കുളക്കട ഉപജില്ലാ കലോത്സവം : ഡിവിഎൻഎസ്എസ്എച്ച്എസ്എസ് ചാമ്പ്യന്മാർ

കൊട്ടാരക്കര: കുളക്കട ഉപജില്ലാ കലോത്സവത്തിൽ എൽപി വിഭാഗത്തിൽ ഗവ. എൽപിഎസ് മീനം, യുപി വിഭാഗത്തിൽ താഴത്തുകുളക്കട ഡിവി യുപിഎസ്, എച്ച്എസ് വിഭാഗത്തിൽ വെണ്ടാർ എസ് വി എംഎച്ച്എസ്, ഹയർ സെക്കന്‍ഡറി വിഭാഗത്തിൽ പൂവറ്റൂർ ഡിവിഎൻഎസ്എസ്എച്ച്എസ്എസ് എന്നിവർ ചാമ്പ്യൻമാരായി.

618 പോയിന്‍റോടെ മേളയിലെ ഓവറാൾ ചാമ്പ്യന്മാരായി പൂവറ്റൂർ ഡിവിഎൻഎസ്എസ്എച്ച്എസ്എസിനെ തെരഞ്ഞെടുത്തു. സമാപന സമ്മേളനം പഞ്ചായത്ത് പ്രസിഡന്‍റ് സജി കടൂക്കാല ഉദ്ഘാടനം ചെയ്തു. കുളക്കട പഞ്ചായത്ത് വൈസ് പ്രസിഡന്‍റ് പി.ബി ബീന അധ്യക്ഷയായി.

ഉപജില്ലാ വിദ്യാഭ്യാസ ഓഫീസർ ആർ. ഉണ്ണിക്കുട്ടൻ, ജനപ്രതിനിധികളായ എ. അജി, എൻ. മോഹനൻ, മഞ്ജു, അഖില, എം. രഘു, വിവിധ കമ്മിറ്റികളുടെ ചെയർമാന്മാരായ ബി. രാജേന്ദ്രൻ, ടി.എൻ. ഹേമന്ത്, എൻ. സന്തോഷ്‌, എൻ. രാമദാസ്, പി. വാസുദേവൻ നായർ, കുളക്കട വേണു, എൻ.ആർ. ജയശ്രീ, ജി. സുഭാഷ്,

സബ് ഇൻസ്‌പെക്ടർ ജി. ജയേഷ്, സ്കൂൾ പിടിഎ പ്രസിഡന്‍റ് ആർ. രാജേഷ്, ഹെഡ്മിസ്ട്രസ് ആർ.എസ്. ശ്രീരേഖ, ജനറൽ കൺവീനർ ടി. സോഹൻലാൽ റിസപ്‌ഷൻ കൺവീനർ സുജിത്ത് പ്രസാദ് എന്നിവർ പ്രസംഗിച്ചു.