മാരാമൺ സെന്‍റ് ജോസഫ്
പള്ളിയിൽ
മാരാമണ്‍: സെന്‍റ് ജോസഫ് റോമന്‍ കത്തോലിക്ക ഇടവകയിലെ വിശുദ്ധവാര തിരുക്കർമങ്ങള്‍ ആരംഭിച്ചു. ഇന്നു വിമലഗിരി കത്തീഡ്രലില്‍ വിശുദ്ധ തൈല പരികര്‍മപൂജയ്ക്ക് ബിഷപ് ഡോ. സെബാസ്റ്റ്യന്‍ തെക്കേതെച്ചേരില്‍ മുഖ്യകാര്‍മികത്വം വഹിക്കും. 28ന് പെസഹവ്യാഴാഴ്ച വൈകുന്നേരം ആറിന് തിരുവത്താഴ പൂജ, പാദക്ഷാള കർമം, ദിവ്യകാരുണ്യ പ്രദക്ഷിണം.
29ന് ദുഖവെള്ളിയാഴ്ച രാവിലെ എട്ടിന് കുരിശിന്‍റെ വഴി, ഒന്നിന് നേര്‍ച്ചക്കഞ്ഞി, മൂന്നിന് ദുഃഖവെള്ളിയാഴ്ചയിലെ പ്രധാന തിരുക്കർമങ്ങള്‍. നഗരികാണിക്കല്‍. 30 ന് വലിയശനി രാവിലെ 7.30ന് പ്രഭാത പ്രാർഥന. രാത്രി 11ന് പുത്തന്‍തീ, തിരി, ജലം ആശീർവാദം, ദൈവവചന പ്രഘോഷണം, ജ്ഞാനസ്നാന വ്രതനവീകരണം, സ്‌തോത്രയാക കർമം എന്നിവ നടക്കും.
ആറന്മുള സെന്‍റ് സെബാസ്റ്റ്യൻസ് പള്ളിയിൽ
ആറന്മുള: സെന്‍റ് സെബാസ്റ്റ്യൻസ് ദേവാലയത്തിലെ വിശുദ്ധവാര തിരുക്കര്‍മങ്ങള്‍ ആരംഭിച്ചു. നാളെ വൈകുന്നേരം അഞ്ചു മുതല്‍ ദിവ്യബലി, ആരാധന, കുമ്പസാരം. പെസഹവ്യാഴം വൈകുന്നേരം അഞ്ചിന് തിരുവത്താഴപൂജ, പാദക്ഷാളന കര്‍മം, ദിവ്യകാരുണ്യ പ്രദക്ഷിണം, ദിവ്യ കാരുണ്യ ആരാധന.
29ന് ദുഃഖവെള്ളിയാഴ്ച രാവിലെ എട്ടിന് കുരിശിന്‍റെ വഴി തെക്കേമല-കോഴഞ്ചേരിവഴി ദേവാലയത്തില്‍ സമാപിക്കും. മൂന്നിന് പീഡാസഹനാനുസ്മരണം, ദൈവവചന പ്രഘോഷണ കർമ, കുരിശാരാധന, ദിവ്യകാരുണ്യ സ്വീകരണം, നഗരികാണിക്കല്‍, മുള്‍മുടി നേര്‍ച്ച.
30ന് രാത്രി 11ന് പെസഹാജാഗരം, ദീപാര്‍ച്ചന, പെസഹപ്രഘോഷണം, ദൈവവചന പ്രഘോഷണം, ജ്ഞാനസ്നാന ജലാശീര്‍വാദം, ജ്ഞാനസ്നാന വ്രത നവീകരണം, ഉയര്‍പ്പ് ദിവ്യബലി. 31 ന് രാവിലെ എട്ടിന് ദിവ്യബലി.
ചുങ്കപ്പാറ പള്ളിയിൽ
ചുങ്കപ്പാറ: സെന്‍റ് ജോർജ് മലങ്കര കത്തോലിക്കാ ദേവാലയത്തിൽ വിശുദ്ധവാരത്തോടനുബന്ധിച്ച് പെസഹാ വ്യാഴം തിരുക്കർമങ്ങൾ വൈകുന്നേരം അഞ്ചിന് ആരംഭിക്കും.ദുഃഖവെള്ളി ശുശ്രൂഷകൾ രാവിലെ 9.30ന് ആരംഭിച്ച് സ്ലീവാപാതയും നേർച്ചക്കഞ്ഞിയോടുംകൂടെ സമാപിക്കും. ദുഃഖശനി രാവിലെ 6.45ന് തിരുക്കർമങ്ങൾക്കു തുടക്കമാകും. രാത്രി 8.30ന് ഈസ്റ്റർ തിരുക്കർമങ്ങൾക്കു തുടക്കമാകും. വികാരി ഫാ. തോമസ് പയ്യംപള്ളി കാർമികനാകും.
നിർമലപുരം പള്ളിയിൽ
നിർമലപുരം: സെന്‍റ് തോമസ് കുരിശുമല തീർഥാടനം നാളെ രാവിലെ മുതൽ ഉണ്ടാകും.
സെന്‍റ് മേരീസ് ദേവാലയത്തിൽ പെസഹ വ്യാഴം തിരുക്കർമങ്ങൾ വൈകുന്നേരം 4.30ന് ആരംഭിക്കും.
ദുഃഖവെള്ളി ശുശ്രൂഷകൾ ഉച്ചകഴിഞ്ഞ് 2.30 ന് ആരംഭിച്ച് സ്ലീവാപാതയോടെ സമാപിക്കും. ഈസ്റ്റർ ശുശ്രൂഷകൾ പുലർച്ചെ 2.45ന് ആരംഭിക്കും. വികാരി ഫാ. ജോസഫ് മാമ്മൂട്ടിൽ കാർമികത്വം വഹിക്കും.
വെട്ടിക്കൽപുരയിടം
പള്ളിയിൽ
മല്ലപ്പള്ളി: വായ്പൂര് വെട്ടിക്കൽപ്പുരയിടം കത്തോലിക്കാ പള്ളിയിലെ വിശുദ്ധവാരത്തിന് തുടക്കമായി. പെസഹാ വ്യാഴാഴ്ച കാൽകഴുകൽ ശുശ്രൂഷ, ദുഃഖ വെള്ളിയാഴ്ച പീഡാനുഭവ കർമങ്ങൾ, കുരിശിന്‍റെ വഴി എന്നിവയ്ക്ക് ഇടവക വികാരി ഫാ. ജോൺസൺ ചാലയ്ക്കൽ നേതൃത്വം നൽകും.