ADVERTISEMENT

ADVERTISEMENT

"വിജയാരവം 2024' സംഘടിപ്പിച്ചു

പെരിന്തൽമണ്ണ: എസ്എഫ്ഐ മുനിസിപ്പൽ കമ്മിറ്റിയുടെ നേതൃത്വത്തിൽ എസ്എസ്എൽസി, പ്ലസ് ടു ഉന്നത വിജയികളെ അനുമോദിച്ചു. എസ്എഫ്ഐ സംസ്ഥാന ജോയിന്‍റ് സെക്രട്ടറി ഹസ്സൻ മുബാറക്ക് ഉദ്ഘാടനം ചെയ്തു.

ഏരിയാ ജോയിന്‍റ് സെക്രട്ടറി ആരതി.കെ. അധ്യക്ഷത വഹിച്ചു. മുൻ എംഎൽഎ വി.ശശികുമാർ, എസ്എഫ്ഐ ജില്ലാ പ്രസിഡന്‍റ് കെ. ഹരിമോൻ , ഏരിയാ സെക്രട്ടറി ടി.ഗോകുൽ, കെ.പി. സിനാൻ, യദു എന്നിവർ സംസാരിച്ചു. 160 വിദ്യാർഥികളെ ഉപഹാരം നൽകി അനുമോദിച്ചു.

ADVERTISEMENT

ലഹരി വിരുദ്ധ സന്ദേശ യാത്രയ്ക്ക് സ്വീകരണം നൽകി

എടക്കര: മലങ്കര ഓർത്തഡോക്സ് സുറിയാനി സഭയുടെ യുവജന പ്രസ്ഥാനം സംഘടിപ്പിച്ച ലഹരി വിരുദ്ധ സന്ദേശ യാത്രക്ക് മലബാർ ഭദ്രാസനത്തിന്‍റെ ആഭിമുഖ്യത്തിൽ എടക്കരയിൽ സ്വീകരണം നൽകി. എടക്കര ഇന്ദിരാഗാന്ധി ബസ് സ്റ്റാൻഡിൽ നൽകിയ സ്വീകരണ സമ്മേളനം ആര്യാടൻ ഷൗക്കത്ത് എംഎൽഎ ഉദ്ഘാടനം ചെയ്തു. ഓർത്തഡോക്സ് യുവജന പ്രസ്ഥാനം കേന്ദ്ര പ്രസിഡന്‍റ് ഡോ. ഗീവർഗീസ് മാർ യൂലിയോസ് മെത്രാപ്പോലീത്ത മുഖ്യസന്ദേശം നൽകി. മലബാർ ഭദ്രാസന യുവജന പ്രസ്ഥാനം വൈസ് പ്രസിഡന്‍റ് ഫാ. എൻ.എം ജോർജ് അധ്യക്ഷത വഹിച്ചു. ജാഥാ ക്യാപ്റ്റനും യുവജന പ്രസ്ഥാനം കേന്ദ്ര വൈസ് പ്രസിഡന്‍റുമായ ഫാ. വിജു ഏലിയാസ്, ട്രഷറർ രഞ്ജു എം. ജോയ്, കൃപ ഡി അഡിക്ഷൻ സെന്‍റർ ഡയറക്ടർ ഫാ. പോൾ വർഗീസ്, ലഹരി വിരുദ്ധ സമിതി വൈസ് പ്രസിഡന്‍റ് ഫാ. മാത്യൂസ് വട്ടിയാനിക്കൽ, ഒസിവൈഎം നിലന്പൂർ പ്രസിഡന്‍റ് ഫാ. ഷാബിൻ രാജു, എക്സൈസ് ഇൻസ്പെക്ടർ റെജി തോമസ്, ജോഷി ജോസ് എന്നിവർ പ്രസംഗിച്ചു. ഒസിവൈഎം നെല്ലിപ്പൊയിൽ ടീം അവതരിപ്പിച്ച തെരുവ് നാടകവും ചുങ്കത്തറ ടീമിന്‍റെ ഫ്ളാഷ് മോബും അരങ്ങേറി.

കോണ്‍ഗ്രസ് പ്രവർത്തകർ മന്ത്രിയുടെ കോലം കത്തിച്ചു

എടക്കര: കോട്ടയം മെഡിക്കൽ കോളജിൽ കെട്ടിടം തകർന്നുവീണ് ബിന്ദു എന്ന വീട്ടമ്മ മരിച്ച സംഭവത്തിൽ പ്രതിഷേധിച്ച് എടക്കരയിൽ കോണ്‍ഗ്രസ് പ്രവർത്തകർ ആരോഗ്യവകുപ്പ് മന്ത്രിയുടെ കോലം കത്തിച്ചു. മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തിലാണ് ടൗണിൽ പ്രകടനം നടത്തിയും കോലം കത്തിച്ചും പ്രവർത്തകർ പ്രതിഷേധിച്ചത്. കോണ്‍ഗ്രസ് പാർട്ടി ഓഫീസ് പരിസരത്തു നിന്നാരംഭിച്ച പ്രകടനം ടൗണ്‍ ചുറ്റി ഇന്ദിരഗാന്ധി ബസ് ടെർമിനൽ കവാടത്തിൽ സംഗമിച്ചു. തുടർന്ന് കഐൻജി റോഡിൽ മന്ത്രിയുടെ കോലം കത്തിച്ചു. ബ്ലോക്ക് കോണ്‍ഗ്രസ് പ്രസിഡന്‍റ് ബാബു തോപ്പിൽ, മണ്ഡലം പ്രസിഡന്‍റ് കെ. രാധാകൃഷ്ണൻ, നിലന്പൂർ ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി, കെ.സി. ഷാഹുൽ ഹമീദ്, വിനോദ് കരിന്പനക്കൽ, സുലൈമാൻ കാട്ടിപ്പടി, അസീസ് ഉണിച്ചന്തം, പ്രകാശ് മുപ്പിനി, വി.വി. പ്രസാദ്, ടി.ടി. മൻസൂർ, സി.പി. സലാം എന്നിവർ നേതൃത്വം നൽകി.

പിതാവിന്‍റെ ഓർമക്കായി കുട്ടശേരി സ്കൂളിന് മകന്‍റെ കൈതാങ്ങ്

മഞ്ചേരി: പിതാവിന്‍റെ ഓർമക്കായി കുട്ടശേരി എഎംഎൽപി സ്കൂളിന് സാന്പത്തിക സഹായം നൽകി മകൻ. നൂറ് വർഷം മുന്പ് കുട്ടശേരിയിൽ സ്കൂൾ സ്ഥാപിക്കാൻ മുന്നിട്ടിറങ്ങുകയും കുട്ടശേരിയിലും സമീപ പ്രദേശങ്ങളിലുമായി ആറോളം വിദ്യാലയങ്ങൾ സ്ഥാപിക്കുകയും ചെയ്ത കമ്മുണ്ണി മുസ്ലിയാരുടെ ഓർമയ്ക്കായാണ് മകൻ മുഹമ്മദ് സ്കൂളിന് സഹായം നൽകിയത്. തുക ഉപയോഗിച്ച് പിതാവിന്‍റെ പേരിൽ ലൈബ്രറി ആരംഭിക്കണമെന്നാണ് മകന്‍റെ ആഗ്രഹം. നൂറ്റാണ്ടിന് മുന്പേ വിദ്യാഭ്യാസത്തിന്‍റെ വിലയറിഞ്ഞ് നാട്ടുകാരെ അറിവ് നേടാൻ പ്രോത്സാഹിപ്പിച്ച പണ്ഡിതനായിരുന്നു കമ്മുണ്ണി മുസ്ലിയാർ. പിതാവിന്‍റെ പാതയിൽ തന്നെ മകനും എഴുത്തുകാരനും ചിന്തകനും പ്രഭാഷകനുമായി. ഫാറൂഖ് കോളജിന് സമീപം കുട്ടശേരി ഹൗസ് എന്ന തന്‍റെ ഭവനത്തിൽ വിശ്രമജീവിതം നയിക്കുന്ന പ്രഫ. പി. മുഹമ്മദ് അനാരോഗ്യം കാരണം സ്കൂൾ അധികൃതരെ വീട്ടിലേക്ക് വിളിപ്പിച്ചാണ് തന്‍റെ ആഗ്രഹം അറിയിച്ചത്. പ്രധാനാധ്യാപകൻ ജോണ്‍ വർഗീസ്, പിടിഎ പ്രസിഡന്‍റ് സി.കെ. അബ്ദുൾറഫീഖ്, മുൻ പിടിഎ പ്രസിഡന്‍റ് ഹസൻ ദാരിമി, പി. അയ്മൻ ശൗഖി, പി. ബാസിമ, പി. ഹന, മാനേജർ അബ്ദുസലാം ചെറുകാട്, സീനിയർ അധ്യാപകനായ സി. അബ്ദുൾ ജലീൽ, സി. ഷിഫാസ് എന്നിവർ വീട്ടിലെത്തുകയായിരുന്നു. നൂറ്റാണ്ട് മുന്പത്തെ പ്രദേശത്തിന്‍റെ സാന്പത്തിക, മത ഭൗതിക വിദ്യാഭ്യാസ അവസ്ഥയും ഗതാഗത മാർഗവും പങ്കുവച്ച അദ്ദേഹവും ഭാര്യ എൻ.വി. ആസിയയും ചേർന്നാണ് തുക കൈമാറിയത്.

മരുതൻപാറ സദ്ഗ്രാമത്തിൽ കെട്ടിടം തകർന്ന സംഭവം: കുറ്റക്കാർക്കെതിരെ നടപടി വേണമെന്ന് എംഎൽഎ

പെരിന്തൽമണ്ണ: 2019-20 സാന്പത്തിക വർഷം പട്ടികജാതി വകുപ്പ് ഫണ്ട് ഉപയോഗിച്ച് താഴേക്കോട് ഗ്രാമപഞ്ചായത്തിലെ മരുതൻപാറ പട്ടികജാതി സദ്ഗ്രാമത്തിൽ ( ഉന്നതി നഗർ ) നിർമിക്കുന്ന കമ്മ്യൂണിറ്റി സെന്‍റർ കെട്ടിടം നിർമാണത്തിലിരിക്കെ നിലംപൊത്തിയ സംഭവത്തെക്കുറിച്ച് സമഗ്ര അന്വേഷണം നടത്തണമെന്നും കുറ്റക്കാർക്കെതിരെ ശക്തമായ നടപടി സ്വീകരിക്കണമെന്നും നജീബ് കാന്തപുരം എംഎൽഎ ആവശ്യപ്പെട്ടു. സ്ഥലം സന്ദർശിച്ച് സംസാരിക്കുകയായിരുന്നു അദ്ദേഹം. പട്ടികജാതി, പിന്നാക്ക വിഭാഗങ്ങളോട് സർക്കാരിന് യാതൊരു താൽപര്യവുമില്ല. പട്ടികജാതി വിഭാഗങ്ങൾക്കായി നടപ്പാക്കുന്ന പല പദ്ധതികളും അവതാളത്തിലാണ്. ഇത്തരം പദ്ധതികളുടെ പ്രവർത്തനം പരിശോധിക്കാനോ വിലയിരുത്താനോ ആരുമില്ലാത്ത അവസ്ഥയാണുള്ളതെന്നും എംഎൽഎ ചൂണ്ടിക്കാട്ടി. സർക്കാരിന് കീഴിലുള്ള ’നിർമിതി കേന്ദ്ര’മാണ് അംബേദ്കർ ഗ്രാമം പദ്ധതി പോലെയുള്ള നിർമാണ പ്രവർത്തനങ്ങൾ നടപ്പാക്കുന്നത്. മരുതൻപാറയിൽ തകർന്ന കെട്ടിടത്തിന്‍റെ പ്രവൃത്തി 2020-ൽ ആരംഭിച്ചതാണ്. അഞ്ചു വർഷമായിട്ടും പൂർത്തിയായിട്ടില്ല. കെട്ടിട നിർമാണത്തിൽ വലിയ അഴിമതി നടന്നതായി സംശയമുണ്ട്. ഗുണനിലവാരമില്ലാത്ത സാധനങ്ങളാണ് നിർമാണത്തിന് ഉപയോഗിച്ചിട്ടുള്ളതെന്ന് വ്യക്തമായിട്ടുണ്ട്. ഇക്കാര്യങ്ങളെക്കുറിച്ച് അന്വേഷണം നടത്തി കുറ്റക്കാരെ കണ്ടെത്തി നടപടി സ്വീകരിക്കണമെന്നും എംഎൽഎ ആവശ്യപ്പെട്ടു. യുഡിഎഫ് നേതാക്കളായ മുഹമ്മദലി ഹാജി, എൻ. അഷ്റഫ്, ടി.ടി. വിജയകുമാർ, കെ.എം. ഫത്താഹ്, വി.പി. സബാഹ്, കുഞ്ഞയമു ഹാജി, വാർഡ് മെംബർ ബാലൻ മരുതൻപാറ തുടങ്ങിയവർ എംഎൽഎക്കൊപ്പമുണ്ടായിരുന്നു.

കാർപോർച്ചിൽ കാട്ടാന, കൃഷിയും നിശിപ്പിച്ചു നിലന്പൂരിൽ കാട്ടാനകളുടെ പരാക്രമം നിത്യസംഭവം

നിലന്പൂർ: നിലന്പൂർ മേഖലയിൽ കാട്ടാനകളുടെ പരാക്രമം നിത്യസംഭവമാകുന്നു. നിലന്പൂർ ചാരംകുളത്ത് വീടിന്‍റെ കാർ പോർച്ചിൽ വരെ കാട്ടാനയെത്തി. ചാരംകുളത്ത് വ്യാപകമായി കൃഷിയും നശിപ്പിച്ചു. വീട്ടുമുറ്റത്തെ കാർ പോർച്ചിൽ എത്തിയ കാട്ടാനയെ വീട്ടുകാർ ബഹളം വച്ചാണ് ഓടിച്ചത്. ചാരംകുളം പുത്തൻപള്ളിൽ ഗോപാലകൃഷ്ണന്‍റെ കൃഷിയിടത്തിലെത്തിയ കാട്ടാന വൻതോതിൽ കൃഷി നശിപ്പിച്ചു. നൂറിലേറെ കപ്പയും അത്ര തന്നെ വാഴയും നശിപ്പിച്ചു. ഇന്നലെ പുലർച്ചെയാണ് സംഭവം. ശബ്ദം കേട്ട് വീട്ടുകാർ വാതിൽ തുറന്ന് നോക്കിയപ്പോൾ കാർ പോർച്ചിൽ നിൽക്കുന്ന കാട്ടാനയെയാണ് കണ്ടതെന്ന് രാധാകൃഷ്ണൻ പറയുന്നു. നിലന്പൂർ ജവഹർ നഗർ ഭാഗത്ത് നിന്ന് വെളിയംതോട് ഭാഗത്ത് കൂടി റോഡ് മുറിച്ച് കടന്നാണ് കാട്ടാനകൾ ചാരംകുളം ഭാഗത്തേക്ക് എത്തുന്നത്. വനംവകുപ്പിന്‍റെ സോളാർ വൈദ്യുതി വേലി ഇല്ലാത്ത ഭാഗത്ത് കൂടിയാണ് കാട്ടാനകൾ പ്രവേശിക്കുന്നത്. ജനസാന്ദ്രമായ ചാരംകുളം ഭാഗത്ത് വീട്ടുമുറ്റങ്ങളിലേക്ക് കാട്ടാനകൾ എത്തുന്നത് ആശങ്ക വർധിപ്പിക്കുകയാണ്.

കെഎസ്എസ്പിയു കീഴാറ്റൂർ യൂണിറ്റ് കണ്‍വൻഷൻ നടത്തി

ആക്കപ്പറന്പ്: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ (കഐസ്എസ്പിയു) കീഴാറ്റൂർ യൂണിറ്റ് കണ്‍വൻഷൻ ആക്കപ്പറന്പ് പഞ്ചായത്ത് ഓഡിറ്റോറിയത്തിൽ നടത്തി. കഐസ്എസ്പിയു ജില്ലാ പ്രസിഡന്‍റ് എൽ.ജെ. ആന്‍റണി ഉദ്ഘാടനം ചെയ്തു. സംഘടനയുടെ വാർഷിക സമ്മേളന തീരുമാനങ്ങളും പ്രമേയങ്ങളും വിശദീകരിച്ചു. പെൻഷൻ വ്യവസ്ഥ അട്ടിമറിക്കുന്ന വിധം കേന്ദ്രം പാർലമെന്‍റിൽ അവതരിപ്പിച്ച ഫിനാൻസ് ഭേദഗതി നിയമം പിൻവലിക്കണമെന്നും സ്റ്റാറ്റ്യൂട്ടറി പെൻഷൻ പുനഃസ്ഥാപിക്കണമെന്നും കേന്ദ്രം കേരളത്തോട് കാട്ടുന്ന സാന്പത്തിക ഉപരോധം അവസാനിപ്പിക്കണമെന്നും ആവശ്യപ്പെട്ട് നാളെ സംസ്ഥാന വ്യാപകമായി നടത്തുന്ന ജിഎസ്ടി ജില്ലാ ഓഫീസിലേക്കുള്ള മാർച്ചും ധർണയും വിജയിപ്പിക്കണമെന്നും പ്രസിഡന്‍റ് ആഹ്വാനം ചെയ്തു. ഒന്പതിന് നടക്കുന്ന ദേശീയ പൊതുപണിമുടക്കിന് യോഗം ഐക്യദാർഢ്യം പ്രഖ്യാപിച്ചു. യൂണിറ്റ് പ്രസിഡന്‍റ് ഇ. ജനാർദനൻ അധ്യക്ഷനായിരുന്നു. കണ്‍വൻഷനിൽ നവാഗതരായ എട്ടു പേരെ ബ്ലോക്ക് വൈസ് പ്രസിഡന്‍റ് കെ. ഗോപാലകൃഷ്ണൻ പരിചയപ്പെടുത്തി. ബ്ലോക്ക് പ്രസിഡന്‍റ് കിഴാറ്റൂർ അനിയൻ, പി.ജി. നാഥ്, കെ.എം. വിജയകുമാർ, കെ. നാരായണൻ പി.കെ. മുഹമ്മദ്, സി. സുലോചന, സി.പി. രാംമോഹൻ, കെ.പി. രാജൻ, എസ്. സുദർശൻ, വി. ബാലകൃഷ്ണൻ, കെ.എൽ. പത്മാക്ഷി, വി.ആർ. ജ്യോതി, ജ്യോതിർമയി, ഉഷാദേവി, സെക്രട്ടറി നല്ലൂർ രാമചന്ദ്രൻ, ജോയിന്‍റ് സെക്രട്ടറി യു. സന്തോഷ് എന്നിവർ പ്രസംഗിച്ചു.

നിലന്പൂർ പഴയ ബസ് സ്റ്റാൻഡ് കെട്ടിടം അപകടാവസ്ഥയിൽ: മൗനം പാലിച്ച് നഗരസഭ

നിലന്പൂർ: നഗരസഭയുടെ ഉടമസ്ഥതയിലുള്ള പഴയ ബസ് സ്റ്റാൻഡ് കെട്ടിടം കാലപഴക്കം കാരണം അപകടാവസ്ഥയിൽ. തകർച്ച നേരിട്ടുകൊണ്ടിരിക്കുകയാണ് കെട്ടിടം. നിലന്പൂരിലെ ആദ്യത്തെ ബസ് സ്റ്റാന്‍റാണിത്. നിരവധി യാത്രക്കാർ നിത്യവും ബസുകൾ കാത്ത്നിൽക്കുന്ന സ്ഥലം കൂടിയാണിത്. കെട്ടിടത്തിന്‍റെ ചെറിയ കോണ്‍ക്രീറ്റ് കഷ്ണങ്ങൾ ബസ് കാത്ത്നിൽക്കുന്നവരുടെ തലയിൽ ഉൾപ്പെടെ വീഴുന്ന സംഭവങ്ങൾ ഉണ്ടായിട്ടുണ്ട്. പലതവണ ഇതേക്കുറിച്ച് നഗരസഭാ അധികൃതർക്ക് പരാതികൾ നൽകിയിട്ടും നടപടി ഉണ്ടായില്ലെന്നാണ് യാത്രക്കാരും ഓട്ടോ തൊഴിലാളികളും ബസുടമകളും പറയുന്നത്. കാലപഴക്കത്താൽ അപകട ഭീഷണി നേരിടുന്ന കെട്ടിടത്തിന്‍റെ സുരക്ഷ എൻജിനീയറിംഗ് വിഭാഗമാണ് ഉറപ്പ് വരുത്തേണ്ടത്. കെട്ടിടത്തിന്‍റെ സുരക്ഷ ഉറപ്പാക്കേണ്ടതും ആവശ്യമായ അറ്റകുറ്റപണികൾ നടത്തേണ്ടതും അധികൃതരുടെ ഉത്തരവാദിത്വമാണ്. കോട്ടയം മെഡിക്കൽ കോളജിന്‍റെ കെട്ടിടം തകർന്ന് വീണ് വീട്ടമ്മ ദാരുണമായി മരണപ്പെട്ട സാഹചര്യത്തിൽ അപകടാവസ്ഥയിലുള്ള കെട്ടിടങ്ങൾ സുരക്ഷിതമാണെന്ന് ഉറപ്പ്വരുത്തേണ്ടത് ഉത്തരവാദിത്വപ്പെട്ടവരുടെ ചുമതലയാണെന്നാണ് നാട്ടുകാർ പറയുന്നത്. പഴയ ബസ് സ്റ്റാൻഡ് കെട്ടിടത്തിന് മുന്നിൽ മഴ പെയ്താൽ ബസ് കാത്തുനിൽക്കുന്നവർ ആശങ്കയിലാകും. ഈ കെട്ടിടത്തിനുള്ളിൽ നിരവധി സ്ഥാപനങ്ങൾ പ്രവർത്തിക്കുന്നുണ്ട്. ഇതിലൂടെ ഓരോ മാസവും നഗരസഭക്ക് വലിയൊരു തുക വാടകയിനത്തിലും ലഭിക്കുന്നു. കെട്ടിടത്തിൽ നഗരസഭയുടെ മിനി ടൗണ്‍ഹാളും വയോജനങ്ങളുടെ പകൽ വീടുമെല്ലാം പ്രവർത്തിക്കുന്നു. നഗരസഭയുടെ ഭാഗത്ത് നിന്ന് ഇക്കാര്യത്തിൽ അടിയന്തര ഇടപെടൽ വേണമെന്നാണ് പ്രധാന ആവശ്യം. അതേസമയം പഴയ ബസ് സ്റ്റാൻഡ് കെട്ടിടം അറ്റകുറ്റപണി നടത്താൻ അരീക്കോട് സ്വദേശിക്ക് കരാർ നൽകുകയും ടെൻഡർ നടപടി പൂർത്തീകരിച്ചതാണെന്നും നഗരസഭ അധികൃതർ പറയുന്നു. കരാറുകാരൻ പ്രവൃത്തി വൈകിപ്പിക്കുകയാണെന്നാണ് നഗരസഭ ചൂണ്ടിക്കാട്ടുന്നത്.

കഠിനാധ്വാനവും അർപ്പണ മനോഭാവവും വിദ്യാർഥികൾ മുഖമുദ്രയാക്കണം: നജീബ് കാന്തപുരം

പെരിന്തൽമണ്ണ: കഠിനാധ്വാനവും അർപ്പണമനോഭാവവും വിദ്യാർഥികൾ മുഖമുദ്രയാക്കണമെന്ന് നജീബ് കാന്തപുരം എംഎൽഎ പറഞ്ഞു. വിവിധ പരീക്ഷകളിൽ ഉന്നത വിജയം നേടിയ നിയോജക മണ്ഡലത്തിലെ വിദ്യാർഥികൾക്ക് ശിഫ കണ്‍വൻഷൻ സെന്‍ററിൽ സംഘടിപ്പിച്ച അനുമോദന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിജയത്തെക്കുറിച്ച് ചിന്തിക്കുന്നതോടൊപ്പം പരാജയങ്ങളെ സ്പോർട്സ്മാൻ സ്പിരിറ്റോടെ കാണാൻ വിദ്യാർഥികൾക്ക് കഴിയേണ്ടതുണ്ട്. രക്ഷിതാക്കളും സമൂഹവും കാണുന്ന സ്വപ്നങ്ങൾ യാഥാർഥ്യമാക്കാൻ മനസ് പാകപ്പെടുത്തണമെന്നും അദ്ദേഹം പറഞ്ഞു. പെരിന്തൽമണ്ണ എഇഒ കുഞ്ഞിമൊയ്തി അധ്യക്ഷത വഹിച്ചു. ട്രെയ്നർ പി.എം.എ. ഗഫൂർ മുഖ്യപ്രഭാഷണം നടത്തി. ഹൈദരലി ശിഹാബ് തങ്ങൾ ’ക്രിയ’ സിവിൽ സർവീസ് അക്കാഡമി സെക്രട്ടറി ഡോ. പി. ഉണ്ണീൻ, വെട്ടത്തൂർ ഗ്രാമപഞ്ചായത്ത് പ്രസിഡന്‍റ് സി.എം. മുസ്തഫ, എ.കെ. നാസർ, അഡ്വ. എസ്. അബ്ദുസലാം, യു.ടി. മുൻഷിർ, ഡോ. ഫഹദ്, സൈലം അക്കാഡമി ഫാക്കൽറ്റി ഫൈസൽ, പ്രഫിൻസ് സിഇഒ സമീൽ, സിസ്കോ ടെക്നോളജി ഫൗണ്ടർ ആൻഡ് എം.ഡി. മൊയ്തു കിഴിശേരി തുടങ്ങിയവർ പ്രസംഗിച്ചു.

1000 വീടുകളിലേക്ക് 1000 പുസ്തകങ്ങൾ :വായനയുടെ വാതിൽ തുറന്ന് പരിയാപുരം സെന്‍റ് മേരീസ് സ്കൂളിലെ വിദ്യാർഥികൾ

അങ്ങാടിപ്പുറം: ആയിരം വീടുകളിൽ ആയിരം പുതിയ പുസ്തകങ്ങൾ എത്തിക്കാനുള്ള പദ്ധതിയൊരുക്കി പരിയാപുരം സെന്‍റ് മേരീസ് ഹയർ സെക്കൻഡറി സ്കൂളിലെ വിദ്യാരംഗം കലാസാഹിത്യവേദി പ്രവർത്തകർ. വായനയുടെ വാതിൽ തുറന്ന് പുസ്തകങ്ങളുമായി ആഘോഷപൂർവം വീടുകളിലേക്കെത്തുകയാണ് കുട്ടികൾ. വായന മരിക്കുന്നു എന്ന മുറവിളി ഉയരുന്പോഴാണ് വായനയുടെ സന്ദേശവുമായി കുട്ടിക്കൂട്ടം എത്തുന്നത്. വൈകിട്ട് സ്കൂൾ വിട്ടശേഷം ചെറുസംഘങ്ങളായി മൂന്നാഴ്ച നീണ്ടുനിൽക്കും ഈ പുസ്തകയാത്ര. ഗൃഹവൈദ്യം മുതൽ ജീവചരിത്രം വരെയുള്ള പുസ്തകങ്ങൾ ഇവരുടെ പുസ്തകക്കൂട്ടത്തിലുണ്ട്. വീട്ടുകാർക്ക് ആവശ്യാനുസരണം തെരഞ്ഞെടുക്കാം. പെരിന്തൽമണ്ണയിലെ ശക്തി ബുക്സുമായി സഹകരിച്ചാണ് പരിപാടി. വായനസന്ദേശവുമായി എത്തിയ കൊച്ചുകൂട്ടുകാർക്ക് വീടുകളിൽ ഹൃദ്യമായ സ്വീകരണമാണ് ലഭിച്ചത്. പുസ്തക വിൽപ്പനയ്ക്കൊപ്പം വായനയുടെ പ്രാധാന്യത്തെക്കുറിച്ചും വിദ്യാർഥികൾ വീട്ടുകാരോട് വിശദീകരിക്കുന്നുണ്ട്. ആദ്യപുസ്തകം സ്വീകരിച്ച് പ്രധാനാധ്യാപകൻ പി.ടി.ബിജു ഉദ്ഘാടനം ചെയ്തു. വിദ്യാരംഗം കോ-ഓർഡിനേറ്റർ മനോജ് വീട്ടുവേലിക്കുന്നേൽ, അധ്യാപക വിദ്യാർഥി വി.അജയ്, വിദ്യാരംഗം കലാസാഹിത്യവേദി ഭാരവാഹികളായ കെ.എസ്.നിഹ ഫാത്തിമ, ജുവാന ജെയിൻ, ആൽബർട്ട് ജെറിൻ, ചിരാഗ് പി.റോബി, നന്ദിക പ്രഭാത്കുമാർ, പി.ദേവദർശൻ, ആൽബിന എലിസബത്ത് ചാക്കോ, പി.നവതേജ്, പി.മാളവിക, കെ.മിൻഹ ഫാത്തിമ, എസ്.ശ്രീകാർത്തിക, റയോണ ജോസഫ്, പി.വി.ഫാത്തിമ സന, കെ.വി.ഫാത്തിമത്ത് അഫീഫ, പി.ഷഹ്ബ, എൻ.പി.ഫാത്തിമ റിഷ്ലി, ജുവാൻ ടിജോ എന്നിവർ നേതൃത്വം നൽകി. പുസ്തകോത്സവവും ’എഴുത്തിന്‍റെ വഴിയേ’ പഠനയാത്രയും ഒട്ടേറെ വായന പ്രവർത്തനങ്ങളും സ്കൂളിൽ ഒരുക്കിയിട്ടുണ്ട്.

കടുവ കൂട്ടിൽ കുടുങ്ങി: ആശങ്കയൊഴിയാതെ മലയോരം

കരുവാരകുണ്ട്: വനം വകുപ്പ് സ്ഥാപിച്ച കൂട്ടിൽ കടുവ കുടുങ്ങിയെങ്കിലും ആശങ്കയൊഴിയാതെ മലയോരം. കരുവാരകുണ്ടിന്‍റെ മലയോര കൃഷിയിടങ്ങളിൽ കടുവകൾ ഇനിയുമുണ്ടെന്ന് കർഷകരും കർഷക തൊഴിലാളികളും ഉറപ്പിച്ച് പറയുന്നു. ഇന്നലെയാണ് സുൽത്താന എസ്റ്റേറ്റിൽ സ്ഥാപിച്ച കെണിയിൽ കടുവ കുടുങ്ങിയത്. എന്നാൽ ഈ കടുവയെ കൂടാതെ ഇനിയും കടുവകളുണ്ടെന്നാണ് പ്രദേശവാസികൾ പറയുന്നത്. സൈലന്‍റ് വാലി വനമേഖലയിൽ നിന്നാണ് അപകടകാരികളായ കാട്ടുമൃഗങ്ങൾ ജനവാസ കേന്ദ്രങ്ങളിലെത്തി ഭീതി വിതക്കുന്നതെന്ന് വർഷങ്ങൾക്കു മുന്പേ മലയോര ജനത വ്യക്തമാക്കിയിട്ടുള്ളതാണ്. ഇക്കാര്യങ്ങൾ അധികൃതരുടെ ശ്രദ്ധയിൽപ്പെടുത്തിയിട്ടും ഫലം കണ്ടിരുന്നില്ല. സൈലന്‍റ് വാലി വനമേഖലയിൽ നിന്ന് കൂന്പൻ മലയിടുക്കുവഴിയും കൽകുണ്ട് മണലിയാംപാടം വഴിയും എളുപ്പത്തിൽ കരുവാരകുണ്ടിന്‍റെ മലയോരത്ത് കടുവകൾക്ക് എത്തിപ്പെടാമെന്നും മലയോര കർഷകർ പറയുന്നു. കാളികാവിൽ ടാപ്പിംഗ് തൊഴിലാളിയായ യുവാവിനെ കടുവ പിടികൂടി കൊലപ്പെടുത്തിയതോടെയാണ് അധികൃതർ ഉണർന്ന് പ്രവർത്തിക്കാൻ തുടങ്ങിയത്. കടുവയെ പിടികൂടാൻ സ്ഥാപിച്ച കൂട്ടിൽ പുള്ളിപ്പുലി കുടുങ്ങിയിരുന്നു. പ്രദേശത്ത് പുളളിപ്പുലിയുടെ സാന്നിധ്യമുണ്ടെന്നും വളർത്തുമൃഗങ്ങളെ ഇവ ഇരയാക്കുന്നുണ്ടെന്നും വർഷങ്ങളായി മലയോര ജനത ചൂണ്ടിക്കാണിച്ച വിഷയമായിരുന്നു. എന്നാൽ വനം വകുപ്പധികൃതർ ഇത് അംഗീകരിച്ചിരുന്നില്ല. വളർത്തുനായ്ക്കളെയായിരുന്നു ഇവ ആദ്യം പിടികൂടി ഇരയാക്കിയിരുന്നത്. നായ്ക്കളെ കിട്ടാതായതോടെ ആടുകളെയും മേയാൻ വിട്ടിരുന്ന പോത്തുകളെയും പശുക്കളെയും ഇരയാക്കിയ സംഭവങ്ങളും ഭീതിയോടെയാണ് ജനങ്ങൾ കണ്ടിരുന്നത്. അധികൃതരോട് ഇക്കാര്യങ്ങൾ അറിയിച്ചാലും നടപടി ഒന്നുമില്ലായിരുന്നു. നിർധന കുടുംബങ്ങൾ ജീവിത വഴിക്കു വേണ്ടി വളർത്തിപ്പോന്നിരുന്ന ഒട്ടേറെ ആടുകളെ ഏതാനും വർഷത്തിനുള്ളിൽ പുലിയും കടുവയും ഇരയാക്കിയിരുന്നതായും കർഷകർ പറയുന്നു. സുൽത്താന എസ്റ്റേറ്റിൽ കടുവ കൂട്ടിൽ കുടുങ്ങിയതോടെ തെരച്ചിൽ അവസാനിപ്പിക്കാനുള്ള നീക്കം നടത്താതെ വീണ്ടും കടുവ സാന്നിധ്യമുള്ള പ്രദേശങ്ങളിൽ കൂടും കാമറയും സ്ഥാപിച്ചാൽ നരഭോജികളായ കാട്ടുമൃഗങ്ങളെ ഇനിയും കണ്ടെത്താനാകുമെന്നാണ് മലയോര ജനത വ്യക്തമാക്കുന്നത്.

മലപ്പുറത്ത് നിപ്പ സന്പർക്കപ്പട്ടികയിൽ 241 പേർ

മലപ്പുറം: ജില്ലയിൽ നിപ ബാധിച്ച വ്യക്തിയുടെ സന്പർക്ക പട്ടികയിലുള്ള 241 പേർ നിരീക്ഷണത്തിൽ. മലപ്പുറത്ത് 12 പേരാണ് ചികിത്സയിലുള്ളത്. അഞ്ച് പേർ ഐസിയു ചികിത്സയിലുണ്ട്. മന്ത്രി വീണാ ജോർജിന്‍റെ നേതൃത്വത്തിൽ ഉന്നതതല യോഗം ചേർന്നു. വീടുകളിലെ സന്ദർശനവും പനി സർവൈലൻസും നടത്തിവരുന്നു. ഐസൊലേഷനിലുള്ളവരെ ഫോണിൽ വിളിച്ച് മാനസിക പിന്തുണ ഉറപ്പാക്കുന്നുണ്ട്. ചികിത്സയ്ക്കായി എത്തുന്ന രോഗികൾ കൂടിയാൽ അത് മുന്നിൽകണ്ട് കൂടുതൽ ഐസിയു, ഐസൊലേഷൻ സൗകര്യങ്ങൾ ജില്ലയിൽ ഉറപ്പാക്കിയിട്ടുണ്ട്. ആരോഗ്യ വകുപ്പ് അഡീഷണൽ ചീഫ് സെക്രട്ടറി, എൻഎച്ച്എം സ്റ്റേറ്റ് മിഷൻ ഡയറക്ടർ, ആരോഗ്യ വകുപ്പ് ഡയറക്ടർ, മെഡിക്കൽ വിദ്യാഭ്യാസ വകുപ്പ് ഡയറക്ടർ, അഡീഷണൽ ഡയറക്ടർമാർ, ജില്ലാ കളക്ടർമാർ, ജില്ലാ മെഡിക്കൽ ഓഫീസർമാർ, വിവിധ വകുപ്പ് ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.

നാല് വർഷം മുന്പ് കിണറ്റിലകപ്പെട്ട കോഴിക്ക് രക്ഷകരായി സന്നദ്ധ പ്രവർത്തകർ

എടക്കര: നാല് വർഷം മുന്പ് കിണറ്റിലകപ്പെട്ട കോഴിക്ക് രക്ഷകരായി സന്നദ്ധ പ്രവർത്തകർ. നാരോക്കാവ് ഒന്നാംപടി അങ്കണവാടിക്കുന്നിലെ കക്കുളങ്ങര പ്രദീപിന്‍റെ വീട്ടിലെ ഉപയോഗ ശൂന്യമായ കിണറ്റിൽ നാല് വർഷം മുന്പ് അകപ്പെട്ട പിടക്കോഴിയെയാണ് സന്നദ്ധ പ്രവർത്തകർ ചേർന്ന് രക്ഷിച്ചത്. കിണറ്റിലകപ്പെട്ട കോഴിക്ക് വീട്ടുകാർ കഴിഞ്ഞ നാല് വർഷമായി ഭക്ഷണം നൽകിവന്നിരുന്നു. വിരമറിഞ്ഞ് ഐഎൻടിയുസി യംഗ് വർക്കേഴ്സ് കൗണ്‍സിലിംഗ് മലപ്പുറം ജില്ലാ സെക്രട്ടറി മുജീബ് നാരോക്കാവ്, സന്നദ്ധ പ്രവർത്തകരായ ഹംസ, ബിനു തോമസ്, റോയ് പാലേമാട് എന്നിവർ സ്ഥലത്തെത്തുകയും ഹംസ കിണറ്റിലിറങ്ങി കോഴിയെ കരയ്ക്ക് കയറ്റുകയുമായിരുന്നു.

ബൈക്കും കാറും കൂട്ടിയിടിച്ച് യുവാവ് മരിച്ചു

നിലന്പൂർ: ബൈക്കും കാറും കൂട്ടിയിടിച്ച് യുവാവ് മരിച്ചു. അകന്പാടം എസ്‌സി നഗറിലെ കറത്തോടൻ രാധാകൃഷ്ണന്‍റെ മകൻ യദുകൃഷ്ണൻ (25) ആണ് മരിച്ചത്. ഇന്നലെ ഉച്ചക്ക്് 12.15 ഓടെ മണ്ണുപ്പാടം- മഹാഗണി വളവിലാണ് അപകടം. ഉടൻ നിലന്പൂർ ജില്ലാ ആശുപത്രിയിലും തുടർന്ന് മഞ്ചേരി മെഡിക്കൽ കോളജാശുപത്രിയിലും എത്തിച്ചെങ്കിലും രക്ഷിക്കാനായില്ല. മഹാഗണി വളവ് മുന്പും അപകട മരണങ്ങൾ ഉണ്ടായ സ്ഥലമാണ്. മുന്നറിയിപ്പ് ബോർഡ് പോലും പൊതുമരാമത്ത് വകുപ്പ് ഇവിടെ സ്ഥാപിച്ചിട്ടില്ല. സംസ്കാരം ഇന്ന് ഉച്ചക്ക് രണ്ടിന് കളക്കുന്ന് പൊതുശ്മശാനത്തിൽ. മാതാവ്. രഞ്ജിനി. സഹോദരങ്ങൾ: മീരാകൃഷ്ണൻ. ഹീരാ കൃഷ്ണൻ.

രക്ഷിതാക്കൾക്ക് തലവേദനയായി കുട്ടി ഡ്രൈവർമാർ

പരിശോധന കർശനമാക്കി പോലീസ് മഞ്ചേരി: കൗമാരക്കാർ മോട്ടോർ സൈക്കിളിൽ കറങ്ങി രക്ഷിതാക്കൾക്ക് ധനനഷ്ടവും മാനനഷ്ടവും ഉണ്ടാക്കുന്നത് പതിവാകുന്നു. ലൈസൻസില്ലാതെ വാഹനമോടിക്കുന്നത് ഗുരുതര കുറ്റമായാണ് കണക്കാക്കുന്നത്. എന്നാൽ പതിനെട്ട് വയസ് തികയാതെ വാഹനമോടിച്ചാൽ കുറ്റം ഗുരുതരമാകും. വാഹനത്തിന്‍റെ ഉടമക്കും രക്ഷിതാവിനും നിയമത്തിന്‍റെ നൂലാമാലകളിൽ കറങ്ങാനും പിഴയടക്കാനും മാത്രമേ നേരം കാണൂ. ഇത്തരത്തിൽ വാഹനമോടിക്കുന്നതിനെതിരേ സംസ്ഥാന സർക്കാർ ജിഒ (പി) നന്പർ 37/2019 പ്രകാരം പ്രത്യേക ഉത്തരവ് തന്നെ ഇറക്കിയിട്ടുണ്ട്. പ്രായപൂർത്തിയാകാത്തവർക്ക് വാഹനം ഓടിക്കാൻ നൽകിയാൽ 1988ലെ മോട്ടോർ വാഹന നിയമം 199 എ പ്രകാരം മൂന്ന് വർഷം വരെ തടവും 25000 രൂപ വരെ പിഴയും ശിക്ഷ ലഭിച്ചേക്കാം. ജില്ലാ പോലീസ് മേധാവിയുടെ പ്രത്യേക നിർദേശ പ്രകാരം സ്പെഷൽ ഡ്രൈവിലൂടെ (ഓപറേഷൻ ലാസ്റ്റ് ബെൽ) പരിശോധന കർശനമാക്കിയിരിക്കയാണ് പോലീസ്. ജില്ലയിലെ വിവിധ പോലീസ് സ്റ്റേഷൻ പരിധിയിൽ വിദ്യാഭ്യാസ സ്ഥാപനങ്ങൾ കേന്ദ്രീകരിച്ച് കഴിഞ്ഞ ദിവസങ്ങളിലായി നടന്ന പരിശോധനയിൽ നിരവധി കുട്ടി ഡ്രൈവർമാർ പിടിയിലായി. ഹെൽമെറ്റില്ലാതെയും മൂന്ന് പേർ യാത്ര ചെയ്തതും അമിത വേഗതയിൽ ബൈക്കോടിച്ചതിനുമാണ് പിടിയിലായത്. വാഹനത്തിനന്‍റെ ആർസി ഉടമയെ വിളിച്ചു വരുത്തി പിഴ ഈടാക്കിയും കുട്ടികളെ താക്കീത് നൽകിയും വിട്ടയക്കുകയായിരുന്നു. വരും ദിവസങ്ങളിൽ പരിശോധന കർശനമാക്കുമെന്നും കുറ്റക്കാർക്കെതിരേ ശക്തമായ നടപടി സ്വീകരിക്കുമെന്നും പോലീസ് പറഞ്ഞു.

രക്ഷാകർതൃ സംഗമവും ബോധവത്കരണവും നടത്തി

അങ്ങാടിപ്പുറം: പുത്തനങ്ങാടി സെന്‍റ് തെരേസാസ് സ്കൂളിൽ രക്ഷാകർതൃ സംഗമവും ബോധവത്കരണ സെമിനാറും സംഘടിപ്പിച്ചു. പരിയാപുരം സെന്‍റ് മേരീസ് ഹയർ സെക്കൻഡറി സ്കൂൾ അധ്യാപകൻ മനോജ് വീട്ടുവേലിക്കുന്നേൽ ക്ലാസ് നയിച്ചു. പ്രിൻസിപ്പൽ ലിസ ജോണ്‍, വൈസ് പ്രിൻസിപ്പൽ സിസ്റ്റർ സാൽവിൻ, മെറിൻ എന്നിവർ പ്രസംഗിച്ചു. പുതിയ പിടിഎ ഭാരവാഹികളായി ലിജോ ജോസഫ് (പ്രസിഡന്‍റ്), വി.വിനോദ്, സെബിൻ ഇമ്മാനുവേൽ, മിഥുൻ കുമാർ, ജോർജ് ജോസഫ്, ടോഷ് തോമസ്, ഷെറിൻ ജോർജ്, സതീഷ് തെക്കിൻകോട്ടിൽ, കെ.ആരവ്, ഷെമിൻ ജോർജ് (എക്സിക്യൂട്ടീവ് അംഗങ്ങൾ) എന്നിവരെ തെരഞ്ഞെടുത്തു.

വേട്ടക്കോട് ജിയുപി സ്കൂൾ വിദ്യാർഥികൾ ഫയർ സ്റ്റേഷൻ സന്ദർശിച്ചു

മഞ്ചേരി: പഠന പ്രവർത്തനങ്ങളുടെ ഭാഗമായി വേട്ടക്കോട് ജിയുപി സ്കൂൾ വിദ്യാർഥികൾ മഞ്ചേരി ഫയർ സ്റ്റേഷൻ സന്ദർശിച്ചു. അപകടം സംഭവിച്ചാൽ പ്രതിരോധിക്കേണ്ടതിനെ കുറിച്ചും മുൻകരുതലുകളെ കുറിച്ചും കുട്ടികൾക്ക് ബോധവത്കരണം നൽകി. ഫയർ ഓഫീസർമാരായ ഷാജി, ജാബിർ എന്നിവർ ബോധവത്കരണ ക്ലാസിന് നേതൃത്വം നൽകി. അധ്യാപകരായ ഇർഷാദ്, വാരിസ്, സരിത രവീന്ദ്രനാഥ് എന്നിവർ സംബന്ധിച്ചു.

കുന്നക്കാവ് സ്കൂളിൽ വിജയോത്സവം സംഘടിപ്പിച്ചു

ഏലംകുളം: കുന്നക്കാവ് ജിഎച്ച്എസ്എസിൽ നവീകരിച്ച പാചകപ്പുരയുടെ സമർപ്പണവും വിജയോത്സവവും സംഘടിപ്പിച്ചു. ജില്ലാ പഞ്ചായത്ത് പ്രസിഡന്‍റ് എം.കെ. റഫീഖ പരിപാടി ഉദ്ഘാടനം ചെയ്തു. ജില്ലാ പഞ്ചായത്ത് ഏലംകുളം ഡിവിഷൻ അംഗം കെ.ടി. അഷ്റഫ് അധ്യക്ഷത വഹിച്ചു. ഏലംകുളം പഞ്ചായത്ത് പ്രസിഡന്‍റ് സുധീർബാബു മുഖ്യാതിഥിയായിരുന്നു. എസ്എസ്കെ അനുവദിച്ച ക്രിയേറ്റീവ് കോർണർ പ്രസിഡന്‍റ് സുധീർ ബാബുവും പുതിയ ഹയർ സെക്കൻഡറി ഓഫീസ് ഉദ്ഘാടനം കെ.ടി. അഷ്റഫും നിർവഹിച്ചു. ഹെഡ്മിസ്ട്രസ് കെ.കെ. ജയ റിപ്പോർട്ട് അവതരിപ്പിച്ചു. ബ്ലോക്ക് പഞ്ചായത്ത് അംഗം നാലകത്ത് ഷൗക്കത്ത്, പഞ്ചായത്ത് അംഗങ്ങളായ എം.ആർ. മനോജ്, സൽമ കുന്നക്കാവ്, രമ്യ മാണിതൊടി, സ്വപ്ന, സാവിത്രി, പിടിഎ പ്രസിഡന്‍റ് എം.ടി. ഇബ്രാഹിം, പിടിഎ വൈസ് പ്രസിഡന്‍റ് മധു, എംപിടിഎ പ്രസിഡന്‍റ് സമീറ മുസ്തഫ, പ്രിൻസിപ്പൽ കെ. ശ്രീജിത്, സ്റ്റാഫ് സെക്രട്ടറി ഡോ. പി. അബ്ദുൾഗഫൂർ തുടങ്ങിയവർ പ്രസംഗിച്ചു. ചടങ്ങിൽ വിവിധ തലങ്ങളിലെ ഉന്നതവിജയികളെ അനുമോദിച്ചു.

അങ്ങാടിപ്പുറത്ത് വാഹനഗതാഗതം ഭാഗികമായി പുനഃസ്ഥാപിച്ചു

പെരിന്തൽമണ്ണ: അങ്ങാടിപ്പുറം റെയിൽവേ ഓവർ ബ്രിഡ്ജിലൂടെയുള്ള വാഹനഗതാഗതം ഭാഗികമായി പുനഃസ്ഥാപിച്ചു. ഇന്ന് രാവിലെ മുതൽ ഇരുചക്ര വാഹനങ്ങൾ, നാലുചക്ര വാഹനങ്ങൾ എന്നിവ അങ്ങാടിപ്പുറം ഓവർ ബ്രിഡ്ജിലൂടെ കടത്തിവിടും. പാലക്കാട്-മണ്ണാർക്കാട് ഭാഗത്ത് നിന്ന് വരുന്ന ഹെവി വാഹനങ്ങൾ പൊന്ന്യാകുർശി ഷിഫ കണ്‍വൻഷൻ സെന്‍റർ ജംഗ്ഷനിൽ നിന്ന് തിരിഞ്ഞ് ചില്ലീസ് ജംഗ്ഷൻ മാനത്തുമംഗലം-പട്ടിക്കാട് -മുള്ള്യാകുർശി- ഓരാടംപാലം വഴി ഹൈവേയിൽ പ്രവേശിക്കണം. പട്ടാന്പി റോഡിൽ നിന്നും തൂത റോഡിൽ നിന്നും വരുന്ന ഹെവി വാഹനങ്ങൾ ചീരട്ടമല പരിയാപുരം വഴി ഹൈവേയിൽ പ്രവേശിക്കണം. കോഴിക്കോട്, മലപ്പുറം ഭാഗത്ത് നിന്ന് വരുന്ന ഹെവി വാഹനങ്ങൾ ഓരാടംപാലത്ത് നിന്നും മുള്ള്യാകുർശി-പട്ടിക്കാട്-ചില്ലീസ് ജംഗ്ഷൻ-മാനത്തുമംഗലം-ഷിഫാ കണ്‍വൻഷൻ സെന്‍റർ ജംഗ്ഷൻ വഴി ഹൈവേയിൽ പ്രവേശിക്കണം. പരിയാപുരം റോഡിൽ നിന്നും പെരിന്തൽമണ്ണ ഭാഗത്ത് നിന്നും ഹൈവേയിലേക്ക് പ്രവേശിക്കുന്ന എല്ലാ വാഹനങ്ങളും ഇടതുവശം തിരിഞ്ഞ് വളാഞ്ചേരി റോഡിൽ പ്രവേശിച്ച് യൂടേണ്‍ എടുത്ത് പെരിന്തൽമണ്ണ ഭാഗത്തേക്ക് പോകണമെന്നും ജില്ലാ കളക്ടർ അറിയിച്ചു. ബസുകൾക്ക് അനുമതി നൽകുന്ന കാര്യം ഉടനെ തീരുമാനിക്കും. കൂടാതെ തിരുമാന്ധാംകുന്ന് ക്ഷേത്രത്തിന് മുന്നിലുള്ള ബസ് സ്റ്റോപ്പ് പെരിന്തൽമണ്ണ ഭാഗത്തേക്ക് 100 മീറ്റർ മാറ്റി സ്ഥാപിക്കും. ട്രാഫിക് തുറന്നുകൊടുക്കുന്ന അവസരത്തിൽ ഭാരം കൂടിയ ചരക്ക് വാഹനങ്ങൾക്ക് അങ്ങാടിപ്പുറം പാലത്തിലൂടെ രാവിലെ 8.30 മുതൽ 10.30 വരെയും വൈകുന്നേരം മൂന്ന് മുതൽ അഞ്ചുവരെയും പ്രവേശനം നിരോധിച്ചെന്നും കളക്ടർ അറിയിച്ചു.

ബൈപാസിനോടുള്ള അവഗണനയിൽ പ്രക്ഷോഭം നടത്തും: എംഎൽഎ

പെരിന്തൽമണ്ണ: അങ്ങാടിപ്പുറത്തെ ഗതാഗതക്കുരുക്കിന് പരിഹാരമാകുന്ന ഒരാടംപാലം - വൈലോങ്ങര ബൈപാസിന്‍റെ നിർമാണത്തോടനുബന്ധിച്ച് ഭൂമി ഏറ്റെടുക്കൽ നടപടിയുമായി ബന്ധപ്പെട്ട് ഡീറ്റെയിൽഡ് വാല്യുവേഷൻ റിപ്പോർട്ടിന് കളക്ടർ അംഗീകാരം നൽകിയതായി മഞ്ഞളാംകുഴി അലി എംഎൽഎ അറിയിച്ചു. സ്ഥല ഉടമകൾക്ക് നൽകുന്നതിനുള്ള നഷ്ടപരിഹാരത്തുക ആവശ്യപ്പെട്ട് കളക്ടർ ആർബിഡിസികെയ്ക്ക് കത്ത് നൽകുമെന്ന് അറിയിച്ചതായും എംഎൽഎ പറഞ്ഞു. ദീർഘനാളായി ഓരാടംപാലം - മാനത്ത്മംഗലം ബൈപാസിനോടുള്ള സർക്കാരിന്‍റെ അവഗണനയിൽ എംഎൽഎയുടെ നേതൃത്വത്തിൽ തലസ്ഥാനത്ത് ജനകീയ സമരം സംഘടിപ്പിക്കുമെന്നും എംഎൽഎ അറിയിച്ചു. എംഎൽഎ ഫണ്ടിൽ നിന്ന് 55 ലക്ഷവും അങ്ങാടിപ്പുറം ഗ്രാമപഞ്ചായത്തിന്‍റെ ഫണ്ടിൽ നിന്ന് 65 ലക്ഷം രൂപയും വകയിരുത്തി ഓരാടംപാലത്ത് നിന്ന് കോട്ടയ്ക്കൽ വളാഞ്ചേരി റോഡിലേക്കുള്ള റോഡ് ബിഎംബിസി ചെയ്തു നവീകരിക്കുന്ന പ്രവൃത്തി ആരംഭിച്ചതായും എംഎൽഎ പറഞ്ഞു. ഏഴുകണ്ണി പാലത്തിന് സമീപം നിർമിക്കാൻ ഉദ്ദേശിക്കുന്ന അണ്ടർപാസിന് എംഎൽഎ ഫണ്ടിൽ നിന്ന് ഒരു കോടി രൂപയും അങ്ങാടിപ്പുറം ഗ്രാമപഞ്ചായത്ത് 50 ലക്ഷം രൂപയും അനുവദിച്ചിട്ടുണ്ടെന്നും ബാക്കി തുക കണ്ടെത്താൻ ശ്രമങ്ങൾ ആരംഭിച്ചതായും അങ്ങാടിപ്പുറത്തെ ഗതാഗതക്കുരുക്കിന് ശാശ്വത പരിഹാരം കാണാൻ നടപടികൾ തുടരുമെമെന്നും എംഎൽഎ വാർത്താ സമ്മേളനത്തിൽ വ്യക്തമാക്കി.

തൃക്കൈക്കുത്ത് പാലത്തിലേക്കുള്ള റോഡ് തകർന്നു

നിലന്പൂർ: നിലന്പൂർ നഗരസഭയെയും വണ്ടൂരിനെയും ബന്ധിപ്പിക്കുന്ന തൃക്കൈക്കുത്ത് പാലത്തിലേക്കുള്ള റോഡ് തകർന്ന് ചെളിക്കുളമായി. ഇരുചക്ര വാഹന യാത്രക്കാർ ഉൾപ്പെടെ ഈ റോഡിലൂടെ സർവീസ് നടത്തുന്നത് സാഹസികമായാണ്. വാഹനങ്ങൾ ചെളിയിൽ താഴുന്നത് നിത്യസംഭവമാകുകയാണ്. നിലന്പൂർ നഗരസഭയിലെ കൊളക്കണ്ടം ഡിവിഷനിൽ ഉൾപ്പെട്ട ഭാഗത്തെ മണ്ണ് റോഡാണ് അധികൃതരുടെ അനാസ്ഥ മൂലം തകർന്നുകിടക്കുന്നത്. റോഡ് അറ്റകുറ്റപണി നടത്തി ടാറിംഗ് നടത്താത്തതാണ് പ്രശ്നം. തൃക്കൈക്കുത്ത് പാലം തുറന്ന് കൊടുത്തതോടെ നിലന്പൂർ നഗരസഭയുടെ ഭാഗത്ത് നിന്നുള്ളവരും വണ്ടൂർ ഭാഗത്ത് നിന്നുമുള്ളവരുമായ നൂറുക്കണക്കിന് ആളുകൾ യാത്ര ചെയ്യുന്ന റോഡാണ് മഴ പെയ്തതോടെ ചെളിക്കുളമായത്. ഇരുചക്ര വാഹനങ്ങൾ ഇവിടെ തെന്നിമറയുന്നു. നിലന്പൂരിൽ നിന്ന് വണ്ടൂർ ഭാഗത്തേക്കും വണ്ടൂരിൽ നിന്ന് നിലന്പൂരിലേക്കുമുള്ള എളുപ്പപാതയായതിനാൽ നിരവധി യാത്രക്കാരാണ് ഇതുവഴി കടന്നുപോകുന്നത്. അടിയന്തരമായി റോഡ് അറ്റകുറ്റപണി നടത്തി ഗതാഗത യോഗ്യമാക്കണമെന്നാണ് ആവശ്യം. ജനങ്ങളുടെ ദീർഘകാലത്തെ സ്വപ്നമായിരുന്ന തൃക്കൈക്കുത്ത് പാലം യാഥാർഥ്യമായിട്ടും ഈ റോഡ് ഗതാഗത യോഗ്യമാക്കാത്തതാണ് യാത്രക്കാർക്ക് ദുരിതമായിരിക്കുന്നത്.തൃക്കൈക്കുത്ത് പാലത്തിലേക്കുള്ള ലിങ്ക് റോഡിനോട് ചേർന്ന് കിടക്കുന്ന ഭാഗമാണിത്.

മലപ്പുറത്തിന് പഠനാവസരം നിഷേധിക്കുന്നത് നീതികേട്: ആര്യാടൻ ഷൗക്കത്ത്

നിലന്പൂർ: സംസ്ഥാനത്ത് ഏറ്റവും അധികം കുട്ടികൾ എസ്എസ്എൽസി പരീക്ഷയിൽ ഉന്നത വിജയം നേടുന്ന മലപ്പുറം ജില്ലയിൽ കുട്ടികൾക്ക് പ്ലസ്ടു പഠനാവസരം നിഷേധിക്കുന്നത് നീതികേടാണെന്ന് ആര്യാടൻ ഷൗക്കത്ത് എംഎൽഎ. തെക്കൻ ജില്ലകളിൽ പ്ലസ്ടുവിന് സീറ്റൊഴിഞ്ഞു കിടക്കുന്പോൾ മലപ്പുറത്ത് സീറ്റില്ലാതെ കുട്ടികൾ നെട്ടോട്ടമോടുന്ന ദുരവസ്ഥയാണെന്നും അദ്ദേഹം ചൂണ്ടിക്കാട്ടി. നിലന്പൂർ സഹകരണ അർബൻ ബാങ്ക് പരിധിയിലെ സ്കൂളുകളിൽ എസ്എസ്എൽസി, പ്ലസ്ടു പരീക്ഷകളിൽ ഉന്നത വിജയം നേടിയ കുട്ടികൾക്ക് കാഷ് അവാർഡും മെമന്‍റോയും നൽകി അനുമോദിക്കുന്ന പ്രതിഭാ സംഗമം ഉദ്ഘാടനം ചെയ്ത് പ്രസംഗിക്കുകയായിരുന്നു ബാങ്ക് ചെയർമാൻ കൂടിയായ ആര്യാടൻ ഷൗക്കത്ത്. ഇത്തവണ എസ്എസ്എൽസി പരീക്ഷയിൽ ജില്ലയിൽ 82,0000 കുട്ടികളാണ് പാസായത്. ഇവർക്ക് ഉപരിപഠനത്തിന് പ്ലസ്ടു വിന് 56,000ത്തോളം സീറ്റുകൾ മാത്രമാണുള്ളത്. വലിയ ഫീസുള്ള അണ്‍ എയ്ഡഡ് സ്കൂളുകളടക്കം പരിഗണിച്ചാലും 15,000ത്തോളം കുട്ടികൾ പ്രൈവറ്റായി പ്ലസ്ടു പഠിക്കേണ്ട പ്രതിസന്ധിയാണ്. ഉന്നത വിജയം നേടിയ കുട്ടികൾക്കും അവർക്ക് പ്രചോദനമായ രക്ഷിതാക്കൾക്കുമുള്ള അംഗീകാരം കൂടിയാണ് അനുമോദനമെന്നും എംഎൽഎ പറഞ്ഞു. നിലന്പൂർ ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി അധ്യക്ഷത വഹിച്ചു. വി.എ.കരീം, പാലോളി മെഹബൂബ്, അഡ്വ. ഷെറി ജോർജ്, എം.കെ. ബാലകൃഷ്ണൻ, നഗരസഭ കൗണ്‍സിലർമാരായ ഡെയ്സി ചാക്കോ, സാലി ബിജു, എ.പി. റസിയ, ബാങ്ക് ഡയറക്ടർമാരായ കെ. സീത, എൻ. ബിജേഷ്, ഇ.എ. മുരളീധരൻ, ജോർജ് പാറക്കൽ, ബാങ്ക് ജനറൽ മാനേജർ എ.ആർ. വിമൽകുമാർ, സിസിഒ പീറ്റർ ജോസ് എന്നിവർ പ്രസംഗിച്ചു. ബാങ്ക് പരിധിയിലെ നിലന്പൂർ, വണ്ടൂർ, ഏറനാട് നിയോജക മണ്ഡലങ്ങളിലായുള്ള രണ്ടായിരത്തോളം കുട്ടികളെയാണ് അനുമോദിച്ചത്.

ഡെങ്കിപ്പനി പടരുന്നു; മൂത്തേടത്ത് യോഗം ചേർന്നു

എടക്കര: മൂത്തേടം ഗ്രാമപഞ്ചായത്തിൽ ഡെങ്കിപ്പനി പടർന്ന് പിടിക്കുന്ന സാഹചര്യത്തിൽ മൂത്തേടം കുടുംബാരോഗ്യ കേന്ദ്രത്തിന്‍റെ നേതൃത്വത്തിൽ ഇന്‍റർ സെക്ടർ മീറ്റിംഗ് സംഘടിപ്പിച്ചു. ഗ്രാമപഞ്ചായത്തിലെ നാല്, അഞ്ച്, ഏഴ് വാർഡുകളിലാണ് ഡെങ്കിപ്പനി കൂടുതലായി റിപ്പോർട്ട് ചെയ്തത്. ഇതിന്‍റെ ഭാഗമായാണ് മൂന്ന് വാർഡുകളിലും ആരോഗ്യപ്രവർത്തകരുടെ നേതൃത്വത്തിൽ രോഗപ്രതിരോധ പ്രവർത്തനങ്ങളും ബോധവത്കരണ പരിപാടികളും നടത്തിയത്. ആശാവർക്കർമാർ വീടുകൾ കയറിയിറങ്ങി സ്ക്വാഡ് വർക്കുകൾ നടത്തി. പരിപാടി ഗ്രാമപഞ്ചായത്ത് വൈസ് പ്രസിഡന്‍റ് ടി.പി. സഫിയ ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ അനീഷ് കാറ്റാടി അധ്യക്ഷത വഹിച്ചു.

കെഎസ്എസ്പിയു ജിഎസ്ടി ഓഫീസ് മാർച്ച് നടത്തും

ഏലംകുളം: സർവീസ് പെൻഷൻ വ്യവസ്ഥ അട്ടിമറിക്കുന്നവിധം പാർലമെന്‍റ് പാസാക്കിയ ഫിനാൻസ് ഭേദഗതി ബിൽ റദ്ദാക്കണമെന്നും സ്റ്റാറ്റ്യൂട്ടറി പെൻഷൻ പുനഃസ്ഥാപിക്കണമെന്നും കേരളത്തോടുള്ള കേന്ദ്രത്തിന്‍റെ സാന്പത്തിക പ്രതികാര നടപടികൾ അവസാനിപ്പിക്കണമെന്നും ആവശ്യപ്പെട്ട് കേരള സ്റ്റേറ്റ് സർവീസ് പെൻഷനേഴ്സ് യൂണിയൻ (കെഎസ്എസ്പിയു) എട്ടിന് സംസ്ഥാന വ്യാപകമായി നടത്തുന്ന ജിഎസ്ടി ഓഫീസ് മാർച്ചും ധർണയും വിജയിപ്പിക്കാൻ ഏലംകുളത്ത് ചേർന്ന കണ്‍വൻഷൻ തീരുമാനിച്ചു. കെഎസ്എസ്പിയു പെരിന്തൽമണ്ണ ബ്ലോക്ക് സെക്രട്ടറി കെ. രാധാകൃഷ്ണൻ യോഗം ഉദ്ഘാടനം ചെയ്തു. പ്രസിഡന്‍റ് പി.എൻ. ശോഭന അധ്യക്ഷത വഹിച്ചു. പെരിന്തൽമണ്ണ അസിസ്റ്റന്‍റ് എക്സൈസ് ഇൻസ്പെക്ടർ പി.എസ്. പ്രസാദ് ലഹരിവിരുദ്ധ സെമിനാറിൽ വിഷയം അവതരിപ്പിച്ചു. ഏലംകുളം പഞ്ചായത്ത് മുൻ പ്രസിഡന്‍റ് കെ. സരോജിനി നവാഗതരെ സ്വീകരിച്ചു. ജില്ലാ കമ്മിറ്റിയംഗം എസ്. മധുസൂദനൻ, ഇസ്മായിൽ മാടാല, പി.വി. മുരളീധരൻ, കെ. വിജയലക്ഷ്മി, സെക്രട്ടറി കെ. മോഹൻദാസ്, പി. ഹസൻ എന്നിവർ പ്രസംഗിച്ചു. പെൻഷൻകാരുടെ കലോത്സവത്തിൽ കലാതിലകം നേടിയ കെ.വി. പുഷ്പലതയുടെ ഗാനാലാപനവും ഉണ്ടായിരുന്നു. ഒന്പതിന് നടക്കുന്ന ദേശീയ പണിമുടക്ക് വിജയിപ്പിക്കാൻ താഴെക്കോട് യൂണിറ്റ് കണ്‍വൻഷൻ തീരുമാനിച്ചു.

യൂത്ത് കോണ്‍ഗ്രസ് പ്രതിഷേധ പ്രകടനം നടത്തി

എടക്കര: ആരോഗ്യമന്ത്രിയുടെ രാജി ആവശ്യപ്പെട്ട് വഴിക്കടവ് മണ്ഡലം യൂത്ത് കോണ്‍ഗ്രസ് കമ്മിറ്റിയുടെ നേതൃത്വത്തിൽ മരുതയിൽ പ്രതിഷേധ പ്രകടനം നടത്തി. മരുത മണ്ഡലം കോണ്‍ഗ്രസ് പ്രസിഡന്‍റ് സി.യു. ഏലിയാസ് ഉദ്ഘാടനം ചെയ്തു. യൂത്ത് കോണ്‍ഗ്രസ് പ്രസിഡന്‍റ് മാഹിർ മരുത അധ്യക്ഷത വഹിച്ചു. എടക്കര ബ്ലോക്ക് കോണ്‍ഗ്രസ് സെക്രട്ടറി ജൂഡി തോമസ് മുഖ്യപ്രഭാഷണം നടത്തി. കെ.പി. ബീജീഷ്, സുനീർ മാമാങ്കര, ധനേഷ്, ഐ.പി. ഷിബു, ഗഫൂർ മരുത, നബീൽ മാമാങ്കര, അമീൻ മാമാങ്കര, സലാം മരുതക്കടവ്, അനീഷ് നാരോക്കാവ്, സിറാജ്, ഫൈസൽ, ചന്ദ്രൻ അരിന്പ്ര, റെജി കാഞ്ഞിരത്തിങ്ങൽ, സി.കെ. വിജയൻ, എ.പി. അഹമ്മദ് കുട്ടി, പറന്പൻ മഹമൂദ്, വി.പി. സാലിഹ്, അൻവർ നാരോക്കാവ്, ഫിറോസ് എന്നിവർ പ്രസംഗിച്ചു.

ഉറങ്ങുകയായിരുന്ന വയോധികയുടെ മാല കവർന്നു

മഞ്ചേരി: വീടിനകത്ത് ഉറങ്ങിക്കിടക്കുകയായിരുന്ന വയോധികയുടെ മൂന്നുപവൻ സ്വർണമാല മോഷണം പോയതായി പരാതി. നെല്ലിക്കുത്ത് പടിഞ്ഞാറെപറന്പ് കൊല്ലത്തൊടി ആസ്യ(78)യുടെ മാലയാണ് നഷ്ടപ്പെട്ടത്. കഴിഞ്ഞ ദിവസം പുലർച്ചെ മൂന്നിനാണ് സംഭവം. വീടിന്‍റെ മുൻവശത്തെ രണ്ട് വാതിലുകൾ തുറന്നാണ് മോഷ്ടാവ് അകത്ത് കടന്നത്. ആസ്യയുടെ ശബ്ദം കേട്ട് അടുത്തമുറിയിൽ കിടന്നിരുന്ന മരുമകൾ റംല എത്തിയപ്പോൾ വാതിൽ കുത്തി തുറന്നിട്ട നിലയിലായിരുന്നു. മുകൾ നിലയിൽ കിടക്കുന്ന മറ്റുള്ളവരെ വിളിച്ചുണർത്തി നോക്കിയപ്പോഴാണ് മാല നഷ്ടപ്പെട്ട വിവരം അറിയുന്നത്. മാലയുടെ കഷ്ണം താഴെ വീണു കിടക്കുന്നുണ്ടായിരുന്നു. സിസിടിവിയിൽ മോഷ്ടാവിന്‍റെ ദൃശ്യങ്ങൾ തെളിഞ്ഞിട്ടുണ്ട്. സമീപത്തെ മറ്റ് രണ്ടു വീടുകളിലും മോഷണ ശ്രമം നടന്നിട്ടുണ്ട്. മഞ്ചേരി പോലീസ് കേസെടുത്ത് അന്വേഷണമാരംഭിച്ചു.

എംഡിഎംഎയുമായി യുവാവ് അറസ്റ്റിൽ

വണ്ടൂർ: മാരക ലഹരിമരുന്നായ എംഡിഎംഎയുമായി കൂരാട് സ്വദേശി വണ്ടൂർ പോലീസിന്‍റെ പിടിയിലായി. മരുതത്ത് വീട്ടിൽ അബ്ദുൾ ലത്തീഫ് (27) ആണ് വണ്ടൂർ വിഎംസി ഹയർ സെക്കൻഡറി സ്കൂൾ മൈതാനത്തിന് സമീപത്ത് വച്ച് പിടിയിലായത്. ഇയാളിൽ നിന്ന് അടിവസ്ത്രത്തിനുള്ളിൽ ഒളിപ്പിച്ച നിലയിൽ 40 ഗ്രാം എംഡിഎംഎ പോലീസ് കണ്ടെടുത്തു. 3.8 ഗ്രാം കഞ്ചാവും ഇയാളുടെ പക്കൽ നിന്ന് കണ്ടെടുത്തിട്ടുണ്ട്. കഴിഞ്ഞ ദിവസത്തെ കഐസ്‌യുവിന്‍റെ വിദ്യാഭ്യാസബന്ദുമായി ബന്ധപ്പെട്ട് വിഎംസി ഹയർസെക്കൻഡറി സ്കൂളിലേക്ക് പോകുന്നതിനിടെയാണ് പോലീസ്, മൈതാനത്തിന് സമീപം സംശയാസ്പദമായ രീതിയിൽ ഒരു വാഹനത്തിൽ നാലുപേർ ഇരിക്കുന്നത് കണ്ടത്. തുടർന്ന് ഇവരെ സ്റ്റേഷനിൽ എത്തിച്ച് ചോദ്യം ചെയ്തതോടെയാണ് കൂട്ടത്തിൽ ഒരാളായ അബ്ദുൾ ലത്തീഫിന്‍റെ പക്കൽ നിന്ന് എംഡിഎംഎ കണ്ടെടുത്തത്. കൂടെയുള്ള മൂന്നു പേർക്ക് ഇതുമായി ബന്ധപ്പെട്ട അറിവില്ലാത്തതിനാൽ ഒരാളുടെ പേരിൽ മാത്രമാണ് കേസ്. പോലീസ് പരിശോധന മുന്നിൽകണ്ട് തനിക്ക് ഉപയോഗിക്കാനായാണ് എംഡിഎംഎ കൈവശം കരുതിയതെന്നാണ് പ്രതി പോലീസിനോട് പറഞ്ഞിട്ടുള്ളത്. കോഴി വണ്ടിയിൽ ജോലിക്കാരനാണ് അബ്ദുൾ ലത്തീഫ്. നേരത്തെ കഞ്ചാവ് ഉപയോഗിച്ചതിന് പിഴ അടച്ചിട്ടുള്ള ആളാണ് പ്രതി. ഇയാളെ മഞ്ചേരി കോടതിയിൽ ഹാജരാക്കി.

വാഴ നട്ട് യൂത്ത് കോണ്‍ഗ്രസ് പ്രതിഷേധം

മഞ്ചേരി: സംസ്ഥാനത്തെ ആരോഗ്യരംഗം തകർത്തെറിയുകയും കോട്ടയം മെഡിക്കൽ കോളജിൽ വീട്ടമ്മയുടെ മരണത്തിനു കാരണമാവുകയും ചെയ്ത ആരോഗ്യമന്ത്രി വീണാ ജോർജിന്‍റെ രാജി ആവശ്യപ്പെട്ട് മഞ്ചേരി മണ്ഡലം യൂത്ത് കോണ്‍ഗ്രസ് കമ്മറ്റി നഗരമധ്യത്തിൽ വാഴനട്ടു. തുടർന്ന് നടന്ന പ്രതിഷേധ പ്രകടനത്തിന് മണ്ഡലം യൂത്ത് കോണ്‍ഗ്രസ് പ്രസിഡന്‍റ് കൃഷ്ണദാസ് വടക്കെയിൽ, അസംബ്ലി പ്രസിഡന്‍റ് മഹ്റൂഫ് പട്ടർകുളം, ഷബീർ കുരിക്കൾ, ഹംസ പുല്ലഞ്ചേരി, അമൽ കൃഷ്ണകുമാർ, നസീബ് യാസിൻ, രോഹിത് പയ്യനാട്, ഷാൻ കൊടവണ്ടി, അസീബ് നറുകര, ഹനീഫ ചാടിക്കല്ല്, കാർത്തിക കോവിലകംകുണ്ട്, മുസമ്മിൽ വീന്പൂർ, ആഷിക് നറുകര, സഹിൻഷ നെല്ലിക്കുത്ത്, മുനവ്വർ പാലായി, ഫജറുൽ ഹഖ്, സയ്യിദ് മുട്ടിപ്പാലം തുടങ്ങിയവർ നേതൃത്വം നൽകി.

ക്രിക്കറ്റ്: അന്പയറിംഗ് നിരയിലേക്ക് മലപ്പുറത്തുനിന്ന് എം.എസ്. ഭരത്

പെരിന്തൽമണ്ണ: ബിസിസിഐ ഈ വർഷം നടത്തിയ ലെവൽ -2 അന്പയറിംഗ് പരീക്ഷയിൽ നാലാം റാങ്ക് നേടി മലപ്പുറം ജില്ലയിൽ നിന്നുള്ള എം.എസ്. ഭരത് ബിസിസിഐ ലെവൽ -2 അന്പയറായി.മുൻ രഞ്ജി ട്രോഫി പാനൽ അന്പയറായ എം.എസ്. വിശ്വനാഥന്‍റെ മകനാണ് ഭരത്. 29 വർഷം കഴിഞ്ഞാണ് മലപ്പുറം ജില്ലയിൽ നിന്ന് ബിസിസിഐ പാനലിലേക്ക് ഒരു അന്പയർ കടന്നുവരുന്നത്. ഓൾ ഇന്ത്യ തലത്തിൽ 152 പേർ പരീക്ഷ എഴുതിയതിൽ 26 പേരാണ് യോഗ്യത നേടിയത്. കേരളത്തിൽ നിന്ന് രണ്ട് പേർ മാത്രമാണ് പാസായത്. കണ്ണൂരിലെ ജിഷ്ണു അജിത്താണ് യോഗ്യത നേടിയ മറ്റൊരു അന്പയർ. പെരിന്തൽമണ്ണയിലെ ജോളി റോവേഴ്സ് ക്ലബിലെ അംഗമാണ് എം.എസ്. ഭരത്. നിലവിൽ ഫുഡ് കോർപറേഷൻ ഓഫ് ഇന്ത്യയുടെ പാലക്കാട് ശാഖയിൽ ജോലി ചെയ്യുന്നു.

പ്രവൃത്തി കഴിഞ്ഞ് ദിവസങ്ങൾക്കുള്ളിൽ റോഡ് തകർന്നു; പ്രതിഷേധിച്ച് യുഡിഎഫ്

നിലന്പൂർ: നിർമാണം പൂർത്തിയായി ദിവസങ്ങൾക്കുള്ളിൽ റോഡ് തകർന്നു. പ്രതിഷേധ സമരം സംഘടിപ്പിച്ച് യുഡിഎഫ്. നിലന്പൂർ നഗരസഭയിലെ പാടിക്കുന്ന് പി.വി. സ്കൂൾ റോഡാണ് നിർമാണം പൂർത്തീകരിച്ച് ദിവസങ്ങൾക്കുള്ളിൽ തകർന്നത്. പ്രതിഷേധ സമരം നഗരസഭ പ്രതിപക്ഷ നേതാവ് പാലോളി മെഹബൂബ് ഉദ്ഘടനം ചെയ്തു. പാടിക്കുന്ന് ഡിവിഷൻ യുഡിഫ് ചെയർമാൻ ശിഹാബ് ഇണ്ണി അധ്യക്ഷത വഹിച്ചു. കണ്‍വീനർ അനീഷ് ഇല്ലിക്കൽ, മുനിസിപ്പൽ മുസ്‌ലിം ലീഗ് ജനറൽ സെക്രട്ടറി പി.ടി. റൂൻസ്ക്കർ, മണ്ഡലം കോണ്‍ഗ്രസ് വൈസ് പ്രസിഡന്‍റ് ഷിബു പുത്തൻവീട്ടിൽ, യൂനുസ്, വി.കെ. ബുനൈസ്, ഷുഹൈബ് മുത്തു പള്ളിക്കണ്ടി, സുബൈദ തട്ടരശേരി എന്നിവർ പ്രസംഗിച്ചു. അജ്മൽ ബിച്ചു, കെ.പി. ആമീൻ, റഫീഖ് പുന്നക്കാടൻ, ഇഹകീം, ലംസിക്, റഷീദ്, യൂനുസ്, നവാസ്, സുഹൈൽ എന്നിവർ നേതൃത്വം നൽകി.

സ്കൂട്ടർ മോഷ്ടാവ് പിടിയിൽ

ചങ്ങരംകുളം: ചിയ്യാനൂരിൽ നിന്ന് സ്കൂട്ടർ മോഷ്ടിച്ച് രക്ഷപ്പെട്ട യുവാവിനെ ചങ്ങരംകുളം പോലീസ് പിടികൂടി. കൊയിലാണ്ടി സ്വദേശി മാവലിച്ചിക്കണ്ടി സൂര്യൻ (24) ആണ് പിടിയിലായത്. കഴിഞ്ഞ ദിവസമാണ് ചിയ്യാനൂർ ചിറകുളത്തിന് സമീപം താമസിക്കുന്ന മുഹമ്മദ്കുട്ടിയുടെ സ്കൂട്ടർ എടുത്ത് യുവാവ് കടന്നുകളഞ്ഞത്. തുടർന്ന് മുഹമ്മദ്കുട്ടിയുടെ പരാതിയിൽ കേസെടുത്ത പോലീസ് പ്രദേശത്തെ സിസിടിവിയിൽ മോഷ്ടാവ് മുഖം മറച്ച് പിടിച്ച് സ്കൂട്ടർ ഓടിച്ച് പോകുന്ന ദൃശ്യങ്ങൾ കണ്ടെത്തി. അന്വേഷണത്തിൽ സംഭവ ദിവസം തന്നെ കോക്കൂരിൽ മറ്റൊരു ബൈക്ക് മോഷ്ടിക്കാൻ ഇയാൾ ശ്രമം നടത്തുന്നതിന്‍റെ സിസിടിവി ദൃശ്യങ്ങളും പോലീസിന് ലഭിച്ചു. പിന്നീടുണ്ടായ അന്വേഷണത്തിൽ മോഷ്ടാവിനെ പോലീസ് തിരിച്ചറിഞ്ഞു. തുടർന്ന് മൊബൈൽ ലൊക്കേഷൻ കേന്ദ്രീകരിച്ച് നടത്തിയ അന്വേഷണത്തിലാണ് മണിക്കൂറുകൾക്കകം എറണാകുളം കാക്കനാട്ടെത്തി അന്വേഷണസംഘം സ്കൂട്ടർ സഹിതം യുവാവിനെ പിടികൂടിയത്. കൊയിലാണ്ടി, ചോന്പാല, പയ്യോളി തുടങ്ങി വിവിധയിടങ്ങളിൽ സമാനമായ കേസുകളുള്ള മോഷ്ടാവാണ് പിടിയിലായതെന്ന് സിഐ പറഞ്ഞു. ചങ്ങരംകുളം സിഐ ഷൈനിന്‍റെ നേതൃത്വത്തിൽ എസ്ഐ ആനന്ദ്, പിആർഒ പ്രജീഷ്, സിപിഒമാരായ റിനീഷ്, അജിത്ത് എന്നിവരടങ്ങുന്ന അന്വേഷണ സംഘമാണ് പ്രതിയെ പിടികൂടിയത്. പ്രതിയുമായി പോലീസ് തെളിവെടുപ്പ് നടത്തി. തുടർന്ന് പൊന്നാനി ജുഡീഷൽ മജിസ്ട്രേറ്റ് കോടതിയിൽ ഹാജരാക്കി.

മന്ത്രിയുടെ രാജി ആവശ്യപ്പെട്ട് യൂത്ത് ലീഗ് റോഡ് ഉപരോധിച്ചു

മഞ്ചേരി: കോട്ടയം മെഡിക്കൽ കോളജിൽ കെട്ടിടം തകർന്നുവീണ് വീട്ടമ്മ മരിക്കാനിടയായ സംഭവത്തിന്‍റെ ഉത്തരാവദിത്വം ഏറ്റെടുത്ത് ആരോഗ്യ വകുപ്പ് മന്ത്രി വീണാ ജോർജ് രാജിവയ്ക്കണമെന്നാവശ്യപ്പെട്ട് മുസ്‌ലിം യൂത്ത് ലീഗ് മഞ്ചേരിയിൽ റോഡ് ഉപരോധിച്ചു. ആരോഗ്യവകുപ്പിന്‍റെ കെടുകാര്യസ്ഥതയും മന്ത്രിയുടെ നിരുത്തരവാദ സമീപനവുമാണ് ഒരു രോഗിയുടെ ജീവൻ നഷ്ടമാക്കിയതെന്ന് റോഡ് ഉപരോധ സമരം ഉദ്ഘാടനം ചെയ്ത മുസ്‌ലിം ലീഗ് മുനിസിപ്പൽ കമ്മിറ്റി പ്രസിഡന്‍റ് കെ.കെ.ബി. മുഹമ്മദലി പറഞ്ഞു. മുനിസിപ്പൽ പ്രസിഡന്‍റ് യാഷിക് മേച്ചേരി അധ്യക്ഷനായിരുന്നു. യൂത്ത് ലീഗ് ജില്ലാ സെക്രട്ടറി യൂസുഫ് വല്ലാഞ്ചിറ, മണ്ഡലം ജനറൽ സെക്രട്ടറി വി.എം. സജറുദീൻ മൊയ്തു, മുനിസിപ്പൽ ജനറൽ സെക്രട്ടറി ബാവ കൊടക്കാടൻ, വല്ലാഞ്ചിറ അബ്ദുൾ മജീദ്, സാദിക് കൂളമഠത്തിൽ, ഇഖ്ബാൽ വടക്കേങ്ങര, റഷീദ് വല്ലാഞ്ചിറ, എ.പി. ഷിഹാബ്, ജൈസൽ കാരശേരി, ഹകിം ചെരണി, ഷിഹാബ് പയ്യനാട്, ജംഷി മേച്ചേരി, നാസർ എലന്പ്ര എന്നിവർ പ്രസംഗിച്ചു. മുസ്‌ലിം ലീഗ് ഓഫീസിൽ നിന്ന് പ്രകടനമായി എത്തിയ പ്രവർത്തകർ മഞ്ചേരി ടൗണ്‍ ചുറ്റി സെൻട്രൽ ജംഗ്ഷനിൽ കുത്തിയിരുന്നു പ്രതിഷേധിക്കുകയായിരുന്നു. മഞ്ചേരി പോലീസ് ഇൻസ്പെക്ടർ വി. പ്രതാപ് കുമാറിന്‍റെ നേതൃത്വത്തിലെത്തിയ പോലീസ് പ്രതിഷേധക്കാരെ ബലം പ്രയോഗിച്ച് നീക്കി. തിരൂർക്കാട്: മന്ത്രി വീണാ ജോർജ് രാജിവയ്ക്കണമെന്നാവശ്യപ്പെട്ട് യൂത്ത് ലീഗ് തിരൂർക്കാട് മേഖല കമ്മിറ്റി തിരൂർക്കാട് സ്കൂൾപ്പടിയിൽ റോഡ് ഉപരോധിച്ചു. യൂത്ത് ലീഗ് പഞ്ചായത്ത് പ്രസിഡന്‍റ് കെ.ടി. അൻസാർ സമരം ഉദ്ഘാടനം ചെയ്തു. ഷെബീർ മാഞ്ഞാന്പ്ര, ഷഫീക്ക് തിരൂർക്കാട്, അഫ്സൽ തിരൂർക്കാട്, മിസ്ഹബ് ഇപ്പുഴിയിൽ, ഫായിസ്, ഷാഫി, ഇക്ബാൽ, ഷാഹിദ് തുടങ്ങിയവർ നേതൃത്വം നൽകി. എടക്കര: മന്ത്രിയുടെ അനാസ്ഥയിൽ പ്രതിഷേധിച്ച് യൂത്ത് ലീഗ് എടക്കരയിൽ പ്രകടനം നടത്തി. പ്രസിഡന്‍റ് മൻസൂർ കൈതവളപ്പിൽ, ജനറൽ സെക്രട്ടറി ബാപ്പു ചേരലിൽ, കെ.പി. റമീസ്, എം.എ. സൽമാനുൽ ഫാരിസ്, റിഷാദ് തെക്കിൽ, എൻ.കെ. അഫ്സൽ, നംഷാർ, കെ.എം. ഉനീസ്, ടി.പി. ഷരീഫ്, ടി.കെ. ആഷിഖ്, അൻവർ മണക്കാട് എന്നിവർ നേതൃത്വം നൽകി.

ആത്മഹത്യക്ക് ശ്രമിച്ച യുവതി ചികിത്സയിലിരിക്കെ മരിച്ചു

ചങ്ങരംകുളം: വാടക വീട്ടിൽ ആത്മഹത്യക്ക് ശ്രമിച്ച യുവതി ചികിത്സയിലിരിക്കെ മരിച്ചു. പൊന്നാനി കടവനാട് സ്വദേശി ചെന്പ്ര വീട്ടിൽ സുനിൽകുമാറിന്‍റെ മകൾ നന്ദന (22)യാണ് മരിച്ചത്. ചങ്ങരംകുളത്ത് സ്വകാര്യസ്ഥാപനത്തിൽ ജീവനക്കാരിയായിരുന്ന നന്ദന ചങ്ങരംകുളത്ത് തന്നെ വാടക്ക് താമസിച്ച് വരികയായിരുന്നു. കഴിഞ്ഞമാസം 23ന് രാത്രി ഒന്പതിന് മുറിയിൽവച്ച് എലിവിഷം കഴിച്ച് ആത്മഹത്യക്ക് ശ്രമിച്ച നന്ദന എറണാകുളത്ത് സ്വകാര്യ ആശുപത്രിയിൽ അതീവ ഗുരുതരാവസ്ഥയിൽ ചികിത്സയിലായിരുന്നു. വെള്ളിയാഴ്ചയാണ് മരണം സംഭവിച്ചത്. ചങ്ങരംകുളം പോലീസ് ഇൻക്വസ്റ്റ് നടത്തി പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകി. അസ്വഭാവിക മരണത്തിന് പോലീസ് കേസെടുത്ത് അന്വേഷണം ആരംഭിച്ചു.

ബഷീർദിന ദൃശ്യാവിഷ്കാരം ശ്രദ്ധേയമായി

കരുവാരകുണ്ട്: "ജൂലൈ അഞ്ച്-കഥാകാരൻ ബഷീർ ദിന'ത്തെ ആസ്പദമാക്കി അദ്ദേഹത്തിന്‍റെ കഥാപാത്രങ്ങളെ കോർത്തിണക്കി കരുവാരകുണ്ട് പുന്നക്കാട് ജിഎൽപി സ്കൂളിലെ വിദ്യാരംഗം കലാസാഹിത്യ വേദി ഒരുക്കിയ ദൃശ്യാവിഷ്കാരം ശ്രദ്ധേയമായി. ബഷീറിനെ കൂടാതെ ബഷീർ കഥാപാത്രങ്ങളായ പാത്തുമ്മ, കദീജ, മജീദ്, സുഹ്റ, സാറാമ്മ, കേശവൻ നായർ, ആനവാരി രാമൻനായർ, സൈനബ, ഒറ്റക്കണ്ണൻ പോക്കർ തുടങ്ങിയവരാണ് കുട്ടികളുടെ മുന്നിലെത്തിയത്. കൂടാതെ ബഷീർ കൃതികളെ അടിസ്ഥാനമാക്കിയുള്ള ശില്പശാല, ചിത്രരചന, തുടങ്ങിയവയും നടന്നു. പ്രധാനാധ്യാപിക കെ.പി. രാജശ്രീ, എം. രാധാകൃഷ്ണൻ, പി. റിൻഷിന, കെ. ശ്രീജയ, കെ. ജയശ്രീ, പി.എം ആര്യ, നസ്‌ബിയ തുടങ്ങിയവർ നേതൃത്വം നൽകി.

ലിറ്റിൽ ഫ്ളവർ സ്കൂളിൽ ആര്യാടൻ ഷൗക്കത്തിന് സ്വീകരണം

നിലന്പൂർ: സാർവത്രിക വിദ്യാഭ്യാസ വളർച്ചക്ക് ആക്കം കൂട്ടിയത് ക്രൈസ്തവ സഭകളാണെന്ന് ആര്യാടൻ ഷൗക്കത്ത് എംഎൽഎ. പള്ളികൾക്കൊപ്പം വിദ്യാഭ്യാസ സ്ഥാപനങ്ങൾ സ്ഥാപിച്ച ക്രൈസ്തവ സഭകളാണ് സംസ്ഥാനത്ത് സാർവത്രിക വിദ്യാഭ്യാസ വളർച്ചയ്ക്ക് ആക്കം കൂട്ടിയതെന്ന് അദ്ദേഹം പറഞ്ഞു. അക്ഷരങ്ങൾ അറിവ് മാത്രമല്ല അതിജീവനത്തിന് ആയുധം കൂടിയാണെന്ന് നിലന്പൂർ ലിറ്റിൽ ഫ്ളവർ ഇംഗ്ലീഷ് സ്കൂളിൽ നൽകിയ സ്വീകരണത്തിൽ ആര്യാടൻ ഷൗക്കത്ത് അഭിപ്രായപ്പെട്ടു. സ്കൂൾ പാർലമെന്‍റിന്‍റെ ഉദ്ഘാടനം എംഎൽഎ നിർവഹിച്ചു. മാനേജർ ഫാ. ഡോ.സെബാസ്റ്റ്യൻ പുത്തേൻ അധ്യക്ഷത വഹിച്ചു. പ്രിൻസിപ്പൽ പി.വൈ. പോളച്ചൻ, വൈസ് പ്രിൻസിപ്പൽ ഫാ. ജിബിൻ വട്ടുകുളത്തിൽ, ഷെറി ജോർജ്, സോണി ആന്‍റണി, ലാലിച്ചൻ തോമസ്, ഡെയ്സി ചാക്കോ, ഫ്രാൻസിസ് അന്പലത്തിങ്കൽ, ജെയിംസ് മുഞ്ഞനാട്ട്, സ്കൂൾ ലീഡർ അലൻ കൃഷ്ണ, റിയ മരിയ ജോണ്‍, ഐലിൻ മുഹമ്മദ് ഫൈഹ എന്നിവർ പ്രസംഗിച്ചു.

ലഹരി വസ്തുക്കൾ നശിപ്പിച്ചു

മലപ്പുറം: 2022 മുതൽ മലപ്പുറം ജില്ലയിലെ വിവിധ പോലീസ് സ്റ്റേഷനുകളിൽ എൻഡിപിഎസ് ആക്ട് പ്രകാരമെടുത്ത കേസുകളിലെ തൊണ്ടിമുതലുകളും കോടതികളിൽ നിന്ന് നടപടി ക്രമങ്ങൾ പൂർത്തിയാക്കിയ ശേഷം നശിപ്പിക്കുന്നതിനായി ജില്ലാ പോലീസിന് തിരികെ നൽകിയതുമായ മയക്കുമരുന്നുകളായ കഞ്ചാവ്, എംഡിഎംഎ, ഹാഷിഷ് ഓയിൽ തുടങ്ങിയവ ജില്ലാ പോലീസ് ഹെഡ്ക്വാർട്ടറിൽ വച്ച് നശിപ്പിച്ചു. ജില്ലാ ഡ്രഗ് ഡിസ്പോസൽ കമ്മിറ്റിയുടെ തീരുമാനപ്രകാരം ജില്ലാ പോലീസ് ഹെഡ്ക്വാർട്ടറിലെ ഗോഡൗണിൽ സൂക്ഷിച്ച 51 കേസുകളുടെ തൊണ്ടിമു തലുകളായ 154.85 കിലോഗ്രാം കഞ്ചാവ്, 689 ഗ്രാം എംഡിഎംഎ, 1.030 കിലോഗ്രാം ഹാഷിഷ് ഓയിൽ, 122 കഞ്ചാവ് ബീഡി എന്നിവയാണ് എസ്പിയുടെ മേൽനോട്ടത്തിൽ ഡിവൈഎസ്പിമാരായ എൻ.ഒ. സിബി, (നാർക്കോട്ടിക് സെൽ) പി. അബ്ദുൾബഷീർ, (ജില്ലാ സ്പെഷൽ ബ്രാഞ്ച്), വി. ജയചന്ദ്രൻ (ജില്ലാ ക്രൈം റിക്കാർഡ്സ് ബ്യൂറോ) എന്നിവരുടെ നേതൃത്വത്തിൽ നശിപ്പിച്ചത്.

ലഹരി വിരുദ്ധ വാരാചരണം സംഘടിപ്പിച്ചു

എടക്കര: ലഹരിക്കെതിരേ അണിനിരക്കാം എന്ന സന്ദേശമുയർത്തി മണിമൂളി ക്രൈസ്റ്റ് കിംഗ് ഹൈസ്കൂളിൽ ലഹരി വിരുദ്ധ വാരാചരണം സംഘടിപ്പിച്ചു. പരിപാടിയുടെ ഭാഗമയി ദീപശിഖാ പ്രയാണം, കുട്ടികളുടെ കൂട്ടയോട്ടം, ഫ്ളാഷ് മോബ്, ലഹരിക്കെതിരേ കൈ പതിപ്പിക്കൽ എന്നിവ സംഘടിപ്പിച്ചു. സ്കൂൾ ഹെഡ് മാസ്റ്റർ സജി ആന്‍റണി ബോധവത്കരണ ക്ലാസെടുത്തു. അധ്യാപിക അല ജോസ് ലഹരി വിരുദ്ധ സന്ദേശം നൽകി. വിവിധ മത്സരങ്ങളിലെ വിജയികൾക്കുള്ള സമ്മാനദാനവും നടത്തി. ലഹരി വിരുദ്ധ ക്ലബിലെ അംഗങ്ങൾ നട്ടുവളർത്തിയ ചെടിത്തൈകളാണ് വിവിധ മത്സരങ്ങളിൽ സമ്മാനാർഹരായവർക്ക് നൽകിയത്. ലഹരി വിരുദ്ധ ക്ലബ് കണ്‍വീനർമാരായ ലിൻഡ ലൂയിസ്, അമല മരിയ, അല ജോസ് എന്നിവർ പരിപാടികൾക്ക് നേതൃത്വം നൽകി.

അങ്ങാടിപ്പുറം പഞ്ചായത്ത്: ആരോപണങ്ങൾ അടിസ്ഥാനരഹിതമെന്ന് യുഡിഎഫ്

അങ്ങാടിപ്പുറം: അങ്ങാടിപ്പുറം പഞ്ചായത്തിൽ മുന്പെങ്ങുമില്ലാത്തവിധം വിപ്ലവകരമായ മാറ്റങ്ങൾ യുഡിഎഫ് ഭരണസമിതി നടപ്പാക്കിയപ്പോൾ ഭരണത്തിലേക്ക് തിരിച്ചുവരാനുള്ള സാധ്യത പോലും മുന്നിൽ കാണാത്ത സിപിഎം അടിസ്ഥാനരഹിതമായ ആരോപണങ്ങളാണ് ഉന്നയിച്ചതെന്ന് അങ്ങാടിപ്പുറം പഞ്ചായത്ത് യുഡിഎഫ് ഭാരവാഹികൾ വാർത്താ സമ്മേളനത്തിൽ പറഞ്ഞു. സ്വന്തം അണികളിൽ നിന്ന് രക്ഷപ്പെടാനും ജനങ്ങളെ തെറ്റിധരിപ്പിക്കുവാനും ശ്രമിക്കുകയാണ് അവർ. സംസ്ഥാന സർക്കാർ അങ്ങാടിപ്പുറം പഞ്ചായത്തിനെതിരേ നടത്തിയ ദ്രോഹനടപടികൾ ജനങ്ങൾ തിരിച്ചറിയുകയും അത് ജനങ്ങളുടെ ഇടയിൽ ചർച്ചയാവുകയും ചെയ്തിരിക്കുന്നു. ഓരോടംപാലം - മാനത്ത്മംഗലം ബൈപാസിനു വേണ്ടി ഒന്പത് വർഷമായി സംസ്ഥാന സർക്കാർ ഒന്നും ചെയ്തിട്ടില്ല. ഈ തിരിച്ചറിവ് ജനങ്ങൾ അറിയുകയും അതിലുള്ള അങ്കലാപ്പ് മറച്ചുപിടിക്കാനാണ് പഞ്ചായത്തിലെ പ്രതിപക്ഷവും സംസ്ഥാന ഭരണകക്ഷിയുമായ സിപിഎമ്മും ശ്രമിച്ചുകൊണ്ടിരിക്കുന്നതെന്നും യുഡിഎഫ് കുറ്റപ്പെടുത്തി. യുഡിഎഫ് അങ്ങാടിപ്പുറം റെയിൽവേ ഗേറ്റിൽ മേൽപ്പാലവും ഓരോടംപാലത്ത് നിന്ന് മാനത്ത്മംഗലത്തേക്ക് ബൈപാസിനും വേണ്ടി ശ്രമിച്ചപ്പോൾ എൽഡിഎഫ് മേൽപ്പാലം മുടക്കാനും അങ്ങാടിപ്പുറത്തെയും പെരിന്തൽമണ്ണയെയും നശിപ്പിക്കാനും ശ്രമിക്കുകയായിരുന്നു. യുഡിഎഫ് ബൈപാസിനെതിരായ നിലപാട് സ്വീകരിച്ചിട്ടില്ല. പൊതുമരാമത്ത് മന്ത്രി മുഹമ്മദ് റിയാസ് ബൈപാസിന് കണ്ടെത്തിയ സ്ഥലം സിപിഎം നേതാക്കളോടൊപ്പം സന്ദർശിച്ചിട്ടും നടപടിയില്ലാത്തത് എന്താണെന്ന് യുഡിഎഫ് ഭാരവാഹികൾ ചൂണ്ടിക്കാട്ടി. ഭാരവാഹികളായ ഉമ്മർ അറക്കൽ, അബു താഹിർ തങ്ങൾ, കളത്തിൽ ഹാരിസ്, ഷബീർ കറുമുക്കിൽ, സുനിൽ ബാബു വാക്കാട്ടിൽ എന്നിവർ വാർത്താസമ്മേളനത്തിൽ പങ്കെടുത്തു.

കാട്ടുപന്നി ബൈക്കിലിടിച്ച് യുവാവിന് പരിക്ക്

എടക്കര: കാട്ടുപന്നി ബൈക്കിലിടിച്ച് യുവാവിന് പരിക്കേറ്റു. ഇടിയുടെ ആഘാതത്തിൽ കാട്ടുപന്നി ചത്തു. മരുത വേങ്ങപ്പാടം വലിയതൊടിക താഹിറിനാണ് പരിക്കേറ്റത്. ഗുരുതര പരിക്കേറ്റ താഹിറിനെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വെള്ളിയാഴ്ച പുലർച്ചെ മരുത -വഴിക്കടവ് റോഡിൽ ഇരൂൾകുന്നിൽ വച്ചാണ് അപകടമുണ്ടായത്. പെട്രോൾ പന്പിലെ ജീവനക്കാരനായ താഹിർ ജോലിക്ക് പോകുന്പോഴായിരുന്നു ബൈക്കിൽ കാട്ടുപന്നിയിടിച്ചത്. ഉടൻ ഇയാളെ പാലാട് സ്വകാര്യ ആശുപത്രയിൽ പ്രവേശിപ്പിച്ചു. തുടർന്നാണ് മെഡിക്കൽ കോളജ് ആശുപത്രിയിലേക്ക് മാറ്റിയത്. ചത്ത കാട്ടുപന്നിയെ വനം ജീവനക്കാരെത്തി സംസ്കരിച്ചു. അതേസമയം നിലന്പൂർ മേഖലയിൽ കാട്ടുപന്നി ശല്യം രൂക്ഷമായി. എരഞ്ഞിമങ്ങാട്-വേട്ടേക്കോട് റോഡിൽ കഴിഞ്ഞദിവസം രാത്രി ഒന്പത് മണിയോടെ കാട്ടുപന്നികൾ റോഡ് മുറിച്ചുകടന്നു. മൈലാടി മുതൽ അകന്പാടം കാഞ്ഞിരപ്പടി വരെയുള്ള ഭാഗത്ത് കാട്ടുപന്നികളുടെ വിളയാട്ടമാണ്. കാട്ടുപന്നികളെ വെടിവച്ച് കൊല്ലാൻ അനുമതിയുണ്ടെങ്കിലും ചാലിയാർ ഗ്രാമപഞ്ചായത്ത് ഇക്കാര്യത്തിൽ കടുത്ത അലംഭാവമാണ് കാണിക്കുന്നത്.

നിപ: ജില്ലയിൽ പ്രതിരോധം ഊർജിതമാക്കി : ‘സന്പർക്ക പട്ടികയിൽ ഉൾപ്പെട്ടവർ ക്വാറന്‍റൈൻ പാലിക്കണം’

മലപ്പുറം: ജില്ലയിൽ മക്കരപ്പറന്പ് ചെട്ടിയാരങ്ങാടിയിൽ നിപ ബാധിച്ച് 18 വയസുകാരി മരിച്ച സാഹചര്യത്തിൽ ജനങ്ങൾ ജാഗ്രത പാലിക്കണമെന്ന് ജില്ലാ മെഡിക്കൽ ഓഫീസർ ഡോ.ആർ. രേണുക അറിയിച്ചു. സ്ഥിതിഗതികൾ വിലയിരുത്തുന്നതിനായി ഡിഎംഒയുടെ അധ്യക്ഷതയിൽ ജില്ലാ പ്രോഗ്രാം ഓഫീസർമാരുടെയും എപിഡമോളജിസ്റ്റുകൾ, ബന്ധപ്പെട്ട ഉദ്യോഗസ്ഥർ എന്നിവരുടെ യോഗം ചേർന്നു. കേസ് റിപ്പോർട്ട് ചെയ്ത സ്ഥലത്ത് ജില്ലാ സർവയലൻസ് ഓഫീസർ ഡോ.സി. ഷുബിന്‍റെ നേതൃത്വത്തിലുള്ള ആരോഗ്യസംഘം സർവയലൻസ് നടത്തി. സന്പർക്ക പട്ടികയിൽ ഉൾപ്പെട്ടവർ നിർദേശിക്കുന്ന ദിവസംവരെ ക്വാറന്‍റെൻ പാലിക്കേണ്ടതും കുടുംബാംഗങ്ങൾ, പൊതുജനങ്ങൾ എന്നിവരുമായി ഇടപഴകുന്നത് ഒഴിവാക്കേണ്ടതുമാണ്. ഇവർക്ക് ഏതെങ്കിലും തരത്തിലുള്ള രോഗലക്ഷണങ്ങൾ അനുഭവപ്പെടുന്ന സമയത്ത് ഉടൻ ആരോഗ്യപ്രവർത്തകരെ അറിയിക്കണം. ജില്ലാമെഡിക്കൽ ഓഫീസിൽ 24 മണിക്കൂറും പ്രവർത്തിക്കുന്ന കണ്‍ട്രോൾ റൂം ആരംഭിച്ചിട്ടുണ്ട്. ഫോണ്‍: 0483 2735010, 0483 2735020.

കടുവ ജനവാസ കേന്ദ്രത്തിൽ; വീണ്ടും കാൽപ്പാടുകൾ കാണപ്പെട്ടു

ദൗത്യസംഘത്തിന്‍റെ തെരച്ചിൽ ആരംഭിച്ചിട്ട് 52 ദിവസം കരുവാരകുണ്ട്: കാളികാവ് അടക്കാക്കുണ്ടിൽ തൊഴിലാളിയായ യുവാവിനെ അക്രമിച്ചു കൊലപ്പെടുത്തിയ കടുവ വീണ്ടും ജനവാസ കേന്ദ്രത്തിൽ. കേരള എസ്റ്റേറ്റ് പാന്തറയിലെ പുറ്റള ആദിവാസി നഗറിനു സമീപമാണ് താമസക്കാർ കടുവയെ കണ്ടത്. അരമണിക്കൂറിലധികം സമയം കടുവ പ്രദേശത്ത് ഉണ്ടായിരുന്നുവെന്നും പ്രദേശവാസികൾ പറഞ്ഞു. കടുവ ക്ഷീണിതനാണെന്നും നടക്കാൻ പ്രയാസം അനുഭവപ്പെടുന്ന രീതിയിലാണെന്നും കടുവയെ കണ്ട ആദിവാസി നഗറിലെ നിവാസികൾ വെളിപ്പെടുത്തി. നാട്ടുകാരെത്തി വനംവകുപ്പ് അധികൃതരെ വിവരമറിയിച്ചിട്ടും വൈകിയാണ് അധികൃതർ സ്ഥലത്തെത്തിയതെന്നും ആരോപണമുണ്ട്. കടുവയുടെ കാൽപ്പാടുകളും പ്രദേശത്ത് പതിഞ്ഞിട്ടുണ്ട്. അടക്കാക്കുണ്ടിൽ യുവാവിനെ ആക്രമിച്ച് കൊലപ്പെടുത്തിയ ശേഷം കടുവ കരുവാരകുണ്ടിലെ ജനവാസ കേന്ദ്രങ്ങളിൽ കാണപ്പെട്ടിരുന്നു. കേരള എസ്റ്റേറ്റ്, കുണ്ടോട, കൽക്കുണ്ട് തുടങ്ങിയ പ്രദേശങ്ങളിൽ പലതവണയായി തൊഴിലാളികളും നാട്ടുകാരും കടുവയെ കാണുകയും വനംവകുപ്പ് അധികൃതരെത്തി കടുവയുടെ സാന്നിധ്യം സ്ഥിരീകരിക്കുകയും ചെയ്തിരുന്നു. കടുവയ്ക്കായി സ്ഥാപിച്ച കൂട്ടിൽ പുലി അകപ്പെടുകയുമുണ്ടായി. കടുവയുടെയും പുലിയുടെയും ആക്രമണം പ്രദേശത്ത് വർധിച്ചിട്ടുമുണ്ട്. കഴിഞ്ഞ ദിവസം കേരള എസ്റ്റേറ്റ് പാന്തറയിലെ ഇല്ലംപള്ളി ആസാദ് ചെറിയാന്‍റെ കൃഷിയിടത്തിലെ തൊഴുത്തിൽ കെട്ടിയിട്ടിരുന്ന അബ്ദുൾ സലാമിന്‍റെ മൂരി കടുവയുടെ ആക്രമണത്തിൽ ചത്തിരുന്നു. വന്യമൃഗങ്ങളുടെ ശല്യം പ്രദേശത്ത് വർധിക്കുന്പോൾ അധികൃതർ ഉറക്കം നടിക്കുകയാണെന്ന് നാട്ടുകാർ ആരോപിച്ചു. കടുവയെ പിടികൂടുന്നതിലും വന്യമൃഗശല്യം അമർച്ച ചെയ്യുന്നതിലും അധികൃതർ അലസത നടിക്കുന്നുവെന്നാണ് നാട്ടുകാരുടെ ആരോപണം. കടുവയ്ക്ക് പുറമേ ഒന്നിലധികം പുലികൾ പ്രദേശത്തുണ്ടെന്ന് നാട്ടുകാർ ഉറപ്പിച്ചു പറയുന്നു. അതേസമയം നരഭോജിക്കടുവയെ പിടികൂടുന്നതിന് ദൗത്യസംഘം പ്രദേശത്ത് തന്പടിച്ചിട്ട് 52 ദിവസമായി. ഇതുവരെയും കടുവയെ പിടികൂടാൻ സാധിച്ചിട്ടില്ല.

മഴയിൽ വില്ലേജ് ഓഫീസിന്‍റെ സംരക്ഷണ ഭിത്തി തകർന്നു

എടക്കര: കനത്ത മഴയെത്തുടർന്ന് വില്ലേജ് ഓഫീസിന്‍റെ ചുറ്റുമതിൽ സംരക്ഷണ ഭിത്തിയടക്കം തകർന്നുവീണു. കെട്ടിടം അപകാടാവസ്ഥയിൽ. കുറുന്പലങ്ങോട് വില്ലേജ് ഓഫീസ് കെട്ടിടത്തിന്‍റെ ചുറ്റുമതിലാണ് കഴിഞ്ഞ ദിവസങ്ങളിൽ പെയ്ത ശക്തമായ മഴയെത്തുർന്ന് തകർന്നുവീണത്. 12 അടിയിലേറെ ഉയരമുള്ള കരിങ്കൽ സംരക്ഷണ ഭിത്തിയുടെ മുകളിലാണ് ചുറ്റുമതിൽ പണിതിട്ടുള്ളത്. ഓഫീസ് കെട്ടിടവും തകർന്ന ഭാഗവും തമ്മിൽ അഞ്ച് മീറ്റർ മാത്രമാണ് അകലമുള്ളത്. ഈ ഭാഗത്തെ മണ്ണ് കുതിർന്ന് ചവിട്ടിയാൽപോലും താഴ്ന്ന് പോകുന്ന അവസ്ഥയിലാണ്. മതിലിന്‍റെ തകർച്ച കെട്ടിടത്തെ ബാധിക്കുമോ എന്ന ആശങ്കയിലാണ് ഓഫീസിലെ ജീവനക്കാർ. മുപ്പത് വർഷം മുന്പാണ് കുറുന്പലങ്ങോട് വില്ലേജ് ഓഫീസ് കെട്ടിടവും ചുറ്റുമതിലും നിർമിച്ചത്.

നിലന്പൂർ ബ്ലോക്ക് പഞ്ചായത്ത് ജോബ് സ്റ്റേഷൻ തുറന്നു

നിലന്പൂർ: വിജ്ഞാന കേരളം ജനകീയ കാന്പയിന്‍റെ ഭാഗമായി നിലന്പൂർ ബ്ലോക്കിലെ ഉദ്യോഗാർഥികൾക്ക് തൊഴിൽ ലഭിക്കുവാൻവേണ്ട സേവനങ്ങളും സൗകര്യങ്ങളും നൽകുന്നതിനായി വിജ്ഞാന സേവന സൗഹൃദ ഇടമായി നിലന്പൂർ ബ്ലോക്ക് പഞ്ചായത്തിന്‍റെ ജോബ് സ്റ്റേഷൻ പ്രവർത്തനം ആരംഭിച്ചു. നിലന്പൂർ എംഎൽഎ ആര്യാടൻ ഷൗക്കത്ത് ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി അധ്യക്ഷത വഹിച്ചു. വഴിക്കടവ് ഗ്രാമപഞ്ചായത്ത് പ്രസിഡന്‍റ് തങ്കമ്മ നെടുന്പടി, പോത്തുകൽ പഞ്ചായത്ത് പ്രസിഡന്‍റ് വിദ്യാരാജൻ, എടക്കര ഗ്രാമപഞ്ചായത്ത് പ്രസിഡന്‍റ് ഒ.ടി. ജെയിംസ്, ബ്ലോക്ക് പഞ്ചായത്ത വൈസ് പ്രസിഡന്‍റ് പാത്തുമ്മ ഇസ്മയിൽ, ബ്ലോക്ക് സ്ഥിരം സമിതി അധ്യക്ഷൻമാരായ സജ്ന അബ്ദുറഹ്മാൻ, റഷീദ് വാളപ്ര, സൂസമ്മ മത്തായി. ജില്ലാ പഞ്ചായത്ത് അംഗം ഷെറോണ റോയ്, ബ്ലോക്ക് പഞ്ചായത്ത് അംഗങ്ങളായ സി.കെ. സുരേഷ്, സോമൻ പാർളി, മറിയാമ്മ ജോർജ് തുടങ്ങിയവർ പ്രസംഗിച്ചു.

തേഞ്ഞിപ്പലം സെന്‍റ് മേരീസ് പള്ളിയിൽ സംയുക്ത വാർഷികം നടത്തി

തേഞ്ഞിപ്പലം: മാർതോമാ ശ്ലീഹായുടെ ദുക്റാന തിരുനാളിനോടനുബന്ധിച്ച് തേഞ്ഞിപ്പലം സെന്‍റ് മേരീസ് പള്ളിയിൽ കുടുംബ കൂട്ടായ്മ, സണ്‍ഡേ സ്കൂൾ എന്നിവയുടെ സംയുക്ത വാർഷികം ആഘോഷിച്ചു. കണ്ണൂർ കുന്നോത്ത് ഗുഡ് ഷെപ്പേർഡ് മേജർ സെമിനാരിയിലെ പ്രഫസറായ ഫാ. ജോസ് കൂടപ്പുഴ വാർഷികാഘോഷം ഉദ്ഘാടനം ചെയ്തു. ഇടവക വികാരി ഫാ. ഏബ്രഹാം സ്രാന്പിക്കലിന്‍റെ അധ്യക്ഷതയിൽ ചേർന്ന യോഗത്തിൽ കുടുംബ കൂട്ടായ്മ ഏകോപന സമിതി പ്രസിഡന്‍റ് റോയിച്ചൻ ഡൊമിനിക് മുണ്ടയ്ക്കൽ, ഇടവക ട്രസ്റ്റി സാബിൻ ഉറുന്പിൽ, സണ്‍ഡേ സ്കൂൾ ഹെഡ്മാസ്റ്റർ മനോജ് വാരന്പേൽ എന്നിവർ പ്രസംഗിച്ചു. സണ്‍ഡേ സ്കൂളിന്‍റെയും വിവിധ കുടുംബ യൂണിറ്റുകളുടെയും ആഭിമുഖ്യത്തിൽ കലാപരിപാടികൾ, സംഘഗാനം, നിശ്ചല ദൃശ്യാവിഷ്കാരം, മ്യൂസിക്കൽ ഡ്രാമ, നിഴൽ നാടകം, സ്കിറ്റ് എന്നിവ അരങ്ങേറി. സീറോ മലബാർസഭാ ഗാനം ആലപിച്ച് ആഘോഷ പരിപാടികൾ സമാപിച്ചു. കലാപരിപാടികൾക്കു ശേഷം സ്നേഹവിരുന്നും ഉണ്ടായിരുന്നു.

എ.പി. അസ്ലം റീഹാബിലിറ്റേഷൻ സെന്‍റർ സജ്ജമായി

മലപ്പുറം: ജീവകാരുണ്യം, സാമൂഹ്യക്ഷേമം എന്നീ രംഗങ്ങളിൽ കഴിഞ്ഞ കാൽനൂറ്റാണ്ടായി പ്രതിഫലേച്ഛയില്ലാതെ പ്രവർത്തിക്കുന്ന കൽപകഞ്ചേരി ആനപ്പടിക്കൽ ചാരിറ്റബിൾ ട്രസ്റ്റിന്‍റെ കീഴിൽ അത്യാധുനിക സംവിധാനങ്ങളുള്ള പുതിയ പുനരധിവാസ കേന്ദ്രം പ്രവർത്തനം ആരംഭിച്ചു. കേരളത്തിലും ഗൾഫിലും കാരുണ്യപ്രവർത്തനങ്ങളാൽ നിരവധിയാളുകൾക്ക് സുപരിചിതനായിരുന്ന എ.പി. അസ്ലത്തിന്‍റെ പേരിൽ തുടങ്ങിയ റീഹാബിലിറ്റേഷൻ സെന്‍ററിന്‍റെ ഉദ്ഘാടനം മുസ്‌ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ നിർവഹിച്ചു. സെന്‍ററിലെ വെർച്വൽ റിയാലിറ്റി യൂണിറ്റിന്‍റെ ഉദ്ഘാടനം ഇ.ടി. മുഹമ്മദ് ബഷീർ എംപിയും ഫിസിക്കൽ തെറാപ്പി യൂണിറ്റിന്‍റെ ഉദ്ഘാടനം പി.കെ.കുഞ്ഞാലിക്കുട്ടി എംഎൽഎയും നിർവഹിച്ചു. 2017ൽ ട്രസ്റ്റിന് കീഴിൽ സ്ഥാപിച്ച ഫിസിയോതെറാപ്പി സെന്‍റർ ആണ് കൂടുതൽ സൗകര്യങ്ങളോടെ പുതിയ കെട്ടിടത്തിൽ പ്രവർത്തനം തുടങ്ങിയിരിക്കുന്നത്. ന്യൂറോ റീഹാബ് വിഭാഗത്തിൽ ഫിസിയോതെറാപ്പി, ഗെയ്റ്റ് തെറാപ്പി, റിബൗണ്ട് തെറാപ്പി, ഇലക്ട്രോ തെറാപ്പി, ഷോക്ക് വേവ് തെറാപ്പി, എക്സസൈസ് തെറാപ്പി തുടങ്ങിയ സേവനങ്ങൾ പുതിയ കേന്ദ്രത്തിൽ ലഭ്യമാകും. നിർധനരായ രോഗികൾക്ക് ചികിത്സയും പരിചരണവും തീർത്തും സൗജന്യമായിരിക്കും. മേലങ്ങാടിയിലെ ക്രിസ്റ്റൽ പ്ലാസ ഓഡിറ്റോറിയത്തിൽ നടന്ന ചടങ്ങിൽ കുറുക്കോളി മൊയ്തീൻ എംഎൽഎ അധ്യക്ഷത വഹിച്ചു. കളക്ടർ വി.ആർ. വിനോദ്, ജില്ലാ മെഡിക്കൽ ഓഫീസർ ഡോ.ആർ. രേണുക, ജില്ലാ സാമൂഹ്യനീതി ഓഫീസർ സമീർ മച്ചിങ്ങൽ എന്നിവർ വിവിധ വിഭാഗങ്ങൾ ഉദ്ഘാടനം ചെയ്തു. എ.പി. അസ്ലത്തിന്‍റെ മകനും ഗൾഫ് വ്യവസായിയുമായ റാഷിദ് അസ്ലം കൽപകഞ്ചേരി ഗ്രാമപഞ്ചായത്ത് പ്രസിഡന്‍റ് ഡോ. കെ.പി. വഹീദ, "തണൽ വടകര’യുടെ ചെയർമാൻ ഡോ. ഇദ്രീസ്, ഡോ. പി.എ. കബീർ എന്നിവർ പ്രസംഗിച്ചു.

ആരോഗ്യമന്ത്രിയുടെ രാജി ആവശ്യപ്പെട്ട് കോണ്‍ഗ്രസ് മാർച്ച്

ഏലംകുളം: ആരോഗ്യരംഗത്തെ അനാസ്ഥയ്ക്കെതിരേ വകുപ്പ് മന്ത്രി വീണാ ജോർജ് രാജിവയ്ക്കണമെന്നാവശ്യപ്പെട്ട് ഏലംകുളം മണ്ഡലം കോണ്‍ഗ്രസ് കമ്മിറ്റി ഏലംകുളം കുടുംബാരോഗ്യ കേന്ദ്രത്തിലേക്ക് മാർച്ചും ധർണയും നടത്തി. ഡിസിസി ജനറൽ സെക്രട്ടറി സി. സുകമാരൻ ധർണ ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്‍റ് ഹുസൈൻ മാടാല അധ്യക്ഷത വഹിച്ചു. ബ്ലോക്ക് കോണ്‍ഗ്രസ് വൈസ് പ്രസിഡന്‍റ് പി.കെ. കേശവൻ, മണികണ്ഠൻ, ബിന്ദു മോഹൻദാസ്, മഹിള കോണ്‍ഗ്രസ് മണ്ഡലം പ്രസിഡന്‍റ് ബിന്ദു ചക്കിങ്ങൽ, യൂത്ത് കോണ്‍ഗ്രസ് മണ്ഡലം പ്രസിഡന്‍റ് നവാസ് മാടയിൽ, സുബ്രഹ്മണ്യൻ, മുസ്തഫ, ജയൻ ചിത്രപുരി, നാരായണൻകുട്ടി, മുസ്തഫ, പ്രജീഷ് വാര്യർ, താജുദീൻ, ഉണ്ണികൃഷ്ണൻ, ഷൈജു എന്നിവർ പ്രസംഗിച്ചു.

മലയോര ഹൈവേ നിർമാണം തുടങ്ങും മുന്പേ ദിശാബോർഡ് സ്ഥാപിച്ചു : വട്ടം കറങ്ങി യാത്രക്കാർ

നിലന്പൂർ: നിലന്പൂർ-നായാടംപൊയിൽ മലയോര ഹൈവേ നിർമാണം തുടങ്ങും മുന്പേ ദിശാ ബോർഡ് സ്ഥാപിച്ച് പൊതുമരാമത്ത് വകുപ്പ്. വട്ടം കറങ്ങി യാത്രക്കാർ. നിലന്പൂർ വെളിയംതോട് ജംഗഷനിൽ നിന്ന് നിലന്പൂർ-നായാടംപൊയിൽ മലയോര ഹൈവേയുടെ ഭാഗത്താണ് പൊതുമരാമത്ത് വകുപ്പ് കൂറ്റൻ ബോർഡ് തിരക്കിട്ട് സ്ഥാപിച്ചത്. നിലന്പൂരിൽ നിന്ന് കോഴിക്കോട്, അരീക്കോട് ഭാഗങ്ങളിലേക്കുള്ള ദൂരം ഉൾപ്പെടെ രേഖപ്പെടുത്തിയാണ് ബോർഡ്. ഈ ബോർഡ് കണ്ട് ഇതിലൂടെ യാത്ര ചെയ്യുന്നവരാണ് ഏറെ ദുരിതത്തിലായിരിക്കുന്നത്. വർഷങ്ങളായി അറ്റകുറ്റപണി നടത്താത്ത ഈ റോഡിന്‍റെ പല ഭാഗങ്ങളും വലുതും ചെറുതുമായ ഗർത്തങ്ങൾ നിറഞ്ഞ് അപകടാവസ്ഥയിലാണ്. മലയോര ഹൈവേയുടെ പേരു പറഞ്ഞ് യഥാസമയം റോഡിലെ വലിയ ഗർത്തങ്ങൾ ഉൾപ്പെടെ അറ്റകുറ്റപണി നടത്താതെ അപകടാവസ്ഥയിൽ കിടക്കുന്പോഴാണ് പൊതുമരാമത്ത് ബോർഡ് സ്ഥാപിച്ചത്. തമിഴ്നാട്, കർണാടക സംസ്ഥാനങ്ങളിൽ നിന്നുൾപ്പെടെ എത്തുന്ന യാത്രക്കാരാണ് ബോർഡ് കണ്ട് ഈ റൂട്ടിലൂടെ വാഹനങ്ങളുമായി കടന്നുപോകുന്നത്. ബോർഡിൽ അരീക്കോട്, കോഴിക്കോട്, കക്കാടംപൊയിൽ ഭാഗങ്ങളാണ് രേഖപ്പെടുത്തിയിട്ടുള്ളത്. വെളിയംതോട് നിന്ന് 26 കിലോമീറ്റർ മതി അരീക്കോട്ടേക്ക് എത്താൻ. എന്നാൽ ഈ ബോർഡ് നോക്കി അരിക്കോട്ടേക്ക് പോകുന്നവർ 43 കിലോമീറ്റർ യാത്ര ചെയ്തു വേണം അരിക്കോട് എത്താൻ. ഈ ബോർഡ് വിശ്വസിച്ച് ടൂറിസ്റ്റ് ബസുകൾ ഉൾപ്പെടെ ഇതിലൂടെ പോയാൽ പകുതിവഴിയിൽ തിരിച്ച് മടങ്ങേണ്ടിവരും. നിലന്പൂരിൽ നിന്ന് കക്കാടംപൊയിൽ, തിരുവന്പാടി, കോഴിക്കോട് ഭാഗത്തേക്കുള്ള ദൂരം കാണിച്ച് വേണം ബോർഡ് വയ്ക്കാൻ. അതും മലയോര ഹൈവേയുടെ നിർമാണം പൂർത്തീകരിച്ച ശേഷവും. നിലവിൽ ബോർഡ് സ്ഥാപിച്ച പൊതുമരാമത്ത് വകുപ്പ് റോഡിലെ കുഴികളെങ്കിലും അടിയന്തരമായി അറ്റകുറ്റപണി നടത്തി ഗതാഗത യോഗ്യമാക്കണം. മലപ്പുറം ജില്ലയിലെ പ്രധാന വിനോദസഞ്ചാര കേന്ദ്രമായ കക്കാടംപൊയിൽ - വാളംതോട് ഭാഗങ്ങളിലേക്ക് ദിവസേന നൂറുക്കണക്കിന് വിനോദ സഞ്ചാരികൾ ഇരുചക്ര വാഹനങ്ങളിലുൾപ്പെടെ കടന്നുപോകുന്ന റോഡ് കൂടിയാണിത്. ബോർഡിൽ നിന്ന് അരീക്കോട് ഒഴിവാക്കി പകരം തിരുവന്പാടി എഴുതി ചേർത്ത് യാത്രക്കാരെ വട്ടം കറക്കുന്ന നടപടിയിൽ നിന്ന് പൊതുമരാമത്ത് വകുപ്പ് പിൻമാറണമെന്നാണ് നാട്ടുകാരുടെ ആവശ്യം.

മലയാളം അധ്യാപകര്‍ക്കായി ഏകദിന ശില്പശാല നടത്തി

മഞ്ചേരി: സിബിഎസ്ഇ മലപ്പുറം സെന്‍ട്രല്‍ സഹോദയ ജില്ലയിലെ സെക്കന്‍ഡറി സ്‌കൂള്‍ മലയാളം അധ്യാപകര്‍ക്കായി ഏകദിന പഠന ശില്പശാല സംഘടിപ്പിച്ചു. പരീക്ഷാ പരിഷ്‌കരണത്തിന്‍റെ ഭാഗമായാണ് ശില്പശാല സംഘടിപ്പിച്ചത്. മഞ്ചേരി നസ്‌റത്ത് സ്‌കൂളില്‍ സംഘടിപ്പിച്ച പരിശീലനം സ്‌കൂള്‍ മാനേജര്‍ മദര്‍ സുപ്പീരിയര്‍ സിസ്റ്റര്‍ കരോളിന്‍ ഉദ്ഘാടനം ചെയ്തു. സഹോദയ പ്രസിഡന്‍റ് നൗഫല്‍ പുത്തന്‍പീടിയേക്കല്‍ അധ്യക്ഷത വഹിച്ചു. നസ്‌റത്ത് സ്‌കൂള്‍ പ്രിന്‍സിപ്പല്‍ സിസ്റ്റര്‍ ഡോ. സിജി മുഖ്യപ്രഭാഷണം നടത്തി. സഹോദയ ജോയിന്‍റ് സെക്രട്ടറി ഫാ. ഡോ. തോമസ് മുഖ്യാതിഥിയായിരുന്നു. സിസ്റ്റര്‍ സുബിനി, ധന്യ എന്നിവര്‍ സംസാരിച്ചു. പുതിയ പാഠ്യപദ്ധതി, ചോദ്യപേപ്പര്‍ നിര്‍മാണം, മൂല്യനിര്‍ണയ ഉപാധികള്‍, ദേശീയ പാഠ്യപദ്ധതി തുടങ്ങിയ മൊഡ്യൂളുകളില്‍ ജില്ലയിലെ അഫിലിയേറ്റഡ് സ്‌കൂളുകളിലെ 70 അധ്യാപകര്‍ പരിശീലനത്തിനെത്തി.

കാട്ടാനശല്യം: കേരള കര്‍ഷക സംഘം വനംഓഫീസിലേക്ക് മാര്‍ച്ച് നടത്തി

എടക്കര: ചുങ്കത്തറയുടെ വിവിധ ഭാഗങ്ങളിലെ കാട്ടാനശല്യത്തിനെതിരേ കേരള കര്‍ഷക സംഘം പഞ്ചായത്ത് കമ്മിറ്റിയുടെ നേതൃത്വത്തില്‍ പൂച്ചക്കുത്ത് വനംഔട്ട് പോസ്റ്റിലേക്ക് പ്രതിഷേധ മാര്‍ച്ച് നടത്തി. കൃഷി നശിപ്പിക്കുന്ന വന്യമൃഗങ്ങളെ തുരത്തുക, കൃഷിനാശം സംഭവിച്ച കര്‍ഷകര്‍ക്ക് അര്‍ഹമായ നഷ്ടപരിഹാരം നല്‍കുക, വന്യമൃഗശല്യത്തിന് ശാശ്വത പരിഹാരം കാണുക എന്നീ ആവശ്യങ്ങള്‍ ഉന്നയിച്ചായിരുന്നു സമരം. സിപിഎം ഏരിയ സെന്‍റര്‍ അംഗം പി. ഷെഹീര്‍ ഉദ്ഘാടനം ചെയ്തു. പി.ടി. യോഹന്നാന്‍ അധ്യക്ഷത വഹിച്ചു. ജില്ലാ പഞ്ചായത്ത് അംഗം ഷെറോണ റോയി, സിപിഎം ചുങ്കത്തറ ലോക്കല്‍ സെക്രട്ടറി സി. ബാലകൃഷ്ണന്‍, കര്‍ഷക സംഘം പഞ്ചായത്ത് സെക്രട്ടറി ഇ.എ. മാര്‍ക്കോസ്, വില്‍സണ്‍, കെ.കെ. പൗലോസ്, ബിന്ദു കുരിക്കാശേരി, വി.പി. ഹാന്‍സി, ഷാജഹാന്‍ ചേലൂര്‍, കെ.ബി. ബിനീഷ്, പി.എന്‍. ജിജിന്‍ എന്നിവര്‍ സംസാരിച്ചു.

കാറ്റിൽ കരുവാരകുണ്ട് മേഖലയിൽ കനത്ത നഷ്ടം

കരുവാരകുണ്ട്: കഴിഞ്ഞ ദിവസം കരുവാരകുണ്ട് മേഖലയിൽ അനുഭവപ്പെട്ട കനത്ത കാറ്റിൽ പരക്കെ നാശനഷ്ടം. റബർ, കമുക്, വാഴ, കപ്പ തുടങ്ങിയ കാർഷിക വിളകൾക്ക് വൻ നഷ്ടമാണ് സംഭവിച്ചത്. കരുവാരകുണ്ട് ചുള്ളിയോട് മരങ്ങൾ ഒടിഞ്ഞുവീണ് വൈദ്യുതി കാലുകളും ലൈനും തകർന്നു. നിരവധി ആളുകളുടെ കാർഷിക വിളകൾ ഒന്നാകെ നശിച്ചു.

വര്‍ണക്കൂടാരം ഉദ്ഘാടനം ചെയ്തു

എടക്കര: മരുത ഗവ. ഹൈസ്‌കൂളിലെ പ്രീ പ്രൈമറി വിഭാഗത്തില്‍ ഒരുക്കിയ വര്‍ണക്കൂടാരം പദ്ധതി ആര്യാടന്‍ ഷൗക്കത്ത് എംഎല്‍എ ഉദ്ഘാടനം ചെയ്തു. പൊതുവിദ്യാഭ്യാസ വകുപ്പ് സമഗ്ര ശിക്ഷ കേരളം വഴി 10ലക്ഷം ചെലവിട്ടാണ് വര്‍ണക്കൂടാരം നിര്‍മാണം പൂര്‍ത്തിയാക്കിയത്. വഴിക്കടവ് ഗ്രാമപഞ്ചായത്ത് പ്രസിഡന്‍റ് തങ്കമ്മ നെടുമ്പടി അധ്യക്ഷത വഹിച്ചു. ഡിപിസി ടി. അബ്ദുല്‍ സലീം മുഖ്യാതിഥിയായിരുന്നു. വിദ്യാകിരണം ജില്ല കോഓര്‍ഡിനേറ്റര്‍ സുരേഷ് കൊളശേരി പദ്ധതി വിശദീകരിച്ചു. ബ്ലോക്ക് പഞ്ചായത്ത് വൈസ് പ്രസിഡന്‍റ് പാത്തുമ്മ ഇസ്മായില്‍, ഗ്രാമപഞ്ചായത്ത് വൈസ് പ്രസിഡന്‍റ് റെജി ജോസഫ് കണ്ടത്തില്‍, പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ജെയ്‌മോള്‍ വര്‍ഗീസ്, പഞ്ചായത്തംഗങ്ങളായ സി.കെ. നാസര്‍, എം. ശിഹാബ്, മുപ്ര സെയ്തലവി, പ്രധാനാധ്യാപിക എം.ജെ. സിസിലി, നിലമ്പൂര്‍ എഇഒ ജേക്കബ് സത്യന്‍, ബിപിസി എ. ജയന്‍, ബിആര്‍സി ട്രെയിനര്‍ ടി.പി. രമ്യ, അധ്യാപക രക്ഷാകര്‍തൃ സമിതി ഭാരവാഹികള്‍, വിവിധകക്ഷിനേതാക്കള്‍ എന്നിവര്‍ ചടങ്ങില്‍ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]