വെച്ചൂര്‍:വെച്ചൂർ പഞ്ചായത്തിലെ ഹരിതകര്‍മ്മസേനാംഗങ്ങള്‍ക്ക് യൂണിഫോം, ഷൂസ്, തിരിച്ചറിയല്‍ കാര്‍ഡ്, കൈയ്യുറ എന്നിവ വിതരണം ചെയ്തു. പഞ്ചായത്തിലെ മുഴുവൻ വീടുകളിലും ഹരിതകര്‍മ്മസേനയുടെ സേവനം ഉറപ്പാക്കിയതായി തൊഴിലുപകരണ വിതരണോദ്ഘാടനം നിർവഹിച്ച പഞ്ചായത്ത് പ്രസിഡന്‍റ് കെ.ആര്‍. ഷൈലകുമാര്‍ പറഞ്ഞു.
ഹരിത സേന കലണ്ടർ പ്രകാരമുള്ള രണ്ടാംഘട്ട പ്രവർത്തനങ്ങൾ നടന്നു വരികയാണെന്നും പ്ലാസ്റ്റിക് മാലിന്യ നിർമ്മാർജനത്തിന്‍റെ ഭാഗമായി യൂസർഫീ എല്ലാവരും നൽകണമെന്നും കെ.ആർ. ഷൈല കുമാർ അഭിപ്രായപ്പെട്ടു.
പഞ്ചായത്ത് വൈസ് പ്രസിഡന്‍റ് ബിന്‍സി ജോസഫിന്‍റെ അധ്യക്ഷതയിൽ നടന്ന യോഗത്തില്‍ വികസന സ്റ്റാൻഡിംഗ് കമ്മിറ്റി ചെയര്‍മാന്‍ സോജി ജോര്‍ജ്ജ്, വിദ്യാഭ്യാസ സ്റ്റാൻഡിംഗ് കമ്മിറ്റി ചെയര്‍മാന്‍ പി.കെ മണിലാല്‍, ക്ഷേമകാര്യ സ്റ്റാൻഡിംഗ് കമ്മിറ്റി ചെയര്‍മാന്‍ ബീന, വാര്‍ഡ് മെമ്പര്‍മാരായ ഗീതസോമന്‍, സഞ്ജയന്‍, സ്വപ്ന മനോജ്, ബിന്ദുരാജു, മിനിമോള്‍, ആന്‍സി തങ്കച്ചന്‍, ശാന്തിനി, അസിസ്റ്റന്റ് സെക്രട്ടറി സുധീന്ദ്രബാബു, വിഇഒ ആശശ്രീധരന്‍ തുടങ്ങിയവർ പങ്കെടുത്തു.