ഓ​ശാ​ന തി​രു​നാ​ളി​ൽ പ​ങ്കെ​ടു​ക്കാ​ൻ ത​ങ്കി​പ്പ​ള്ളി​യി​ൽ വി​ശ്വാ​സി​ക​ളു​ടെ വ​ൻ​തി​ര​ക്ക്
Sunday, March 24, 2024 11:34 PM IST
ചേ​ർ​ത്ത​ല: യേ​ശു​ക്രി​സ്തു​വി​ന്‍റെ ജ​റു​സ​ലേം ദേ​വാ​ല​യ​ത്തി​ലേ​ക്കു​ള്ള രാ​ജ​കീ​യ പ്ര​വേ​ശ​ന​ത്തി​ന്‍റെ സ്മ​ര​ണ പു​തു​ക്കി ഓ​ശാ​ന തി​രു​നാ​ൾ ആ​ച​രി​ച്ചു. വി​ശു​ദ്ധ വാ​രാ​ച​ര​ണ​ത്തി​ന് തു​ട​ക്കം കു​റി​ച്ചു ഇ​ന്ന​ലെ തീ​ർ​ഥാ​ട​ന കേ​ന്ദ്ര​മാ​യ ത​ങ്കി​പ്പ​ള്ളി​യി​ൽ ന​ട​ന്ന കു​രു​ത്തോ​ല പ്ര​ദ​ക്ഷി​ണ​ത്തി​ൽ പ​ങ്കെ​ടു​ക്കാ​ൻ നാ​ടി​ന്‍റെ നാ​നാ​ഭാ​ഗ​ത്ത് നി​ന്നു പ​തി​നാ​യി​ര​ക്ക​ണ​ക്കി​ന് വി​ശ്വാ​സി​ക​ൾ എ​ത്തി.

ശ​നി​യാ​ഴ്ച രാ​ത്രി മു​ത​ൽ വി​ദൂ​ര​ദേ​ശ​ങ്ങ​ളി​ൽ നി​ന്നെ​ത്തി​യ വി​ശ്വാ​സി​ക​ൾ പു​ല​ർ​ച്ചെ ന​ട​ന്ന ദി​വ്യ​ബ​ലി​യി​ലും പ​ങ്കെ​ടു​ത്തു. ദി​വ്യ​ബ​ലി​ക്കും പ്ര​ദ​ക്ഷി​ണ​ത്തി​നും വി​കാ​രി ഫാ.​ജോ​ർ​ജ് എ​ടേ​ഴ​ത്ത് മു​ഖ്യ​കാ​ർ​മി​ക​ത്വം വ​ഹി​ച്ചു. അ​സോ​സി​യേ​റ്റ് വി​കാ​രി ഫാ. ​ബെ​ന്നി തോ​പ്പി​പ​റ​മ്പി​ൽ, സ​ഹ​വി​കാ​രി​മാ​രാ​യ ഫാ.​ സി​ബി കി​ട​ങ്ങേ​ത്ത്, ഫാ.​ റി​ൻ​സ​ൺ കാ​ളി​യ​ത്ത്, ഫാ.​ ലോ​ബോ ലോ​റ​ൻ​സ് ച​ക്ര​ശേ​രി, മി​ഷ​ൻ വൈ​ദി​ക​രാ​യ ഫാ. ​പ്ര​സാ​ദ് തെ​രു​വ​ത്ത്, ഫാ. ​നെ​ൽ​സ​ൺ ജോ​ബ്‌, ഫാ.​ ബാ​ബു​പോ​ൾ, ഫാ.​ സി​ബി ജോ​ൺ ച​ന്ദ്രോ​ത്ത് എ​ന്നി​വ​ർ സ​ഹ​കാ​ർ​മി​ക​രാ​യി.

1936ൽ ​ഇ​വി​ടെ പ്ര​തി​ഷ്ഠി​ച്ച ക​ർ​ത്താ​വി​ന്‍റെ അ​ദ്ഭു​ത പീ​ഢാ​നു​ഭ​വ തി​രു​സ്വ​രൂ​പം ദ​ർ​ശി​ച്ച് നേ​ർ​ച്ച​കാ​ഴ്ച​ക​ൾ അ​ർ​പ്പി​ക്കു​ന്ന​തി​നാ​ണ് വി​ശ്വാ​സി​ക​ൾ ഇ​വി​ടെ എ​ത്തു​ന്ന​ത്. ഈ ​ദി​വ​സ​ങ്ങ​ളി​ൽ തി​രു​സ്വ​രൂ​പം ഗ്ലാ​സ് പേ​ട​ക​ത്തി​ൽ ദ​ർ​ശി​ച്ച് പ്രാ​ർ​ഥി​ക്കു​ന്ന​തി​നു​ള്ള ക്ര​മീ​ക​ര​ണ​ങ്ങ​ൾ ചെ​യ്തി​ട്ടു​ണ്ട്.
പ്ര​ധാ​ന നേ​ർ​ച്ച​യാ​യ പി​ടി​യ​രി സ​മ​ർ​പ്പ​ണം, മ​ല​ർ സ​മ​ർ​പ്പ​ണം എ​ന്നി​വ​യ്ക്ക് വ​ൻ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. നേ​ർ​ച്ച​ക്ക​ഞ്ഞി ത​യാ​റാ​ക്കു​ന്ന​തി​നാ​യി 150 ക്വിന്‍റ​ൽ അ​രി എ​ത്തി​ച്ചി​ട്ടു​ണ്ട്. വി​വി​ധ ക​മ്മി​റ്റി​ക​ളി​ലാ​യി ര​ണ്ടാ​യി​ര​ത്തി​ല​ധി​കം വോ​ള​ന്‍റി​യേ​ഴ്സ് പ്ര​വ​ർ​ത്ത​നം ന​ട​ത്തി വ​രു​ന്നു.

ചേർത്തല ത​ഹ​സി​ൽ​ദാ​ർ കെ.​എം. നാ​സ​റി​ന്‍റെ നേ​തൃ​ത്വ​ത്തി​ൽ ക്ര​മീ​ക​ര​ണ​ങ്ങ​ൾ നി​രീ​ക്ഷി​ക്കു​ന്നു. അ​ന്യ​സം​സ്ഥാ​ന​ങ്ങ​ളി​ൽ നി​ന്നെ​ത്തു​ന്ന വി​ശ്വാ​സി​ക​ൾ​ക്ക് വേ​ണ്ടി പ്ര​ത്യേ​ക സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തി​യി​ട്ടു​ണ്ട്. താ​ത്്കാ​ലി​ക പ്ര​ഥ​മ ശു​ശ്രൂ​ഷ കേ​ന്ദ്ര​വും പ്ര​വ​ർ​ത്ത​ന​മാ​രം​ഭി​ച്ചി​ച്ചി​ട്ടു​ണ്ട്. ഇ​ന്നും നാ​ളെ​യും വൈ​കു​ന്നേ​രം ആ​റു​മു​ത​ൽ ഒ​മ്പ​തു​വ​രെ മി​ഷ​ൻ​ധ്യാ​നം ന​ട​ക്കും.

Copyright @ 2022 , Rashtra Deepika Ltd.