അ​ജി വ​ള്ളി​ക്കീ​ഴ്

കൊ​ല്ലം: ജില്ലയിൽ സിപിഐ​യി​ൽ വി​ഭാ​ഗീ​യ​ത​യെ തു​ട​ർ​ന്നു​ണ്ടാ​യ കൂ​ട്ട​രാ​ജി​ക​ൾ കൊ​ല്ല​ത്തെ എ​ൽ​ഡിഎ​ഫ് കോ​ട്ട​ക​ളി​ൽ വി​ള്ള​ൽ വീ​ഴ്ത്തും. സിപിഐ​യു​ടെ ജി​ല്ല​യി​ലെ ശ​ക്തി കേ​ന്ദ്ര​മാ​യ ക​ട​യ്ക്ക​ലി​ൽ നി​ന്ന് പാ​ർ​ട്ടി വി​ട്ട 80 പേ​ർ ഒ​ഴി​കെ 620 ഓ​ളം പേ​ർ കോ​ൺ​ഗ്ര​സി​ലേ​ക്ക് ചേ​ക്കേ​റു​മെ​ന്നാ​ണ് ഒ​ടു​വി​ലു​ള്ള വി​വ​രം. '

പാ​ർ​ട്ടി​യി​ൽ നി​ന്ന് പോ​കു​ന്ന സ​ഖാ​ക്ക​ളെ ക​ണ്ടി​ല്ലെ​ന്ന് ന​ടി​ക്കു​ന്ന​ത് ധി​ക്കാ​രം' ആ​ണെ​ന്നാ​ണ് കൊ​ല്ല​ത്തെ സി​പി​ഐ​യി​ലെ കൂ​ട്ട രാ​ജി​ക​ളെ തു​ട​ർ​ന്ന് മു​തി​ർ​ന്ന സിപിഐ ​നേ​താ​വ് കൊ​ല്ലം മ​ധു പ്ര​തി​ക​രി​ച്ച​ത്. നേ​തൃ​ത്വ​ത്തി​നെ​തി​രെ രം​ഗ​ത്ത് വ​ന്ന കൊ​ല്ലം മ​ധു ക​ട​യ്ക്ക​ൽ വി​ഷ​യം പ​രി​ഹ​രി​ക്കാ​ൻ ജി​ല്ലാ നേ​തൃ​ത്വം പ​രാ​ജ​യ​പ്പെട്ടെന്ന് പറഞ്ഞു. നി​ല​വി​ലു​ള്ള സാ​ഹ​ച​ര്യ​ത്തി​ൽ കൂ​ടു​ത​ൽ ബ്രാ​ഞ്ച് ക​മ്മി​റ്റി​ക​ളി​ൽ രാ​ജി ഉ​ണ്ടാ​കു​മെ​ന്ന സൂ​ച​ന​ക​ളാ​ണ് ജി​ല്ല​യി​ലെ ത​ന്നെ ചി​ല സിപിഐ ​നേ​താ​ക്ക​ൾ ന​ൽ​കു​ന്ന​ത്.

കു​ണ്ട​റ, ക​ടയ്ക്ക​ൽ, കു​ന്ന​ത്തൂ​ർ എ​ന്നി​വി​ട​ങ്ങ​ളി​ലാ​ണ് സിപിഐ ​പ്ര​വ​ർ​ത്ത​ക​ർ കൂ​ട്ട​ത്തോ​ടെ പാ​ർ​ട്ടി വി​ട്ടി​രി​ക്കു​ന്ന​ത്. ക​ട​യ്ക്ക​ൽ മ​ണ്ഡ​ല​ത്തി​ൽ 700ഓ​ളം പ്ര​വ​ർ​ത്ത​ക​രും കു​ണ്ട​റ​യി​ൽ 200 ഓ​ളം പ്ര​വ​ർ​ത്ത​ക​രും കു​ന്നി​ക്കോ​ട് 150 ലേ​റെ പ്ര​വ​ർ​ത്ത​ക​രു​മാ​ണ് ഇ​തി​ന​കം പാ​ർ​ട്ടി വി​ട്ട​ത്. പ്ര​വ​ർ​ത്ത​ക​ർ പാ​ർ​ട്ടി​വി​ട്ട​തി​ൽ ഏ​റ്റ​വും കൂ​ടു​ത​ൽ സി ​പി ഐ ​ക്ക് ക്ഷീ​ണം ഉ​ണ്ടാ​ക്കി​യി​രി​ക്കു​ന്ന​ത് മ​ന്ത്രി ചി​ഞ്ചു​റാ​ണി പ്ര​തി​നി​ധീ​ക​രി​ക്കു​ന്ന ച​ട​യ​മം​ഗ​ലം നി​യ​മ സ​ഭാ​മ​ണ്ഡ​ല​ത്തി​ലാ​ണ്.

പു​ന്ന​പ്ര വ​യ​ലാ​ർ സ​മ​രം ക​ഴി​ഞ്ഞാ​ൽ അ​ന്നും ഇ​ന്നും ക​മ്യു​ണി​സ്റ്റ് പാ​ർ​ട്ടി​ക​ൾ ഏ​റെ അ​ഭി​മാ​ന​ത്തോ​ടെ പ​റ​യു​ന്ന ക​ടയ്​ക്ക​ൽ വി​പ്ല​വ സ​മ​ര നാ​യ​ക​ന്മാ​രു​ടെ മ​ണ്ണി​ൽ സി ​പി ഐ​യു​ടെ കാ​ൽ​ക്കീ​ഴി​ൽ നി​ന്ന് ഒ​ഴു​കി പ്പോ​യി​രി​ക്കു​ന്ന​ത് നാ​ലോ​ളം സ​മ​ര​പ്പോ​രാ​ളി​ക​ളു​ടെ പി​ന്മു​റ​ക്കാ​രാ​യ സ​ഖാ​ക്ക​ൾ കൂ​ടി​യാ​ണ്.

മ​ണ്ഡ​ലം സെ​ക്ര​ട്ട​റി അ​നി​ലി​നെ മാ​റ്റി സാം ​കെ. ഡാ​നി​യേ​ലി​നെ കൊ​ണ്ടു​വ​രാ​നാ​യി ജി​ല്ലാ സി​പി ഐ ​നേ​തൃ​ത്വം കാ​ട്ടി​യ പി​ടി​വാ​ശി​യാ​ണ് പാ​ർ​ട്ടി​യെ ക​ട​യ്ക്ക​ലി​ൽ കൂ​പ്പു കു​ത്തി​ച്ചി​രി​ക്കു​ന്ന​ത്. സിപിഐ ​ദേ​ശീ​യ ക​മ്മി​റ്റി അം​ഗ​മാ​യ പ്ര​കാ​ശ് ബാ​ബു സം​സ്ഥാ​ന സെ​ക്ര​ട്ട​റി സ്ഥാ​ന​ത്തെ​ത്താ​തി​രി​ക്കാ​ൻ പാ​ലം വ​ലി​ച്ച​വ​ർ ത​ന്നെ​യാ​ണ് അ​ടു​ത്ത നി​യ​മ​സ​ഭ തെ​ര​ഞ്ഞെ​ടു​പ്പി​ൽ ച​ട​യ​മം​ഗ​ലം സ്ഥാ​നാ​ർ​ഥി​യാ​വാ​മെ​ന്നു പ്ര​തീ​ക്ഷ വെ​ച്ചി​രു​ന്ന മ​ണ്ഡ​ലം സെ​ക്ര​ട്ട​റി അ​നി​ലി​ന്‍റെ പേ​രെ​ഴു​തി​യ ചീ​ട്ടും കീ​റു​ന്ന​ത്.

സി​പി ഐ​യി​ൽ നി​ന്ന് കൊ​ല്ല​ത്ത് രാ​ജി വെ​ച്ച​വ​രും ഒ​തു​ക്ക​പ്പെ​ട്ട​വ​രും തൂ​ത്തെ​റി​യ​പ്പെ​ട്ട​വ​രു​മൊ​ക്കെ കാ​നം അ​നു​കൂ​ലി​ക​ളാ​ണെ​ന്ന​താ​ണ് എ​ടു​ത്ത് പ​റ​യേ​ണ്ട​ത്. ക​ടയ്​ക്ക​ലി​ലെ മു​തി​ർ​ന്ന നേ​താ​വ് ജെ.​സി. അ​നി​ൽ അ​ട​ക്കം രാ​ജി​വെ​ച്ച​രെ​ല്ലാം ത​ന്നെ മു​ൻ സം​സ്ഥാ​ന സെ​ക്ര​ട്ട​റി കാ​ന​ത്തോ​ടൊ​പ്പം നി​ല​കൊ​ണ്ട​വ​രാ​ണ്.​

ച​ട​യ​മം​ഗ​ലം നി​യോ​ജ​ക മ​ണ്ഡ​ല​ത്തി​ൽ ക​ട​യ്ക്ക​ൽ, ഇ​ട്ടി​വ, കു​മ്മി​ൾ, ചി​ത​റ പ​ഞ്ചാ​യ​ത്തു​ക​ളി​ലെ പാ​ർ​ട്ടി വി​ട്ട നൂ​റു​ക​ണ​ക്കി​ന് കു​ടും​ബാം​ഗ​ങ്ങ​ൾ പ​തി​റ്റാ​ണ്ടു​ക​ളാ​യി സി ​പി ഐ​യി​ൽ വി​ശ്വാ​സം അ​ർ​പ്പി​ച്ചു പ്ര​വ​ർ​ത്തി​ച്ചു വ​ന്നി​രു​ന്ന​വ​രാ​ണ്.

ച​ട​യ​മം​ഗ​ലം നി​യോ​ജ​ക മ​ണ്ഡ​ല​ത്തി​ലെ സീ​റ്റ് ല​ക്ഷ്യ​മി​ട്ട് ജി​ല്ല നേ​തൃ​ത്വ​ത്തി​ലെ സാം ​കെ. ഡാ​നി​യേ​ലി​നെ നേ​തൃ നി​ര​യി​ലേ​ക്ക് കൊ​ണ്ട് വ​രാ​നു​ള്ള പാ​ർ​ട്ടി ജി​ല്ലാ നേ​തൃ​ത്വ​ത്തി​ന്‍റെ ശ്ര​മ​മാ​ണ് ഇ​തോ​ടെ ആ​സ്ഥാ​ന​ത്താ​യ​ത്.

കു​ണ്ട​റ​യി​ലും കു​ന്നി​ക്കോ​ടും ജി​ല്ലാ നേ​തൃ​ത്വ​ത്തി​ലെ ചി​ല നേ​താ​ക്ക​ൾ ആ​ധി​പ​ത്യം ഉ​റ​പ്പി​ക്കാ​നും കാ​ന​ത്തോ​ടൊ​പ്പം നി​ന്ന​വ​രെ തൂ​ത്തെ​റി​യാ​നും ന​ട​ത്തി​യ ശ്ര​മ​ങ്ങ​ളാ​ണ് പാ​ർ​ട്ടി​യു​ടെ കോ​ട്ട കൊ​ത്ത​ള​ങ്ങ​ൾ ത​ക​രാ​ൻ ഇ​ട​യാ​ക്കി​യി​രി​ക്കു​ന്ന​ത്.

സം​സ്ഥാ​ന​ത്ത് സി​പി​ഐ​ക്ക് ഏ​റ്റ​വു​മ​ധി​കം വേ​രോ​ട്ട​മു​ള്ള കൊ​ല്ല​ത്ത് പാ​ർ​ട്ടി​ക്കു​ള്ളി​ലെ പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ ത​യാ​റാ​കാ​തെ ജി​ല്ലാ നേ​തൃ​ത്വം ഒ​ഴി​ഞ്ഞു മാ​റു​ന്നു എ​ന്നാ​ണ് പാ​ർ​ട്ടി​വി​ട്ട​വ​ർ ഒ​ന്ന​ട​ങ്കം ആ​രോ​പി​ക്കു​ന്ന​ത്.

നി​ല​വി​ലു​ള്ള പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണാ​ൻ സം​സ്ഥാ​ന നേ​തൃ​ത്വം ഇ​ട​പെ​ട്ട് ക​ഴി​ഞ്ഞ​ദി​വ​സം യോ​ഗം ചേ​ർ​ന്നെ​ങ്കി​ലും യോ​ഗ​ത്തി​ൽ നി​ന്ന് പോ​ലും ജി​ല്ലാ നേ​താ​ക്ക​ൾ വി​ട്ടു​നി​ൽ​ക്കു​ക​യാ​ണ് ഉ​ണ്ടാ​യ​ത്.

ത​ദ്ദേ​ശ - നി​യ​മസ​ഭാ തെ​ര​ഞ്ഞെ​ടു​പ്പു​ക​ൾ അ​ടു​ത്ത് വ​ര​വേ സി ​പി ഐ ​യി​ൽ ഉ​ണ്ടാ​യി​രി​ക്കു​ന്ന കൊ​ഴി​ഞ്ഞു പോ​ക്കി​ൽ ഏ​റ്റ​വും കൂ​ടു​ത​ൽ ആ​ശ​ങ്ക​യി​ലാ​യി​രി​ക്കു​ന്ന​ത് സി ​പി എ​മ്മാ​ണ്. ത​ദ്ദേ​ശ തെ​ര​ഞ്ഞെ​ടു​പ്പി​ൽ കു​ണ്ട​റ, ക​ട​യ്ക്ക​ൽ, നി​ല​മേ​ൽ, ച​ട​യ​മം​ഗ​ലം, കു​ന്നി​ക്കോ​ട് എ​ന്നി​വി​ട​ങ്ങ​ളി​ൽ ക​ന​ത്ത പ്ര​ഹ​ര​മു​ണ്ടാ​കു​മെ​ന്ന ഭ​യ​പ്പാ​ടി​ലാ​ണ് സിപിഎം.