പോ​ലീ​സി​ന്‍റെ മോ​ക്ഡ്രി​ല്ലി​ൽ വ​ട്ടം​ക​റ​ങ്ങി നാ​ട്ടു​കാ​ർ
Wednesday, March 27, 2024 11:56 PM IST
കാ​ഞ്ഞി​ര​പ്പ​ള്ളി: പോ​ലീ​സി​ന്‍റെ മോ​ക്ഡ്രി​ല്ലി​ൽ വ​ട്ടം​ക​റ​ങ്ങി നാ​ട്ടു​കാ​ർ. കാ​ഞ്ഞി​ര​പ്പ​ള്ളി​യി​ൽ ആ​റു​വ​യ​സു​കാ​ര​നെ ത​ട്ടി​ക്കൊ​ണ്ടു പോ​യെ​ന്ന പ്ര​ചാ​ര​ണം പോ​ലീ​സ് ന​ട​ത്തി​യ മോ​ക്ഡ്രി​ല്ലി​ന്‍റെ ഭാ​ഗ​മാ​ണെ​ന്നു മ​ന​സി​ലാ​ക്കി​യ​തു മ​ണി​ക്കൂ​റു​ക​ൾ​ക്കു ശേ​ഷം.

ആ​റു​വ​യ​സു​കാ​ര​നെ വെ​ള്ള​ക്കാ​റി​ൽ ത​ട്ടി​ക്കൊ​ണ്ടു പോ​യ​താ​യി അ​ഭ്യൂ​ഹം പ​ര​ന്ന​തോ​ടെ കാ​ഞ്ഞി​ര​പ്പ​ള്ളി​യി​ൽ അ​ര​ങ്ങേ​റി​യ​ത് ആ​ശ​ങ്ക​യു​ടെ നി​മി​ഷ​ങ്ങ​ളാ​യി​രു​ന്നു. ക​ൺ​ട്രോ​ൾ റൂ​മി​ൽ നി​ന്നാ​ണ് വ​യ​ർ​ലെ​സ് സെ​റ്റി​ലേ​ക്കു പോ​ലീ​സി​നു സ​ന്ദേ​ശ​മെ​ത്തി​യ​ത്. കെ​എ​ൽ 05 ര​ജി​സ്ട്രേ​ഷ​ൻ ന​മ്പ​രി​ലു​ള്ള വെ​ള്ള വാ​ഹ​ന​ത്തി​ൽ ആ​റു വ​യ​സു​കാ​ര​നാ​യ കു​ട്ടി​യെ ത​ട്ടി​ക്കൊ​ണ്ടു​പോ​യി എ​ന്ന​താ​യി​രു​ന്നു സ​ന്ദേ​ശം.

ഇ​തോ​ടെ കാ​ഞ്ഞി​ര​പ്പ​ള്ളി​യി​ലെ​യും പൊ​ൻ​കു​ന്ന​ത്തെ​യും അ​ട​ക്കം ജി​ല്ല​യി​ലെ പോ​ലീ​സ് സം​ഘ​മൊ​ന്നാ​കെ അ​ല​ർ​ട്ടാ​യി. ദേ​ശീ​യ​പാ​ത​യി​ല​ട​ക്കം എ​ങ്ങും വാ​ഹ​ന പ​രി​ശോ​ധ​ന തു​ട​ങ്ങി. വ്യാ​പാ​ര സ്ഥാ​പ​ന​ങ്ങ​ളി​ലെ അ​ട​ക്കം സി​സി​ടി​വി ദൃ​ശ്യ​ങ്ങ​ളും പ​രി​ശോ​ധി​ച്ചു. ഇ​തി​നി​ടെ സ്കൂ​ളി​ലെ കു​ട്ടി​യെ​യാ​ണ് ത​ട്ടി​ക്കൊ​ണ്ടു പോ​യ​തെ​ന്നു സോ​ഷ്യ​ൽ മീ​ഡി​യ വ​ഴി​യു​ള്ള പ്ര​ചാ​ര​ണ​വും ശ​ക്ത​മാ​യ​തോ​ടെ എ​കെ​ജെ​എം സ്കൂ​ളി​ലേ​ക്കു ഫോ​ൺ​കോ​ളു​ക​ളു​ടെ പ്ര​വാ​ഹ​മാ​യി.

ചി​ല ഓ​ൺ​ലൈ​ൻ മാ​ധ്യ​മ​ങ്ങ​ൾ ത​ട്ടി​ക്കൊ​ണ്ടു പോ​യെ​ന്ന് സ്ഥി​രീ​ക​രി​ച്ചു വാ​ർ​ത്ത കൂ​ടി ന​ൽ​കി​യ​തോ​ടെ സ​മൂ​ഹ​മാ​ധ്യ​മ​ങ്ങ​ളി​ലൊ​ന്നാ​കെ ഇ​തു പ്ര​ച​രി​ച്ചു. ചില വാ​ട്സ്ആ​പ്പ് ഗ്രൂ​പ്പു​ക​ളി​ൽ കു​ട്ടി​യു​ടെ ചി​ത്ര​മെ​ന്ന ത​ര​ത്തി​ൽ ഫോ​ട്ടോ​ക​ളും വ്യാ​പ​ക​മാ​യി പ്ര​ച​രി​പ്പി​ക്കു​ക​യും ചെ​യ്തു. എ​ന്നാ​ൽ ഈ ​സ​മ​യ​മ​ത്ര​യും ഫോ​ൺ കോ​ൾ വ​ന്ന​തു മാ​ത്രം സ്ഥി​രീ​ക​രി​ച്ച പോ​ലീ​സ്, ഫോ​ൺ ന​മ്പ​ർ ക​ണ്ടെ​ത്താ​നാ​യി​ട്ടി​ല്ലെ​ന്നും ത​ട്ടി​ക്കൊ​ണ്ടു പോ​യ വി​വ​രം ഇ​പ്പോ​ൾ സ്ഥി​രീ​ക​രി​ക്കാ​നാ​കി​ല്ലെ​ന്നും അ​റി​യി​ച്ചു. ഒ​പ്പം ജി​ല്ല​യി​ൽ ഏ​തെ​ങ്കി​ലും സ്റ്റേ​ഷ​നി​ൽ ത​ട്ടി​ക്കൊ​ണ്ടു പോ​ക​ൽ സം​ബ​ന്ധി​ച്ച് പ​രാ​തി ര​ജി​സ്റ്റ​ർ ചെ​യ്തി​ട്ടു​ണ്ടോ എ​ന്നു പ​രി​ശോ​ധി​ക്കു​ക​യാ​ണെ​ന്നും വ്യ​ക്ത​മാക്കി.

മ​ണി​ക്കൂ​റു​ക​ൾ​ക്കു ശേ​ഷം ത​ട്ടി​ക്കൊ​ണ്ടു​പോ​ക​ൽ മോ​ക്ഡ്രി​ല്ലാ​ണെ​ന്ന് പോ​ലീ​സ് സ്ഥി​രീ​ക​രി​ച്ച​തോ​ടെ ആ​ശ​ങ്ക​ക​ൾ​ക്കെ​ല്ലാം അ​വ​സാ​ന​മാ​യി. നാ​ട്ടു​കാ​രെ വ​ട്ടം​ക​റ​ക്കാ​നും അ​സ്വ​സ്ഥ​മാ​ക്കാ​നു​മു​ള്ള പോ​ലീ​സി​ന്‍റെ ത​ന്ത്രം പൊല്ലാപ്പായി. പ​രീ​ക്ഷ​യ്ക്കു പോ​യ കു​ട്ടി​ക​ളെ തേ​ടി മാ​താ​പി​താ​ക്ക​ൾ സ്കൂ​ളി​ലേ​ക്കു എ​ത്തി​യ​തൊ​ന്നും പോ​ലീ​സി​നു പ്ര​ശ്ന​മേ​യ​ല്ലാ​താ​യി.

Copyright @ 2022 , Rashtra Deepika Ltd.