ശാസ്ത്രബോധമുള്ള തലമുറയായി കുട്ടികള്‍ വളരണം: സ്പീക്കര്‍ എ.എന്. ഷംസീര്‍
1509223
Wednesday, January 29, 2025 5:06 AM IST
കോഴിക്കോട്: അന്ധവിശ്വാസങ്ങള്‍ക്കും അനാചാരങ്ങള്‍ക്കും പകരം ശാസ്ത്രമാണ് പുതുതലമുറയെ നയിക്കേണ്ടതെന്ന് നിയമസഭാ സ്പീക്കര്‍ എ.എന്. ഷംസീര്‍ അഭിപ്രായപ്പെട്ടു. സില്‍വര്‍ ഹില്‍സ് ഹയര്‍ സെക്കൻഡറി സ്‌കൂള്‍ സുവര്‍ണജൂബിലി ആഘോഷങ്ങളുടെ ഭാഗമായി സ്‌കൂളില്‍ സംഘടിപ്പിച്ച കലാ-ശാസ്ത്ര-പ്രവൃത്തിപരിചയ പ്രദര്‍ശനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ശാസ്ത്രമാണ് സത്യമെന്നും അന്ധവിശ്വാസങ്ങള്‍ക്കുപകരം ശാസ്ത്രബോധമുള്ളവരായി കുട്ടികള്‍ വളരണമെന്നും അദ്ദേഹം കൂട്ടിച്ചേര്‍ത്തു. സ്‌കൂള്‍ പ്രിന്‍സിപ്പൽ ഫാ. ജോണ്‍ മണ്ണാറത്തറ സിഎംഐ, സ്‌കൂള്‍ മാനേജര്‍ ഫാ. അഗസ്റ്റിന്‍ കെ. മാത്യു സിഎംഐ, സ്‌കൂള്‍ കോര്‍ഡിനേറ്റര്‍ പി.കെ. ശശിലാ‌ല്‍, പിടിഎ പ്രസിഡന്‍റ് ഐ.പി. അഭിലാഷ് എന്നിവര്‍ പ്രസംഗിച്ചു. പ്രദര്‍ശനം 29 വരെ തുടരും.