പ​ത്ത​നം​തി​ട്ട: ലോ​ക്സ​ഭാ തെ​ര​ഞ്ഞെ​ടു​പ്പി​ന്‍റെ പ​ര​സ്യ പ്ര​ചാ​ര​ണ​ത്തി​നു കൊ​ട്ടി​ക്ക​ലാ​ശം.ര​ണ്ടു​മാ​സ​ത്തോ​ളം നീ​ണ്ട പ്ര​ചാ​ര​ണ പ്ര​വ​ർ​ത്ത​ന​ങ്ങ​ളാ​ണ് ഇ​ന്ന​ലെ വൈ​കു​ന്നേ​രം അ​വ​സാ​നി​ച്ച​ത്. യു​ഡി​എ​ഫ്, എ​ൽ​ഡി​എ​ഫ്, എ​ൻ​ഡി​എ പ്ര​വ​ർ​ത്ത​ക​ർ മ​ത്സ​രി​ച്ചു ത​ന്നെ എ​ല്ലാ​യി​ട​ത്തും ക​ലാ​ശ​ക്കൊ​ട്ട് കൊ​ഴു​പ്പി​ച്ചു.

കൊ​ട്ടും പാ​ട്ടും മു​ദ്രാ​വാ​ക്യം വി​ളി​ക​ളു​മാ​യി പ്ര​ചാ​ര​ണ സ​മാ​പ​നം പ​ര​മാ​വ​ധി കൊ​ഴു​പ്പി​ക്കാ​ൻ മൂ​ന്ന് മു​ന്ന​ണി​ക​ളും മ​ത്സ​രി​ച്ച​പ്പോ​ൾ കൊ​ട്ടി​ക്ക​ലാ​ശം ആ​വേ​ശ​ത്തി​ന്‍റെ കൊ​ടി​മു​ടി​യേ​റു​ന്ന കാ​ഴ്ച​യാ​ണ് ക​ണ്ട​ത്.

കാ​ത​ടി​പ്പി​ക്കു​ന്ന അ​നൗ​ൺ​സ്മെ​ന്‍റി​നൊ​പ്പം ചെ​ണ്ട​മേ​ള​വും നാ​സി​ക് ഡോ​ളും ബാ​ന്‍റ്സെ​റ്റു​മ​ട​ക്കം വാ​ദ്യ​മേ​ള​ങ്ങ​ളും, വാ​നി​ൽ പ​റ​ന്ന ചി​ഹ്നം പ​തി​ച്ച വ​ർ​ണ​ബ​ലൂ​ണു​ക​ളും പാ​ർ​ട്ടി പ​താ​ക​ക​ളു​മെ​ല്ലാം കൊ​ട്ടി​ക്ക​ലാ​ശം വ​ർ​ണ​പ്പൊ​ലി​മ​യി​ലേ​ക്ക് ഉ​യ​ർ​ത്തി. മു​ദ്രാ​വാ​ക്യം വി​ളി​ച്ച് നൃ​ത്ത​ച്ചു​വ​ടു​ക​ളു​മാ​യി പ്ര​വ​ർ​ത്ത​ക​ർ ആ​ടി​ത്തി​മ​ർ​ത്തു.

പ​ത്ത​നം​തി​ട്ട, അ​ടൂ​ർ, റാ​ന്നി, തി​രു​വ​ല്ല, കോ​ന്നി, മ​ല്ല​പ്പ​ള്ളി, പ​ന്ത​ളം, കോ​ഴ​ഞ്ചേ​രി തു​ട​ങ്ങി ജി​ല്ല​യി​ലെ പ്ര​ധാ​ന ടൗ​ണു​ക​ൾ കേ​ന്ദ്രീ​ക​രി​ച്ച് കൊ​ട്ടി​ക്ക​ലാ​ശ​ത്തോ​ട​നു​ബ​ന്ധി​ച്ച് പ്ര​വ​ർ​ത്ത​ക​ർ സം​ഗ​മി​ച്ചി​രു​ന്നു. വ​നി​ത​ക​ളും യു​വാ​ക്ക​ളും അ​ട​ക്ക​മു​ള്ള​വ​ർ ക​ലാ​ശ​ക്കൊ​ട്ടി​ന് എ​ത്തി​യി​രു​ന്നു. കാ​ഴ്ച​ക്കാ​രാ​യും നി​ര​വ​ധി​പേ​രെ​ത്തി.

തി​രു​വ​ല്ല​യി​ൽ

മൂ​ന്ന് മു​ന്ന​ണി​ക​ളു​ടെ​യും വാ​ശി​യേ​റി​യ പ്ര​ക​ട​ന​മാ​ണ് ക​ലാ​ശ​ക്കൊ​ട്ടി​നോ​ട​നു​ബ​ന്ധി​ച്ച് തി​രു​വ​ല്ല ന​ഗ​ര​ത്തി​ൽ ഇ​ന്ന​ലെ ന​ട​ന്ന​ത്. ന​ഗ​ര​ത്തി​ലെ വി​വി​ധ ജം​ഗ്ഷ​നു​ക​ളി​ൽ കേ​ന്ദ്രീ​ക​രി​ച്ച​തി​നു​ശേ​ഷ​മാ​ണ് പ്ര​വ​ർ​ത്ത​ക​ർ എ​ത്തി​യ​ത്.

മൂ​ന്ന് മു​ന്ന​ണി​ക​ൾ​ക്കും നേ​ര​ത്തേത​ന്നെ പോ​ലീ​സ് വ്യ​ത്യ​സ്ത ഇ​ട​ങ്ങ​ൾ അ​നു​വ​ദി​ച്ചു ന​ൽ​കി​യി​രു​ന്നു. ഈ ​സ്ഥ​ല​ങ്ങ​ളി​ൽ അ​തത് പ്ര​വ​ർ​ത്ത​ക​രെ ത​ട​ഞ്ഞു പോ​ലീ​സ് ക്ര​മ​സ​മാ​ധാ​നം ഉ​റ​പ്പി​ച്ചു. ഡി​വൈ​എ​സ്പി അ​ർ​ഷാ​ദി​ന്‍റെ നേ​തൃ​ത്വ​ത്തി​ലാ​യി​രു​ന്നു ക്ര​മ​സ​മാ​ധാ​ന പാ​ല​നം.

ചെ​ണ്ട​മേ​ള​വും അ​നൗ​ൺ​സ് മെ​ന്‍റു​ക​ളും മു​ദ്രാ​വാ​ക്യ​ങ്ങ​ളു​മാ​യി മ​ണി​ക്കൂ​റു​ക​ളോ​ളം അ​ന്ത​രീ​ക്ഷം ശ​ബ്ദ​മു​ഖ​രി​ത​മാ​യി.

അ​ടൂ​രി​ലും ക​ലാ​ശ​ക്കൊ​ട്ട് സ​മാ​ധാ​നപ​രം

അ​ടൂ​ർ: പ​ത്ത​നം​തി​ട്ട ലോ​ക്സ​ഭാ മ​ണ്ഡ​ലം തെ​രഞ്ഞെ​ടു​പ്പി​ന്‍റെ സ​മാ​പ​നം കു​റി​ച്ചു​ള​ള ക​ലാ​ശ​ക്കൊ​ട്ട് കെ​എ​സ്ആ​ർ​ടി​സി കോ​ർ​ണ​റി​ൽ ന​ട​ന്നു. മൂ​ന്ന് മു​ന്ന​ണി​ക​ൾ​ക്കും മു​ൻ​കൂ​ട്ടി പോ​ലീ​സ് നി​ശ്ച​യി​ച്ചു ന​ൽ​കി​യ പ്ര​കാ​ര​മു​ള്ള ഇ​ട​ങ്ങ​ൾ കേ​ന്ദ്രീ​ക​രി​ച്ചാ​യി​രു​ന്നു ക​ലാ​ശ​ക്കൊ​ട്ട്.

ശി​ങ്കാ​രി​മേ​ള​വും പ്ര​ച​ാര​ണ വാ​ഹ​ന​ത്തി​ന്‍റെ മു​ക​ളി​ൽ കൊ​ടി​ക​ളും ബോ​ർ​ഡു​ക​ളു​മാ​യി പ്ര​വ​ർ​ത്ത​ക​ർ ക​യ​റി​നി​ന്ന് പ​ര​സ്പ​രം വീ​ശി അ​ഭി​വാ​ദ്യം ചെ​യ്തു.