കു​ടി​വെ​ള്ള​ത്തി​നാ​യി പരക്കംപാച്ചിൽ
Sunday, March 24, 2024 2:20 AM IST
കറ്റാ​നം: കൊ​ടും വേ​ന​ലി​ൽ കു​ടി​വെ​ള്ളം കി​ട്ടാ​ക്ക​നി​യാ​യി​ട്ടും നാ​ടി​ന്‍റെ പ്ര​തീ​ക്ഷ​യാ​യി​രു​ന്ന കു​റ​ത്തി​കാ​ട് കു​ടി​വെ​ള്ള പ​ദ്ധ​തി​ക്കാ​യി നാ​ട്ടു​കാ​രു​ടെ കാ​ത്തി​രി​പ്പ് നീ​ളു​ന്നു. മൂ​ന്നു​പ​തി​റ്റാ​ണ്ടാ​യി കാ​ത്തി​രി​ക്കു​ന്ന ഈ ​പ​ദ്ധ​തി വേ​ന​ൽ​ക്കാ​ല​ത്തി​നു​ മു​മ്പ് യാ​ഥാ​ർ​ഥ്യ​മാ​കു​മെ​ന്നാ​യി​രു​ന്നു നാ​ട്ടു​കാ​രു​ടെ പ്ര​തീ​ക്ഷ.​ഭ​ര​ണി​ക്കാ​വ്, തെ​ക്കേ​ക്ക​ര, വ​ള്ളി​കു​ന്നം, കൃ​ഷ്ണ​പു​രം പ​ഞ്ചാ​യ​ത്തു​ക​ളി​ലേ​ക്ക് കു​ടി​വെ​ള്ള​മെ​ത്തി​ക്കു​ന്ന​തി​നു​ള്ള കു​റ​ത്തി​കാ​ട് കു​ടി​വെ​ള്ള പ​ദ്ധ​തി ജ​ൽ​ജീ​വ​ൻ​മി​ഷ​ൻ വ​ഴി 46 കോ​ടി രൂ​പ ചെ​ല​വ​ഴി​ച്ചാ​ണ് ന​ട​പ്പാ​ക്കു​ന്ന​ത്.

തെ​ക്കേ​ക്ക​ര പ​ഞ്ചാ​യ​ത്തി​ലെ കു​റ​ത്തി​കാ​ടും വ​ള്ളി​കു​ന്നം പ​ഞ്ചാ​യ​ത്തി​ലെ പ​ട​യ​ണി​വ​ട്ട​ത്തും ഭ​ര​ണി​ക്കാ​വ്, കൃ​ഷ്ണ​പു​രം പ​ഞ്ചാ​യ​ത്തു​ക​ൾ​ക്കാ​യി കു​ന്നി​ൽ​മു​ക്കി​ലും സ്ഥാ​പി​ച്ചി​രി​ക്കു​ന്ന ജ​ല​സം​ഭ​ര​ണി​ക​ളി​ലേ​ക്ക് റെ​യി​ൽ​വേട്രാ​ക്ക് ക​ട​ന്ന് പൈ​പ്പി​ട്ടാ​ണ് വെ​ള്ള​മെ​ത്തി​ക്കേ​ണ്ട​ത്. ഇ​തി​നാ​യി റെ​യി​ൽ​വേലൈ​നി​നു കു​റു​കെ 30 മീ​റ്റ​ർ നീ​ള​ത്തി​ൽ സ്റ്റീ​ൽ മേ​ൽ​പ്പാ​ലം നി​ർ​മി​ക്കു​ന്ന​തി​ന് റെ​യി​ൽ​വേ​യു​ടെ അ​നു​മ​തി ല​ഭി​ച്ചി​രു​ന്നു.​

റെ​യി​ൽ​വേ​ലൈ​നി​ൽ​നി​ന്ന് എ​ട്ടു​മീ​റ്റ​ർ ഉ​യ​ര​ത്തി​ൽ സ്റ്റീ​ൽ മേ​ൽ​പ്പാ​ലം സ്ഥാ​പി​ക്കു​ന്ന​ത​ര​ത്തി​ലു​ള്ള രൂ​പ​രേ​ഖ​യ്ക്കാ​ണ് അ​നു​മ​തി ല​ഭി​ച്ച​ത്.​ പ​ത്തു​മീ​റ്റ​ർ വീ​തം നീ​ള​മു​ള്ള മൂ​ന്നു​ ഭാ​ഗ​ങ്ങ​ൾ ത​യാ​റാ​ക്കി​ക്കൊ​ണ്ടു​വ​ന്ന് ക്രെ​യി​നി​ന്‍റെ സ​ഹാ​യ​ത്തോ​ടെ കൂ​ട്ടി​യോ​ജി​പ്പി​ക്കു​ക​യാ​ണു ല​ക്ഷ്യം. സ്റ്റീ​ൽ മേ​ൽ പാ​ല​ത്തി​ന്‍റെ നി​ർ​മാ​ണ​ജോ​ലി​ക​ൾ സ്വ​കാ​ര്യ​ക​മ്പ​നി​യു​ടെ എ​റ​ണാ​കു​ള​ത്തെ പ്ലാ​ന്‍റിൽ പൂ​ർ​ത്തീ​ക​രി​ച്ച് മാ​വേ​ലി​ക്ക​ര​യി​ലെ​ത്തി​ച്ചി​ട്ട് ഒ​ൻ​പ​തു​മാ​സ​മാ​യി.​എ​ന്നാ​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ തു​ട​ങ്ങാ​ൻ ക​ഴി​ഞ്ഞി​ല്ല.

റെ​യി​ൽ​വേലൈ​നി​നു കു​റു​കെ സ്റ്റീ​ൽ പൈ​പ്പ് ഘ​ടി​പ്പി​ക്കു​ന്ന​തി​നും അ​ടി​ത്ത​റ നി​ർ​മാ​ണ​ത്തി​നു​മാ​യി ട്രാ​ക്കി​നു സ​മീ​പ​ത്തു​കൂ​ടി​യു​ള്ള വൈ​ദ്യു​തി​ബ​ന്ധം വി​ച്ഛേ​ദി​ക്കു​ക​യും നി​ശ്ചി​ത​സ​മ​യം ഇ​തു​വ​ഴി​യു​ള്ള ട്രെ​യി​ൻ ഗ​താ​ഗ​തം നി​റു​ത്തി​വയ്​ക്കു​ക​യും ചെ​യ്യേ​ണ്ടി​വ​രും. ഇ​തി​നു​ള്ള അ​ന്തി​മാനു​മ​തി വൈ​കു​ന്ന​താ​ണ് കു​ടി​വെ​ള്ള​പ​ദ്ധ​തി​യു​ടെ പൂ​ർ​ത്തീ​ക​ര​ണ​ത്തി​നു ത​ട​സ​മാ​കു​ന്ന​ത്.

മേ​ൽ​പാ​ല​ത്തി​ന്‍റെ നി​ർ​മാ​ണ​ത്തി​നും റെ​യി​ൽ​വേ​യ്ക്ക്‌ അ​ട​ക്കേ​ണ്ട തു​ക​യും​ ചേ​ർ​ത്ത് ഒ​രു​കോ​ടി രൂ​പ​യാ​ണ് പ​ദ്ധ​തി​യു​ടെ ചെ​ല​വു പ്ര​തീ​ക്ഷി​ക്കു​ന്ന​ത്. റെ​യി​ൽ​വേ ലൈ​നി​ന് ഇ​ രു​വ​ശ​വും ഇ​തി​ന​കം തൂ​ണു​ക​ൾ സ്ഥാ​പി​ച്ചി​ട്ടു​ണ്ട്.​മേ​ൽപാ​ല നി​ർ​മാ​ണം 43.79 ല​ക്ഷം രൂ​പ​യ്ക്കാ​ണ് ജ​ല ​അ​ഥോറി​റ്റി ടെ​ൻ​ഡ​ർ​ചെ​യ്ത​ത്. അ​നു​മ​തി ല​ഭി​ച്ച​ശേ​ഷം 2022 ൽ ​ജ​ല അ​ഥോ​റി​റ്റി അ​ധി​കൃ​ത​ർ റെ​യി​ൽ​വേ ഡി​വി​ഷ​ണ​ൽ എ​ൻ​ജി​നി​യ​റു​ടെ ഓ​ഫീ​സി​ൽ 25.38 ല​ക്ഷം രൂ​പ അ​ട​ച്ചി​രു​ന്നു.

മേ​ൽ​പാ​ലം നി​ർ​മി​ക്കു​ന്ന​തി​നാ​യി നാ​ലു​മ​ണി​ക്കൂ​ർ സ​മ​യം ട്രാ​ക്കി​ലെ വൈ​ദ്യു​തി​ബ​ന്ധം വി​ച്ഛേ​ദി​ക്കു​ക​യും ട്രെ​യി​ൻ ഗ​താ​ഗ​തം​നി​ർ​ത്തി​വയ്ക്കു​ക​യും ചെ​യ്യ​ണം. ഇ​തി​ന് റെ​യി​ൽ​വേ​യു​ടെ അ​നു​മ​തി ല​ഭി​ക്കു​ന്ന​തി​നാ​യി ജ​ല​ അ​ഥോറി​റ്റി അ​ധി​കൃ​ത​ർ ദ​ക്ഷി​ണ​ റെ​യി​ൽ​വേ​യ്ക്ക്‌ ഇ​തി​ന​കം നി​ര​വ​ധിത്ത​വ​ണ ക​ത്തു​ന​ൽ​കി. അ​നു​മ​തി ല​ഭി​ച്ചു​ക​ഴി​ഞ്ഞാ​ൽ റെ​യി​ൽ​വേ​യ്ക്കു​ള്ള ന​ഷ്ട​പ​രി​ഹാ​ര​ത്തു​ക​യ​ട​ക്ക​ണം. ഇ​തോ​ടെ സ്റ്റീ​ൽ മേ​ൽ​പ്പാ​ലം നി​ർ​മാ​ണ​ത്തി​നു​ള്ള ത​ട​സം പൂ​ർ​ണ​മാ​യി മാ​റും.

പ​ദ്ധ​തി പൂ​ർ​ത്തി​യാ​കു​ന്ന​തോ​ടെ തെ​ക്കേ​ക്ക​ര പ​ഞ്ചാ​യ​ത്തി​ൽ 7500 ക​ണ​ക്‌​ഷ​നു​ക​ൾ കൂ​ടി ന​ൽ​കാ​നാ​കു​മെ​ന്നാ​ണ് പ്ര​തീ​ക്ഷ. മ​റ്റ് പ​ഞ്ചാ​യ​ത്തു​ക​ളി​ലും ഗാ​ർ​ഹി​ക ക​ണ​ക്‌​ഷ​നു​ക​ളു​ടെ എ​ണ്ണം കൂ​ട്ടാ​ൻ ക​ഴി​യും.

കു​ടി​ക്കാ​ൻ തു​ള്ളി വെ​ള്ള​മി​ല്ല; കളയാനുണ്ട്

അ​മ്പ​ല​പ്പു​ഴ: ക​ടു​ത്ത വേ​ന​ൽ കു​ടി​ക്കാ​ൻ തു​ള്ളി വെ​ള്ള​മി​ല്ല.​എ​ന്നാ​ൽ പാ​ഴാ​ക്കി ക​ള​യാ​ൻ വെ​ള്ള​മു​ണ്ട്. ദേ​ശീ​യ പാ​ത​യ്ക്ക​രി​കി​ൽ അ​മ്പ​ല​പ്പു​ഴ ജം​ഗ്ഷ​ന് തെ​ക്കുഭാ​ഗത്ത് പൈ​പ്പുലൈ​ൻ​ പൊ​ട്ടി കു​ടി​വെ​ള്ളം ആ​കാ​ശംമു​ട്ടെ ഉ​യ​ർ​ന്ന​ത് ക​ടു​ത്ത വേ​ന​ലി​ൽ അ​പൂ​ർ​വ കാ​ഴ്ച​യാ​യി.

ദേ​ശീ​യപാ​ത വി​ക​സ​ന​ത്തി​ന്‍റെ ഭാ​ഗ​മാ​യി ക​ഴി​ഞ്ഞദി​വ​സം ഇ​വി​ടെ ജെ​സി​ബി ഉ​പ​യോ​ഗി​ച്ച് നി​ർ​മാ​ണ പ്ര​വ​ർ​ത്ത​നം ന​ട​ന്നി​രു​ന്നു. ശ​നി​യാ​ഴ്ച ഉ​ച്ച​യ്ക്ക് 12 ഓ​ടെ പൈ​പ്പുലൈ​ൻ​ പൊ​ട്ടി കു​ടി​വെ​ള്ളം ഫൗ​ണ്ട​ന് സ​മാ​ന​മാ​യ രീ​തി​യി​ൽ ആ​കാ​ശ​ത്തേ​ക്ക് ഉ​യ​രു​ക​യാ​യി​രു​ന്നു. പ്ര​ദേ​ശ​മാ​കെ പ്ര​ള​യ സ​മാ​ന​മാ​യി മാ​റി. 15 മി​നി​റ്റോ​ളം ഈ ​രീ​തി​യി​ൽ വെ​ള്ളം പാ​ഴാ​യി. പി​ന്നീ​ട് പ​മ്പിം​ഗ് നി​ർ​ത്തി​വ​ച്ച​തോ​ടെ​യാ​ണ് ചോ​ർ​ച്ച നി​ന്ന​ത്. ക​ടു​ത്ത വേ​ന​ലി​ൽ കു​ടി​വെ​ള​ളം ജ​നം പ​ണം കൊ​ടു​ത്ത് വാ​ങ്ങു​മ്പോ​ഴും പ​ല​യി​ട​ങ്ങ​ളി​ലും ഇ​തേ രീ​തി​യി​ൽ വ​ൻ​തോ​തി​ൽ കു​ടി​വെ​ള്ളം പാ​ഴാ​കു​ന്നു.

Copyright @ 2022 , Rashtra Deepika Ltd.