വോട്ടിംഗ് യന്ത്രങ്ങളുടെ ആദ്യഘട്ട റാന്‍ഡമൈസേഷന്‍ നടന്നു : Deepika.com Nattu Visesham

KOTTAYAM

വോട്ടിംഗ് യന്ത്രങ്ങളുടെ ആദ്യഘട്ട റാന്‍ഡമൈസേഷന്‍ നടന്നു

Wednesday, March 27, 2024 11:56 PM IST

കോട്ടയം: ജില്ലയിലെ നിയോജകമണ്ഡലങ്ങളില്‍ വോട്ടെടുപ്പിന് ഉപയോഗിക്കാനുള്ള വോട്ടിംഗ് യന്ത്രങ്ങളുടെ ആദ്യഘട്ട റാന്‍ഡമൈസേഷന്‍ ജില്ലാ തെരഞ്ഞെടുപ്പ് ഓഫീസറും വരണാധികാരിയും ജില്ലാ കളക്ടറുമായ വി.വിഗ്നേശ്വരിയുടെ ചേംബറില്‍ രാഷ്ട്രീയ പാര്‍ട്ടി പ്രതിനിധികളുടെ സാന്നിധ്യത്തില്‍ നടന്നു.

കേന്ദ്ര തെരഞ്ഞെടുപ്പ് കമ്മീഷന്‍റെ വെബ് ആപ്ലിക്കേഷനായ ഇവിഎം മാനേജ്‌മെന്‍റ് സിസ്റ്റം മുഖേനയാണ് ഓരോ നിയമസഭാ നിയോജകമണ്ഡലത്തിലേക്കുമുള്ള വോട്ടിംഗ് യന്ത്രങ്ങളുടെ റാന്‍ഡമൈസേഷന്‍ നടന്നത്. ബാലറ്റ് യൂണിറ്റ്, കണ്‍ട്രോള്‍ യൂണിറ്റ് എന്നിവയുടെ 20 ശതമാനവും വി.വി. പാറ്റ് മെഷീനുകളുടെ 30 ശതമാനവുമാണ് ആദ്യഘട്ടത്തില്‍ റാന്‍ഡമൈസ് ചെയ്തത്.
ജില്ലയിലെ ഒന്‍പതു നിയോജകമണ്ഡലങ്ങളിലേക്കുള്ള വോട്ടിംഗ് മെഷീനുകളുടെ റാന്‍ഡമൈസേഷനാണ് നടന്നത്.

കോട്ടയം തിരുവാതില്‍ക്കലുള്ള ഇവിഎം വെയര്‍ഹൗസിലാണ് വോട്ടിംഗ് യന്ത്രങ്ങള്‍ സൂക്ഷിച്ചിട്ടുള്ളത്. റാന്‍ഡമൈസേഷനിലൂടെ ഓരോ നിയമസഭാ നിയോജകമണ്ഡലത്തിലേക്കുമായി അനുവദിച്ച വോട്ടിംഗ് മെഷീനുകള്‍ ഏപ്രില്‍ എട്ട്, ഒന്‍പത് തീയതികളില്‍ രാഷ്ട്രീയപാര്‍ട്ടികളുടെകൂടെ സാന്നിധ്യത്തില്‍ അതത് നിയമസഭാ മണ്ഡലങ്ങളിലെ സ്ട്രോംഗ് റൂമുകളിലേക്കു മാറ്റും.