കൊല്ലം: പ്ലസ് വണ് സീറ്റ് പ്രതിസന്ധിയില് പ്രതിഷേധിച്ച് കെഎസ് യു ജില്ലാ കമ്മിറ്റിയുടെ നേതൃത്വത്തില് കളക്ടറേറ്റിലേക്ക് നടത്തിയ മാര്ച്ചില് സംഘര്ഷം. പ്രവര്ത്തകും പോലിസും തമ്മില് ഏറ്റുമുട്ടി. ഏറനേരം ഉന്തും തള്ളുമുണ്ടായി. പോലിസ് സ്ഥാപിച്ച ബാരിക്കേഡുകള് തകര്ക്കാന് പ്രതിഷേധക്കാര് ശ്രമിച്ചു. പോലിസുകാര്ക്ക് നേരെയും പ്രതിഷേധക്കാര് തിരിഞ്ഞു. പോലിസുകാര്ക്ക് നേരെ കല്ലെറിയുകയും കൊടികെട്ടിയ പൈപ്പ് ഉപയോഗിച്ച് ആക്രമിക്കുകയും ചെയ്തു. ലാത്തി പിടിച്ചുവാങ്ങി പോലിസിന് നേരെ പ്രതിഷേധക്കാര് എറിഞ്ഞു. പിരിഞ്ഞു പോകാന് തയാറാവാതെ നിന്ന പ്രവര്ത്തകര്ക്ക് നേരെ നിരവധി തവണ ഗ്രനേഡും ടിയര്ഗ്യാസും പ്രയോഗിക്കുകയായിരുന്നു.