പെ​രി​ന്ത​ൽ​മ​ണ്ണ: പെ​രി​ന്ത​ൽ​മ​ണ്ണ ജി​ല്ലാ ആ​ശു​പ​ത്രി​യി​ൽ ഇ​താ​ദ്യ​മാ​യി കാ​ൽ​മു​ട്ട് മാ​റ്റി​വ​യ്ക്ക​ൽ ശ​സ്ത്ര​ക്രി​യ ന​ട​ത്തി. കു​റ്റി​പ്പു​റം സ്വ​ദേ​ശി​നി​യാ​യ ല​ക്ഷ്മി​അ​മ്മ​യു​ടെ (63) ഇ​ട​ത്തെ കാ​ൽ​മു​ട്ട് മാ​റ്റി​വ​യ്ക്ക​ൽ ശ​സ്ത്ര​ക്രി​യ​യാ​ണ് ജി​ല്ലാ ആ​ശു​പ​ത്രി​യി​ൽ ന​ട​ത്തി​യ​ത്.

സ്വ​കാ​ര്യാ​ശു​പ​ത്രി​ക​ളി​ൽ ര​ണ്ടു​ല​ക്ഷം രൂ​പ​ക്ക് മു​ക​ളി​ൽ ഫീ​സ് ഈ​ടാ​ക്കി​യാ​ണ് കാ​ൽ​മു​ട്ട് മാ​റ്റി​വ​യ്ക്ക​ൽ ശ​സ്ത്ര​ക്രി​യ ന​ട​ത്തു​ന്ന​ത്. പെ​രി​ന്ത​ൽ​മ​ണ്ണ ജി​ല്ലാ ആ​ശു​പ​ത്രി​യി​ലെ ഓ​ർ​ത്തോ​വി​ഭാ​ഗം ഡോ.​സി. അ​നൂ​പി​ന്‍റെ നേ​തൃ​ത്വ​ത്തി​ലാ​യി​രു​ന്നു ശ​സ്ത്ര​ക്രി​യ. ക​ഴി​ഞ്ഞ 19 നാ​ണ് ല​ക്ഷ്മി​അ​മ്മ ജി​ല്ലാ ആ​ശു​പ​ത്രി​യി​ൽ ചി​കി​ത്സ തേ​ടി​യെ​ത്തി​യ​ത്.

22 നാ​യി​രു​ന്നു ശ​സ്ത്ര​ക്രി​യ. ആ​റു​മാ​സം മു​ന്പ് കു​റ്റി​പ്പു​റം താ​ലൂ​ക്കാ​ശു​പ​ത്രി​യി​ൽ ഇ​തേ ഡോ​ക്ട​ർ ല​ക്ഷ്മി​അ​മ്മ​യു​ടെ വ​ല​തു​കാ​ൽ​മു​ട്ട് ശാ​സ്ത്ര​ക്രി​യ ചെ​യ്തി​രു​ന്നു. പി​ന്നീ​ട് ഡോ.​അ​നൂ​പ് പെ​രി​ന്ത​ൽ​മ​ണ്ണ ഗ​വ​ണ്‍​മെ​ന്‍റ് ആ​ശു​പ​ത്രിയി​ലേ​ക്ക് സ്ഥ​ലം മാ​റി​യ​തോ​ടെ​യാ​ണ് ല​ക്ഷ്മി​അ​മ്മ​യു​ടെ ഇ​ട​ത്തെ​കാ​ലി​ന്‍റെ​യും ശ​സ്ത്ര​ക്രി​യ​ക്കാ​യി പെ​രി​ന്ത​ൽ​മ​ണ്ണ​യി​ൽ ജി​ല്ലാ​ശു​പ​ത്രി​യി​ലെ​ത്തി​യ​ത്.

വി​ദേ​ശ​ത്തു നി​ന്നു ഇ​റ​ക്കു​മ​തി ചെ​യ്ത ഉ​പ​ക​ര​ണ​മാ​ണ് ശ​സ്ത്ര​ക്രി​യ​യി​ലൂ​ടെ കാ​ൽ​മു​ട്ടി​ൽ ഘ​ടി​പ്പി​ക്കു​ക. ഉ​പ​ക​ര​ണം ഇ​റ​ക്കു​മ​തി ചെ​യ്യാ​ൻ പ​ണം ക​ണ്ടെ​ത്ത​ണം. ഡോ​ക്ട​ർ അ​നൂ​പി​നൊ​പ്പം ഡോ.​സ​ലീ​ന, ഡോ. ​നൗ​ഷ, ന​ഴ്സു​മാ​രാ​യ രു​ഗ്മ, സ​ന്ധ്യ, ര​ഞ്ജി​നി, ഷാ​ന, ഗോ​പാ​ല​കൃ​ഷ്ണ​ൻ തു​ട​ങ്ങി​യ​വ​ർ ശ​സ്ത്ര​ക്രി​യ സം​ഘ​ത്തി​ലു​ണ്ടാ​യി​രു​ന്നു. ശ​സ്ത്ര​ക്രി​യ ക​ഴി​ഞ്ഞ് ആ​റാം ദി​വ​സം ല​ക്ഷ്മി​അ​മ്മ വാ​ക്ക​റി​ന്‍റെ സ​ഹാ​യ​ത്തോ​ടെ വീ​ട്ടി​ലേ​ക്ക് മ​ട​ങ്ങി.