വി​ഴി​ഞ്ഞം: ദീ​പാ​വ​ലി ആ​ഘോ​ഷ​ത്തി​നി​ടെ പൊ​ട്ടാ​തെ കി​ട​ന്ന പ​ട​ക്കം കൈ​യി​ലെടുത്തതിനെ തുടർന്നു പ​ട​ക്കം പൊ​ട്ടി​ത്തെ​റി​ച്ച് യു​വാ​വി​ന്‍റെ കൈ​പ്പ​ത്തി ന​ഷ്ട​മാ​യി.​ മു​ല്ലു​ർ ത​ല​യ്‌​ക്കോ​ട് സ്വ​ദേ​ശി ന​യ​ൻ പ്ര​ഭാ​തി​നാ​ണ് (20) ദാ​രു​ണ​മാ​യ അ​പ​ക​ടം സം​ഭ​വി​ച്ച​ത്.

കഴിഞ്ഞദിവസം രാ​ത്രി 10 മ​ണി​യോ​ടെയായിരുന്നു അ​പ​ക​ടം. വീ​ട്ടു​മു​റ്റ​ത്തു സു​ഹൃ​ത്തു​ക്ക​ളോ​ടൊ​പ്പം ദീ​പാ​വ​ലി ആ​ഘോ​ഷ​ത്തി​ന്‍റെ ഭാ​ഗ​മാ​യി പ​ട​ക്കം പൊ​ട്ടി​ക്കു​ക​യാ​യി​രു​ന്നു.​ ഇ​തി​ൽ വ​ലി​പ്പ​മു​ള്ള അ​മി​ട്ട് വി​ഭാ​ഗ​ത്തി​ലു​ള്ളവയിലൊന്ന് ക​ത്തി​ച്ചു റോ​ഡി​ലേ​ക്ക് എ​റി​ഞ്ഞു​വെ​ങ്കി​ലും പൊ​ട്ടി​യി​രു​ന്നി​ല്ല. റോ​ഡി​ലൂ​ടെ ലോ​റി ക​ട​ന്നു​വ​രു​ന്ന​ത് ക​ണ്ടു ക​ത്തി​ച്ചെ​റി​ഞ്ഞി​രു​ന്ന പ​ട​ക്കം ഓ​ടി​യെ​ത്തി എ​ടു​ത്തു​മാ​റ്റാ​ൻ ശ്ര​മി​ച്ച​പ്പോ​ൾ കൈ​യി​ലി​രു​ന്നു പൊ​ട്ടി​ത്തെ​റി​ക്കു​ക​യാ​യി​രു​ന്നു. അ​പ​ക​ട​ത്തി​ൽ വ​ല​തു​കൈ​യി​ലെ മാം​സ ഭാ​ഗ​ങ്ങ​ൾ ചി​ന്നി​ച്ചി​ത​റി.

തി​രു​വ​ന​ന്ത​പു​ര​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും തു​ന്നി​ച്ചേ​ർ​ക്കാ​ൻ ക​ഴി​യാ​ത്ത നി​ല​യി​ൽ മാം​സം ചി​ത​റി​യ​തി​നാ​ൽ കൈ​പ്പ​ത്തി മു​റി​ച്ചു​മാ​റ്റു​ക​യാ​യി​രു​ന്നു. ബ​ന്ധു​ക്ക​ൾ പ​റ​ഞ്ഞു. നയൻ പ്രഭാത് തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യിൽ തുടരുകയാണ്.