വോ​ട്ടിം​ഗ് യ​ന്ത്ര​ങ്ങ​ൾ ച​തി​ച്ചു, പോ​ളിം​ഗ് മ​ന്ദ​ഗ​തി​യി​ലാ​യി; 40 യ​ന്ത്ര​ങ്ങ​ൾ മാ​റ്റിസ്ഥാ​പി​ച്ചു
Saturday, April 27, 2024 3:21 AM IST
പ​ത്ത​നം​തി​ട്ട: ലോ​ക്‌​സ​ഭാ തെ​ര​ഞ്ഞെ​ടു​പ്പി​ന്‍റെ വോ​ട്ടെ​ടു​പ്പ് തു​ട​ങ്ങി​യ​പ്പോ​ൾത്ത​ന്നെ പ​ല​യി​ട​ത്തും വോ​ട്ടിം​ഗ് യ​ന്ത്ര​ങ്ങ​ൾ പ​ണി​മു​ട​ക്കി. ചി​ല ബൂ​ത്തു​ക​ളി​ൽ യ​ന്ത്രം മെ​ല്ല​പ്പോ​ക്കി​ലാ​യ​തും വോ​ട്ട​ർ​മാ​രെ വ​ല​ച്ചു. ആ​ദ്യ മ​ണി​ക്കൂ​റി​ൽ വോ​ട്ട് ചെ​യ്യാ​നെ​ത്തി​യ​വ​ർ പ​ല​രും ഏ​റെ നേ​രം കാ​ത്തു​നി​ൽ​ക്കേ​ണ്ടി​വ​ന്നു.

യ​ന്ത്ര​ത്ത​ക​രാ​റു ശ്ര​ദ്ധ​യി​ൽ​പ്പെ​ട്ട സ്ഥ​ല​ങ്ങ​ളി​ൽ സാ​ങ്കേ​തി​ക വി​ദ​ഗ്ധ​ർ പ​രി​ഹാ​രം ക​ണ്ടു​വെ​ങ്കി​ലും ചി​ല​യി​ട​ങ്ങ​ളി​ൽ വി​ഷ​യം വീ​ണ്ടും ആ​വ​ർ​ത്തി​ക്കു​ക​യും ചെ​യ്തു. ഇ​ത്ത​രം സ്ഥ​ല​ങ്ങ​ളി​ൽ യ​ന്ത്രം മാ​റ്റി​വ​യ്ക്കേ​ണ്ടി​യും വ​ന്നു.

ജി​ല്ല​യി​ലെ അ​ഞ്ചു മ​ണ്ഡ​ല​ങ്ങ​ളി​ലാ​യി ന​ട​ന്നു വ​രു​ന്ന വോ​ട്ടെ​ടു​പ്പി​ൽ അ​ഞ്ചു​വ​രെ 40 വോ​ട്ടിം​ഗ് യ​ന്ത്ര​ങ്ങ​ൾ മാ​റ്റി സ്ഥാ​പി​ച്ചു. 20 വി​വി പാ​റ്റു​ക​ളും 10 വീ​തം ക​ൺ​ട്രോ​ൾ യൂ​ണി​റ്റു​ക​ളും ബാ​ല​റ്റ് യൂ​ണി​റ്റു​ക​ളു​മാ​ണ് മാ​റ്റി സ്ഥാ​പി​ച്ച​ത്.

തി​രു​വ​ല്ല​യി​ൽ ഏ​ഴ് വി​വി പാ​റ്റു​ക​ളും മൂ​ന്നു​വീ​തം ബാ​ല​റ്റ് യൂ​ണി​റ്റു​ക​ളും ക​ൺ​ട്രോ​ൾ യൂ​ണി​റ്റു​ക​ളും ആ​റ​ന്മു​ള​യി​ൽ നാ​ല് വി​വി പാ​റ്റു​ക​ളും മൂ​ന്നു​വീ​തം ബാ​ല​റ്റ് യൂ​ണി​റ്റും ക​ൺ​ട്രോ​ൾ യൂ​ണി​റ്റും കോ​ന്നി​യി​ൽ അ​ഞ്ചു വി​വി​പാ​റ്റു​ക​ളും മൂ​ന്നു​വീ​തം ബാ​ല​റ്റ് യൂ​ണി​റ്റു​ക​ളും ക​ൺ​ട്രോ​ൾ യൂ​ണി​റ്റു​ക​ളും റാ​ന്നി​യി​ൽ ര​ണ്ട് വി​വി​പാ​റ്റും ഒ​ന്നു​വീ​തം ക​ൺ​ട്രോ​ൾ യൂ​ണി​റ്റും ബാ​ല​റ്റ് യൂ​ണി​റ്റും അ​ടൂ​രി​ൽ ര​ണ്ട് വി​വി​പാ​റ്റു​ക​ളു​മാ​ണ് മാ​റ്റി സ്ഥാ​പി​ച്ച​ത്.

കോ​ന്നി എ​ച്ച്എ​സ്എ​സ് ബൂ​ത്തി​ൽ പോ​ളിം​ഗ് ആ​രം​ഭി​ക്കാ​ൻ വൈ​കി

കോ​ന്നി: മാ​തൃ​ക പി​ങ്ക് ബൂ​ത്താ​യി പ്ര​ഖ്യാ​പി​ച്ചി​രു​ന്ന കോ​ന്നി ഗ​വ​ൺ​മെ​ന്‍റ് എ​ച്ച്എ​സ്എ​സി​ലെ 71 ാം ന​ന്പ​ർ പോ​ളിം​ഗ് ബൂ​ത്തി​ൽ വോ​ട്ടെ​ടു​പ്പ് ആ​രം​ഭി​ച്ച​ത് ഒ​രു മ​ണി​ക്കൂ​ർ പ​ത്ത് മി​നി​റ്റ് വൈ​കി​. രാ​വി​ലെ ഏ​ഴി​ന് പോ​ളിം​ഗ് ആ​രം​ഭി​ച്ച​പ്പോ​ൾ​ത്ത​ന്നെ യ​ന്ത്ര​ത്ത​ക​രാ​റു​ണ്ടാ​യ​താ​ണ് കാ​ര​ണം.

വോ​ട്ടെ​ടു​പ്പി​നാ​യി ത​യാ​റാ​ക്കി​യ യ​ന്ത്ര​ത്തി​ൽ വി​വി​പാ​റ്റി​ലെ ത​ക​രാ​ർ പ്ര​ശ്ന​മാ​യ​പ്പോ​ൾ തു​ട​ർ​ന്നു​വ​ന്ന​തി​ലും സ​മാ​ന പ്ര​ശ്ന​ങ്ങ​ൾ നേ​രി​ട്ടു. മൂ​ന്നാ​മ​ത്തെ മെ​ഷീ​ൻ എ​ത്തി​ച്ചാ​ണ് വോ​ട്ടെ​ടു​പ്പ് തു​ട​ങ്ങി​യ​ത്.

സ്ത്രീ ​സൗ​ഹൃ​ദ ബൂ​ത്താ​യി പ്ര​ഖ്യാ​പി​ച്ച് അ​ല​ങ്കാ​ര​ങ്ങ​ൾ ചാ​ർ​ത്തി​യെ​ങ്കി​ലും സൗ​ക​ര്യ​ങ്ങ​ളു​ടെ പോ​രാ​യ്മ വോ​ട്ട​ർ​മാ​രെ വ​ല​ച്ചു. വോ​ട്ടെ​ടു​പ്പ് വൈ​കി​യ​തോ​ടെ മ​ണി​ക്കൂ​റു​ക​ളോ​ളം വോ​ട്ട​ർ​മാ​ർ ഇ​ടു​ങ്ങി​യ വ​രാ​ന്ത​യി​ൽ കാ​ത്തു​നി​ൽ​ക്കേ​ണ്ടി​വ​ന്നു. രാ​വി​ല​ത്തെ വോ​ട്ടെ​ടു​പ്പ് വൈ​കി​യ​ത് തു​ട​ർ​ന്നു​ള്ള മ​ണി​ക്കൂ​റു​ക​ളി​ലെ ന​ട​പ​ടി​ക​ളെ​യും ബാ​ധി​ച്ചു.

തി​രു​വ​ല്ല​യി​ലും കോ​ഴ​ഞ്ചേ​രി​യി​ലും മെഷീൻ ത​ക​രാ​ർ

തി​രു​വ​ല്ല: തി​രു​വ​ല്ല ദേ​വ​സ്വം ബോ​ര്‍​ഡ് സ്‌​കൂ​ളി​ല്‍ 122-ാം ന​മ്പ​ര്‍ ബൂ​ത്തി​ല്‍ രാ​വി​ലെ ഏ​ഴി​ന് വോ​ട്ടെ​ടു​പ്പ് ആ​രം​ഭി​ച്ച് ആ​റു​പേ​ര്‍ വോ​ട്ടു ചെ​യ്ത​തി​നു പി​ന്നാ​ലെ യ​ന്ത്രം ത​ക​രാ​റി​ലാ​യി. തു​ട​ര്‍​ന്ന് ഒ​രു മ​ണി​ക്കൂ​റോ​ളം വോ​ട്ടിം​ഗ് നി​ര്‍​ത്തി​വ​ച്ചു. സാ​ങ്കേ​തി​ക വി​ദ​ഗ്ധ​ര്‍ എ​ത്തി ത​ക​രാ​ര്‍ പ​രി​ഹ​രി​ച്ച​ശേ​ഷം വോ​ട്ടെ​ടു​പ്പ് പു​നഃ​രാ​രം​ഭി​ക്കു​ക​യാ​യി​രു​ന്നു. പ​ത്ത​നം​തി​ട്ട മ​ല​യാ​ല​പ്പു​ഴ​യി​ലെ ഒ​രു ബൂ​ത്തി​ലും യ​ന്ത്രം ത​ക​രാ​റി​ലാ​യി.

കോ​ഴ​ഞ്ചേ​രി: കോ​യി​പ്രം പ​ഞ്ചാ​യ​ത്തി​ലെ കു​മ്പ​നാ​ട് മേ​ഖ​ല​യി​ൽ 40,41 ബൂ​ത്തു​ക​ളി​ൽ യ​ന്ത്രം ത​ക​രാ​റി​ലാ​യ​തി​നാ​ൽ വോ​ട്ടെ​ടു​പ്പ് വൈ​കി. ക​ട​പ്ര പാ​റേ​പ​ള്ളി​ക്കൂ​ടം ബൂ​ത്തി​ൽ അ​ര മ​ണി​ക്കൂ​റും കൂ​ർ​ത്ത​മ​ല സ്കൂ​ളി​ൽ ഒ​ന്ന​ര മ​ണി​ക്കൂ​റു​മാ​ണ് വൈ​കി​യ​ത്. ക​ട​പ്ര​യി​ൽ വേ​റെ യ​ന്ത്രം എ​ത്തി​ച്ചു. കൂ​ർ​ത്ത​മ​ല​യി​ൽ യ​ന്ത്രം എ​ത്തി​ച്ചെ​ങ്കി​ലും അ​തും ത​ക​രാ​റി​ലാ​യി. ഒ​ടു​വി​ൽ സാ​ങ്കേ​തി​ക വി​ദ​ഗ്ധ​ർ എ​ത്തേ​ണ്ടി​വ​ന്നു. ഇ​തേ​ത്തു​ട​ർ​ന്ന് ചു​മ​ത​ല​ക്കാ​ര​നാ​യ ഉ​ദ്യോ​ഗ​സ്ഥ​നെ മാ​റ്റി. ഉ​ച്ച​ക​ഴി​ഞ്ഞ് മൂ​ന്നു​വ​രെ ബൂ​ത്തി​ൽ 35 ശ​ത​മാ​നം പോ​ളിം​ഗ് മാ​ത്ര​മേ ന​ട​ന്നു​ള്ളു.

കു​മ്പ​നാ​ട് ജി​എ​ല്‍​പി​എ​സി​ലെ 40 ാം ന​മ്പ​ര്‍ ബൂ​ത്തി​ല്‍ യ​ന്ത്ര​ത്ത​ക​രാ​റി​നേ​ത്തു​ട​ര്‍​ന്ന് വോ​ട്ടെ​ടു​പ്പ് വൈ​കി. കോ​യി​പ്രം ഗ​വ​ണ്‍​മെ​ന്‍റ് എ​ച്ച്എ​സ്എ​സി​ലെ 50 ാം ന​മ്പ​ര്‍ ബൂ​ത്തി​ലും മെ​ഷീ​ന്‍ ത​ക​രാ​റു കാ​ര​ണം വോ​ട്ടെ​ടു​പ്പ് ര​ണ്ട​ര​മ​ണി​ക്കൂ​റോ​ളം നി​ര്‍​ത്തി​വ​ച്ചു. മെ​ഷീ​ന്‍റെ ബാ​റ്റ​റി മാ​റ്റി​യാ​ണ് വോ​ട്ടെ​ടു​പ്പ് പു​ന​രാ​രം​ഭി​ച്ച​ത്. രാ​വി​ലെ വോ​ട്ടു ചെ​യ്യാ​നെ​ത്തി​യ​വ​രി​ല്‍ പ​ല​രും വോ​ട്ടെ​ടു​പ്പ് വൈ​കു​മെ​ന്ന​റി​ഞ്ഞ് മ​ട​ങ്ങി​പ്പോ​കു​ന്ന​തും കാ​ണാ​മാ​യി​രു​ന്നു.

കോ​ഴ​ഞ്ചേ​രി സെ​ന്‍റ് തോ​മ​സ് എ​ച്ച്എ​സ്എ​സി​ലെ 67 ാം ന​ന്പ​ർ ബൂ​ത്തി​ൽ രാ​വി​ലെ 8.30നാ​ണ് വോ​ട്ടെ​ടു​പ്പ് ആ​രം​ഭി​ച്ച​ത്. വോ​ട്ടിം​ഗ് യ​ന്ത്ര​ത്തി​ലെ ത​ക​രാ​റാ​ണ് കാ​ര​ണ​മാ​യ​ത്. കോ​ഴ​ഞ്ചേ​രി ഈ​സ്റ്റ് 69 ാം ന​ന്പ​ർ ബൂ​ത്തി​ലും തെ​ക്കേ​മ​ല പാ​റേ സ്കൂ​ളി​ലെ 79 ാം ന​ന്പ​ർ ബ​ഹൂ​ത്തി​ലും യ​ന്ത്ര​ത്ത​ക​രാ​റു കാ​ര​ണം വോ​ട്ടെ​ടു​പ്പ് തു​ട​ങ്ങാ​ൻ വൈ​കി.

Copyright @ 2022 , Rashtra Deepika Ltd.