കൃ​ഷി ഉ​പേ​ക്ഷി​ച്ച് ക​ർ​ഷ​ക​ർ: പൂ​വ​റ്റൂ​രിലും കു​ള​ക്ക​ട​യിലും കാ​ട്ടു​പ​ന്നി ശ​ല്യം
Saturday, October 12, 2024 5:50 AM IST
കൊ​ട്ടാ​ര​ക്ക​ര: കാ​ട്ടു​പ​ന്നി ശ​ല്യം രൂ​ക്ഷ​മാ​യ​തോ​ടെ കി​ഴ​ക്ക​ൻ മേ​ഖ​ല​യി​ലെ ക​ർ​ഷ​ക​ർ കൃ​ഷി ഉ​പേ​ക്ഷി​ക്കു​ന്നു. വ​രു​മാ​ന മാ​ർ​ഗം ഇ​ല്ലാ​താ​കു​ന്ന​തോ​ടെ എ​ങ്ങ​നെ മു​ന്നോ​ട്ടു പോ​കു​മെ​ന്ന ആ​ശ​ങ്ക​യി​ലാ​ണ് ക​ർ​ഷ​ക​ർ.

കാ​ട്ടു​പ​ന്നി​ക​ൾ എ​ല്ലാ കാ​ർ​ഷി​ക വി​ള​ക​ളും ന​ശി​പ്പി​ക്കു​ക​യാ​ണ്. ഏ​ലാ​ക​ളി​ലും ക​ര​ഭൂ​മി​ക​ളി​ലും കൃ​ഷി​യി​റ​ക്കി​യ ചേ​ന, ചേ​മ്പ്, മ​ര​ച്ചീ​നി, വാ​ഴ, കാ​ച്ചി​ൽ, വ​ഴു​ത​ന തു​ട​ങ്ങി​യ​വ​യെ​ല്ലാം രാ​ത്രി​യി​ലെ​ത്തി ന​ശി​പ്പി​ക്കു​ക​യാ​ണ്.

പ​ക​ൽ സ​മ​യ​ങ്ങ​ളി​ൽ റ​ബ​ർ തോ​ട്ട​ങ്ങ​ളി​ലും മ​റ്റും പ​തു​ങ്ങി​ക്ക​ഴി​യു​ക​യാ​ണ് ചെ​യ്യു​ന്ന​ത്. രാ​ത്രി​യി​ൽ കൂ​ട്ട​ത്തോ​ടെ പു​റ​ത്തി​റ​ങ്ങി വി​ള​ക​ൾ ന​ശി​പ്പി​ക്കു​ന്നു. നി​മി​ഷ​ങ്ങ​ൾ കൊ​ണ്ടാ​ണ് ഏ​ക്ക​ർ​ക​ണ​ക്കി​ന് സ്ഥ​ല​ത്തെ കൃ​ഷി ന​ശി​പ്പി​ക്കു​ന്ന​ത്.


ക​ർ​ഷ​ക​ർ ആ​ദ്യ​ഘ​ട്ട​ങ്ങ​ളി​ൽ രാ​ത്രി കാ​ല​ത്ത് വി​ള​ക​ൾ​ക്ക് കാ​വ​ൽ നി​ന്നു. എ​ന്നാ​ൽ പ്ര​യോ​ജ​ന​മി​ല്ലെ​ന്ന് ക​ണ്ട​തോ​ടെ നി​ർ​ത്തു​ക​യാ​യി​രു​ന്നു.

ക​ർ​ഷ​ക​രി​ൽ ഭൂ​രി​പ​ക്ഷ​വും വാ​യ്പ​യെ​ടു​ത്തും ക​ടം വാ​ങ്ങി​യു​മാ​ണ് കൃ​ഷി​യി​റ​ക്കു​ന്ന​ത്. വി​ള​വെ​ടു​പ്പു ക​ഴി​യു​മ്പോ​ഴാ​ണ് ക​ടം തീ​ർ​ക്കു​ക. ഇ​പ്പോ​ൾ ക​ടം തീ​ർ​ക്കാ​ൻ ക​ഴി​യാ​ത്ത സ്ഥി​തി​യാ​ണ് ക​ർ​ഷ​ക​ർ.

കൃ​ഷി നി​ർ​ത്തു​ക​യ​ല്ലാ​തെ ക​ർ​ഷ​ക​ർ​ക്കു മു​ന്നി​ൽ മ​റ്റു മാ​ർ​ഗ​ങ്ങ​ളി​ല്ല. ക​ർ​ഷ​ക​ർ ദു​രി​ത​ത്തി​ലാ​യി​ട്ടും പ​ഞ്ചാ​യ​ത്തു​ക​ൾ പ​ന്നി​ക​ളെ വെ​ടി​വ​ച്ചു കൊ​ല്ലാ​നോ പി​ടി​കൂ​ടി വ​ന​ത്തി​ൽ കൊ​ണ്ടു​വി​ടാ​നോ ത​യാ​റാ​കു​ന്നി​ല്ല.