ടീച്ചേഴ്സ് ഗില്ഡ്
ചങ്ങനാശേരി: ക്രിസ്ത്യാനികള് ആരാധനാദിവസമായി ആചരിക്കുന്ന ഒക്ടോബര് രണ്ട് ഞായറാഴ്ച പ്രവര്ത്തി ദിനമാക്കാനുള്ള സര്ക്കാര് തീരുമാനത്തില് ചങ്ങനാശേരി അതിരൂപത ടീച്ചേഴ്സ് ഗില്ഡ് പ്രതിഷേധം രേഖപ്പെടുത്തി. മതസ്വാതന്ത്ര്യത്തിന്മേലുള്ള കടന്നുകയറ്റമായി മാത്രമേ ഇതിനെ കാണാനാവൂ എന്ന് യോഗം വിലയിരുത്തി. അതിരൂപത ടീച്ചേഴ്സ് ഗില്ഡ് പ്രസിഡന്റ് ഡോ. ആന്റണി മാത്യു വട്ടക്കളം അധ്യക്ഷത വഹിച്ചു. സിബിച്ചന് കുരുവിള, ജെമിന് ജെ. വരാപ്പള്ളി സിബിച്ചന് ജോര്ജ്, സാജന് അലക്സ്, ഷിബു മഠത്തിപ്പറമ്പില് എന്നിവര് പ്രസംഗിച്ചു.
കെസിഎസ്എല്
ചങ്ങനാശേരി: ക്രൈസ്തവര് ദിവ്യബലി ഉള്പ്പെടെ ആരാധനയ്ക്കും മതപഠനത്തിനുമായി മാറ്റിവയ്ക്കപ്പെടുന്ന ഞായറാഴ്ചകള്, മറ്റു ക്രിസ്തീയ പ്രധാന്യമുള്ള ദിവസങ്ങളും തെരഞ്ഞുപിടിച്ചു പ്രവൃത്തിദിനമാക്കുന്നതില് പല അജണ്ടകളുമായി ഗവണ്മെന്റും ചില വര്ഗീയവാദികളും മുന്നിട്ടിറങ്ങി ക്രിസ്ത്രീയ സമൂഹത്തെ ഞെരിച്ചമര്ത്താന് ശ്രമിക്കുന്നതില് കെസിഎസ്എല് ചങ്ങനാശേരി അതിരൂപത ശക്തമായി പ്രതിഷേധിച്ചു. പ്രസിഡന്റ് സോണിച്ചന് കോലേട്ട് അധ്യക്ഷത വഹിച്ചു. ഡയറക്ടര് ഫാ. സിനു വേളങ്ങാട്ടുശേരി, വൈസ് പ്രസിഡന്റുമാരായ റിന്സ് വര്ഗീസ്, ഡോ. ബിജി കെ. സെബാസ്റ്റ്യന്, സിനി ജോസഫ്, ജനറല് ഓര്ഗനൈസര് സിസ്റ്റര് റെനീറ്റാ, ട്രഷറര് സേവ്യര് ജോസഫ്, സിസ്റ്റര് എലിസബത്ത് മരിയ, ലിന്സി സെബാസ്റ്റ്യന്, ടോം ചാക്കോ, സോജന് ചാക്കോ എന്നിവര് പ്രസംഗിച്ചു.
ചെറുപുഷ്പ മിഷന്ലീഗ്
ചങ്ങനാശേരി: ക്രൈസ്തവര് ആരാധനയ്ക്കും വിശ്വാസപരിശീലനത്തിനുമായി മാറ്റിവച്ചിരിക്കുന്ന ഞായറാഴ്ച പ്രവൃത്തി ദിനമാക്കാനുളള ശ്രമങ്ങളില് ചെറുപുഷ്പ മിഷന്ലീഗ് ചങ്ങനാശേരി അതിരൂപത എക്സിക്യുട്ടീവ് സമിതി പ്രതിഷേധം രേഖപ്പെടുത്തി. ഭരണഘടന വിഭാവനം ചെയ്യുന്ന മതസ്വാതന്ത്ര്യത്തിന്മേലുളള കടന്നുകയറ്റമായി ഇതിനെ കാണുന്നുവെന്നു യോഗം അഭിപ്രായപ്പെട്ടു. ഇത്തരം നടപടികള് ജനാധിപത്യ സര്ക്കാരുകള്ക്കു ഭൂഷണമല്ലെന്നും അത്തരം തീരുമാനങ്ങളില്നിന്നും പിന്മാറണമെന്നും യോഗം ആവശ്യപ്പെട്ടു.
കത്തോലിക്ക കോൺഗ്രസ്
കുമരകം: ഞായറാഴ്ചകൾ പ്രവൃത്തിദിനം ആക്കാനുള്ള സംസ്ഥാന സർക്കാർ നീക്കം പ്രതിഷേധാർഹമെന്ന് കത്തോലിക്ക കോൺഗ്രസ് കുടമാളൂർ ഫൊറോനസമിതി. ക്രൈസ്തവ വിശ്വാസ അനുഷ്ഠാനങ്ങളെ ബാധിക്കുന്ന രീതിയിലുള്ള നീക്കങ്ങൾക്കെതിരേ പ്രതിഷേധം നടത്തും. ഫൊറോനാ പ്രസിഡന്റ് കുഞ്ഞ് കളപ്പുര അധ്യക്ഷത വഹിച്ചു. ഫൊറോന ഡയറക്ടർ ഫാ. ബിജോ അരഞ്ഞാണിയിൽ ഉദ്ഘാടനംചെയ്തു.
അതിരൂപത വൈസ് പ്രസിഡന്റ് ഷെയിൻ ജോസഫ് കാരയ്ക്കൽ, അഡ്വ. ദിലീപ് ജോർജ്, സാബു എട്ടുമൂല, ജെറിൻ ജോസ്, ജിജോ കിളിരൂർ, പി.ജി. ജോർജ്, തങ്കമ്മ ബേബിച്ചൻ, ഷൈനമ്മ ബേബിച്ചൻ, ബിനു തടത്തിൽ, ബേബിച്ചൻ മുകളേൽ, ഫ്രാൻസിസ് തടത്തിൽ, റിഷിൽ രാജ് , ജെമിനി ജോസ്, കെ.സി. ബാബു, പ്രിൻസ് കുഴിച്ചാലിൽ എന്നിവർ പ്രസംഗിച്ചു.