നി​ല​മ്പൂ​ര്‍: റോ​ഡ് അ​ട​ച്ച​തോ​ടെ മൂ​ന്ന് ഗോ​ത്ര ഊ​രു​ക​ളി​ലെ നൂ​റോ​ളം കു​ടും​ബ​ങ്ങ​ള്‍ വാ​ഹ​ന സൗ​ക​ര്യ​മി​ല്ലാ​തെ ഒ​റ്റ​പ്പെ​ട്ടു.

ചാ​ലി​യാ​ര്‍ പ​ഞ്ചാ​യ​ത്തി​ലെ ര​ണ്ടാം വാ​ര്‍​ഡി​ല്‍ ഉ​ള്‍​പ്പെ​ട്ട പാ​ല​ക്ക​യം കാ​ട്ടു​നാ​യ്ക്ക കോ​ള​നി, മു​തു​വാ​ന്‍ കോ​ള​നി, വെ​റ്റി​ല​ക്കൊ​ല്ലി ആ​ദി​വാ​സി കോ​ള​നി​ക​ളി​ലാ​യി 100 ഓ​ളം കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്. പ​ന്തീ​രാ​യി​രം ഉ​ള്‍ വ​ന​ത്തി​ലാ​ണ് ഈ ​കോ​ള​നി​ക​ളു​ള്ള​ത്.

മ​ഴ​ക്കാ​ല​മാ​യാ​ല്‍ ഈ ​കോ​ള​നി​ക​ളി​ലെ ജീ​വി​തം ഏ​റെ ദു​രി​ത​പൂ​ര്‍​ണ്ണ​മാ​ണ്. ഇ​തി​നി​ട​യി​ലാ​ണ് ഇ​പ്പോ​ള്‍ നി​ല​വി​ലു​ള്ള റോ​ഡും അ​ട​ച്ചി​ട്ടി​രി​ക്കു​ന്ന​ത്. പി.​കെ. ബ​ഷീ​ര്‍ എം​എ​ല്‍​എ​യു​ടെ ഫ​ണ്ടി​ല്‍ നി​ന്നു​ള്ള തു​ക ചെ​ല​വ​ഴി​ച്ചാ​ണ് പാ​ല​ക്ക​യം പ്ലാ​ന്‍റേ​ഷ​ന്‍റെ തു​ട​ക്കം മു​ത​ല്‍ ഒ​രു കി​ലോ​മീ​റ്റ​ര്‍ നീ​ള​ത്തി​ല്‍ റോ​ഡ് കോ​ണ്‍​ക്രീ​റ്റ് ചെ​യ്തി​ട്ടു​ള്ള​ത്.

പ്ര​വൃ​ത്തി പൂ​ര്‍​ത്തീ​ക​രി​ച്ച് ര​ണ്ട് ആ​ഴ്ച പി​ന്നി​ട്ടി​ട്ടും ഉ​ദ്ഘാ​ട​നം ന​ട​ത്താ​തെ റോ​ഡ് തു​റ​ന്ന് കൊ​ടു​ക്കാ​ന്‍ ക​ഴി​യി​ല്ലെ​ന്ന നി​ല​പാ​ടി​ലാ​ണ് അ​ധി​കൃ​ത​ര്‍. കോ​ള​നി​ക​ളി​ലേ​ക്ക് സ​ര്‍​വീ​സ് ന​ട​ത്തു​ന്ന​ത് ഫോ​ര്‍​വീ​ല്‍ ജീ​പ്പു​ക​ളാ​ണ്.

റോ​ഡ് അ​ട​ച്ച​തോ​ടെ കോ​ള​നി​ക​ളി​ലേ​ക്ക് നി​ല​വി​ല്‍ വാ​ഹ​ന​ങ്ങ​ള്‍ എ​ത്തി​ല്ല. ഇ​തോ​ടെ കോ​ള​നി​ക​ളി​ലെ ആ​രോ​ഗ്യ വ​കു​പ്പി​ന്‍റെ മെ​ഡി​ക്ക​ല്‍ ക്യാ​മ്പു​ക​ള്‍ ഉ​ള്‍​പ്പെ​ടെ നി​ല​ച്ചി​രി​ക്കു​ക​യാ​ണ്. അ​സു​ഖ​ങ്ങ​ള്‍ വ​ന്നാ​ല്‍ കോ​ള​നി​ക​ളി​ല്‍ ക​ഴി​യേ​ണ്ട അ​വ​സ്ഥ​യി​ലാ​ണ് ഇ​വ​ര്‍. റോ​ഡ് അ​ട​ക്കും മു​ന്‍​പ് ഫോ​ര്‍​വീ​ല്‍ ജീ​പ്പു​ക​ള്‍ കോ​ള​നി​ക​ളി​ല്‍ എ​ത്തി​യി​രു​ന്നു.

പ്രാ​ക്ത​ന ഗോ​ത്ര​വ​ര്‍​ഗ വി​ഭാ​ഗ​ത്തി​ല്‍​പ്പെ​ട്ട കാ​ട്ടു​നാ​യ്ക്ക കു​ടും​ബ​ങ​ള്‍​ക്ക് ഉ​ള്‍​പ്പെ​ടെ​യാ​ണ് ഇ​പ്പോ​ള്‍ ഗ​താ​ഗ​തം ത​ട​സ​പ്പെ​ടു​ത്തി​യി​രി​ക്കു​ന്ന​ത്. റോ​ഡി​ന്‍റെ നി​ര്‍​മാ​ണം യ​ഥാ​സ​മ​യം ന​ട​പ്പാ​ക്കു​ന്ന​തി​ല്‍ ക​രാ​റു​കാ​ര​ന്‍ കാ​ണി​ച്ച അ​നാ​സ്ഥ​യാ​ണ് നി​ല​വി​ലെ അ​വ​സ്ഥ​ക്ക് കാ​ര​ണ​മാ​യ​ത്.

റോ​ഡ് നി​ര്‍​മാ​ണ​ത്തി​ന്‍റെ പേ​രി​ല്‍ അ​ട​ച്ച റോ​ഡ് നി​ര്‍​മാ​ണം പൂ​ര്‍​ത്തി​യാ​ക്കി ര​ണ്ട് ആ​ഴ്ച്ച​യാ​യി​ട്ടും തു​റ​ന്ന് കൊ​ടു​ക്കാ​ത്ത​ത് ഈ ​ആ​ദി​വാ​സി കു​ടും​ബ​ങ്ങ​ളോ​ട് കാ​ണി​ക്കു​ന്ന അ​നീ​തി​യാ​ണെ​ന്നാ​ണ് വി​മ​ര്‍​ശ​നം.