കരുനാഗപ്പള്ളി സബ്ജില്ലയ്ക്ക് ഓവറോള്‍ കിരീടം
1465389
Thursday, October 31, 2024 6:31 AM IST
രാജീവ് ഡി. പരിമണം
കൊല്ലം: ജില്ലാ ശാസ്ത്രോത്സവത്തില് ഓവറോള്‍ കിരീടം നേടി കരുനാഗപ്പള്ളി സബ്ജില്ല. 1,184 പോയിന്‍റിന്‍റെ വലിയ ലീഡുമായാണ് കരുനാഗപ്പള്ളി ഒന്നാമതെത്തിയത്. 1,056 പോയിന്‍റുമായി ചടയമംഗലം സബ്ജില്ല രണ്ടാമതെത്തിയപ്പോള്‍ 1,047 പോയിന്‍റുമായി പുനലൂര്‍ സബ്ജില്ല മൂന്നാമതായി.1,028 പോയിന്‍റ് നേടി ചാത്തന്നൂരാണ് നാലാമത്.
ആദ്യ ദിനം കുതിച്ച അഞ്ചല്‍ 1,027 പോയിന്‍റുമായി അഞ്ചാം സ്ഥാനത്താണ്. സ്‌കൂളുകളില്‍ ആദ്യ ദിനം തൊട്ട് മുന്നേറിയ സിപിഎച്ച്എസ്എസ് കുറ്റിക്കാട് 325 പോയിന്‍റുമായി ഓവറോള്‍ കിരീടം നേടി. ജിഎച്ച്എസ്എസ് അഞ്ചല്‍ വെസ്റ്റ് 272 പോയിന്‍റുമായി രണ്ടാമതും ഗവ. വിഎച്ച്എസ് ആന്‍ഡ് ബിഎച്ച്എസ് കൊട്ടാരക്കര 228 പോയിന്‍റുമായി മൂന്നാമതുമെത്തി.
സബ്ജില്ലാ പോയിന്‍റ് നില: കരുനാഗപ്പള്ളി 1,184, ചടയമംഗലം 1,056, പുനലൂര്‍ 1,047, ചാത്തന്നൂര്‍ 1,028, അഞ്ചല്‍ 1,027, കൊല്ലം 994, കൊട്ടാരക്കര 978, വെളിയം 938, കുളക്കട 921, ശാസ്താംകോട്ട 879, ചവറ 862, കുണ്ടറ 785.