ഏ​ഴ​ര കി​ലോ ക​ഞ്ചാ​വു​മാ​യി ഇ​ത​ര​സം​സ്ഥാ​ന തൊ​ഴി​ലാ​ളി​ക​ള്‍ പി​ടി​യി​ല്‍
Sunday, February 25, 2024 5:00 AM IST
കൊ​ണ്ടോ​ട്ടി: കൊ​ണ്ടോ​ട്ടി കേ​ന്ദ്രീ​ക​രി​ച്ച് വി​ല്‍​പ്പ​ന​ക്കാ​യി എ​ത്തി​ച്ച ക​ഞ്ചാ​വു​മാ​യി ര​ണ്ടു ഇ​ത​ര സം​സ്ഥാ​ന തൊ​ഴി​ലാ​ളി​ക​ള്‍ പോ​ലീ​സി​ന്‍റെ പി​ടി​യി​ലാ​യി. വെ​സ്റ്റ് ബം​ഗാ​ള്‍ ബ​ര്‍​ധ​മാ​ന്‍ മ​ന്‍​ഡേ​ശ്വ​ര്‍ സ്വ​ദേ​ശി​ക​ളാ​യ അ​സ്ഫ​ര്‍ അ​ലി (32), മ​ക്ബു​ല്‍ ഷെ​യ്ക്ക് (36) എ​ന്നി​വ​രാ​ണ് പി​ടി​യി​ലാ​യ​ത്. ബം​ഗാ​ളി​ല്‍ നി​ന്ന് ഇ​ന്ന​ലെ പു​ല​ര്‍​ച്ചെ​യാ​ണ് അ​സ്ഫ​ര്‍ അ​ലി ട്രെ​യി​ന്‍ മാ​ര്‍​ഗം ക​ഞ്ചാ​വ് നാ​ട്ടി​ലെ​ത്തി​ച്ച​ത്.

തു​ട​ര്‍​ന്ന് കൊ​ണ്ടോ​ട്ടി നീ​റ്റാ​ണി​മ്മ​ല്‍ എ​ന്ന സ്ഥ​ല​ത്തു വ​ച്ച് ഇ​വ കൈ​മാ​റാ​ന്‍ ശ്ര​മി​ക്കു​ന്ന​തി​നി​ടെ​യാ​ണ് ര​ണ്ടു​പേ​രും പി​ടി​യി​ലാ​യ​ത്. നാ​ട്ടി​ല്‍ നി​ന്നു കൊ​ണ്ടു​വ​രു​ന്ന ക​ഞ്ചാ​വ് ചെ​റി​യ പാ​ക്ക​റ്റു​ക​ളി​ലാ​ക്കി​യാ​ണ് വ​ന്‍ തോ​തി​ല്‍ ഇ​വ​ര്‍ തൊ​ഴി​ലാ​ളി​ക​ള്‍​ക്കി​ട​യി​ല്‍ വി​ല്‍​പ്പ​ന ന​ട​ത്തു​ന്ന​ത്. കൊ​ണ്ടോ​ട്ടി കേ​ന്ദ്രീ​ക​രി​ച്ച് ഇ​ത​ര​സം​സ്ഥാ​ന തൊ​ഴി​ലാ​ളി​ക​ള്‍​ക്കി​ട​യി​ല്‍ ല​ഹ​രി മ​രു​ന്ന് വി​ല്‍​പ്പ​ന ന​ട​ത്തി​വ​ന്ന സം​ഘ​ത്തി​ലെ പ്ര​ധാ​നി​ക​ളാ​ണ് പി​ടി​യി​ലാ​യ​ത്. പി​ടി​യി​ലാ​യ അ​സ്ഫ​ര്‍ അ​ലി ബം​ഗാ​ളി​ല്‍ കൊ​ല​പാ​ത​ക ശ്ര​മ​ക്കേ​സി​ല്‍ പ്ര​തി​യാ​ണ്.


ജി​ല്ലാ പോ​ലീ​സ് മേ​ധാ​വി എ​സ്. ശ​ശി​ധ​ര​ന് ല​ഭി​ച്ച ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ല്‍ കൊ​ണ്ടോ​ട്ടി ഡി​വൈ​എ​സ്പി സി​ദ്ദി​ഖി​ന്‍റെ നേ​തൃ​ത്വ​ത്തി​ല്‍ കൊ​ണ്ടോ​ട്ടി ഇ​ന്‍​സ്പ​ക​ര്‍ ദീ​പ​കു​മാ​ര്‍, സ​ബ്ഇ​ന്‍​സ്പെ​ക്ട​ര്‍ സൂ​ര​ജ്, സി​വി​ല്‍ പോ​ലീ​സ് ഓ​ഫീ​സ​ര്‍​മാ​രാ​യ സു​ബ്ര​ഹ്മ​ണ്യ​ന്‍, അ​ജി​ത്ത്, ഹ​രി​ലാ​ല്‍ എ​ന്നി​വ​രും ഡാ​ന്‍​സ​ഫ് ടീ​മും ചേ​ര്‍​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്.

Copyright @ 2022 , Rashtra Deepika Ltd.