന്നു
Thursday, March 28, 2024 11:47 PM IST
ഏ​ഴാ​ച്ചേ​രി: ളാ​ലം​തോ​ട്ടി​ല്‍ ആ​ര്‍​ക്കും മാ​ലി​ന്യം ത​ള്ളാ​മെ​ന്ന സ്ഥി​തി. ആ​രും ചോ​ദി​ക്കാ​നും പ​റ​യാ​നു​മി​ല്ലെ​ന്ന് നാ​ട്ടു​കാ​ര്‍. ക​ടു​ത്ത വേ​ന​ലി​ല്‍ വെ​ള്ളം​വ​റ്റി വ​ല്യ​തോ​ട് ചെ​റി​യ ത​ട​ങ്ങ​ളി​ലേ​ക്ക് ഒ​തു​ങ്ങി​യ​പ്പോ​ഴാ​ണ് സാ​മൂ​ഹ്യ​ദ്രോ​ഹി​ക​ളു​ടെ ശ​ല്യം വ​ര്‍​ധി​ച്ചി​രി​ക്കു​ന്ന​ത്.

ഏ​ഴാ​ച്ചേ​രി ബാ​ങ്ക് ജം​ഗ്ഷ​ന്‍ മു​ത​ല്‍ ചി​റ്റേ​ട്ട് സ്‌​കൂ​ള്‍ വ​രെ​യു​ള്ള റോ​ഡ് സൈ​ഡി​ലെ തോ​ട്ടു​വ​ക്കി​ലേ​ക്ക് മാ​ലി​ന്യ​ങ്ങ​ള്‍ എ​റി​ഞ്ഞു​ക​ള​യാ​നു​ള്ള ഇ​ട​മാ​ക്കി മാ​റ്റി​യി​രി​ക്കു​ക​യാ​ണ് ചി​ല​ര്‍.

ക​ഴി​ഞ്ഞ ദി​വ​സം വ​ല്യ​തോ​ടി​ന്‍റെ ചീ​ങ്ക​ല്ലേ​ല്‍ ഭാ​ഗ​ത്താ​ണ് റോ​ഡി​ലെ ക്രാ​ഷ് ബാ​രി​യ​റി​ന് സ​മീ​പ​ത്തു​നി​ന്ന് തോ​ട്ടി​ലേ​ക്ക് വ​ന്‍​തോ​തി​ല്‍ മാ​ലി​ന്യം ത​ള്ളി​യ​ത്. ഇ​രു​ട്ടി​ന്‍റെ മ​റ​വി​ലാ​യി​രു​ന്നു ദ്രോ​ഹം. മാ​ലി​ന്യം ചീ​ഞ്ഞ​ളി​ഞ്ഞ​തു​മൂ​ലം ഇ​തി​ന് സ​മീ​പ​ത്തു​കൂ​ടി​യു​ള്ള യാ​ത്ര​ക്കാ​ര്‍​പോ​ലും വി​ഷ​മി​ക്കു​ക​യാ​ണ്. മാ​ത്ര​മ​ല്ല വ​ല്യ​തോ​ടി​ന്‍റെ കീ​പ്പാ​റ​ക​ട​വി​ലും താ​ഴെ​യു​മാ​യി നി​ര​വ​ധി​പേ​ര്‍ കു​ളി​ക്കാ​നും അ​ല​ക്കാ​നും ഉ​പ​യോ​ഗി​ക്കു​ന്ന ഇ​ട​ങ്ങ​ളാ​ണ്. വ​ന്‍​തോ​തി​ല്‍ മാ​ലി​ന്യം ത​ള്ളി​യ​തോ​ടെ തോ​ട്ടി​ല്‍ ഇ​പ്പോ​ള്‍ അ​ല്പ​മു​ള്ള വെ​ള്ള​ത്തി​ല്‍​പോ​ലും മാ​ലി​ന്യം ക​ല​ര്‍​ന്നി​രി​ക്കു​ക​യാ​ണ്. വെ​ള്ള​ത്തി​ന് ദു​ര്‍​ഗ​ന്ധ​വു​മു​ണ്ട്.

മാ​ലി​ന്യം ത​ള്ളു​ന്ന​വ​ര്‍​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കാ​ന്‍ പ​ഞ്ചാ​യ​ത്ത് അ​ധി​കാ​രി​ക​ളും ആ​രോ​ഗ്യ​വ​കു​പ്പ് അ​ധി​കാ​രി​ക​ളും ത​യാ​റാ​ക​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.