വ​യ​നാ​ട്ടി​ലും ഇ​ഞ്ചി​ കൃഷി​യി​ൽ നൂ​റുമേ​നി വി​ള​യി​ച്ച് ക​ർ​ഷ​ക​ൻ
Tuesday, September 19, 2023 8:02 AM IST
പു​ൽ​പ്പ​ള്ളി: ഇ​ഞ്ചി​ കൃഷി​യി​ൽ മാ​തൃ​ക​യാ​യി മു​ള്ള​ൻ​കൊ​ല്ലി പാ​ള​ക്കൊ​ല്ലി​യി​ലെ കൃ​ഷി​യി​ടം. ക​ർ​ണാ​ട​ക മോ​ഡ​ലി​ൽ ഇ​ഞ്ചി കൃ​ഷി വ​യ​നാ​ട്ടി​ലും ന​ട​ത്താ​മെ​ന്ന് തെ​ളി​യി​ച്ചി​രി​ക്കു​ക​യാ​ണ് മു​ള്ള​ൻ​കൊ​ല്ലി പാ​ള​ക്കൊ​ല്ലി ചാ​ല​ക്ക​ൽ ഷെ​ൽ​ജ​ൻ എ​ന്ന ക​ർ​ഷ​ക​ൻ. 2.80 ഏ​ക്ക​ർ സ്ഥ​ല​ത്താ​ണ് ഇ​ത്ത​വ​ണ ഷെ​ൽ​ജ​ൻ ഇ​ഞ്ചി കൃ​ഷി ഇ​റ​ക്കി​യി​രി​ക്കു​ന്ന​ത്.

സ​മാ​ന​മാ​യ രീ​തി​യി​ൽ ഇ​ത് മൂ​ന്നാം​ത​വ​ണ​യാ​ണ് ഷെ​ൽ​ജ​ൻ കൃ​ഷി ചെ​യ്തി​ട്ടു​ള്ള​ത്. ഇ​ഞ്ചി​കൃ​ഷി​ക്ക് അ​നു​കൂ​ല​മാ​യ കാ​ലാ​വ​സ്ഥ​യാ​ണ് ഇ​പ്പോ​ൾ ജി​ല്ല​യി​ലെ​ന്ന് ഷെ​ൽ​ജ​ൻ പ​റ​യു​ന്നു.

സാ​ധാ​ര​ണ ഇ​ഞ്ചി കൃ​ഷി ചെ​യ്യു​ന്ന​തി​നും നി​ന്നും വ്യ​ത്യ​സ്ത​മാ​യാ​ണ് ഇ​ത്ത​വ​ണ ഷെ​ൽ​ജ​ൻ കൃ​ഷി​യി​റ​ക്കി​യി​ട്ടു​ള്ള​ത്. ഹി​റ്റാ​ച്ചി ഉ​പ​യോ​ഗി​ച്ച് മ​ണ്ണൊ​ന്നാ​കെ ഇ​ള​ക്കി മ​റി​ച്ച് ചാ​ൽ കീ​റി, ര​ണ്ട​ര​യ​ടി പൊ​ക്ക​ത്തി​ൽ ബെ​ഡ്ഡൊ​രു​ക്കി​യാ​ണ് കൃ​ഷി. മ​ഴ കൂ​ടു​ത​ൽ ല​ഭി​ക്കു​ന്ന സ്ഥ​ല​മാ​യ​തി​നാ​ൽ കേ​ട് വ​രാ​നു​ള്ള സാ​ധ്യ​ത ഒ​ഴി​വാ​ക്കാ​നാ​ണ് ഇ​ത്ര​യും പൊ​ക്ക​ത്തി​ൽ ബെ​ഡ്ഡൊ​രു​ക്കി​യ​ത്. അ​ഞ്ച് മാ​സം കൊ​ണ്ട് വി​ള​വെ​ടു​ക്കാ​വു​ന്ന കൃ​ഷി​യാ​യ​തി​നാ​ൽ മി​ക​ച്ച പ​രി​ച​ര​ണം അ​നി​വാ​ര്യ​മാ​ണെ​ന്നും ഷെ​ൽ​ജ​ൻ പ​റ​യു​ന്നു.


ജ​ല​സേ​ച​നം ന​ട​ത്താ​നു​ള്ള സൗ​ക​ര്യ​മു​ള്ള​വ​ർ​ക്ക് കൃ​ഷി എ​ളു​പ്പ​മാ​കും. ക​ഴി​ഞ്ഞ ത​വ​ണ ജ​ല​സേ​ച​ന സൗ​ക​ര്യ​ത്തി​ന്‍റെ അ​ഭാ​വം മൂ​ലം അ​ഞ്ച് ഏ​ക്ക​ർ കൃ​ഷി ന​ട​ത്തി​യ​വ​ർ വ​രെ പ്ര​തി​സ​ന്ധി​യി​ലാ​യി​രു​ന്നു. അ​തു​കൊ​ണ്ട് ത​ന്നെ ജ​ല​സേ​ച​ന സൗ​ക​ര്യ​മു​ള്ള സ്ഥ​ലം ക​ണ്ടെ​ത്തി​യാ​ണ് ഇ​ഞ്ചി​കൃ​ഷി ന​ട​ത്താ​റു​ള്ള​തെ​ന്നും ഷെ​ൽ​ജ​ൻ പ​റ​ഞ്ഞു.

ജി​ല്ല​യി​ൽ ഒ​രു ഏ​ക്ക​ർ കൃ​ഷി ന​ട​ത്താ​ൻ ആ​റ് ല​ക്ഷ​ത്തോ​ളം രൂ​പ​യാ​ണ് ചെ​ല​വ് വ​രു​ന്ന​ത്. ഇ​വി​ടെ തൊ​ഴി​ലാ​ളി​ക​ളെ കി​ട്ടാ​ത്ത​തും കൂ​ലി വ​ർ​ധ​ന​യും ക​ർ​ഷ​ക​ർ നേ​രി​ടു​ന്ന പ്ര​തി​സ​ന്ധി​യാ​ണ്.
മ​ഴ ശ​ക്ത​മാ​യാ​ൽ ഇ​ഞ്ചി​ക്ക് രോ​ഗ​ങ്ങ​ൾ വ​രാ​നു​ള്ള സാ​ധ്യ​ത കൂ​ടു​ത​ലാ​ണ്. അ​തു​കൊ​ണ്ട് ത​ന്നെ അ​ത്ത​രം പ്ര​ശ്ന​ങ്ങ​ളെ​യെ​ല്ലാം ത​ര​ണം ചെ​യ്താ​ണ് ഇ​ഞ്ചി​ക്കൃ​ഷി.