ജി​ല്ലാ​ത​ല ബാ​ങ്കിം​ഗ് അ​വ​ലോ​ക​ന യോ​ഗം; ഒ​ന്നാം പാ​ദ​ത്തി​ൽ 2255 കോ​ടി​യു​ടെ വാ​യ്പാ വി​ത​ര​ണം
Wednesday, September 20, 2023 8:08 AM IST
ക​ൽ​പ്പ​റ്റ: ജൂ​ണ്‍ 30ന് ​അ​വ​സാ​നി​ച്ച ഒ​ന്നാം പാ​ദ​ത്തി​ൽ 2255 കോ​ടി രൂ​പ ജി​ല്ല​യി​ലെ വി​വി​ധ ബാ​ങ്കു​ക​ൾ വാ​യ്പ ന​ൽ​കി​യ​താ​യി ഫി​നാ​ൻ​സ് ഓ​ഫീ​സ​ർ സ​തീ​ഷ് ബാ​ബു​വി​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന ജി​ല്ലാ​ത​ല ബാ​ങ്കിം​ഗ് അ​വ​ലോ​ക​ന സ​മി​തി യോ​ഗം വി​ല​യി​രു​ത്തി.

ജി​ല്ല​യി​ലെ ബാ​ങ്കു​ക​ളു​ടെ 2023-2024 സാ​ന്പ​ത്തി​ക വ​ർ​ഷ​ത്തെ ഒ​ന്നാം പാ​ദ​ത്തി​ന്‍റെ പ്ര​ക​ട​നം യോ​ഗം അ​വ​ലോ​ക​നം ചെ​യ്തു. വാ​ർ​ഷി​ക പ്ലാ​നി​ന്‍റെ 32.21 ശ​ത​മാ​ന​മാ​ണ് വാ​യ്പ ന​ൽ​കി​യ​ത്. 1224 കോ​ടി രൂ​പ കാ​ർ​ഷി​ക മേ​ഖ​ല​യ്ക്കും 428 കോ​ടി രൂ​പ സൂ​ക്ഷ്മ ചെ​റു​കി​ട ഇ​ട​ത്ത​രം സം​രം​ഭ​ങ്ങ​ൾ​ക്കും 349 കോ​ടി രൂ​പ ഭ​വ​ന​വി​ദ്യാ​ഭ്യാ​സ വാ​യ്പ ഉ​ൾ​പ്പെ​ടു​ന്ന മ​റ്റു മു​ൻ​ഗ​ണ​ന മേ​ഖ​ല​യ്ക്കും വി​ത​ര​ണം ചെ​യ്തു.

ആ​കെ വി​ത​ര​ണം ചെ​യ്ത വാ​യ്പ​യി​ൽ 2001 കോ​ടി രൂ​പ മു​ൻ​ഗ​ണ​ന മേ​ഖ​ല​യ്ക്കാ​ണ് വി​ത​ര​ണം ചെ​യ്തെ​ന്ന് യോ​ഗം ക​ണ്‍​വീ​ന​റാ​യ ലീ​ഡ് ബാ​ങ്ക് മാ​നേ​ജ​ർ ബി​ബി​ൻ മോ​ഹ​ൻ അ​റി​യി​ച്ചു. ഒ​ന്നാം പാ​ദ​ത്തി​ൽ ബാ​ങ്കു​ക​ളു​ടെ ആ​കെ വാ​യ്പ നീ​ക്കി​യി​രു​പ്പ് 9974 കോ​ടി​യാ​യി വ​ർ​ധി​ച്ചു. നി​ക്ഷേ​പം 7479 കോ​ടി​യാ​ണ്.

സാ​മൂ​ഹ്യ​സു​ര​ക്ഷാ പ​ദ്ധ​തി​ക​ളി​ൽ ജി​ല്ല​യി​ലെ അ​ർ​ഹ​രാ​യ മു​ഴു​വ​ൻ ജ​ന​ങ്ങ​ളെ​യും അം​ഗ​മാ​ക്കു​ന്ന​തി​നു ലീ​ഡ് ബാ​ങ്കി​ന്‍റെ നേ​തൃ​ത്വ​ത്തി​ൽ ന​ട​ക്കു​ന്ന സു​ര​ക്ഷ 2023 ന്‍റെ അ​വ​ലോ​ക​നം ഡെ​പ്യൂ​ട്ടി ക​ള​ക്ട​ർ കെ. ​ഗോ​പി​നാ​ഥ് നി​ർ​വ​ഹി​ച്ചു.

ജി​ല്ല​യി​ലെ യോ​ഗ്യ​രാ​യ മു​ഴു​വ​ൻ ആ​ളു​ക​ളെ​യും സാ​മൂ​ഹ്യ​സു​ര​ക്ഷാ​പ​ദ്ധ​തി​ക​ളി​ൽ ചേ​ർ​ക്കു​ക എ​ന്ന​താ​ണ് ജി​ല്ലാ ഭ​ര​ണ​കൂ​ട​ത്തി​ന്‍റെ​യും റി​സ​ർ​വ് ബാ​ങ്ക് ഓ​ഫ് ഇ​ന്ത്യ​യു​ടെ​യും മേ​ൽ​നോ​ട്ട​ത്തി​ൽ ന​ബാ​ർ​ഡി​ന്‍റെ സാ​ന്പ​ത്തി​ക സ​ഹാ​യ​ത്തോ​ടെ ന​ട​ത്തു​ന്ന സു​ര​ക്ഷ 2023 പ​ദ്ധ​തി​യു​ടെ ല​ക്ഷ്യം.
നി​ല​വി​ൽ ജി​ല്ല​യി​ലെ ഏ​ഴു പ​ഞ്ചാ​യ​ത്തു​ക​ളും ബ​ത്തേ​രി മു​നി​സി​പ്പാ​ലി​റ്റി​യും പ​ദ്ധ​തി പൂ​ർ​ത്തീ​ക​രി​ച്ചു.

വ​യ​നാ​ട് ലീ​ഡ് ഡി​സ്ട്രി​ക്ട് ഓ​ഫീ​സ​റും റി​സ​ർ​വ് ബാ​ങ്ക് മാ​നേ​ജ​റു​മാ​യ ഇ.​കെ. ര​ഞ്ജി​ത്ത്, ന​ബാ​ർ​ഡ് ജി​ല്ലാ ഡെ​വ​ല​പ്മെ​ന്‍റ് അ​സി​സ്റ്റ​ന്‍റ് ജ​ന​റ​ൽ മാ​നേ​ജ​ർ വി. ​ജി​ഷ, വ്യ​വ​സാ​യ വ​കു​പ്പ് മേ​ധാ​വി ലി​സി​യാ​മ്മ സാ​മു​വ​ൽ, ക്ഷീ​ര വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ർ ഉ​ഷാ​ദേ​വി, എ​ൻ​ആ​ർ​ഇ​ജി​എ​സ് ജോ​യി​ൻ പ്രോ​ഗ്രാം കോ​ർ​ഡി​നേ​റ്റ​ർ പി.​സി. മ​ജീ​ദ്, എ​ൻ​യു​എ​ൽ​എം മാ​നേ​ജ​ർ എ​സ്. നി​ഷ എ​ന്നി​വ​ർ വാ​യ്പ അ​വ​ലോ​ക​ന​ത്തി​ന് നേ​തൃ​ത്വം ന​ൽ​കി. യോ​ഗ​ത്തി​ൽ ജി​ല്ല​യി​ലെ മു​ഴു​വ​ൻ ബാ​ങ്കു​ക​ളും വി​വി​ധ സ​ർ​ക്കാ​ർ വ​കു​പ്പ് മേ​ധാ​വി​ക​ളും പ​ങ്കെ​ടു​ത്തു.

Copyright @ 2022 , Rashtra Deepika Ltd.