പാലാ: കോണ്‍ഗ്രസ് ദേശീയ നേതാവ് രാഹുല്‍ ഗാന്ധിയെ കള്ളക്കേസില്‍ കുടുക്കി എംപി സ്ഥാനത്തുനിന്ന് അയോഗ്യനാക്കിയ ബിജെപി നടപടിയില്‍ ഐഎൻടിയുസി പാലാ നിയോജകമണ്ഡലം കമ്മിറ്റി പ്രതിഷേധിച്ചു.
ടോംസ് ചേംബര്‍ ഓഡിറ്റോറിയത്തില്‍ കൂടിയ പ്രതിഷേധയോഗം ഐഎൻടിയുസി ജില്ലാ പ്രസിഡന്‍റ് ഫിലിപ്പ് ജോസഫ് ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് രാജന്‍ കൊല്ലംപറമ്പില്‍ അധ്യക്ഷത വഹിച്ചു.
യോഗത്തില്‍ സംസ്ഥാന വര്‍ക്കിംഗ് കമ്മിറ്റിയംഗം ആര്‍. സജീവ്, ഷോജി ഗോപി, ജോയി സ്‌കറിയ, ആര്‍. പ്രേംജി, സന്തോഷ് മണര്‍കാട്ട്, ഹരിദാസ് അടമത്ര, തോമസുകുട്ടി നെച്ചിക്കാട്ട്, പരമേശ്വരന്‍ പുത്തൂര്‍, ഷാജി ആന്‍റണി, രാജേഷ് കാരക്കാട്ട്, പി.എസ്. രാജപ്പന്‍, സണ്ണി മുണ്ടനാട്ട്, ബൈജു പി.ജെ., ജേക്കബ് കുന്നപ്പള്ളില്‍, ഷാജി വാഴചാരി, ബിനോയി ചൂരനോലി എന്നിവര്‍ പ്രസംഗിച്ചു.