പെരിന്തല്മണ്ണ: കേരളാ ക്രിക്കറ്റ് അസോസിയേഷന് നടത്തുന്ന രണ്ടാമത് എന്എസ്കെ ട്രോഫി ടി20 ഓള് കേരളാ ക്രിക്കറ്റ് ടൂര്ണമെന്റിനുള്ള മലപ്പുറം ജില്ലാ സീനിയര് പുരുഷ ടീമിന്റെ സെലക്ഷന് 12നു രാവിലെ ഒമ്പതിനു പെരിന്തല്മണ്ണ ക്രിക്കറ്റ് സ്റ്റേഡിയത്തില് നടക്കും.
ജില്ലാ ക്രിക്കറ്റ് അസോസിയേഷന്റെ 23 വയസിനു താഴെയുള്ള വനിതാ ക്രിക്കറ്റ് ടീമിന്റെ സെലക്ഷനും അന്നേദിവസം രാവിലെ ഒമ്പതിനു ഇതേ സ്റ്റേഡിയത്തില് നടക്കും. 23 വയസിനു താഴെയുള്ള പെണ്കുട്ടികള് 2001 സെപ്റ്റംബര് ഒന്നിനോ അതിനു ശേഷമോ ജനിച്ചവരായിരിക്കണം. പങ്കെടുക്കാന് ആഗ്രഹിക്കുന്നവര് അന്നേ ദിവസം രാവിലെ കളിയുപകരണങ്ങളും ക്രിക്കറ്റ് യൂണിഫോമും രജിസ്ട്രേഷന് ഫീസും സഹിതം എത്തണമെന്നു ജില്ലാ ക്രിക്കറ്റ് അസോസിയേഷന് സെക്രട്ടറി അറിയിച്ചു.